- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«شينجياڭعا ماحاببات. اۋىلعا ساياحات» قىس قىزىعىن اسىردى
ۋاڭ يايۇن
2016.04.06 13:47 كەلۋ قاينارى : شينجياڭ گازەتى
19 - ناۋرىزدا ءپىشاننىڭ 7 - كەزەكتى «قۇمداعى كوكتەم» اتتى ساياحات مادەنيەت مەرەكەسى شىمىلدىعىن اشتى، قۇمتاع ءشولى كورىنىس رايونىنىڭ قاقپاسىنىڭ الدىندا بىرنەشە ءتۇپ ورىك گۇلى اشىلىپ، ساياحاتشىلارعا كوكتەم لەبىن اكەلگەندەي. وسىلايشا، تۇتاس شينجياڭدا كوكتەمگى ساياحات تا باستالدى. ايتسەدە، ەندى عانا وتكەن قارلى ماۋسىم دا بىزگە وتە كوپ ەستەمەلەر قالدىردى.
شاڭعى الاڭدارى دۋمانداپ، كىرىس مولايىپ، ساياحاتشىلار ەسەلەپ ارتتى
2015 - جىلى 30 - قاراشادان 2016 - جىلى ناۋرىزعا دەيىن شينجياڭعا ساياحاتتاي كەلگەن ۇيىرمە سانى 1519عا جەتىپ، بىلتىرعى سول تۇستاعىدان %85 ارتىپ، جالپى ادام سانى بىلتىرعى سول تۇستاعىدان %169 مولايعان. 15 - ناۋرىزدا اۆتونوميالى رايوندىق ساياحات مەكەمەسىنىڭ ۇگىتتەۋ، تانىستىرۋ ورتالىعىنىڭ مەڭگەرۋشىسى جاۋ حىلين: 2015 - جىلى 1 - قاراشادا 2015 - 2016 - جىلعى «شينجياڭعا ماحاببات. اۋىلعا ساياحات» اتىنداعى قىس - كوكتەمگى ساياحات رەسمي باستالعاننان بەرى، تەك شينجياڭنىڭ وزىندەگى ساياحاتشى 20 نەشە مىڭ ادامعا جەتتى، تۇتاس قىس ماۋسىمىندا شينجياڭنىڭ قابىلداعان ساياحاتشى سانى 24 ميلليوننان استام ادامعا جەتەتىندىگى مەجەلەنۋدە، - دەدى.
− ابزال جاعراپيالىق ورتاسى مەن وزىق اسپاپتارى بولعاندىعىنان جىبەك جولى حالىقارالىق سەيىل - سەرۋەن رايونىنىڭ تاۋ شاڭعى جولىندا ءساۋىردىڭ باس شەنىنە دەيىن شاڭعى تەبۋگە بولادى، - دەيدى جىبەك جولى حالىقارالىق سەيىل - سەرۋەن رايونىنىڭ ورىنباسار ديرەكتورى حۋاڭ حى. «دۇنيەدەگى ەڭ جىلى قار شاڭعى الاڭى» − جىبەك جولى حالىقارالىق سەيىل - سەرۋەن رايونىنىڭ قار شاڭعى الاڭىنىڭ شاڭعى تەبۋ ۋاقىتى 27 - ناۋرىزعا دەيىن جالعاسىپ، بۇرىنعى جىلدارداعىدان ءبىر اپتاداي ۇزاردى، بۇل قارلى ماۋسىمى ەڭ ۇزاق بولعان باتىس تەرىستىك رايوندارداعى امبەباپ قار شاڭعى الاڭىنا اينالدى.
ۇعىسۋىمىزشا، مەملەكەتتىك 13 - كەزەكتى قىسقى سپورت جارىسىنىڭ ىقپالىنان، ءوتىپ بارا جاتقان قارلى ماۋسىمدا ۇرىمجىدەگى قار شاڭعى الاڭدارىنىڭ كىرىسى، ات باسىن بۇرعان ساياحاتشىلار دەرلىك ارتقان. ۋيستى قار شاڭعى الاڭىندا ساياحاتشىلار بىلتىرعىدان %30 شاماسىندا مولايسا، تيانشان بوعدا حالىقارالىق قار شاڭعى الاڭىندا ساياحاتشىلار %50 اينالاسىندا ارتىپ، قار شاڭعى الاڭدارىنىڭ دا وسى قىستاعى كىرىستەرى بىلتىرعى سول تۇستاعىدان %20 تە %30 ارتقان.
قيمىلدار مولايىپ، كاسىپ تىزبەگى قالىپتاسۋدا
«شينجياڭعا ماحاببات. اۋىلعا ساياحات» اتىنداعى ساياحات ماركاسىن قازىر جۇرتتىڭ ءبارى بىلەدى، شينجياڭنىڭ قىس - كوكتەمگى ساياحات ونىمدەرى مولايىپ، مازمۇنى بايىپ، ساياحاتتىڭ تۇتىنۋدى جەبەۋ رولى كورنەكتىلەنە ءتۇستى. جاۋ حىليننىڭ تانىستىرۋىنا قاراعاندا، 15 - ناۋرىزعا دەيىن، «شينجياڭعا ماحاببات. اۋىلعا ساياحات» اتىنداعى قىس - كوكتەمگى ساياحات تاقىرىپتىق قيمىلىنان 42 رەت وتكىزىلىپ، وتباسىنداعىلارمەن بىرگە ساياحاتتاۋ، اراسانعا ساياحات، سالت - سانا ساياحاتى، اۋىل - قىستاق ساياحاتى، قار - مۇز ساياحاتى سياقتى تاقىرىپتاردى قامتىدى، مۇنىڭ ىشىندە «جىبەك جولى + قار - مۇز ساياحاتى + سالت - سانا ساياحاتى» سىندى قىس ماۋسىمىنداعى ساياحات جيىنتىق ونىمدەرى قىرۋار ساياحاتشىنى باۋرادى.
