128 ءدارى - دارمەك ەمدەۋ قامسىزداندىرۋ تىزىمدىگىنە ەنگىزىلدى، الدا رۇقسات ەتۋ كولەمى جونىنەن كەلىسسوز وتكىزىلەدى
2019.08.22 15:02 كەلۋ قاينارى : حالىق تورابى
«حالىق گازەتى»، 8 - ايدىڭ 21 - كۇنى، بەيجيڭ (ءتىلشى لي حۇڭمەي). مەملەكەتتىك ەمدەۋ قامسىزداندىرۋ مەكەمەسى 8 - ايدىڭ 20 – كۇنى 2019 – جىلعى ەمدەۋدى قامسىزداندىرۋدىڭ داعدىلى رۇقسات ەتۋ تىزىمدىگىندەگى ءدارى – دارمەك تىزىمدىگىن جاريالادى. جاڭا نۇسقانىڭ مازمۇنى 2020 - جىلى 1 – ايدىڭ 1 – كۇنىنەن باستاپ رەسمي اتقارىلادى.
سونىمەن بىرگە، مامانداردىڭ باعالاۋى مەن بەلەت تاستاۋ ناتيجەسىنە ساي، 128 ءدارىنى كەلىسسوز وتكىزۋ نەگىزىندە رۇقسات ەتۋ كولەمىنە كىرگىزۋ العاشقى ادىمدا تۇراقتاندىرىلدى، بۇل 109 باتىسشا ءدارى مەن 19 جۇڭگوشا دايىن ءدارىنى قامتيدى. بۇل دارىلەردىڭ ەمدەۋ سالاسى نەگىزىنەن راك اۋرۋى، سيرەك كەزدەسەتىن اۋرۋ سياقتى سالماقتى اۋرۋلار، C تيپتى باۋىر قابىنۋى، سونداي - اق جوعارى قان قىسىمى، قانتتى نەسەپ اۋرۋى سياقتى سوزىلمالى اۋرۋلارعا سايادى. كوپتەگەن ءونىم سوڭعى جىلداردان بەرى مەملەكەتتىك ءدارى - دارمەك باقىلاۋ - باسقارۋ مەكەمەسى بەكىتكەن جاڭا دارىلەر، سونداي - اق ەل ىشىندەگى ەلەۋلى جاڭالىق جاراتىلعان دارىلەردى دە قامتيدى.
كەلىسسوز وتكىزۋ نەگىزىندە رۇقسات ەتۋ ــ سوڭعى جىلداردان بەرگى ەمدەۋ قامسىزداندىرۋىنداعى ءدارى - دارمەك تىزىمىنە كىرۋگە رۇقسات ەتۋ ءتاسىلى جاعىنداعى كەلەلى جاڭالىق. 2017 - جىلى جانە 2018 - جىلى ەمدەۋ قامسىزداندىرۋ تاراۋلارى كەلىسسوز ءتاسىلى ارقىلى ەمدەۋ قامسىزداندىرۋىنداعى ءدارى - دارمەك تىزىمىنە جەكە - جەكە 36 ءدارىنى جانە 17 ءدارىنى ەنگىزدى، بۇل ليلارۋپەپتيد، تريتوپيرين، لادومين، وسيتيني سياقتىلاردى قامتيدى، بۇل قامسىزداندىرۋعا قاتىناسۋشىلاردىڭ ءدارى پايدالانۋىن قامتاماسىزداندىرۋ دەڭگەيىن جوعارىلاتىپ، قوردىڭ ورنىقتى اينالىمىنا كەپىلدىك ەتۋدە توتەنشە ماڭىزدى رول اتقاردى. وسى رەتكى تىزىمدىكتى رەتتەۋ كەلىسسوز وتكىزۋ نەگىزىندە رۇقسات ەتۋ ءادىسىن اناعۇرلىم كەمەلدەندىردى.
مەملەكەتتىك ەمدەۋ قامسىزداندىرۋ مەكەمەسى كەلىسسوز وتكىزبەكشى بولعان ءدارى - دارمەك كاسىپورىندارىنان ءتارتىپ بويىنشا پىكىر الىپ، كاسىپورىنداردى تالاپ بويىنشا ماتەريال بەرۋگە ۇيىمداستىرىپ، ەسەپتەۋ ماماندارى ءدارى - دارمەك ەكونومياسى مەن قوردىڭ كوتەرىمدىلىك قۋاتىن باعالاپ، كەلىسسوزدىڭ تومەنگى شەگىن بەلگىلەپ، كەلىسسوز جۇرگىزۋشى ماماندار مەن كاسىپورىندار كەلىسسوز وتكىزىپ، ەكى جاق مويىندايتىن بۇكىل ەل بويىنشا بىرلىككە كەلگەن تولەۋ ولشەمىن قالىپتاستىرعاننان كەيىن، ءتارتىپ بويىنشا مازمۇن كولەمىنە ەنگىزىپ، قور حاۋىپسىزدىگىنە كەپىلدىك ەتەدى.
2017 – جىلعى كەلىسسوز بويىنشا رۇقسات ەتىلگەن، كەلىسىمىنىڭ ۋاقىتى 2019 – جىلدىڭ سوڭىندا تولاتىن، ونىڭ ۇستىنە قازىر ۇقساتپالى ءدارىسى بازارعا سالىنباعان 31 ءدارى جونىنەن جالعاستىرا جاسالاتىن كەلىسسوز 128 دارىگە رۇقسات ەتۋ كەلىسسوزىمەن قاتار جۇرگىزىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
