- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭدا ەل ارالىق ەلەكتروندى ساۋدا بويىنشا تۇڭعىش تاپسىرىس بەرىلگەن زاتتار شەكارادان ءوتتى
2016.06.22 14:18 كەلۋ قاينارى : شينجياڭ گازەتى
شينجياڭداعى ەل ارالىق ەلەكتروندىق ساۋدا بويىنشا تۇڭعىش الەۋمەتتىك باقىلاۋ - باسقارۋ جۇرگىزىلەتىن زات قويماسى رەسمي پايدالانۋعا بەرىلدى
20 - ماۋسىمدا قارامايلى قالاسى جينتاي حالىقارالىق زات اينالىم باقشاسىنىڭ ەل ارالىق ەلەكتروندىق ساۋدا بويىنشا الەۋمەتتىك باقىلاۋ - باسقارۋ جۇرگىزىلەتىن زات قويماسىندا، كەدەن قىزمەتكەرلەرى «ەلەكتروندىق ساۋدا بويىنشا كەدەننەن وتۋگە قىزمەت وتەۋ تەكشەسىن» ىسكە قوسىپ، «زاتتاردى تىزىمدەۋ، جيناقتاپ مالىمدەۋ» جولىمەن شينجياڭداعى ەل ارالىق ەلەكتروندىق ساۋدا بويىنشا تۇڭعىش تاپسىرىس بەرىلگەن زاتتاردى شەكارادان ءساتتى وتكىزدى.
ۇعىسۋعا قاراعاندا، سول كۇنى شەكارادان وتكەن تاۋار جيىنى 502، نەگىزىنەن كيىم - كەشەك جانە قول سومكە سياقتى ءتۇرلى بۇيىمداردان قۇرالعان جەدەل جولدامالار. ىشىندەگى 102 جولداما شينجياڭنىڭ جەرگىلىكتى كيىم - كەشەك سەرىكتەستىگى وندىرگەن كيىم - كەشەكتەر ەكەن. جالپى قۇنى 20 مىڭ دوللار شاماسىنداعى وسى زاتتار تۇگەلدەي قازاقستانعا ەكسپورت ەتىلگەن.
شينجياڭداعى ەل ارالىق ەلەكتروندىق ساۋدا بويىنشا تۇڭعىش الەۋمەتتىك باقىلاۋ - باسقارۋ جۇرگىزىلەتىن زات قويماسى قارامايلى قالاسىنىڭ جينتاي حالىقارالىق زات اينالىم باقشاسىنا ورنالاسقان، اۋماعى 9326 شارشى مەتر كەلەدى، ول قارامايلى عانا ەمەس، بۇكىل شينجياڭداعى ەل ارالىق ەلەكتروندىق ساۋدامەن شۇعىلداناتىندارعا جانە ءداستۇرلى سىرتقى ساۋدامەن شۇعىلداناتىن ۇساق ساۋداگەرلەرگە كەدەننەن ءوتۋ، ينفورماتسيا، فينانس، زات اينالىمى سياقتى جاقتاردا ءبىر جەردەن قىزمەت وتەيدى.
ۇعىسۋعا قاراعاندا، قارامايلى ەل ارالىق ەلەكتروندىق ساۋدا نىسانى كەدەننەن ءوتۋ قىزمەت وتەۋ جۇيەسى، بىرلەسىپ باقىلاۋ - باسقارۋ جۇرگىزەتىن زات قويماسى، جان - جاقتى قىزمەت وتەۋ جۇيەسى، ساۋدا ايىرباس جۇيەسى سياقتىلاردان قۇرالعان. 1 - كەزەڭدە ەل ارالىق ەلەكتروندىق ساۋدا بويىنشا قىزمەت وتەۋ تۇيىندەردە سىناق ەتىلەدى، 2 - كەزەڭدە ورتا ازيا ەلدەرىندە زات قويماسىن سالادى، 3 - كەزەڭدە يمپورت تاۋارلارىن سىناپ كورۋ ورتالىعىن قۇرادى. قازىر قارامايلىداعى ەل ارالىق ەلەكتروندىق ساۋدا نىسانىنىڭ 1 - كەزەڭدەگى قۇرىلىسى سالىنىپ بولدى.
ءۇرىمجى كەدەن مەكەمەسىنىڭ ورىنباسار باستىعى ەركىن ءومار بىلاي دەدى: رايونىمىزداعى ەل ارالىق ەلەكتروندىق ساۋدا بويىنشا تۇڭعىش الەۋمەتتىك باقىلاۋ - باسقارۋ جۇرگىزىلەتىن زات قويماسى رەسمي پايدالانۋعا بەرىلدى، الداعى جەردە ول شينجياڭنىڭ جاساۋ كاسىبىمەن جانە سىرتقى ساۋدامەن شۇعىلداناتىن كاسىپورىنداردىڭ ەكسپورت ارناسىن كەڭەيتىپ، كاسىپ سالاسىنىڭ دەڭگەيىن جوعارىلاتۋىنا كۇش قوساتىن بولادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