ۇعىسۋىمىزشا، 2012 - جىلى اۆتونوميالى رايونىمىز تۇڭعىش رەت «شينجياڭعا ماحاببات. اۋىلعا ساياحات» اتىنداعى جەلىلەس تاقىرىپتىق قيمىلداردى باستاپ، سالت - سانا، ادەت - عۇرىپ، قار - مۇز الەمى، مادەنيەت مۇرالار، ەجەلگى ەسكەرتكىشتەر سياقتى 10 ءىرى جەلىلەس قيمىلدى دەن قويا ۇيىمداستىردى؛ 2013 - جىلى 40 تاقىرىپتىق قيمىل وزدىرىپ، ورتا ەسەپپەن ءار 5 كۇندە ءبىر رەت وتكىزىپ وتىرعان؛ 2014 - جىلى 55 ءىرى تاقىرىپتىق قيمىل ۇيىمداستىرىپ، ورتا ەسەپپەن ءار 3 كۇندە ءبىر رەت قيمىل وتكىزگەن. ال 2015 - جىلى قىس - كوكتەمگى ساياحات مەزگىلىندە 72 تاقىرىپتىق قيمىل وزدىرۋدى جوسپارلاپتى.
قوسىمشا قاراجات بەرىلىپ، بۇقارا تيىمدىلىككە كەنەلىپ، ساياحاتقا جابال قاتىناستى
ساپالى، ارزان بولۋ تۇتىنۋشىلاردىڭ تالپىناتىن اقىرعى نىساناسى. «شينجياڭعا ماحاببات. اۋىلعا ساياحات» اتىنداعى قىس - كوكتەمگى تاقىرىپتىق قيمىل بازارداعى ۇقساس ساياحات ونىمدەرىمەن سالىستىرعاندا باعاسى ءتىپتى دە ءتيىمدى، جوعارى ساپالى، ونىڭ ۇستىنە ەرەكشەلىككە ءمان بەرگەن ابزالدىلىعىمەن ساياحاتشىلاردىڭ نەگىزگى تالعامىنا اينالدى.
بيىلعى «شينجياڭعا ماحاببات. اۋىلعا ساياحات» اتىنداعى قىس - كوكتەمگى ساياحاتقا اۆتونوميالى رايوندىق ساياحات مەكەمەسى 20 ميلليون يۋان ارناۋلى قاراجات ءبولىپ، «ءبىر كارتچكا» جانە قوسىمشا قاراجات بەرۋ ادىسىمەن بىرلەستىرىپ، قازىنا قارجىسىنىڭ بازارعا ءجون سىلتەۋ جانە ونى جەتىلدىرۋ فۋنكتسياسىن تولىق ساۋلەلەندىرىپ، ۇكىمەت قوسىمشا قاراجات بەرۋ ساياساتى مەن بازارلانعان توپتىق ساتىپ الۋ فورماسى ارقىلى ساياحاتتاعى قۇرامداردىڭ وزىندىك قۇنىن تومەندەتۋدى حالىققا تيىمدىلىك جەتكىزۋ نىساناسىنا ءونىمدى تۇردە بەيىمدەپ، اناعۇرلىم كوپ بۇقارانى ناقتى تيىمدىلىكتەن يگىلىكتەندىردى.
تانىستىرۋعا قاراعاندا، بوعدا «تايقازان قوي ەتى» مەرەكەسىندە بۇعان قاتىسقان ساياحاتشىلار بازاردان %30تەن جوعارى تيىمدىلىك باعادان يگىلىكتەنەدى ەكەن، قيمىلعا قاتىسقان ۇيىرمەدەگى ساياحاتشىلار ءبىر كۇندە 2000 ادامعا جۋىقتاعان. تيانشان شاتقالىندا وتكىزىلگەن قار - مۇز سپورتى بىرلەسپە قيمىلىندا ءار ادام 50 يۋان تولەيدى، اۆتوكولىك اپارىپ - اكەلەدى، ءبىر رەتكى تاماق تەگىن، تاعى مۇز ۇستىندە ات شاناعا وتىرۋ، مۇز ۇستىندە دومالاتپا دوپ ويناۋ سياقتى 20 نەشە ءتۇرلى قيمىلدى تەگىن ويناۋعا بولادى، قوسىمشا قاراجاتتىڭ تيىمدىلىگىنەن 2015 - جىلى ساياحاتشىلار %100 مولايىپتى.
ەندى قار شاڭعىنى تاستاپ، ورىك گۇلىن تاماشالايسىز، گۇل بايشەشەك قۇلپىراتىن ناۋرىز ايىندا شينجياڭعا كەلسەڭىز الۋان كورىنىستى كورەسىز. قاراڭىزشى، جالىن تاۋدىڭ ورىك گۇلى شەشەك اتتى، توقسۇننىڭ 10مىڭ مۋلىق ورىك باقشاسىندا دا ورىك گۇلى اشىلماق، كۇنەس اۋدانى تۇرگەن اۋىلىنىڭ ورىك ورمانى دا قۇلپىرىپ، شار تاراپتان كەلەتىن ساياحاتشىلاردى كۇتۋدە... «شينجياڭعا ماحاببات. اۋىلعا ساياحات» اتىنداعى قىس - كوكتەمگى ساياحات قيمىلى اپپاق قارلى ماۋسىمنان گۇل كوكتەمگە بەتتەۋدە.
كەلۋ قاينارى: شينجياڭ گازەتى - ءتاڭىرتاۋ تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
