- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
الدىڭعى جارتى جىلدا ورتا ازياداعى تابيعي گاز قۇبىرىنان 13 ميلليون توننا تابيعي گاز ەنگىزىلدى
2016.07.08 15:40 كەلۋ قاينارى : شينجياڭ گازەتى
ءتىلشىنىڭ قورعاس شەكارادان وتكەن زاتتاردى تەكسەرۋ - كارانتيندەۋ مەكەمەسىنەن ۇعىسۋىنشا، بيىل قاڭتاردان ماۋسىمعا دەيىن ورتا ازياداعى تابيعي گاز قۇبىرىنان ەلىمىزگە ەنگىزىلگەن گاز 18 ميلليارد تەكشەمەترگە جەتىپ، اۋىرلىعى 13 ميلليون توننادان اسقان. گاز ەنگىزۋ مولشەرى بىلتىرعى سول تۇستاعىدان %30 ارتىپ، قازىر يمپورت ەتىلگەن اعىس مولشەرى اي سايىن ارتۋ اۋقىمىن ساقتاعان.
جۇڭگو − ورتا ازيا تابيعي گاز قۇبىرى باتىسى تۇركىمەنستان مەن وزبەكستان شەكاراسىنان باستالىپ شينجياڭ قورعاس شەكاراسىنان كىرىپ، شەكارادان كىرگەننەن كەيىن ەلىمىز ىشىندەگى باتىستىڭ گازىن شىعىسقا جەتكىزۋ 2 - ، 3 - لەنيا قۇبىرىمەن تۇتاسادى. قازىر ABC ءۇش لەنيا قاتار ءجۇرۋ جۇزەگە اسىرىلىپ، لەنيا جاعالاۋىنداعى 400 ميلليون جان سانىن تۇرمىستىق جانار زاتپەن قامداۋدى كەپىلدەندىردى.
بيىل الدىڭعى جارتى جىلدا، AB لەنياسىنان يمپورت ەتىلگەن مولشەر 11 ميلليارد تەكشەمەتر بولىپ، جالپى ەنگىزىلگەن اۋىرلىعى 8 ميلليون توننا، C لەنياسى ارقىلى يمپورت ەتىلگەن مولشەر 7 ميلليارد تەكشەمەترگە جەتىپ، جالپى ەنگىزىلگەن اۋىرلىعى 5 ميلليون توننا بولدى.
قورعاس شەكارادان وتكەن زاتتاردى تەكسەرۋ - كارانتيندەۋ مەكەمەسىندەگى قىزمەتكەردىڭ تالداۋ جاساۋىنا قاراعاندا، قازىر يمپورت ەتىلگەن مولشەر اي سايىن ارتۋ اۋقىمىن ساقتاپ، C لەنياسى بىرتىندەپ قىسىمدى ارتتىرۋ ساتىسىنا ءوتىپ، اعىس مولشەرىنىڭ بارعان سايىن ارتۋىنا كەپىلدىك ەتكەن.
يمپورت ەتىلگەن تابيعي گازدىڭ ساپا حاۋىپسىزدىگىن قامتاماسىزداندىرۋ ءۇشىن، قورعاس شەكارادان وتكەن زاتتاردى تەكسەرۋ - كارانتيندەۋ مەكەمەسى تاۋلىك بويى تەكسەرۋ - باقىلاۋ ۇلگىسىن قالىپتاستىرىپ، ساپالى بايلىق قاينارىنىڭ جۇڭگوعا ىركىلىسسىز كىرۋىنە كەپىلدىك ەتتى.
2009 - جىلى جەلتوقسان ايىنان باستاپ قورعاس وتكەلى ەلىمىز ىشىنە گاز ەنگىزگەننەن بەرى، ورتا ازيا تابيعي گاز قۇبىرى 6 جىلدان استام قالىپتى اينالىستا بولدى، قازىر جالپى 150 ميلليارد تەكشەمەتر گاز ەنگىزدى، مۇنىڭ جالپى مولشەرى 106 ميلليون 250 مىڭ توننا بولدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
