لي كىچياڭ ۇلى بريتانيانىڭ 48 توبىنان قۇرالعان «مۇز جارۋشىلار» كلۋبىنىڭ كوكتەم مەرەكەسىن قۇتتىقتاۋ قيمىلىندا ءسوز سويلەدى
2021.02.05 15:57 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 4 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 2 - ايدىڭ 3 - كۇنى ۇلى بريتانيانىڭ 48 توبىنان قۇرالعان «مۇز جارۋشىلار» كلۋبىنىڭ 2021 - جىلعى كوكتەم مەرەكەسىن قۇتتىقتاۋ قيمىلىندا بەينە ەكران ءسوزىن سويلەدى.
لي كىچياڭ مىنانى ءبىلدىردى: 68 جىلدىڭ الدىندا جەك پەري مىرزا ۋاكىلدىك ەتكەن ۇلى بريتانيانىڭ ونەركاسىپ – ساۋدا سالاسىنداعى ارداگەرلەر سول كەزدەگى بەرىك مۇزدى بۇزىپ، جۇڭگو – ۇلى بريتانيا ساۋداسىنىڭ قاقپاسىن اشتى، سونداي – اق ەكى ەلدىڭ دوستىق بارىس – كەلىسىنە باعالى رۋحاني بايلىق قالدىردى. ءبىزدىڭ «مۇز جارۋشىلار» رۋحىن قايتادان ەسكە الۋىمىز تاريحتى ەسكە ءتۇسىرۋ بارىسىندا قازىرگى زامانعا شابىت بەرۋمەن بىرگە، ونان دا ماڭىزدىسى بولاشاققا كوز جىبەرۋ ءۇشىن بولىپ تابىلادى. «مۇز جارۋشىلار» رۋحىن ۇرپاقتان - ۇرپاققا جالعاستىرىپ، دوستىق پەن دامۋدى ىلگەرىلەتۋدەگى اۋەلگى ماقساتتان اينىماساق بولعانى، بۇزا المايتىن بەرىك مۇز، جويا المايتىن كىربەڭدىك بولمايدى.
لي كىچياڭ بىلاي دەپ اتاپ كورسەتتى: وتكەن 2020 – جىل جۇڭگو، ۇلى بريتانيا جانە بۇكىل دۇنيە ءجۇزى جونىنەن ەرەكشە ءبىر جىل بولدى. جۇڭگو قاجىرلىلىقپەن قۇلشىنۋ ارقىلى تۇتاس جىلدا ەكونوميكانىڭ %2.3 ارتۋىن جۇزەگە اسىردى، بۇل وڭاي - وسپاق قولعا كەلگەن ناتيجە ەمەس. قازىر جاڭا تيپتى ايدارشا ۆيرۋس وكپە قابىنۋ ىندەتى الا كەلگەن سايىس ءالى دە اۋىر، دۇنيە ءجۇزى ەكونوميكاسى ءالى دە كوپتەگەن تۇراقسىز، ورنىقسىز فاكتورعا ءدوپ كەلىپ وتىر. جاڭا جىلدا جۇڭگو ماكرولىق ساياساتتىڭ ۇلاسپالىلىعىن، ورنىقتىلىعىن، باياندىلىعىن ساقتاپ، عىلمي، دالمە - ءدال شارا قولدانىپ، ەكونوميكالىق اينالىمنىڭ ۇيلەسىمدى ارالىقتى ساقتاۋىن جەبەيدى. تىنباي قۇلشىنۋ ارقىلى جۇڭگو ەكونوميكاسىنىڭ نەگىزگى جاعدايى اناعۇرلىم بەكەمدەلە تۇسەدى.
لي كىچياڭ مىنانى ءبىلدىردى: ۇلى بريتانيا − جۇڭگونىڭ ەۆروپاداعى ماڭىزدى سەلبەستىك سەرىگى، جۇڭگو ۇلى بريتانيامەن قاتىناسىن دامىتۋعا بۇرىنعىداي ءمان بەرەدى. ەكى جاقتىڭ ءوزارا قۇرمەت ەتۋ، تەڭ تۇرعىدا مامىلە جاساۋ نەگىزىندە ءوزارا پايدا جەتكىزىپ، تەڭ يگىلىككە كەنەلۋ سەلبەستىك بەتالىسىن بەكەمدەپ، سەلبەستىكتىڭ بەلسەندى كولەمىن كەڭەيتىپ، جۇڭگو - ۇلى بريتانيا قاتىناسىنىڭ ورنىقتىلىعىن كۇشەيتۋىن ءۇمىت ەتەمىن. جۇڭگو ۇلى بريتانيامەن جانە دۇنيە جۇزىندەگى ءار ەلمەن قول ۇستاسا سەلبەسىپ، ىندەتتى ەرتەرەك جەڭىپ، ەكونوميكانىڭ قالپىنا كەلۋىن، ارتۋىن اناعۇرلىم ويداعىداي جەبەپ، دۇنيە جۇزىلىك سايىستارعا توتەپ بەرۋگە پەيىل.
ۇلى بريتانيانىڭ 48 توبىنان قۇرالعان كلۋب 2009 - جىلدان باستاپ ءار جىلى «مۇز جارۋشىلار» كوكتەم مەرەكەسى كەشكى قوناعاسىن وتكىزىپ، جۇڭگو مەن ۇلى بريتانيانىڭ ءار سالا قايراتكەرلەرىنىڭ اۋىس - كۇيىس جاساپ، پىكىرلەسۋىنە تەكشە ازىرلەدى. بيىل كلۋب تۇڭعىش رەت جەلىدەگى فورمامەن كوكتەم مەرەكەسىن قۇتتىقتاۋ قيمىلىن وتكىزدى، ۇلى بريتانيانىڭ ءار سالاسىنداعى دوس قايراتكەرلەردەن مىڭنان استام ادام جينالىسقا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
