- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
حۋنان ولكەسىنىڭ ۋاكىلدەر ۇيىرمەسى شينجياڭداعى «حۋناندىق بويجەتكەندەردىڭ» ۋاكىلدەرىنە امانداسىپ، حال سۇرادى
2016.08.11 13:41 كەلۋ قاينارى : شينجياڭ گازەتى
9 - ، 10 - تامىز كۇندەرى حۋنان ولكەلىك ساياسي كەڭەستىڭ ءتوراعاسى لي ۋيۋي باستاعان حۋنان ولكەسىنىڭ ۋاكىلدەر ۇيىرمەسى گرۋپپالارعا ءبولىنىپ، ءۇرىمجى قالاسى، كورلا قالاسى، كوكدالا قالاسى سياقتى جەرلەرگە بارىپ، شينجياڭدا تۇرىپ جاتقان «8000 حۋناندىق بويجەتكەننىڭ» ۋاكىلدەرىنە امانداسىپ، حال سۇراپ، اۆتونوميالى رايونىمىزدىڭ ەكونوميكالىق، قوعامدىق دامۋ جاعدايىمەن جۇمىس باسىندا تانىسىپ جانە تەكسەرۋ - زەرتتەۋ جۇرگىزىپ، شينجياڭ مەن حۋناننىڭ ساۋدا - ەكونوميكا، مادەنيەت سەلبەستىگىن جەبەدى.
9 - تامىز تۇستەن كەيىن «حۋناندىق بويجەتكەندەردىڭ» شينجياڭنىڭ جانە ەلىمىزدىڭ جەر - جەرىنەن كەلگەن 17 ۋاكىلى ۇرىمجىدەگى «شياڭچۇنيۋان» رەستورانىندا باس قوسىپ، وزدەرىنە امانداسىپ، حال سۇراي كەلگەن لي ۋيۋيمەن بىرگە رەستورانداعى «حۋناندىق بويجەتكەندەر تۋرالى مادەنيەت قابىرعالىعىن» تاماشالاپ، سوناۋ جالىندى جىلداردى ەسكە الدى.
«اپەكەلەر، مەن حۋنان ولكەلىك پارتكوم، حالىق قۇرىلتايى، ۇكىمەت، ساياسي كەڭەس جانە حۋنانداعى 73 ميلليون اۋىلداستارىڭىز اتىنان سىزدەرگە اسقاق قۇرمەت ءبىلدىرىپ، شىن ىقىلاستى سالەم جولدايمىن!»، - دەگەن لي ۋيۋيدىڭ ءسوزى اياقتاي بەرە، «حۋناندىق بويجەتكەندەردىڭ» ۋاكىلدەرى دۋ قول شاپالاق سوقتى.
بيىل 79 جاستاعى «حۋناندىق بويجەتكەن» جوۋ يىڭجى بيڭتۋان 1 - ديۆيزياسى داگۋاڭ ماقتا - ءجۇن توقىما فابريكاسىنىڭ زەينەتكە شىققان قىزمەتكەرى، زەينەتكە شىققان سوڭ جەكە شارۋاشىلىق قۇرىپ، وسى رەستۋراندى اشقان. ول حۋناندىق اپەكە - سىڭلىلەرىن وسىندا باس قوسۋعا، وتكەن - كەتكەندى ايتىپ سىرلاسۋعا شاقىرىپ تۇرادى ەكەن، ءسويتىپ شاكەنەدەي «شياڭچۇنيۋان» «حۋناندىق بويجەتكەندەردىڭ وتاۋىنا» اينالعان.
«حۋناندىق اپەكەلەرىمنىڭ دەنساۋلىقتارىنىڭ مىقتى، وتباسىلارىنىڭ باقىتتى بولۋىن شىن جۇرەكتەن تىلەيمىن، شينجياڭ مەن حۋناننىڭ بولاشاعىنىڭ ءتىپتى دە نۇرلى بولۋىن تىلەيمىن. 66 جىلدىڭ الدىندا، سىزدەر پارتيا مەن مەملەكەتتىڭ ۇندەۋىنە ءۇن قوسىپ، شينجياڭدى كوركەيتىپ، شينجياڭدى قورعادىڭىزدار، سىزدەردىڭ ەڭبەكتەرىڭىزدى اتا مەكەن حالقى ۇمىتپايدى. سوڭعى جىلدارى حۋنان تەز دامىدى، وندا ۇلكەن وزگەرىستەر تۋىلدى، <حۋناندىق بويجەتكەن> اپەكەلەرىمنىڭ اۋىلعا قايتىپ كورىپ قايتۋلارىن قارسى الامىز»، - دەدى لي ۋيۋي.
