- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءبىر رەتكى دوستىق ساپار
ارداق بەيىسقان ۇلى
2016.08.19 14:07 كەلۋ قاينارى : شينجياڭ گازەتى
بۇگىنگى تاڭدا «ءبىر بەلدەۋ، ءبىر جول» لەنياسىنداعى ەلدەر اراسىندا ءتۇرلى سالاداعى سەلبەستىكتەر، بارىس - كەلىستەر بارعان سايىن مولايدى. وسى بارىس - كەلىستەردىڭ تاعى ءبىر ايعاعى رەتىندە، قازاقستان فوتوونەر قوعامدىق بىرلەستىگىنىڭ ۇسىنىسىمەن بيىل مامىر ايىنىڭ ورتا شەنىندە وتكەن قازاقستان حالىقارالىق «تۇركستان − 2016» فوتو ەكسپەدەتسياسىنا، ياعني 2016 - جىلعى تۇركستان وڭىرىندە بولعان فوتو شىعارماشىلىق ساپارىنا جول الدىم.
الماتى قالاسىندا قازاقستان فوتوونەر قوعامدىق بىرلەستىگىنىڭ ءتوراعاسى اسىلقان ابدىرەيىم ۇلى باستاعان جانە ونداعى فوتوونەرىمەن اينالىسىپ جۇرگەن، بىلايشا ايتقاندا، «ءبىر تەرىنىڭ پۇشپاعىن يلەسىپ جۇرگەن» گازەت - جۋرنالداردىڭ فوتو تىلشىلەرىمەن كادىمگى دوستارداي قۇشاق جايا جۇزدەستىم. سونىمەن، كوزدەۋلى ءوڭىرىمىز قازاقستاننىڭ وڭتۇستىگىندەگى شىمكەنت وبلىسىن بەتكە الىپ جول الدىق. ءيا، تاڭعى شۇعىلامەن الاتاۋ بوكتەرىندەگى قىزعالداقتار نارتتاي قىزارىپ، قۇلپىرىپ تۇر. اشقاراق بالاداي اپپاراتتىڭ كىنوبكاسىن جارىسا توقتاۋسىز باسىپ جاتىرمىز.
جول بويى كونە تاراز قالاسى جانە ول جەردەگى تاريحي مۇراجايلار مەن ايشا ءبيبى، قاراقان بابا كەسەنەلەرىن ارتقا تاستاپ، مەجەلى جەرلەرىمىز − شىمكەنت وبلىسىنىڭ تۇركستان، وتىرار قالالارىنداعى قاسيەتتى ارىستان باب پەن قوجا احمەت ياساۋي بابا كەسەنەلەرىنە، كۇش اتاسى اتانعان قاجىمۇقان بالۋاننىڭ مۇراجايىن، ودان ارى قازاقستاننىڭ سۇلۋ ءتورى بولعان تۇلكىباس اۋدانى مەن اقسۋ جاباعىلى حالىقارالىق قورىعىنا جالعاستى. ال وسى تاماشا تابيعات اياسىنداعى ساپارىمىزعا كومەك قولىن سوزىپ، قولداۋ كورسەتكەن وبلىس اكىمى بەيبىت اتامقۇلوۆ فوتوگرافتاردى قۇشاق جايا قارسى الىپ، فوتو تىلشىلەرمەن اشىق جارقىن اڭگىمە دۇكەنىن قۇردى. وسى رەتكى ساپارىمىزدىڭ تاعى ءبىر باستى مازمۇنى − قازاقستان پرەمەر - مينيسترىنىڭ جەكە فوتوگرافى شۇكىر شاحايدىڭ فوتو كورمەسى، فوتوشى وڭعاربەك الحاروۆ باستاعان فوتوشىلاردىڭ قازاقستان ەلىنىڭ ءارقايسى سالالارىندا بۇگىنگى كۇندەرى سۇبەلى ەڭبەك سىڭىرگەن ۇلى تۇلعالاردىڭ جيىنتىق بەينەسىنە ارنالعان «ەل ماقتانىشتارى» اتتى كورمەنى تاماشالاۋ.
وسى فوتو ەكسپەدەتسيانىڭ جەتەكشىسى، تانىمال فوتو جۋرناليست، «فوتوونەر» قوعامدىق بىرلەستىگىنىڭ ءتوراعاسى اسىلحان ابدىرايىم ۇلىمەن جول بويى اڭگىمەدە بولعانىمدا: «فوتوونەر» قوعامدىق بىرلەستىگىن قۇرۋداعى ماقساتىمىز − كەيىنگى جاستارعا جول اشۋ. كەزىندە فوتوگرافيا سالاسىنا ءوزىم ەندى - ەندى قىزىعىپ، ۇيرەنۋگە تالپىنىپ جۇرگەن ۋاقىتتا ماعان ۇيرەتەتىن ەشكىم بولمادى، وقۋلىق تا جوق ەدى. سولاردىڭ ءبارى ءوزىمنىڭ باسىمنان وتكەندىكتەن، ەندىگى جاستارعا جول كورسەتۋدى، فوتوونەرىنە باۋلۋدى مىندەتىم دەپ سانايمىن. جاستارىمىزدى كاسىبي فوتوگرافتاردىڭ اراسىنا قوسىپ، ولاردان بىلمەگەندەرىن ۇيرەنۋلەرىنە جاعداي جاسادىق، ولار كۇن سايىن جاڭالانىپ جاتقان تەحنيكالاردىڭ ءتىلىن ەركىن مەڭگەرسە ەكەن، - دەدى.
سونىمەن 3 كۇندىك ساپارىمىزدا قازاقستان ەلىندەگى قازاق ازاماتتارىنىڭ فوتوونەرىنە بولعان تانىمى مەن وسى كاسىپكە بولعان قۇشتارلىعىنا ءتانتى بولىپ قايتتىم.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
