كىرىسىڭىزدە وزگەرىس بولدى ما؟ — جەكەلەر تابىس باجىسى رەفورماسىنداعى جاڭا وزگەرىستەر جونىندە تەكسەرۋ
شينحۋا اگەنتتىگىنىڭ ءتىلشىسى يۇي لياڭيۋان، چىن گاڭ
2018.12.04 15:22 كەلۋ قاينارى : حالىق تورابى
ءتىلشىنىڭ جۋىردا مەملەكەتتىك باجى ىستەرى باس مەكەمەسىنەن ۇعىسۋىنشا، جەكەلەر تابىس باجىسى رەفورماسى اتقارىلعاننان بەرى، تۇڭعىش مەرزىمدىك مالىمدەۋ ءىسى ورنىقتى جۇرگىزىلۋدە، ساندى دەرەكتەرگە قاراعاندا، رەفورما اتقارىلعان العاشقى ايدا، بۇكىل ەلىمىز بويىنشا جەكەلەر تابىس باجىسى جاعىندا 31 ميلليارد 600 ميلليون يۋان باجى ازايتىلعان، باجى رەفورماسىنان بۇرىن باجى تاپسىرىپ جۇرگەن 60 ميلليوننان استام ادام بۇدان بىلاي ەڭبەكاقى تابىسىنا جەكەلەر تابىس باجىسىن تاپسىرمايتىن بولدى. باجى مولشەرى جاپپاي تومەندەتىلگەن ءارقايسى سالالار بويىنشا، جاساۋ كاسىبى جاعىنداعى باجى تاپسىرۋشىلاردان الىناتىن باجىنى ازايتۋ كولەمى زور بولعان، حالىقتىق كاسىپورىنداردان الىناتىن باجىنى ازايتۋ مولشەرى ءبىرشاما كورنەكتى بولعان.
ءسىز تاپسىراتىن باجى قانشالىق ازايدى، كىرىسىڭىزدە وزگەرىس بولدى ما؟ رەفورما جۇرتشىلىقتىڭ تۇرمىسى مەن ەكونوميكانىڭ دامۋىنا قانداي ىقپال جاسايدى؟
ەڭبەكاقى كىرىسى 20 مىڭ يۋاننان تومەن بولعان باجى تاپسىرۋشىلاردان الىناتىن باجىنى ازايتۋ مولشەرى %50تەن اسقان
جەكەلەر تابىس باجىسى رەفورماسى اتقارىلعاننان كەيىن، جۇڭگو مۇناي – حيميا شەكتى سەرىكتەستىگى گۋاڭشي چۇڭزو مۇناي بولىمشە سەرىكتەستىگىندەگى ەڭ كورنەكتى وزگەرىس — باجى تاپسىرۋشىلاردىڭ سانى زور مولشەردە ازايىپ، باجى تاپسىرۋ اۋىرتپالىعى كورنەكتى جەڭىلدەدى. سەرىكتەستىكتىڭ جوعارى دارەجەلى باسقارۋشىسىن مىسالعا الساق، بۇل باسقارۋشىنىڭ 10 – ايداعى ەڭبەكاقىسى («ءۇش قامسىزداندىرۋ، ءبىر قوردى» شىعارىپ تاستاۋ كەرەك) 18152.53 يۋان بولعان، شىعارىپ تاستالاتىن قاراجاتتى 5000 يۋان بويىنشا ەسەپتەگەندە باجى تاپسىرۋعا ءتيىستى كىرىسى 13152.53 يۋان بولدى، قولدانىلاتىن باجى مولشەرى %25تەن %20كە تومەندەيدى، تاپسىرۋعا ءتيىستى باجى مولشەرى 2658.13 يۋاننان 1220.51 يۋانعا تومەندەيدى، باجىنى ازايتۋ مولشەرى %54 بولادى.
