جاڭا جۇڭگونىڭ شۇعىلالى ساتتەرى − ەلىمىز وسىزاماندانۋ جوباسىن العاشقى ادىمدا جاسادى
2019.09.26 16:07 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 25 - كۇنى، بەيجيڭ 1964 – جىلى 12 - ايدىڭ 21 - كۇنىنەن 1965 – جىلى 1 - ايدىڭ 4 - كۇنىنە دەيىن مەملەكەتتىك 3 - كەزەكتى حالىق قۇرىلتايىنىڭ ءبىرىنشى ءماجىلىسى بەيجيڭدە اشىلدى. جۇڭگو كوممۋنيستىك پارتياسى بۇكىل ەل حالقىنا «ءتورتتى وسىزامانداندىرۋ» مىندەتىن تۇڭعىش رەت رەسمي جانە تولىق العا قويدى.
جوۋ ىنلاي زۇڭلي «ۇكىمەت قىزمەتىنەن باياندامادا» بىلاي دەپ جاريالادى: حالىق شارۋاشىلىعىن رەتتەۋ مىندەتى نەگىزىنەن ورىندالدى، تۇتاس حالىق شارۋاشىلىعى جاپپاي جاقساردى. بۇدان بىلاي حالىق شارۋاشىلىعىن دامىتۋدىڭ باستى مىندەتى «ونشا ۇزاق بولماعان تاريحي مەزگىلدە ەلىمىزدى وسىزامانعى اۋىل شارۋاشىلىعىنا، وسىزامانعى ونەركاسىپكە، وسىزامانعى مەملەكەت قورعانىسىنا جانە وسىزامانعى عىلىم - تەحنيكاعا يە سوتسياليستىك قۇدىرەتتى ەل ەتىپ قۇرىپ شىعىپ، دۇنيە جۇزىلىك وزىق ورەگە جەتۋ جانە ودان اسىپ ءتۇسۋ» بولادى. ءتورتتى وسىزامانداندىرۋدى جۇزەگە اسىرۋ ءۇشىن 3 – بەس جىلدىق جوسپاردان باستاپ «ءبىرىنشى قادامدا دەربەس، ءبىرشاما كەمەلدەنگەن ونەركاسىپ جۇيەسى مەن حالىق شارۋاشىلىعى جۇيەسىن قۇرۋ؛ ەكىنشى قادامدا اۋىل شارۋاشىلىعىن، ونەركاسىپتى، مەملەكەت قورعانىسىن جانە عىلىم - تەحنيكانى وسىزامانداندىرۋدى جاپپاي جۇزەگە اسىرىپ، ەلىمىزدىڭ ەكونوميكاسىن دۇنيە ءجۇزى بويىنشا الدىڭعى قاتارعا وتكىزۋ» بەلگىلەندى.
جۇڭگو كوممۋنيستەرى سوتسياليزم قۇرۋ جولىن قاراستىرۋ بارىسىندا قايتا - قايتا وي جۇگىرتۋ ارقىلى سوتسياليستىك وسىزامانداندىرۋ جوباسىن بەلگىلەدى. سودان باستاپ ءتورتتى وسىزامانداندىرۋدى جۇزەگە اسىرۋ پارتيا مەن مەملەكەتتىڭ كۇرەس نىساناسىنا اينالدى. كەيىن ساتسىزدىككە ۇشىراعان قيىن جىلداردا دا بۇل ۇلى نىسانا ميلليارد حالىقتى قايراتتانا العا ۇمتىلىپ، مەملەكەتتى كوركەيتۋگە جۇمىلدىرۋدىڭ قۇدىرەتتى رۋحاني قاينارى بولدى. 1975 - جىلى 1 - ايدا جوۋ ىنلاي مەملەكەتتىك 4 - كەزەكتى حالىق قۇرىلتايىنىڭ ءبىرىنشى ماجىلىسىندە «ءتورتتى وسىزامانداندىرۋ» نىساناسى مەن ەكى قادامدىق وي جەلىسىن قايتالاي دارىپتەدى.
رەفورما جاساپ، قاقپا اشقاننان بەرى پارتيا بۇكىل ەل حالقىنا باسشىلىق ەتىپ، قاجىماي - تالماي كۇرەس جۇرگىزىپ، سوتسياليستىك وسىزامانداندىرۋدى قۇلشىنا جۇزەگە اسىرىپ، «ءۇش قادامعا ءبولىپ ءجۇرۋ» ستراتەگياسىن ىشكەرىلەي العا قويىپ، جۇڭگوشا سوتسياليزم جولىن اشىپ، ەكونوميكالىق، قوعامدىق دامۋدىڭ مازمۇنىن ۇزدىكسىز بايىتىپ جانە كەمەلدەندىرىپ، جاپپاي دوڭگەلەك داۋلەتتى قوعام قۇرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا ارشىندى قادام تاستادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
