- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق حالىق ۇكىمەتى ءتۇيىندى نىسانداردى ىلگەرىلەتۋ ءماجىلىسىن اشتى
ءتۇيىندى نىسان قۇرىلىستارىن كۇش سالا ىلگەرىلەتەيىك
2016.05.05 14:00 كەلۋ قاينارى : ءتاڭىرتاۋ تورابى
اۆتونوميالى رايوندىق حالىق ۇكىمەتى 4 - مامىر كۇنىءتۇيىندى نىسانداردى ىلگەرىلەتۋ جونىندە ارناۋلى ءماجىلىس اشىپ، اۆتونوميالى رايونىمىزداعى قاتىستى تاراۋلاردىڭ جاعداي جونىندەگى مالىمەتىن تىڭدادى، ءتۇيىندى نىسان قۇرىلىستارىنىڭ ىلگەرىلەۋ جاعدايىنا تالداۋ جاسادى، كورنەكتى ماسەلەلەردى سايكەستىرىپ شەشتى، ءتۇيىندى نىسان قۇرىلىستارىن جەدەل ىلگەرىلەتۋگە قاتىستى قىزمەتتەردى ورنالاستىردى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر مىنانى باسا دارىپتەدى: جەر - جەر، تاراۋلار ورتالىق پەن اۆتونوميالى رايوندىق پارتكومنىڭ ەكونوميكالىق قىزمەتتى ويداعىداي ىستەۋ جونىندەگى شەشىمدەرى مەن ورنالاستىرۋلارىن مىقتاپ يگەرىپ، شينجياڭنىڭ ءىس جۇزىندىك جاعدايىنا ۇشتاستىرىپ، جاڭا جاعدايدا قارجى قوسۋدى كوبەيتىپ، ءتۇيىندى نىسان قۇرىلىستارىن ىلگەرىلەتۋدىڭ ەرەكشە ماڭىزىن جانە كوكەي تەستىلىگىن جەتە تانىپ، جاۋاپكەرشىلىكتى، كوكەي تەستىلىكتى اناعۇرلىم كۇشەيتىپ، «جاڭا قالىپقا سايكەسىپ، جاڭا ناتيجەنى ايگىلەۋدى» باس جەتەكشى ەتىپ، قاتاڭ دا ناقتى ستيلمەن ءتۇيىندى نىسان قۇرىلىستارىن تىڭعىلىقتى ىلگەرىلەتىپ، اۆتونوميالى رايونىمىزدىڭ ءتۇيىندى نىسان قۇرىلىستارىنىڭ كوزدەگەن نىسانالارى مەن مىندەتتەرىن ورىنداۋعا كەپىلدىك ەتۋ كەرەك.
قازىر رايونىمىزدىڭ ءتۇيىندى نىسان قۇرىلىستارى جاپپاي جۇمىس باستاۋ، جەدەل ىلگەرىلەۋدەي جاڭا كەزەڭگە قادام تاستادى. اۆتونوميالى رايوندىق دامۋ - رەفورما كوميتەتى، قازىنا مەڭگەرمەسى، قورشاعان ورتانى قورعاۋ مەڭگەرمەسى، قاتىناس مەڭگەرمەسى، سۋ ىستەرى مەڭگەرمەسى سياقتى قاتىستى تاراۋلاردىڭ جاۋاپتىلارى ماجىلىستە ءتۇيىندى نىسان قۇرىلىستارىنىڭ ىلگەرىلەۋىنە قاتىستى جاعدايلار جانە كەلەسى ساتىداعى جوسپار جونىندە مالىمەت بەردى.