گۋاڭشي انكى ينجەنەريالىق تەكسەرۋ – ولشەۋ شەكتى سەرىكتەستىگىنىڭ قىزمەتكەرى ياڭ شياۋلۋ: مەنىڭ ەڭبەكاقىم 4950 يۋان، جەكەلەر تابىس باجىسىن الۋدىڭ باستالۋ نۇكتەسى جوعارىلاتىلعاننان كەيىن، قازىر مەن باجى تاپسىرمايتىنداردىڭ قاتارىندامىن، — دەيدى. باجى تولەمەيتىن بولعانىنا ول قاتتى قۋاندى.
رەفورما جۇرتشىلىقتىڭ تۇرمىسى مەن ەكونوميكانىڭ دامۋىنا قانداي ىقپال كورسەتەدى
ۇنەمدەلگەن اقشا قايدا جۇمسالادى؟
چاڭجوۋ ۋياڭ توقىما ماشينالارى سەرىكتەستىگىنىڭ باسقارۋشى قىزمەتكەرى چىڭ ليڭ تىلشىگە: ەڭبەكاقىعا سۇيەنەتىندەر كىرىسىنە قاراي تۇتىنۋىن رەتتەپ وتىرادى، — دەيدى. ونىڭ قولىنا تيەتىن كىرىسى ايىنا ورتا ەسەپپەن 7000 يۋاننان استام، جاڭا باجى ساياساتى اتقارىلعاننان كەيىن، ول ايىنا شامامەن 200 يۋاننان استام باجىنى از تاپسىرادى.
چىڭ ليڭ: بۇرىن اي سايىن بالامىزدى ەرتىپ شىعىپ سىرتتان ءبىر رەت تاماقتاناتىنبىز، ەندى ايىنا ەكى رەت شىعاتىن بولدىق. ۇنەمدەلگەن اقشا ناق قولىمىزعا تيەدى، ءبىر جىلدا ەكى – ءۇش مىڭداي يۋان اينالاسىندا دەگەن ءسوز، شىنىندا جاقسى بولدى، — دەيدى.
نانجيڭدەگى بەلگىلى ينتەرنەت عىلىم – تەحنيكا سەرىكتەستىگىندە قىزمەت ىستەيتىن جۋ حانىم: 10 – ايدا ەڭبەكاقى تاراتقان كەزدە ءاسىلى مەنىڭ جۇمىس ونىمدىلىگىم بويىنشا الدىڭعى ايداعىدان 300 يۋان عانا ارتىق الۋىم كەرەك بولاتىن، ءبىراق ەڭبەكاقىما 1200 يۋاننىڭ قوسىلعانىن كوردىم. جىنتىكتەي تەكسەرە كەلە بايقاعانىم، باجى تولەنەتىن ەڭبەكاقى مولشەرى 14765 يۋانعا قازىر جەكەلەر تابىس باجىسى بويىنشا 776.5 يۋان باجى تولەنەدى ەكەن، بۇرىن 1811 يۋان باجى تولەنەتىن، بۇل ايدا 1000 يۋاننان استام از تولەنىپتى. باجىنى ازايتۋ مولشەرى مۇنشالىق زور بولادى دەپ ويلاماپپىن، — دەيدى. 10 - ايدا جەكەلەر تابىس باجىسىنا 1000 يۋان از تولەگەندىكتەن، «قوس ون ءبىر» كەزىندە ول قۋانعانىنان ءتورت – بەس مىڭ يۋاندى جۇمساپ جىبەرىپتى.
قوسىمشا جۇمسالىمداردى ەسەپتەن شىعارىپ تاستاۋ قولايلى، اتقارۋعا وڭاي بولدى
جۇڭگو قوعامدىق عىلىمدار اكادەمياسىنىڭ زەرتتەرمەنى جاڭ بين تىلشىگە مىنانى ءبىلدىردى: امبەباپ باجى ءتۇزىمى باستان – اقىر جۇڭگونىڭ جەكەلەر تابىس باجىسىنا رەفورما جۇرگىزۋىنىڭ ايقىن باعدارى بولىپ كەلدى، قازىرگى تاڭدا جەكەلەر تابىس باجىسىنا رەفورما جاساۋدا تۇرگە ءبولىپ باجى الۋ تۇزىمىنەن امبەباپ باجى الۋ تۇزىمىنە وتەتىن شەشۋشى قادامدى اقىرى باستىق.
