- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ورتالىق اسكەري ىستەر كوميتەتىنىڭ مەملەكەت قورعانىسى ىستەرىنە جۇمىلدىرۋ ءبولىمىنىڭ تەكسەرۋ، زەرتتەۋ گرۋپپاسى شينجياڭعا كەلىپ تەكسەرۋ جۇرگىزدى
2016.08.11 13:42 كەلۋ قاينارى : شينجياڭ گازەتى
ورتالىق اسكەري ىستەر كوميتەتىنىڭ مەملەكەت قورعانىسى ىستەرىنە جۇمىلدىرۋ ءبولىمىنىڭ تەكسەرۋ، زەرتتەۋ گرۋپپاسى 8 - تامىزدا شينجياڭعا كەلىپ، حالىقتىق قورعانىس تاربيەسىندەگى كەلەلى رەال ماسەلەلەر جونىندە ارناۋلى تاقىرىپتىق تەكسەرۋ، زەرتتەۋ جۇرگىزدى. 9 - تامىز تۇستەن كەيىن ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ءبىرىنشى شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشيان ۇرىمجىدە ورتالىق اسكەري ىستەر كوميتەتىنىڭ مەملەكەت قورعانىسى ىستەرىنە جۇمىلدىرۋ ءبولىمىنىڭ ساياسي كوميسسارى جۋ شىڭليڭمەن جانە ونىڭ سەرىكتەرىمەن كەزدەستى.
جاڭ چۇنشيان كەزدەسۋدە بىلاي دەدى: مەملەكەت قورعانىسى تاربيەسى جانە جۇمىلدىرۋ شينجياڭدا ەرەكشە ماڭىزدى، اۆتونوميالى رايوندىق پارتكوم، ۇكىمەت بۇعان ەجەلدەن قاداعالاي نازار اۋدارىپ كەلەدى، قورعانىس تاربيەسىن اۆتونوميالى رايوننىڭ دامۋ قۇرىلىسى جالپى جاعدايى تۇرعىسىنان ويلاسىپ، جوبالاپ، مەملەكەت قورعانىسى تاربيەسى ورگاندارى مەن قوسىندارى قۇرىلىسىن كۇشەيتىپ، جوعارى مەن تومەن توعىسقان، جان - جاقتى اۋىس - كۇيىس جاساسا الاتىن مەملەكەت قورعانىسى تاربيەسى قوسىنىن قۇردىق ءارى ەلىمىز كولەمىندە مەملەكەت قورعانىسى تاربيەسى بىرىككەن ءماجىلىسى ءتۇزىمىن الدىمەن ورناتتىق. ءىس جۇزىندىك مەڭگەرۋ بارىسىندا، شينجياڭ شەكارا قورعانىسى قۇرىلىسىنا ايرىقشا ءمان بەرەدى، تاياۋدا شاۋەشەكتە اۆتونوميالى رايوننىڭ شەكارانى بەكەمدەپ، شەكارا رايوندى گۇلدەندىرۋ اڭگىمە ءماجىلىسىن وتكىزىپ، باس شۋجي شي جينپيڭنىڭ شەكارا قورعانىسى جانە ««شەكارانى جونگە سالۋ» جونىندەگى ماڭىزدى ءسوزىنىڭ رۋحىن ىشكەرىلەي دايەكتى تياناقتاندىردىق، جاڭا جاعدايدا شەكارانى بەكەمدەۋ، شەكارانى گۇلدەندىرۋ قىزمەتىن زەرتتەپ، ورنالاستىردىق، شينجياڭنىڭ 5700 كيلومەتردەن استام شەكارا لەنياسىن باتىل قورعادىق. تەكسەرۋ، زەرتتەۋ گرۋپپاسىنداعىلاردىڭ كەڭ كولەمدى ىشكەرىلەي تەكسەرىپ، زەرتتەپ، شينجياڭنىڭ حالىقتىق قورعانىس تاربيەسى قىزمەتىن اناعۇرلىم جاقسى ىستەۋى ءۇشىن قىمباتتى پىكىر جانە ۇسىنىس بەرۋىن ءۇمىت ەتەمىن.
