- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بەكىنىستى بەكەمدەپ، ۇيىمدى جانداندىردى
جاۋ جىيۇن
2016.07.01 15:00 كەلۋ قاينارى : شينجياڭ گازەتى
اۆتونوميالى رايونىمىز«حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىن ورىستەتكەننەن قازىرگە دەيىن، ءار دارەجەلى قىزمەت گرۋپپالارى اۋىل (قالاشىق) جانە قىستاق دارەجەلى ورىنداردىڭ نەگىزگى ساتى ۇيىمدارى قۇرىلىسىن نىعايتۋىنا سايكەسىپ، قىستاق دارەجەلى شەپ بويىنشا «2 + 5» ينجەنەرياسىن اتقارىپ، دارمەنسىز، كەدەي، بوساڭ، قيىنشىلىعى اۋىر قىستاقتارعا ىرىكتەۋدەن وتكەن ءبىرىنشى شۋجيلەردى تاعايىندادى... نەگىزدى بەكەمدەۋگە ارنالعان جاسامپاز، سىندارلى شارالار نەگىزگى ساتىداعى بەكىنىستى بەكەمدەپ، ۇيىمنىڭ ۇساق تامىرلارىن جانداندىرىپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ نەگىزىن بەكىتە ءتۇستى.
دارمەنسىز باستاۋىش پارتيا ۇيىمدارىنىڭ «توپشىسىن قاتايتتى»
اۆتونوميالى رايوندىق پارتكوم ۇيىمداستىرۋ ءبولىمىنىڭ قىستاقتا تۇراتىن قىزمەت گرۋپپاسى ءۇشتۇرپان اۋدانىنىڭ حاندەكجىران قىستاعىنداعى بەس تۇرعىندار گرۋپپاسىنان «تىلەۋلەستەر ءۇيىن» اشتى، «تىلەۋلەستەر ءۇيىنىڭ» ەسىگى قىستاق تۇرعىندارىنا تاۋلىك بويى اشىق ۇستالدى، قىستاق تۇرعىندارى وسىندا قىستاق ۇيىمداستىرعان ۇيرەنۋگە قاتىسىپ، كينو كورۋ، تۋ شىعارۋ سياقتى قيمىلدارعا قاتىسا الادى، «تىلەۋلەستەر ءۇيىنىڭ» اشىلۋى تىك جانە كولدەنەڭ باعىت بويىنشا «قىستاق پارتيا ياچەيكاسى − قىستاق تۇرعىندار گرۋپپاسى − تىلەۋلەستەر ءۇيى − قىستاق تۇرعىندارى» تولىق قامتىلعان جۇمىس جۇيەسىن ورناتىپ، قىستاقتاعى پارتيا ۇيىمىنىڭ، پارتيا قىزمەتىنىڭ، پارتيا وقۋىنىڭ، پارتيا قيمىلىنىڭ اياسىن ءونىمدى تۇردە كەڭەيتتى.
شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدىڭ تەتىگى نەگىزگى ساتىدا، قيىندىعى دا نەگىزگى ساتىدا. 3 جىلدان بەرى، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى بويىنشا تۇتاس شينجياڭداعى اكىمشىلىك قىستاقتار مەن مەملەكەتتىك ەگىن، ورمان، مال فەرمالارىنىڭ قىستاق - اترەتتەرىن جانە ءتۇيىندى الەۋمەتتىك اۋماقتاردى قامتىعان 10مىڭنان اسا نەگىزگى ساتى ورىندارىنا قىزمەت گرۋپپاسى جىبەرىلىپ، نەگىزگى ساتىنىڭ ءومىر شىندىعىمەن تىكە بايلانىس ورناتىلدى، ءار دارەجەلى قىزمەت گرۋپپالارى اۆتونوميالى رايوندىق پارتكومنىڭ ورنالاستىرۋى بويىنشا، نەگىزگى ساتى پارتيا ۇيىمدارىنىڭ شەپ قۇرىلىسىن ۇزدىكسىز كۇشەيتتى، قىستاق (الەۋمەتتىك اۋماق) پارتيا ۇيىمدارىنىڭ قاتتى بولشەك قۇرىلىسىندا سان مەن ساپانىڭ كورنەكتى وزگەرىسى ىسكە اسىرىلدى.