شوكىرات زاكىر مىنانى اتاپ كورسەتتى: ءتۇيىندى نىسان قۇرىلىستارى ءبىر جىلداعى تۇراقتى مۇلىككە قارجى قوسۋ نىسانالارى مەن مىندەتتەرىن ورىنداۋداعى ەڭ ماڭىزدى بۋىن. كەزەكتە ۋاقىتتان ۇتىپ، بارلىق كۇشتى ىسكە قوسىپ، قاتىناس، سۋ ىستەرى سياقتى ءتۇيىندى نىسان قۇرىلىستارىن كۇش سالا ىلگەرىلەتۋ، ءتۇيىندى نىسانداردىڭ جەتەكتەۋ، باستاماشىلدىق ەتۋ رولىن ساۋلەلەندىرۋ كەرەك. قۇرىلىس مەرزىمىنىڭ تالابى بويىنشا، مىندەتتەردى ورىنداۋعا قۋزاۋ مەحانيزمىن ورناتىپ، قۇرىلىس جوباسىن عىلمي جاساپ، قارجىدان ۇيلەسىمدى پايدالانۋعا كەپىلدىك ەتىپ، نىسان قۇرىلىستارىن ۋاقىت شەگىنە قاراي جەدەلدەتۋ؛ قاتىستى تاراۋلار مىندەت كولەمىندە جۇمىس ءبولىسىپ الۋ، جوعارى مەن تومەن سايكەسۋ پرينسيبى بويىنشا، ءتۇيىندى نىسان قىزمەتتەرىن سايكەستىرۋ مەحانيزمىن اناعۇرلىم اقاۋسىزداندىرىپ جانە كەمەلدەندىرىپ، تاراۋلار ارا، ايماق، وبلىستار ارا (قالالار)، تاراۋلار مەن ايماق، وبلىستار ارا (قالالار) جان - جاقتى سايكەسەتىن، نىسان قۇرىلىستارىن سەلبەسە وتىرىپ ىلگەرىلەتەتىن تاماشا جاعداي قالىپتاستىرىپ، اۆتونوميالى رايونىمىزدىڭ بيىلعى 440 ءتۇيىندى نىسانىن، 300 ميلليارد يۋان قارجى قوسۋ نىسانى مەن مىندەتىن ورىنداۋعا كەپىلدىك ەتىپ، ءبىر جىلداعى ەكونوميكالىق ارتۋ نىساناسىن ىسكە اسىرۋ ءۇشىن بەرىك نەگىز قالاۋ كەرەك.
شوكىرات زاكىر مىنانى باسا دارىپتەدى: ءتۇيىندى نىسان قۇرىلىستارىن رەفورما جاساۋ، جاڭالىق اشۋ رۋحىمەن ىلگەرىلەتۋ قاجەت. اقىل - ويدى ساۋلەلەندىرىپ، رەفورما تاسىلدەرىنەن كوبىرەك پايدالانىپ، قارجى قوسۋعا تۇساۋ بولاتىن ناقتى فاكتورلاردى شىعار ءتۇيىن ەتە وتىرىپ، ماسەلەلەردى شەشۋ، قوعامداعى ءتۇرلى تاراپتاردىڭ قارجى قوسۋ ىنتاسىن كۇشەيتۋ كەرەك. مەملەكەتتىك كەڭەس پەن اۆتونوميالى رايوننىڭ ۇكىمەت ورىندارىن ىقشامداپ، ۇقىقتى تومەنگە بەرۋ جاعىنداعى تالاپتارى مەن ناقتى شارالارىن ويداعىداي تياناقتاندىرىپ، قارجى قوسۋ ورتاسىن ساپالىلاندىرىپ، ءتۇيىندى نىسان قۇرىلىستارىن ىلگەرىلەتۋ ءۇشىن تاماشا شارت - جاعداي ازىرلەۋ، نىسان قۇرىلىستارىنداعى قيىنشىلىقتاردى مۇمكىندىكتىڭ بارىنشا شەشۋ؛ PPP نىسان قۇرىلىسىن جەدەل ىلگەرىلەتىپ، قارجى قوسۋ، قارجى قۇراۋ مىنبەرىن بەلسەنە قۇرىپ، «ۇكىمەت قارجىسى＋حالىقتىق كاپيتال» سياقتى كوپ ءتۇرلى قارجى قۇراۋ مەحانيزمىن قالىپتاستىرۋ؛ قۋزاۋ، تەكسەرۋ سەرپىنىن كۇشەيتىپ، اۆتونوميالى رايوننىڭ قاتىستى تاراۋلارى ءتۇيىندى نىساندار ورنالاسقان جەرلەرگە بارىپ، قاتاڭ تەكسەرىپ، ناقتى جەتەكشىلىك ەتۋ، تياناقتاندىرۋدى ىلگەرىلەتۋ؛ جاۋاپكەرشىلىكتى قۋزاستىرۋدى قاتايتىپ، ىلگەرىلەتۋ قىزمەتىن جاقسى ىستەمەگەن، نىسانالار مەن مىندەتتەرىن تولىق ورىنداماعان ايماق، وبلىستاردى جانە تاراۋلاردى اشىق سىنداۋ، قاتىستى جاۋاپتىلاردىڭ اكىمشىلىك جاۋاپكەرشىلىگىن قۋزاستىرۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى حۋاڭ ۋي ءتۇيىندى نىسانداردىڭ ناقتى قىزمەتتەرى جونىندە ورنالاستىرۋ جاسادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