جۋ شىڭليڭ بىلاي دەدى: شينجياڭدا تەكسەرۋ، زەرتتەۋ جۇرگىزگەندە، شينجياڭنىڭ قورعانىسى تاربيەسى سياقتى قىزمەتتەرىنىڭ جاعدايىن ىشكەرىلەي ۇعىسامىز. بەرتىنگى جىلداردا شينجياڭ قورعانىس تاربيەسى قىزمەتىنە ءمان بەرىپ، كوپتەگەن جەتىستىكتەرگە جانە تاجىريبەلەرگە قول جەتكىزدى، تەكسەرۋ، زەرتتەۋ گرۋپپاسى مۇنى دەن قويا قورىتىندىلاپ، ورتالىق اسكەري ىستەر كوميتەتىنىڭ شەشىم جاساۋىنا ماتەريال توپتايدى. تەكسەرۋ، زەرتتەۋ گرۋپپاسىنداعىلار 8 - تامىزدا شينجياڭ اسكەري رايونىندا اۆتونوميالى رايوننىڭ قورعانىس تاربيەسى قىزمەتى جونىندە اڭگىمە ءماجىلىس وتكىزدى. رايونىمىزدىڭ قورعانىس تاربيەسى قىزمەتىنىڭ جەتىستىكتەرى جونىندەگى دوكلاتتى تىڭداعاننان كەيىن، جۋ شىڭليڭ مۇنى تۇراقتاندىردى.
ۇعىسۋعا قاراعاندا، بەرتىنگى جىلداردا اۆتونوميالى رايون جوعارى دەڭگەيدە جوبالاۋدى كۇشەيتىپ، مادەنيەتپەن جەتەكشىلىك ەتىپ، بازانى ويداعىداي قۇرىپ، كورنەكتى ونىمدىلىككە قول جەتكىزگەن. ارميا مەن حالىقتىڭ قاتىناسى جاراسىمدى، قوعام ورنىقتى بولىپ، ارميا مەن حالىقتىڭ بەرەكەسى، ۇلتتار ىنتىماعى جاعىندا ءبىر تالاي وزات تيپتەر بوي كورسەتكەن. باسشى كادرلار سىندى شەشۋشى ءتۇيىندى كورنەكتىلەندىرىپ، جاستار مەن ورەندەر، وقۋشىلار سىندى نەگىزدى بەكەمدەپ، حالىق جاساعى زاپاس قوسىنى جانە شەكارانى قورعاۋشىلار سىندى تىرەكتى مىقتاپ يگەرىپ، وتانشىل ءدىني قايراتكەرلەردىڭ رولىن ساۋلەلەندىرىپ، كوپ ءتۇرلى فورما قولدانىپ، قورعانىس تاربيەسىنىڭ ونىمدىلىگىن كۇشەيتكەن.
تەكسەرۋ، زەرتتەۋ بارىسىندا، جۋ شىڭليڭ جانە ونىڭ سەرىكتەرى ءۇرىمجى قالالىق تيانشان رايونى حيجياشان ءمالى باسقارماسىنىڭ حوۋجيە الەۋمەتتىك اۋماعىنا، بەلگىلى اسكەري ءبولىمىنىڭ جاستار مەن ورەندەر قورعانىس تاربيەسى جازدىق لاگەرىنىڭ تاربيە بازاسىنا بارىپ، حيجياشان وڭىرىندەگى كوشپەلى تۇرعىنداردىڭ بالالارىنىڭ، جەمەنەي اۋدانى سياقتى جەرلەردەگى شەكارا شارلاۋشىلاردىڭ پەرزەنتتەرىنىڭ جاعدايىن ۇعىستى. جۋ شىڭليڭ ءار ۇلت جاستارى مەن ورەندەرىنىڭ وتاندى ءسۇيۋ، ارميانى ءسۇيۋ سەزىمىن جەتىلدىرۋىن، ولاردىڭ اقاۋسىز ەسەيىپ - ەرجەتۋىن ءۇمىت ەتتى.
جۋ حايلۇن، لي ۋي، شاۋكەت يمىن، لي شۋەجۇن، پىڭ جيارۇي، تيان ۋىن، ءسالىمجان سايدوللا، يان گوساندار جەكە - جەكە كەزدەسۋگە جانە تەكسەرۋ، زەرتتەۋ قيمىلىنا قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
