- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايون جالپى حالىقتىق دەنساۋلىق تەكسەرۋ ينجەنەرياسىنا جۇمىلدىرۋ جونىندە تەلەۆيزور - تەلەفون ءماجىلىسىن اشتى
2016.10.09 14:53 كەلۋ قاينارى : شينجياڭ گازەتى
ءتىلشىمىز ياۋ جين 30 – قىركۇيەكتە ۇرىمجىدەن حابارلايدى. 30 – قىركۇيەكتە اۆتونوميالى رايون جالپى حالىقتىق دەنساۋلىق تەكسەرۋ ينجەنەرياسىنا جۇمىلدىرۋ جونىندە تەلەۆيزور – تەلەفون ءماجىلىسىن اشىپ، جالپى حالىقتىق دەنساۋلىق تەكسەرۋ ينجەنەرياسى جونىندە اتتانىسقا كەلتىرىپ، ورنالاستىرۋ جاسادى. ءماجىلىس ءتۇيىندى كورنەكتىلەندىرىپ، جالپى حالىقتىڭ دەنساۋلىعىن اقىسىز تەكسەرۋ قىزمەتىندە ۇزاق ۋاقىت ءونىم بەرەتىن مەحانيزم ورناتۋ جونىندە بەلسەندى ىزدەنىس جاساۋدى، حالىققا تيىمدىلىك جاسايتىن وسى ماڭىزدى ينجەنەريانى بار كۇشپەن ويداعىداي اتقارۋدى، ناقتاپ جۇرگىزۋدى، ءار ۇلت حالقىن ناقتى يگىلىككە كەنەلتۋدى العا قويدى.
اۆتونوميالى رايون بيىلدان باستاپ، ءار جىلى قالا مەن اۋىلدارداعى شينجياڭ نوپوسىنداعى تۇرعىنداردىڭ دەنساۋلىعىن اقىسىز تەكسەرۋ ينجەنەرياسىن اتقارۋدى ۇيعاردى. بۇل ينجەنەريا رايونىمىز كولەمىندە قىركۇيەكتەن باستاپ اتقارىلدى، ەڭ اۋەلى، گۇما اۋدانىندا سىناق ەتىلدى، وڭتۇستىك شينجياڭداعى 3 ايماق، ءبىر وبلىستاعى قالا، اۋىل تۇرعىندارىنىڭ دەنساۋلىعىن تەكسەرۋ قىزمەتى 31 – جەلتوقساننان بۇرىن اياقتايدى، قالعان ايماقتاردىڭ(وبلىس، قالا)ءبىرىنشى كەزەكتەگى دەنساۋلىق تەكسەرۋ قىزمەتى 2017 – جىلدىڭ سوڭىنا دەيىن اياقتايدى.
تانىستىرۋعا قاراعاندا، رايونىمىزدىڭ جالپى حالىقتىق دەنساۋلىق تەكسەرۋ ينجەنەرياسىنىڭ تەكسەرۋ مازمۇنى مەملەكەتتىك دەنساۋلىق ساقتاۋ جانە جوسپارلى تۋىت كوميتەتى باسىپ تاراتقان «مەملەكەتتىڭ نەگىزگى الەۋمەتتىك دەنساۋلىق ساقتاۋعا قىزمەت وتەۋ ولشەمى (2016 – جىلعى نۇسقاسى)» بويىنشا اتقارىلادى، ءارقايسى جەر سول جەردە كوپ كەزدەسەتىن اۋرۋلاردى نەگىز ەتىپ، باۋىر قابىنۋ، تۋبەركۋلەز، ايەلدەر اۋرۋى، جىلاۋىق قۇرت اۋرۋى سياقتى اۋرۋلارعا قاتىستى تەكسەرۋ تۇرلەرىن دەنساۋلىق تەكسەرۋ ولشەمىنىڭ كولەمىنە ەنگىزۋىنە بولادى. دەنساۋلىق تەكسەرۋ اقىسى پرينسيپتەگى ولشەم بويىنشا ادام باسىنا 100 يۋاندىق دەنساۋلىق تەكسەرۋ ولشەمىمەن اتقارىلادى، تەكسەرۋ قاراجاتىن قازىنا تاراۋى جاۋاپتى بولىپ ءبىر تۇتاس جوسپارلاپ شەشەدى. دەنساۋلىق تەكسەرۋگە قاتىناساتىن وبيەكتىلەر 0 جاستان 6 جاسقا دەيىنگى (6 جاستى قامتيدى) بالالاردى؛ 7 جاستان 14 جاسقا دەيىنگى (14 جاستى قامتيدى) وقۋشىلاردى؛ قالا مەن اۋىلدارداعى 15 جاستان 64 جاسقا دەيىنگى (64 جاستى قامتيدى) تۇرعىنداردى؛ 65 جاستاعى جانە 65 جاستان اسقان قالا، اۋىل تۇرعىندارىن؛ كاسىپورىنداردان پەنسياعا شىققان جۇمىسشى قىزمەتكەرلەردى قامتيدى.