اۆتونوميالى رايونداعى ءار دارەجەلى پارتكومدار «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قىزمەت گرۋپپالارى سياقتى ءار جاقتى كۇشتەر مەن بايلىقتاردى جۇمىلدىرۋعا باسا ءمان بەرىپ، دارمەنسىز، بوساڭ نەگىزگى ساتى پارتيا ۇيىمدارىن كۇش بىرىكتىرە وڭاپ، بىرگە ىلگەرىلەتتى. ءار دارەجەلى قىزمەت گرۋپپالارى قىستاق ۇيىمدارى اراسىندا «جۇلدىزدى» ورىن قۇرۋدى جاپپاي ىشكەرىلەتىپ، دەڭگەيدى كوتەرۋ مەن جۇلدىز سانىن مولايتۋدى ماڭىزدى مىندەت جانە قىزمەت گرۋپپاسىن جىلدىق باعالاۋدىڭ باستى نەگىزدەرىنىڭ ءبىرى ەتىپ، نەگىزگى ساتى پارتيا ۇيىمدارىنىڭ ۇيىمشىلدىعى مەن جاۋىنگەرلىك قابىلەتىن ونان سايىن كۇشەيتتى. نەگىزگى ساتى كادرلار قوسىنىنىڭ ساپاسى ايتارلىقتاي كوتەرىلدى
جۋىقتا، اۆتونوميالى رايوندىق پارتكوم كەڭسەسىنىڭ يىڭىسار اۋدانى ستيلا اۋىلىنىڭ عوجاكول قىستاعىندا تۇراتىن قىزمەت گرۋپپاسى «ءتورت ءبىر تۇلعالانعان» جيىن اشتى، پارتكوم كەڭسەسىنىڭ 3 - توپتاعى قىستاقتا تۇراتىن قىزمەت گرۋپپالارىنىڭ باس جەتەكشىسى، 6 - گرۋپپانىڭ باستىعى مامەت ساۋىر قىستاق باسشىلىق القاسىنداعىلاردىڭ جۇمىسىنا بىردەن باعا بەردى. قىستاق پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى جاپار قاري بىلاي دەدى: وسى جولعى جيىندا قىستاق باسشىلىق القاسىنداعىلاردىڭ كەمشىلىكتەرى ءداپ باسىپ ايتىلدى، الداعى قىزمەتتەرگە ايقىن باعدار كورسەتتى، ءبىز قىزمەت گرۋپپاسىنىڭ تالاپتارى بويىنشا جۇمىس ادىسىنە وزگەرىس جاساپ، دەر كەزىندە تۇزەتىپ جانە تياناقتاندىرىپ، ءتۇرلى ەرەجە - تارتىپكە تاباندى بولىپ، قىزمەتتەردى مۇقيات، ويداعىداي جۇرگىزىپ، نەگىزگى ساتى ۇيىمىن شىن مانىندە كۇشەيتۋگە ءتيىسپىز.
«الدىمەن ادامدى، سوسىن ءىستى ىڭعايلاۋ» وي جۇلگەسى بويىنشا، ءار دارەجەلى قىزمەت گرۋپپالارى نەگىزگى ساتى پارتيا ۇيىمدارىنىڭ باسشىلىق القا قۇرىلىسىن كۇشەيتۋىنە سەلبەسىپ، پارتيا ۇيىمىنىڭ جەتەكشىلەرىن ويداعىداي تاڭدادى؛ جاقسى ىستەردى باستاۋىش ۇيىمدارعا مىندەتتەپ، جاقسى اتاقتى نەگىزگى ساتى كادرلارىنا قالدىرىپ، نەگىزگى ساتىداعى ۇيىمدار مەن كادرلاردىڭ مارتەبەسىن كوتەرىپ، ابىرويىن ءوسىردى.
