- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
چىن چۋانگو قاشقار ايماعىندا تەكسەرۋ - زەرتتەۋ جۇرگىزگەندە باس شۋجي شي جينپيڭنىڭ ماڭىزدى سوزدەرىنىڭ رۋحىن ۇيرەنۋدى، دايەكتىلەندىرۋدى قوزعاۋشى كۇش ەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ پاراعىن بىرگە جازۋدى باسا دارىپتەدى
2016.09.23 14:09 كەلۋ قاينارى : شينجياڭ گازەتى
اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو 20 - قىركۇيەكتە قاشقار ايماعىندا تەكسەرۋ - زەرتتەۋ جۇرگىزگەندە مىنانى باسا دارىپتەدى: باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن، اسىرەسە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە سويلەگەن ماڭىزدى ءسوزى مەن شينجياڭدا قىزمەت تەكسەرگەندە جاساعان ماڭىزدى نۇسقاۋىنىڭ رۋحىن دايەكتىلەندىرۋدى، تياناقتاندىرۋدى قوزعاۋشى كۇش ەتىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭدى قۇلشىنا قۇرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ پاراعىن بىرگە جازۋ كەرەك.
قىركۇيەك، وڭتۇستىك شينجياڭدا كۇزدىڭ سالقىن سامالى ەسىپ، جەمىس - جيدەكتىڭ ءيىسى اڭقىعان مەزگىل. چىن چۋانگو قاشقار ايماعى قاشقار قالاسىنىڭ اۋىل - قىستاقتارىنا بارىپ، وتباسىلارىن ارالاپ، ءار ۇلت كادرلارى مەن بۇقاراسىنان شىنايى حال سۇرادى، شي جينپيڭ جولداس باس شۋجي بولعان پارتيا ورتالىق كوميتەتى بەلگىلەگەن قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋ، تياناقتاندىرۋ، ەكونوميكانىڭ، قوعامنىڭ دامۋىن ىلگەرىلەتۋ جاعدايى جونىندە تەكسەرۋ - زەرتتەۋ جۇرگىزدى.
قاشقار قالاسى قوعان اۋىلى كوشەباسى قىستاعىندا چىن چۋانگو اۋىل - قىستاق كادرلارىمەن، «ۇعىسۋ، تيىمدىلىك جاساۋ، توعىستىرۋ» قىزمەت گرۋپپاسى بويىنشا قىستاقتا تۇراتىن كادرلارمەن، ستۋدەنت قىستاق كادرلارىمەن ىقىلاسپەن اڭگىمەلەسىپ، قوعام اماندىعىن، نەگىزگى ساتى پارتيا قۇرىلىسىن، حالىق تۇرمىسىن جانە قىستاقتا تۇراتىن قىزمەت گرۋپپاسىنىڭ قىزمەت جاعدايىن ەگجەي - تەگجەيلى ۇعىستى.
چىن چۋانگو بىلاي دەدى: حالىق بۇقاراسى − كۇش قاينارىمىز، پارتيامىزدىڭ ىرگە تاسى. ءبىز ءدوپ كەلگەن ورنىقتىلىق، دامۋ مىندەتتەرى اۋىرلاعان سايىن، حالىق بۇقاراسىمەن ەتەنە قاتىناسىمىزدى نىعايتا ءتۇسۋىمىز كەرەك. بۇكىل رايونىمىزداعى پارتيالى كادرلار نەگىزگى ساتىعا ىشكەرىلەي بارىپ، بۇقارادان ۇيرەنۋى، بۇقارامەن ىنتىماقتاسۋى، بۇقاراعا ۇگىت جۇرگىزۋى، بۇقارانى اتتانىسقا كەلتىرۋى، بۇقاراعا قىزمەت كورسەتۋى، بۇقارانىڭ مۇڭ - مۇقتاجىمەن شىنايى ساناسىپ، ءىس جۇزىندىك قيىنشىلىقتارىن شىنايى شەشۋى، ءار ۇلت بۇقاراسىن پارتيا مەن ۇكىمەتتىڭ توڭىرەگىنە تىعىز ىنتىماقتاستىرىپ، جۇرت كوڭىلى مەن كۇش - قۋاتىن جاپپاي دوڭگەلەك داۋلەتتى قوعام قۇرۋ مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋعا ۇيىستىرۋ كەرەك.