دەنساۋلىق تەكسەرۋ قىزمەتىن اۋىل، قالاشىق شيپاحانالارى مەن الەۋمەتتىك اۋماقتىڭ دەنساۋلىق ساقتاۋ قىزمەت وتەۋ ورتالىعى ەگجەي – تەگجەيلى جاۋاپتى بولىپ ۇستىنە الادى، ءارقايسى اۋدان دارەجەلى شيپاحانالاردىڭ ەمدەۋ قىزمەتىمەن شۇعىلداناتىن بارلىق ءبولىمى بىرگە ات سالىسادى. قىستاقتارداعى ەمدەۋ ورىندارى مەن الەۋمەتتىك اۋماقتىڭ دەنساۋلىق ساقتاۋ قىزمەت وتەۋ پۋنكتتەرى اۋىل، قالاشىق شيپاحانالارى مەن الەۋمەتتىك اۋماق دەنساۋلىق ساقتاۋ قىزمەت وتەۋ ورتالىعىنىڭ ءبىر تۇتاس ورنالاستىرۋىنا ساي، تىعىز سايكەسىپ دەنساۋلىق تەكسەرۋ قىزمەتىن ويداعىداي جۇرگىزۋى كەرەك.
جالپى حالىقتىق دەنساۋلىق تەكسەرۋ ينجەنەرياسىنىڭ كولەمى زور ءارى جۇيەلى قۇرىلىس، ول رايونىمىزداعى جەر جەر مەن ءارقايسى تاراۋعا جانە ءارقايسى جاس قۇرامىنداعى ادامدارعا سايادى، ۇيىمداستىرۋ، ورنالاستىرۋ، قامتاماسىز ەتۋ سياقتى ءتۇرلى مىندەتتەردىڭ سالماعى اسا اۋىر ءارى كۇردەلى. بيىل، ياعني دەنساۋلىق تەكسەرۋ ينجەنەرياسى باستاپ اتقارىلعان جىلدا جاقسى باستاما جاراتىپ، العاشقى قادامدى جاقسى باسۋعا كەپىلدىك ەتۋمەن بىرگە، وسى قىزمەتتىڭ بۇدان كەيىن ءار جىلى ورىستەتىلۋىنە نەگىز قالاۋ كەرەك.
ءماجىلىس مىنالاردى تالاپ ەتتى: جەر جەر، تاراۋلار ءتۇيىندى كورنەكتىلەندىرىپ، قىزمەت وتەۋدى جاقسارتۋى، ءار دارەجەلى ەمدەۋ قۇرىلىمدارى دەنساۋلىق تەكسەرۋ بارىسىن ساپالىلاندىرىپ، بەلگى – كورسەتكىشتەردى انىقتاپ كورسەتىپ، حالىقتىڭ دەنساۋلىق تەكسەرتۋىنە قولايلىلىق جاراتۋى؛ ەمدەۋ قاراجاتىن ەسەپتەن كوتەرتۋ سياقتى قامتاماسىز ەتۋ قىزمەتىن ويداعىداي ىستەۋى؛ تەكسەرۋ بارىسىندا بايقالعان حالىق جۇرتشىلىعىنىڭ دەنە اقاۋسىزدىعىنا حاۋىپ توندىرەتىن اۋرۋلاردى ەرتە بايقاۋدى، ەرتە دياگنوز قويۋدى، ەرتە باستان ەمدەۋدى شىنايى ورىنداۋى؛ دەنساۋلىققا قاتىستى ينفورماتسيا ساندى مالىمەت تەكشەسىن كەمەلدەندىرىپ، قاراجاتتى باسقارۋ جانە ناقتىلاندىرۋ شاراسىن كۇشەيتىپ، تياناقتاندىرۋدى مىقتى ۇستاۋى كەرەك.
اۆتونوميالى رايوندىق پارتكومنىڭ تۇراقتى مۇشەسى عانيبات سابىكەي ۇلى ماجىلىسكە قاتىناستى ءارى ءسوز سويلەدى، اۆتونوميالى رايوننىڭ ورىنباسار ءتوراعاسى تيان ۋىن ءماجىلىستى باسقاردى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