2015 - جىلدان بەرى، ءار دارەجەلى قىزمەت گرۋپپالارى دارمەنسىز، بوساڭ قىستاقتارعا ءبىرىنشى شۋجيدى جىبەرە باستادى، قىزمەت گرۋپپاسىنىڭ 5702 مۇشەسى قىستاق پارتيا ياچەيكاسىنىڭ «ءبىرىنشى شۋجيى» قىزمەتىن اتقارىپ، پارتيا بەلسەندىلەرىنەن 120 مىڭ ادامدى تاربيەلەپ، ەگىنشى - مالشىلار اراسىنان 2000عا جۋىق ادامدى پارتياعا قابىلدادى.
2016 - جىلى شينجياڭ بويىنشا 2516 كادر قىستاق پارتيا ياچەيكاسىنىڭ ءبىرىنشى شۋجيى مىندەتىنە تاعايىندالدى، بۇل كورسەتكىش بارلىق دارمەنسىز، بوساڭ قىستاق پەن كەدەي قىستاقتى تەگىس قامتىدى. ءار دارەجەلى قىزمەت گرۋپپالارى قىستاق دارەجەلى 29 مىڭ 217 زاپاس كادردى تاربيەلەپ، 2688 ادامدى پارتيا قاتارىنا قابىلداپ، قىستاق كادرلارىن 744 مىڭ ادام - رەت تاربيەلەدى. نەگىزگى ساتى پارتيا ۇيىمدارىنىڭ جاۋىنگەرلىك قامال رولى ونان سايىن كۇشەيىپ، قالىڭ پارتيا مۇشەلەرىنىڭ اۆانگاردتىق - ونەگەلىك رولى ءونىمدى تۇردە ساۋلەلەندى، پارتيا تۋى بارلىق نەگىزگى ساتى شەبىندە جەلبىرەدى.
«ەكىنى ۇيرەنۋ، ءبىر بولۋ» ۇيرەنۋ - تاربيەسى ورىستەتىلگەننەن بەرى، ءار دارەجەلى قىزمەت گرۋپپالارى نەگىزگى ساتىداعى پارتيا مۇشەلەرىن پارتيانىڭ ۋستاۆىن ۇيرەنۋگە ۇيىمداستىرىپ، پارتيا ساباعىن ءوتىپ، نەگىزگى ساتىداعى پارتيا مۇشەلەرىنە جاپپاي پارتيالىلىق تاربيەسىن جۇرگىزدى. بۇقاراعا قىزمەت كورسەتۋ قابىلەتى كۇشەيدى
بيىل كوكتەمدە، اۆتونوميالى رايوندىق ءتارتىپ تەكسەرۋ كوميتەتىنىڭ قىزمەت گرۋپپاسى اقتاۋ اۋدانىنىڭ ءپىلال اۋىلىنداعى ءبىر ءبولىم باسشى كادرلار مەن وسى اۋىلدىڭ 19 قىستاعىنداعى پارتيا ياچەيكاسىنىڭ شۋجيلەرىنەن 50 نەشە ادامدى قاشقار ايماعىنىڭ پوسكام اۋدانى مەن قاعىلىق اۋدانىندا جاڭاشا اۋىل - قىستاق قۇرىلىسى، ەگىنشى - مالشىلاردىڭ كاسىپتىك كووپەراتيۆتەرى، قۇرىلعىلى اۋىل شارۋاشىلىعى، اۋلا شارۋاشىلىعى جانە جەمىس اعاشى مەن كوكونىستى ارالاس ەگۋ تەحنيكاسى، ت.ب بويىنشا ەكسكۋرسيا جاساۋعا ۇيىمداستىردى. ولاي بولاتىنى، اۆتونوميالى رايوندىق ءتارتىپ تەكسەرۋ كوميتەتىنەن 3 - توپتا قىستاققا تۇسكەن قىزمەت گرۋپپالارى تەكسەرۋ - زەرتتەۋ ارقىلى وزدەرى تۇرعان 8 قىستاقتا دامۋ وي جۇلگەسى انىقسىز، ەگىستىك سورتى ءبىرىڭعاي، ەگىس ءادىسى مەشەۋ بولۋ سياقتى ماسەلەلەردىڭ جاپپاي ورىن تەپكەنىن انىقتايدى. اۆتونوميالى رايوندىق ءتارتىپ تەكسەرۋ كوميتەتىنىڭ قىستاقتا تۇراتىن قىزمەت گرۋپپالارىنىڭ باس جەتەكشىسى، اۆتونوميالى رايوندىق ءتارتىپ تەكسەرۋ كوميتەتىنىڭ تۇراقتى مۇشەسى جاسارات ماقسۇت بىلاي دەدى: بيىلعى «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قىزمەتى، ءسوز جوق، قىستاق كادرلارىنىڭ ساناسىن سەرگىتۋدەن باستالۋى، پارتيا ياچەيكاسىنىڭ شۋجيىن شىن مانىندە جاڭاشا اۋىل - قىستاق قۇرىلىسىنىڭ سەركەسىنە اينالدىرىپ، كوزقاراسقا بۇرىلىس جاساۋ ارقىلى اۋىل - قىستاق ىستەرىنىڭ دامۋىن ىلگەرىلەتۋ قاجەت.
