- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«جاڭا ي - ۋلىقتار» ي - ۋدى ماقتادى
يۋان لەي
2016.07.01 15:00 كەلۋ قاينارى : شينجياڭ گازەتى
24 - ماۋسىم ساعات 20، قاس قارايىپ كەتكەن، نان الاتىن ەشكىم بولماعان سوڭ، 41 جاستاعى يمىنجان وبۇلقاسىم توناردىڭ قاسىنداعى كىشكەنە ۇستەلدىڭ قاسىنا وتىرا كەتىپ، حانزۋشا ءارىپ جازۋعا جاتتىقتى.
6 جىلدىڭ الدىندا يمىنجان جاڭا ءشار اۋدانىنان جىجياڭ ولكەسى ي - ۋ قالاسىنىڭ جيميڭشان الەۋمەتتىك اۋماعىنا كەلىپ ساۋدا ىستەدى، حانزۋ ءتىلىن جاقسى بىلمەگەندىكتەن ساۋدالاسۋ، ءۇي جالداۋ، بالا وقىتۋ جاقتارىندا از اۋرەگە جولىقپادى. «بىرەۋ كەلىپ نانىڭ قالاي؟ - دەپ سۇراسا، نە دەپ جاۋاپ بەرەرىمدى بىلمەيمىن، مەنىڭ حانزۋشامدى نە ولار تۇسىنبەيدى»، - دەدى يمىنجان.
يمىنجاننىڭ جولىققان اۋرەسى دارا جاعداي ەمەس. ي - ۋ قالاسى الەمگە ماشعۇر ۇساق تاۋارلار مەكەنى، سونداي - اق ەلىمىزدەگى ساناۋلى، جاڭادان كوركەيىپ كەلە جاتقان، از ۇلتتار قونىستانعان ءوڭىر. سوناۋ الىستاعى شينجياڭنان كەلگەن 3000نان استام از ۇلت قاۋىمى بۇل جەردە ساۋدامەن شۇعىلدانۋدا، جۇمىس ىستەۋدە، تۇرمىس كەشىرۋدە، وقۋ وقۋدا... ولاردىڭ دەنى ي - ۋدا ءوز ورنىن تاۋىپ، ي - ۋدى ەكىنشى اتا مەكەنىنە بالاپ، «جاڭا ي - ۋلىقتارعا» اينالدى. الايدا ءتىل جاعىنداعى كەدەرگى شينجياڭنان بارعان از ۇلت قاۋىمىنىڭ تۇرمىسىنا كوپ قولايسىزدىقتار اكەلدى.
شينجياڭنان كەلگەن از ۇلت باۋىرلاستاردىڭ ي - ۋعا تەزىرەك ۇيىرلەسۋىنە مۇمكىندىك جاساۋ ءۇشىن، بىلتىر اقپاننان باستاپ، جىجياڭ ولكەلىك ۇلت، ءدىن ىستەرى كوميتەتى مەن جينحۋا قالالىق ۇلت، ءدىن ىستەرى كوميتەتىنىڭ پارمەندى قولداۋىندا، ي - ۋ قالالىق ۇلت، ءدىن ىستەرى كوميتەتى ۇكىمەت قىزمەت وتەۋدى ساتىپ الۋ ۇلگىسىندە جەرگىلىكتى ورىنداعى «تۇڭيۋە الەۋمەتتىك قىزمەت وتەۋ» ورتالىعى سياقتى تانىمالى توپتارمەن سەلبەسىپ، از ۇلتتارعا ورتاق ءتىل ۇيرەتۋ كۋرسىن اشۋ، اقىسىز تاربيەلەۋ جونىندە ىزدەنىس جاسادى.
بيىل 30 - ناۋرىزدا از ۇلتتارعا ارنالعان ورتاق ءتىل ۇيرەتۋ كۋرسىنىڭ 1 - مەرزىمدىك كلاسى جيميڭشان الەۋمەتتىك اۋماعىندا ساباق باستادى. بۇكىل قالاداعى ءار سالا، ءار كاسىپتەن كەلگەن 43 ۇيعۇر باۋىرلاس 3 ايلىق كۋرسقا اقىسىز قاتىناستى.
«باستابىندا ادام كەلمەي قويار ما؟ دەپ الاڭداعان ەدىك، ويلاماعان جەردە كۋرس اشىلعان كۇننىڭ ەرتەسى ادام لىق تولدى»، − دەدى ران شياۋلي. ول ي - ۋ قالاسى ساۋدا - ونەركاسىپ كاسىپتىك تەحنيكا ينستيتۋتىنىڭ وقىتۋشىسى، ي - ۋ قالالىق «تۇڭيۋە الەۋمەتتىك قىزمەت وتەۋ» ورتالىعىنىڭ اقىلشىسى. ران شياۋلي شينجياڭ ۋنيۆەرسيتەتىندەگى كوپ جىلدىق ساباق ءوتۋ تاجىريبەسى مەن «قوس ءتىل» جاعىنداعى ەرەكشەلىگىنە سۇيەنىپ، وسى كۋرسقا حانزۋ ءتىل ساباعىن بەرۋ مىندەتىن وزدىگىنەن ۇستىنە الدى.
