- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوننىڭ جەر سىلكىنىسىنە قارسى اتتانىپ، اپاتتان قۇتقارۋ جونىندەگى جۇمىس باسى قولباسشىلىق شتابى اقپار جاريالاۋ ءماجىلىسىن اشتى
گۇما اۋدانىنداعى اپات احۋالىن جانە اپاتتان قۇتقارۋ جاعدايىن حابارلادى: جەر سىلكىنىسى جويقىن، زيان اۋىر بولدى؛ 214 جارالى تولىعىمەن ەمدەلۋدە؛ قۇتقارۋ بۇيىمدارى تەگىس قولعا ءتيدى؛ اپات رايونى تۇرمىسقا قاجەتتى زاتتارمەن نەگىزىنەن قامتاماسىز ەتىلدى، قوعام ورنىقتى بولدى
2015.07.06 13:58 كەلۋ قاينارى : ءتاڭىرتاۋ تورابى
5 - شىلدە كۇنى ساعات 19 دان 30 مينۋت وتكەندە، اۆتونوميالى رايوننىڭ جەر سىلكىنىسىنە قارسى اتتانىپ، اپاتتان قۇتقارۋ جونىندەگى جۇمىس باسى قولباسشىلىق شتابى گۇما اۋداندىق پارتكومنىڭ اۋلاسىندا اقپار جاريالاۋ ءماجىلىسىن اشىپ، گۇما اۋدانىنداعى اپات احۋالىن جانە اپاتتان قۇتقارۋ جاعدايىن حابارلادى: جەر سىلكىنىسىنەن 214 ادام جارالاندى، بۇنىڭ ىشىندە 17 ادام اۋىر جارالى. 5 - شىلدە كۇنى ساعات 15 تەن 30 مينۋد وتكەنگە دەيىن، اپات رايونىندا 891 رەت قالدىق سىلكىنىس ەستەلىككە الىندى. وسى رەتكى جەر سىلكىنىسى حوتان، قاشقار ايماعىنداعى 10 اۋدان (قالا) قالاعا ىقپال ەتىپ، 230 مىڭنان كوبىرەك ادام اپاتقا ۇشىرادى، 93 مىڭنان اسا ادام جەدەل تۇردە كوشىرىلدى؛ 48 مىڭنان اسا وتباسىنىڭ ءۇيى ءبۇلىندى، بۇنىڭ ىشىندە 36 مىڭ اۋىز ءۇي قۇلادى. اپاتتا قازاعا ۇشىراعان 3 ادام 3 - شىلدە كۇنى جەرلەندى.
ماجىلىستە حوتان ايماقتىق اكىمشىلىك مەكەمەسىنىڭ ورىنباسار ءۋاليى الىپ ابىلميت ورتالىق پەن اۆتونوميالى رايوننىڭ اقپارات قۇرالدارىنا ايماق ۇشىراعان اپاتتىڭ احۋالىن جانە اپاتتان قۇتقارۋ قىزمەتىنىڭ جاعدايىن حابارلادى. اۆتونوميالى رايوندىق تۇرعىن ءۇي جانە قالا - اۋىل قۇرىلىسى مەڭگەرمەسى، جەر سىلكىنىسىن باقىلاۋ مەكەمەسى، حالىق ىستەرى مەڭگەرمەسى، گۇما اۋدانى، بيڭتۋاننىڭ 14 - ديۆيزياسى سياقتى قاتىستى ورىنداردىڭ جاۋاپتىلارى جەر سىلكىنىسىنە قارسى اتتانىپ، اپاتتان قۇتقارۋدىڭ جاعدايى تانىستىردى.
وسى رەتكى ءزىلزالا اۋىر شىعىن تۋدىردى. پارتيا ورتالىق كوميتەتى، مەملەكەتتىك كەڭەس باسا نازار اۋدارىپ، ادام شىعىنى مەن حالىقتىڭ مال - مۇلىك شىعىنىنان مۇمكىندىگىنشە ساقتانىپ، جەر سىلكىنىسىنە قارسى اتتانىپ، اپاتتان قۇتقارۋ جانە اپاتتان كەيىن حالىق جۇرتشىلىعىنىڭ تۇرمىسىن قامتاماسىز ەتۋ قىزمەتىن ويداعىداي ىستەۋ جونىندە ايقىن نۇسقاۋ بەردى. مەملەكەتتىڭ قاتىستى مينسترلىك - كوميتەتتەرى تىزگىن ۇشىندا جەدەل جوبانى ىسكە قوسىپ، قىزمەتكە جەتەكشىلىك ەتۋگە ارنايى ادام، ارنايى جۇمىس توبىن جىبەردى. اۆتونوميالى رايون اپاتتان قۇتقارۋدىڭ 2 - دارەجەلى جەدەل جوباسىن ىسكە قوسىپ، اۆتونوميالى رايوندىق قولباسشىلىق شتابىن جانە اۆتونوميالى رايوننىڭ حوتان ايماعىنداعى جۇمىس باسى قولباسشىلىق شتابىن ۇيىمداستىرىپ، اۆتونوميالى رايوندىق پارتكومنىڭ اپاتتان قۇتقارۋ قىزمەتى جونىندەگى ورنالاستىرۋلارىن تياناقتاندىردى. اۆتونوميالى رايوننىڭ جەر سىلكىنىسى، حالىق ىستەرى، دەنساۋلىق ساقتاۋ، تۇرعىن ءۇي جانە قالا - اۋىل قۇرىلىسى، قازىنا، ت.ب. تاراۋلارى جەدەل جوبانى ىسكە قوستى، ءار جاقتىڭ اپاتتان قۇتقارۋشى كۇشتەرى مەن جاردەم زاتتارى اپات رايونىنا تىزگىن ۇشىندا جەتكىزىلدى.