3 جىلدان بەرى، قىزمەت گرۋپپالارى پارتيانىڭ ۇيىمدىق ءورىسى مەن قىزمەت ءورىسىن ۇزدىكسىز كەڭەيتىپ، باستاۋىش پارتيا ۇيىمدارى مەن پارتيالى كادرلاردىڭ بۇقاراعا قىزمەت ەتۋ قابىلەتىن جوعارىلاتتى. قىستاق (الەۋمەتتىك اۋماق) پارتيا ۇيىمىنىڭ قىستاق دارەجەلى كوللەكتيۆ شارۋاشىلىقتى دامىتۋ، زورايتۋىنا كومەكتەسۋ قىزمەتىن جۇمىس ناتيجەسىن باعالاۋ كورسەتكىشىنە ەنگىزىپ، نىسانالى، ناقتىلى جۇمىس جۇرگىزىپ، قىستاق دارەجەلى كوللەكتيۆ شارۋاشىلىقتىڭ قۋاتتانۋى مەن ناقتىلانۋىنا كەپىلدىك ەتتى. قىستاق (الەۋمەتتىك اۋماق) پارتيا ۇيىمىنىڭ وتباسى سايىن ارالاۋ ءتۇزىمىن، وتباسىن كوتەرمەگە الىپ سۇيەمەلدەۋ ءتۇزىمىن، بۇقارانىڭ تالاپ - تىلەگىن ۋاقتىلى جەتكىزۋ ءتۇزىمىن ورناتۋىنا كومەكتەسىپ، بۇقارانىڭ ءوندىرىسى مەن تۇرمىسىنداعى ناقتىلى ماسەلەلەردىڭ شەشىلۋىنە قولعابىس ەتتى.
«قىستاعىمىزعا قىزمەت گرۋپپاسى كەلگەن 2 جىلدىڭ ىشىندە، ءبىزدىڭ كادرلاردىڭ ەڭ ۇلكەن تابىسى بىزگە ولاردان جاقسى يدەيا، جاقسى ءادىس، جاقسى پسيحيكالىق قاسيەتتەردىڭ جۇققانى بولدى»، - دەدى قىزمەت گرۋپپاسىمەن كۇنىنە دەرلىك بىرگە جۇمىس جۇرگىزەتىن ءپايزاۋات اۋدانى يىڭىمالى اۋىلىنىڭ كادرى مارحابا ەركىن.
بۇگىنگى كۇندە، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قىزمەت گرۋپپالارىنىڭ سايكەسۋىمەن، اۆتونوميالى رايونىمىزدىڭ نەگىزگى ساتى پارتيا ۇيىمدارى قۇرىلىسى ەرەكشە كوزگە ءتۇسىپ كەلەدى، اۆتونوميالى رايونىمىزدا قوعام ورنىقتىلىعىنىڭ نەگىزى بەكەمدەلىپ، تۇعىرى كۇشەيە ءتۇستى. مىڭداعان نەگىزگى ساتى ۇيىمى تاما - تاما تاستى تەسكەن تامشىداي، كورىكتى شينجياڭ قۇرىلىسىنا قاداۋ - قاداۋ كۇش بولىپ قوسىلۋدا.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