بۇل رەتكى جەكەلەر تابىس باجىسى زاڭىنا وزگەرىس ەنگىزۋ بارىسىندا باجىنى ازايتۋ نىساناسى اياسىندا نەگىزدىك باجى الۋ قاراجاتىنىڭ ولشەمى 3500 يۋاننان 5000 يۋانعا جوعارىلاتىلىپ، باجى مولشەرىنىڭ دارەجەلىك پارقى ۇلعايتىلىپ، اناعۇرلىم كوپ ورتاشا – تومەن كىرىستى ادامداردىڭ تومەن باجى مولشەرى بويىنشا باجى تاپسىرۋىن ىسكە اسىرۋدان سىرت، وقۋ – اعارتۋ، مەديتسينا، تۇرعىن ءۇي، زەينەتكەرلىك قاتارلىلارعا قاتىستى قوسىمشا جۇمسالىمداردى ەسەپتەن شىعارىپ تاستاۋدى جاڭادان جارىققا شىعارىپ، ەسەپتەن شىعارىپ تاستاۋ مولشەرىن بارىنشا جوعارىلاتىپ، باجىنى ازايتۋدى ىسكە اسىردى.
بەيجيڭ مەملەكەتتىك بۇعالتىرلار ينسيتۋتى قازىنا ساياساتى مەن ونىڭ قولدانىلىمىن زەرتتەۋ باسقارماسىنىڭ باستىعى لي شۇيحۇڭ: جەكەلەر تابىس باجىسىنا رەفورما جاساۋ ەلىمىزدىڭ باجى ءتۇزىمىن كەمەلدەندىرۋگە بەلسەندى تۇرتكىلىك رول اتقارادى، الايدا، قوسىمشا جۇمسالىمداردى ەسەپتەن شىعارىپ تاستاۋدى ەلىمىز تۇڭعىش رەت اتقارىپ وتىر، ءاربىر باجى تاپسىرۋشى مەن ونىڭ وتباسىنىڭ جاعدايى ءبىر – بىرىنە ۇقسامايدى، سوندىقتان، قوسىمشا جۇمسالىمداردى ەسەپتەن شىعارىپ تاستاۋ شاراسىن قايتكەندە ويداعىداي تياناقتاندىرۋعا بولادى دەگەن ماسەلە باجى رەفورماسىن كەلەسى قادامدا دايەكتى تياناقتاندىرۋداعى وزەكتى ماسەلە بولىپ تابىلادى، — دەيدى.
جەكەلەر تابىس باجىسى رەفورماسىن قولايلى ءارى اتقارۋعا وڭايلاستىرۋ ءۇشىن كوپتەگەن ماماندار مىناداي ۇسىنىس – پىكىر بەردى: دايەكتى تياناقتاندىرۋ بارىسىندا مالىمدەۋ ماتەريالدارىنىڭ مولشەرى مەن رەت سانىن قاراپايىمداستىرىپ، «ينتەرنەت +» تەحنيكالىق ءتاسىلى ارقىلى باجى تاپسىرۋشىلارعا قولايلى ءارى اتقارۋعا وڭاي ماتەريالدى تىركەۋگە الدىرۋ جانە تىزىمدەتۋ تەكشەسىن دايىنداپ، ساندى دەرەك ارتقى تەكشەسىندە سايكەستى ساندى دەرەكتەردى ءبىرجاقتى ەتىپ، باجى تاپسىرۋشىلارعا قاتىستى ەستەلىكتەر مەن ولاردىڭ جەكەلىك سەنىمدىلىك ەستەلىكتەرىن بىرلەستىرىپ، الەۋمەتتى زاڭعا بويسۇنۋعا، سەنىمدىلىك ورناتۋعا جەتەلەۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