اۆتونوميالى رايون اجىراتقان 20 ميلليون يۋان، حوتان ايماعى اجىراتقان 10 ميلليون يۋان قارجى تولىعىمەن تياناقتاندى؛ مەملەكەتتىك حالىق ىستەرى مينيسترلىگى، اۆتونوميالى رايوندىق حالىق ىستەرى مەڭگەرمەسى جەدەل جاردەم رەتىندە بەرگەن 6200 شاتىر، 3200 بۇكتەمەلى توسەك، 8000 كورپە، 7000 ماقتالى ىشىك، 3000 تۇنەمەل قاپ سياقتى بۇيىمدار تولىعىمەن مۇقتاج جانداردىڭ قولىنا ءتيدى؛ اۆتونوميالى رايوندىق جەر سىلكىنىسىن باقىلاۋ مەكەمەسى ىلگەرى - كەيىن 3 رەت 37 ادامنان ۇيىمداسقان قىزمەت اترەتىن اپات رايونىنا جىبەرىپ، اپات جاعدايى جونىندە تەكسەرۋ جۇرگىزدى؛ ەمدەۋ، دەنساۋلىق ساقتاۋ سالاسىنىڭ جاردەمشى كۇشتەرى اپات رايونىنا تىزگىن ۇشىندا جەتىپ ۇلگەرىپ، جارالىلاردى ەمدەۋ قىزمەتىن جۇرگىزدى، 214 جارالى تۇگەل ەمدەلۋدە، بۇنىڭ ىشىندە اۋىر جارالى 17 ادام حوتان ايماقتىق شيپاحاناعا جەتكىزىلدى، گيگەنيا جانە ىندەتتەن ساقتانۋ قىزمەتتەرى دە جاپپاي جولعا قويىلدى؛ اپات رايونىنىڭ سۋ، ەلەكتر، جول قاتىناسى، بايلانىس سياقتى نەگىزدىك قۇرىلعىلارى شۇعىل جوندەۋدەن ءوتىپ، تولىعىمەن قالپىنا كەلدى؛ بۇقارا تاماقتان، كيىمنەن، ءدارى - دارمەكتەن تارىقپادى، جاتىن ورنى دايىن، تازا سۋمەن قامتاماسىز ەتىلدى.
ماجىلىستە قاشقار ايماعىنداعى اپات جاعدايى دا حابارلاندىرىلدى، وسى رەتكى جەر سىلكىنىسىندە، قاشقار ايماعى بويىنشا 6300 دەن اسا ادام اپاتقا ۇشىراپ، 3000 نان كوبىرەك ادام جەدەل كوشىرىلدى.
بيڭتۋان 14 - ديۆيزياسىنىڭ مالىمدەمەشىسى 14 - ديۆيزيانىڭ ءوزىن قۇتقارۋ جانە گۇما اۋدانىنىڭ اپاتتان قۇتقارۋ قىزمەتىنە كومەكتەسۋ جاعدايىن تانىستىردى.
الداعى جەردە، جەر سىلكىنىسىنە قارسى اتتانىپ، اپاتتان قۇتقارۋ قىزمەتىندە، ورتالىقتىڭ نۇسقاۋى مەن تالاپتارى بويىنشا، جارالىلاردى قۇتقارۋعا كۇش سالىنىپ، ىندەتتەن ساقتانۋ قىزمەتى كۇشەيتىلەدى؛ اپاتقا ۇشىراعان بۇقارانى ورنالاستىرۋ قىزمەتى ويداعىداي ىستەلەدى؛ اپات جاعدايىن تەكسەرۋ، ساراپتاۋ قىزمەتى جەدەل جۇرگىزىلەدى؛ ينفورماتسيا جاريالاۋ قىزمەتى جاقسى ىستەلەدى؛ اپات رايونى مەن بۇكىل قوعامنىڭ ورنىقتىلىعى ساقتالادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