24 - ماۋسىمدا جيميڭشان الەۋمەتتىك اۋماعىنىڭ جيىن زالىنان سول جەردە ساۋدامەن شۇعىلدانىپ، جۇمىس ىستەيتىن 16 ۇيعۇر باۋىرلاستىڭ ران شياۋليگە ەرىپ حانزۋ ءتىلىن ۇيرەنىپ جاتقانىن كوردىك، ولاردىڭ جاسى ۇلكەنى 41 دە، كىشىسى 13 دا ەكەن.
ران شياۋلي بىلاي دەدى: كوپشىلىك وسى ۇيرەنۋ ورايىن ەرەكشە قاستەرلەدى. ولار كۇندىز ساۋدامەن شۇعىلدانىپ ارىپ - شارشاسا دا 2 ساعاتتىق ساباق ارالىعىندا دەمالمايدى، ءتىپتى، كلاستان شىعىپ سۋ اكەلىپ ىشۋگە دە ۋاقىتىن قيمايدى.
15 - ماۋسىم ي - ۋدا نوسەر جاۋدى، 30 جاستاعى اسەنجان ءالي موتوتسيكلىنە ءمىنىپ 5 شاقىرىم جەردەگى ۇيىنەن الەۋمەتتىك اۋماققا ساباق وقۋعا كەلدى، ول كلاسقا كىرگەندە ءۇستى - باسى سۋعا مالشىنىپ كەتىپتى.
«حانزۋشا ارىپتەردى دۇرىس دىبىستاي المايمىن، الارماندارعا تاۋارىمدى تانىستىرعان كەزدە ولار مەنىڭ ءسوزىمدى تىڭداپ تۇسىنە الماعاندىقتان، تالاي كۇلكىگە قالعام، بۇل ساۋداعا زور زيان جەتكىزەدى ەكەن، ەندى <جوعارى مەكتەپ حانزۋ ءتىلىن> وتكەلى جاتىر، وقىپ بولعاننان كەيىن، حانزۋ ءتىلى دارەجەسىن باعالاۋ ەمتيحانىنا قاتىناسىپ، حانزۋ ءتىلى ورەمدى سىناپ كورەمىن»، − دەدى اسەنجان.
«تۇڭيۋە الەۋمەتتىك قىزمەت وتەۋ» ورتالىعىنىڭ ارقاسىندا ي - ۋ قالاسى قازىر تۇتاس قالا كولەمىندە از ۇلتتارعا حانزۋ ءتىلىن ۇيرەتۋ كۋرسىن اشۋدى جالپىلاستىرىپ، شينجياڭنان بارعان از ۇلت قاۋىمىنىڭ قىزۋ قارسى الۋىنا بولەندى.
مۇنان تىس، ي - ۋ قالاسى ەلەكتروندىق ساۋدا بويىنشا تاربيەلەۋ كۋرسىن اشىپ، «توراپ دۇكەنىن جالپىلاستىرۋ جانە تيجارات جۇرگىزۋ»، «حالىقارالىق ەلەكتروندىق ساۋدا بويىنشا جەدەل ساتۋ قۇرالدارىن قولدانۋ» سياقتى ون نەشە ساباق ءتۇرىن اشتى، سونداي - اق شينجياڭنان بارعان از ۇلت قاۋىمىن زاڭ جونىندەگى ساۋاتتاردى ۇيرەنۋ كۋرسىنا قاتىناسۋعا ۇيىمداستىرىپ، ي - ۋ قالاسىنداعى ايگىلى ادۆوكاتتاردى ۇسىنىس ەتىپ، ولارعا زاڭ جونىندە اقىل - كەڭەس بەردى.
قازىر ي - ۋ قالاسى شينجياڭنان بارعان از ۇلت قاۋىمىنا قىزمەت وتەۋدە بىرلىكساپ ءبولىمى مەن ۇلت، ءدىن ىستەرى تاراۋى جەتەكشىلىك ەتكەن، الەۋمەتتىك اۋماقتى تەكشە ەتىپ، ارناۋلى الەۋمەتتىك قىزمەت وتەۋ قۇرىلىمى ۇستىنە الىپ جۇرگىزەتىن مەحانيزمدى باستاپقى قادامدا ورناتىپ، شينجياڭنان بارعان از ۇلت قاۋىمىنىڭ سول جەردە تابان تىرەپ تۇرۋىنا، شارۋاشىلىعىن كوركەيتۋىنە زور دەمەۋ بولدى. الىستان كەلگەن «جاڭا ي - ۋلىقتار» دا سول جەردىڭ تۇرمىسىنا بىرتىندەپ ۇيلەسە باستادى.
قازىر يمىنجان مەن ونىڭ سەرىكتەرى كۇنىنە 2000 عا جۋىق نان ساتىپ، مۇرنىنا سۋ جەتپەي ءجۇر، الايدا قانشا قاربالاس بولسا دا تاپسىرمانى ءبىر رەت تە قالدىرماي، دەر كەزىندە تاپسىرىپ تۇردى.
يمىنجان بىلاي دەدى: اتا مەكەننەن الىستاپ شالعايدا جۇرگەندە، وسىنداي جاقسى ۇيرەنۋ ورايىنا جولىعارىمدى ويلاماعان ەدىم، ي - ۋ قالاسىنىڭ ۇكىمەتى جارايدى ەكەن! مەن، ءسوز جوق، حانزۋ ءتىلىن جاقسى ۇيرەنىپ، ناعىز ي - ۋلىق بولۋعا قۇلشىنامىن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