«اتا، امانسىز با، اتا، سالەمەتسىز بە...». كوشەباسى قىستاعىنىڭ بالا باقشاسىنا كىرگەندە، بالالار چىن چۋانگوعا امانداستى. چىن چۋانگو بالالارمەن بىرگە وتىرىپ، ولاردىڭ ۇيرەنۋ، تۇرمىس جاعدايىن ىقىلاسپەن سۇراپ ۇعىستى. «نەشەگە كەلدىڭ؟»، «اكە - شەشەڭ نە ىستەيدى؟»، «بالا باقشاسىنان نە ۇيرەندىڭ؟» ءبىلال ابىليكىم يمەنە 4 ساۋساعىن كورسەتىپ، حانزۋ تىلىندە: 4 جاسقا كەلدىم، شەشەم قىستاق تۇرعىندار كوميتەتىندە ىستەيدى، اكەم قالادا جالدانبا جۇمىس ىستەيدى، − دەدى. چىن چۋانگو ءبىلالدىڭ قولىن ۇستاپ، بالالاردىڭ جاتاعىن ارالاپ، بالا باقشا وقىتۋشىلارىنا بالالاردىڭ تۇرمىسىن، ءسوز جوق، جاقسى ورنالاستىرۋدى، ولاردى اقاۋسىز جەتىلدىرۋدى تاپسىردى.
«اتا، ساۋ بولىڭىز، اتا، قوش». بالا باقشادان كەتەردە بالاقايلار قولدارىن بۇلعاپ، چىن چۋانگومەن قوشتاسىپ جاتتى.
چىن چۋانگو قىستاقتا تۇراتىن حالىق ساقشىلارى مەن قىستاق شارلاۋشىلارىنان دا شىنايى حال سۇراپ، قىستاقتىڭ ساقشىحاناسىنا بارىپ، اماندىقتى قورعاۋ جاعدايىن ەگجەي - تەگجەيلى ۇعىسىپ، ولاردىڭ قىزمەتىن تولىق تۇراقتاندىردى. ول بىلاي دەپ اتاپ كورسەتتى: تىنىش، ءتارتىپتى، گۇلدەنگەن، جاراسىمدى قوعامدىق ورتا جۇرت تىلەگى، كوپتىڭ قالاۋى. زورلىقتى كۇش لاڭكەستەرىنە باتىل، قاتاڭ سوققى بەرۋ ءار ۇلت حالقىن بارىنشا قورعاعاندىق جانە ولاردى شەكسىز سۇيگەندىك. ءتۇرلى فورماداعى جۇمىلا ساقتانۋ، جۇمىلا جونگە سالۋ قيمىلدارىن ىشكەرىلەي ورىستەتىپ، ورنىقتىلىقتى قورعاۋدىڭ قۇرىش قورعانىن سوعىپ، زورلىقتى كۇش لاڭكەستەرىن بەينە «كوشەدەن قاشقان تىشقاندى بارلىق ادام ۇر - ۇردىڭ استىنان الاتىن» كۇيگە ءتۇسىرۋ كەرەك.
ءماجىلىس ۇيىندە قىستاق پارتيا ياچەيكاسى مەن قىستاق تۇرعىندار كوميتەتىنىڭ باسشىلىق القا مۇشەلەرى، پارتيا مۇشەلەرىنىڭ ۋاكىلى، ءدىني قايراتكەرلەر ۋاكىلى كەزەكتى ءماجىلىسىن اشىپ جاتىر ەكەن. قىستاق پارتيا ياچەيكاسىنىڭ شۋجيى ابدىكەرىم وبىل: بىلتىر كوشەباسى قىستاعىنداعى تۇرعىنداردىڭ جان باسىندىق ورتاشا كىرىسى 8300 يۋاننان استى. بۇكىل قىستاعىمىزداعىلار شي جينپيڭ جولداس باس شۋجي بولعان پارتيا ورتالىق كوميتەتىنىڭ بىزگە ارناپ وسىنشاما كوپ سارا ساياساتتار شىعارعانىنا شىن جۇرەكتەن العىس ايتامىز. جاقسى تۇرمىس كەشىرىپ، دوڭگەلەك داۋلەتتى قوعامعا تالپىناتىن كۇش - قايراتىمىز ەسەلەپ ارتتى، - دەدى. چىن چۋانگو بىلاي دەدى: باس شۋجي شي جينپيڭ شينجياڭداعى ءار ۇلت حالقىنا ايرىقشا كوڭىل بولەدى، وتە - موتە، شينجياڭدا قىزمەت تەكسەرگەن كەزىندە قاشقارعا ارنايى كەلىپ، ءار ۇلت جۇرتشىلىعىنان حال سۇرادى، بۇل باس شۋجيدىڭ قاشقار حالقىنا دەگەن ەرەكشە قامقورلىعىن بەينەلەيدى. ءبىز باس شۋجيدىڭ قامقورلىعىن، تەرەڭ سۇيىسپەنشىلىگىن قوزعاۋشى كۇشكە اينالدىرىپ، تىلەكتەس، بىلەكتەس بولىپ، تيانشان تاۋىنىڭ تۇستىگى مەن تەرىستىگىندە ۇلتتار ىنتىماعىنىڭ گۇلىن قۇلپىرتىپ، وتانىمىزدىڭ شينجياڭىن بارىنشا كوركەيتە ءتۇسۋىمىز كەرەك.