10 - تامىز تۇستەن بۇرىن لي ۋيۋي جانە ونىڭ ساپارلاستارى شىحىزى قالاسىنا كەلىپ، وسىندا تۇرىپ جاتقان «حۋناندىق بويجەتكەندەردىڭ» ۋاكىلدەرىنە امانداسىپ، حال سۇرادى. شىحىزى قالاسى جۇمىسشىلار مادەنيەت سارايىندا، لي ۋيۋي «حۋناندىق بويجەتكەندەردىڭ» 05دەن استام ۋاكىلدەرىمەن باس قوسىپ، ولارعا ىزگى تىلەك ءبىلدىرىپ، حال سۇراۋ حاتىن، حال سۇراۋ قاراجاتىن جانە ەستەلىك بۇيىم ۇسىندى. لي ۋيۋي بىلاي دەدى: سول جىلدارى «حۋناندىق بويجەتكەندەر» جاپاعا شىدايتىن، ادۋىندى «حۋناندىق بويجەتكەندەردىڭ» رۋحىمەن جاپان ءتۇزدى باۋ - باققا اينالدىردى، شىحىزىنىڭ بۇگىنگى كەلبەتى مەن كوركى انە سونىڭ ارقاسى. «حۋناندىق بويجەتكەندەردىڭ» رۋحى ۇرپاقتان - ۇرپاققا جالعاسادى، «حۋناندىق بويجەتكەندەر» سالعان شينجياڭ مەن حۋناننىڭ دوستىق كوپىرى، ىنتىماق كوپىرى ونان ارى بەكەمدەلە تۇسەدى.
بيىل 80 جاسقا شىققان «حۋناندىق بويجەتكەن» حۋا شۋ - اي حۋناننىڭ حىڭياڭ دەگەن جەرىنىڭ ادامى، 1952 - جىلى اسكەرگە تىزىمدەلىپ، شينجياڭعا كەلگەن، بيڭتۋانداعى 1 - ۇرپاق ايەل تراكتورشى حۋا شۋ - ايدى بيڭتۋان كوپ مارتە «8 - ناۋرىز» قىزىلتۋشىسى جانە ۇزدىك قىزمەتكەر دەپ باعالاعان. لي ۋيۋي حۋا شۋ - ايدىڭ ۇيىنە بارىپ، حۋنان اكسەنتىندە ونىمەن اڭگىمە دۇكەن قۇردى. حۋا شۋ - اي «حۋناندىق بويجەتكەندەردىڭ سۇيىكتى ءانى «جاپان تۇزدە باۋ - باقشا اشامىزدى» ايتىپ، توتەنشە تەبىرەندى. ول: «ءبىز شينجياڭعا كەلىپ قۇرىلىسقا كومەك بەرۋمەن بىرگە، پارتيانىڭ ءتالىم - تاربيەسىن الىپ، باۋلۋىنا بولەندىك، پارتيانىڭ كوڭىل ءبولۋى، قامقورلىعى بولماسا، ءبىزدىڭ بۇعانامىز قاتىپ، دارىندى بولۋىمىز مۇمكىن ەمەس ەدى، سول ءۇشىن دە ءبىز پارتيا مەن ۇكىمەتكە العىس ايتامىز!» دەدى. لي ۋيۋي: حۋناندىق بويجەتكەندەر رۋحىنىڭ ناعىز ءمانى − وتانشىلدىق رۋح، جەكە باسىنىڭ قامىن قايىرىپ قويىپ، وتانعا ۇلەس قوسۋ رۋحى، ءبىز «حۋناندىق بويجەتكەندەردىڭ» رۋحىنا مۇراگەرلىك ەتىپ، اۋەلگى ماقساتىمىزدى ۇمىتپاي، مەملەكەتىمىزدى بۇرىنعىدان دا كوركەم ەتىپ قۇرىپ شىعۋىمىز كەرەك، - دەدى. ۋاكىلدەر ۇيىرمەسى تاعى «حۋناندىق بويجەتكەن» ۋاڭ شۋميننىڭ ۇيىنە كەلىپ، امانداسىپ، حال سۇراپ، وعان ىزگى تىلەكتەر ايتتى.
9 - تامىز تۇستەن كەيىن، حۋنان ولكەلىك پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى حۋاڭ لانشياڭ حۋنان ولكەلىك ونەركاسىپ - ساۋداگەرلەر بىرلەستىگىنىڭ كاسىپورىنشىلارىن باستاپ، بيڭتۋاننىڭ ۇرىمجىدەگى ونەركاسىپ باقشاسىن ەكسكۋرسيالاپ، كاسىپورىنداردىڭ ءوندىرىس جاعدايىمەن جانە ءتۇرلى قارجى قوسۋ ساياساتتارىمەن تانىستى. 10 - تامىزدا، حۋنان ولكەلىك ساياسي كەڭەس پارتيا باسشىلىق گرۋپپاسىنىڭ مۇشەسى ۋاڭ شياۋچين جانە ونىڭ ساپارلاستارى كورلا قالاسىنا بارىپ، «حۋناندىق بويجەتكەندەردىڭ» ۋاكىلدەرىنە امانداسىپ، حال سۇراپ، سول جەردەگى حۋناندىق كاسىپورىنداردى ەكسكۋرسيالادى. حۋنان ولكەسى ۋاكىلدەر ۇيىرمەسىنىڭ ءبىر ءبولىم مۇشەلەرى كوكدالا قالاسىنا بارىپ، «حۋناندىق بويجەتكەندەردىڭ» ۋاكىلدەرىنە امانداسىپ، حال سۇرادى.
حۋنان ولكەلىك ساياسي كەڭەستىڭ ورىنباسار ءتوراعاسى جانە باس حاتشىسى يۋان شينحۋا حال سۇراۋ قيمىلىنا قاتىستى. اۆتونوميالى رايوننىڭ جانە بيڭتۋاننىڭ باسشىلارىنان چىڭ جىنشان، گۇلشات ءابدىقادىر، شۇي جىشين، گو يۇڭحۇي جەكە - جەكە اتالعان قيمىلداردا بىرگە بولدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