چىن چۋانگو تاعى قاشقارداعى اپپاققوجا مەشىتىنىڭ حاتيبى، 76 جاستاعى ابىلەميت وسمانعا امانداسا باردى. اپپاققوجا مەشىتى جۇپارحان قابىرىنىڭ جانىنا ورنالاسقان، ابىلەميت وسى جەردە حاتيب بولعالى تۇپ - تۋرا 21 جىل بولعان ەدى. چىن چۋانگو ابىلەميتتىڭ وتباسى تۇرمىسى مەن مەشىتتى باسقارۋ، ءدىني قيمىلداردى ورىستەتۋ جاعدايىن ەگجەي - تەگجەيلى ۇعىسقاننان كەيىن، ونىڭ ۇشقارىلىقتى الاستاۋ ءۇشىن ىستەگەن قىزمەتتەرىنە العىس ايتتى. چىن چۋانگو قالىڭ وتانشىل ءدىني قايراتكەرلەردەن ءوز باسىمدىقتارىن بەلسەنە ايگىلەپ، وتاندى، ءدىندى سۇيۋدەي تاڭداۋلى ءداستۇردى ساۋلەلەندىرىپ، ءدىني ۇشقارىلىق يدەياعا تۋى ايقىن تۇردە قارسى تۇرىپ، دىنگە سەنەتىن قالىڭ جۇرتشىلىقتى ءدىن اقيدالارىن دۇرىس تۇسىنۋگە جەتەلەپ، ءدىننىڭ سوتسياليستىك قوعامعا سايكەسۋىن قۇلشىنا العا ىلگەرىلەتىپ، وتاننىڭ تۇتاستىعىنا، ۇلتتاردىڭ ىنتىماعىنا، قوعامنىڭ جاراسىمدىلىعىنا تىڭ ۇلەس قوسۋدى ءۇمىت ەتتى.
وسىدان كەيىن چىن چۋانگو قاشقار ايماقتىق قوعام حاۋىپسىزدىگى مەكەمەسىنىڭ قولباسشىلىق ورتالىعىنا كەلىپ، كەزەكشىلىك وتەپ جاتقان قىزمەتكەرلەرمەن قول الىسىپ امانداستى، سونداي - اق ءارقايسى اۋدان، قالاداعى قولباسشىلىق ورتالىقتارمەن بەينە - ەكران ارقىلى تىلدەسىپ، اۆتونوميالى رايوندىق پارتكوم مەن حالىق ۇكىمەتى اتىنان ورنىقتىلىقتى قورعاۋدىڭ ءبىرىنشى شەبىندەگى ءارقايسى كۇشتەردەن ىقىلاستى تۇردە حال سۇرادى. چىن چۋانگو بىلاي دەدى: قوعام ورنىقتىلىعى مەن باياندى تىنىشتىق شي جينپيڭ جولداس باس شۋجي بولعان پارتيا ورتالىق كوميتەتى ايقىنداپ بەرگەن شينجياڭ قىزمەتىنىڭ باس نىساناسى، پارتيا ورتالىق كوميتەتىنىڭ، باس شۋجي شي جينپيڭنىڭ بىزگە جۇكتەگەن داڭقتى بورىشى. ورنىقتىلىق بارلىعىن باسىپ تۇسەدى يدەياسىن بەرىك ورناتىپ، سوتسياليستىك زاڭمەن جونگە سالۋ تۋىن، نەگىزگى زاڭ جانە زاڭدار تۋىن بيىك ۇستاپ، ايرىقشا ساق بولۋ، ساقتىق دابىلىن ۇزبەي قاعۋ، ەرتە قارمانۋ، ۇلعايتپاۋ، دەر كەزىندە، تىڭعىلىقتى يگەرۋ، باسىم باعىتتاعى قىزمەتتى جاقسى ىستەپ، ىرىقتى شايقاستى جاقسى جۇرگىزىپ، 9 جاقتاعى ورنىقتىلىقتى قورعاۋ شاراسىن ىشكەرىلەي تياناقتاندىرىپ، تانىمدى، ورنالاستىرۋدى، شارالاردى، جاۋاپكەرشىلىكتى تياناقتاندىرىپ، ورنىقتىلىقتى قورعاۋ قىزمەتىنىڭ ىرىقتىعىن بۇلجىتپاي بەرىك يگەرىپ، شينجياڭنىڭ ءبىر ميلليون 600 مىڭ شارشى كيلومەترلىك بايتاق دالاسىن ويداعىداي قورعاۋ، ويداعىداي ورنىقتىرۋ، ويداعىداي دامىتۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
