مەملەكەتتىك 13 - كەزەكتى حالىق قۇرىلتايى 4 - ءماجىلىسىنىڭ ءتوراعالار القاسى 1 - جيىنىن وتكىزدى
ءماجىلىستىڭ كۇن ءتارتىبى سياقتىلارعا ۇيعارىم جاسادى، وسى رەتكى ءماجىلىس 3 - ايدىڭ 5 – كۇنى اشىلادى، ءماجىلىس ۋاقىتى 7 كۇن بولادى
لي جانشۋ جيىندى باسقاردى
2021.03.05 16:32 كەلۋ قاينارى : حالىق تورابى
«حالىق گازەتى»، 3 - ايدىڭ 4 - كۇنى، بەيجيڭ (ءتىلشى جياڭ جيە). مەملەكەتتىك 13 - كەزەكتى حالىق قۇرىلتايى 4 - ءماجىلىسىنىڭ ءتوراعالار القاسى 3 - ايدىڭ 4 - كۇنى كەشتە حالىق سارايىندا 1 - جيىنىن وتكىزدى. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ جيىندى باسقاردى.
ءتوراعالار القاسىنىڭ جيىنىنا قاتىناسۋعا ءتيىستىسى 174 ادام، قاتىناسقانى 171 ادام، 3 ادام قاتىناسا المادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
جيىن الدىمەن مەملەكەتتىك 13 - كەزەكتى حالىق قۇرىلتايى 4 - ءماجىلىسى ءتوراعالار القاسىنىڭ تۇراقتى ءتوراعالارىن سايلادى. ءتوراعالار القاسىنىڭ تۇراقتى ءتوراعالارى مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ باستىعىنان، باستىعىنىڭ ورىنباسارلارىنان، باس حاتشىسىنان قۇرالدى. ءتوراعالار القاسىنىڭ تۇراقتى ءتوراعالارى ءتوراعالار القاسىنىڭ ءماجىلىسىن شاقىراتىن جانە باسقاراتىن بولدى.
جيىن مەملەكەتتىك 13 - كەزەكتى حالىق قۇرىلتايى 4 - ءماجىلىسىنىڭ كۇن ءتارتىبىن داۋىسقا سالىپ ماقۇلدادى. ءماجىلىس كۇن تارتىبىنە ساي بۇل رەتكى ءماجىلىس 3 - ايدىڭ 5 - كۇنى تۇستەن بۇرىن اشىلادى، 3 - ايدىڭ 11 - كۇنى تۇستەن كەيىن جابىلادى، ءماجىلىس ۋاقىتى 7 كۇن بولادى.
مەملەكەتتىك حالىق قۇرىلتايىنىڭ كەڭەستىك ىستەر ەرەجەسىنە ساي، ءتوراعالار القاسىنىڭ 1 - جيىنى سايلاعان ءتوراعالار القاسىنىڭ مۇشەلەرىنىڭ اراسىنان ءبىرقانشا ادام ءار جولعى ءماجىلىس جالپى جيىنىنىڭ اتقارۋشى ءتوراعالىعى مىندەتىن ۇستىنە الادى. جيىن داۋىسقا سالۋ ارقىلى ءماجىلىستىڭ جالپى جيىندارىنىڭ اتقارۋشى ءتوراعالارىن سايلادى.
جيىن داۋىسقا سالۋ ارقىلى ياڭ جىن - ۋ، شين چۇنيىڭ، لي فەي، شۇي شاۋشى، جاڭ يەسۇي، كۇڭ شاۋسۇن، لي باۋلۇڭداردى ءماجىلىس باس حاتشىسىنىڭ ورىنباسارلىعىنا تاعايىنداۋدى ۇيعاردى. جيىن جاڭ يەسۇيدى ءماجىلىستىڭ مالىمدەمەشىسى مىندەتىن قوسىمشا وتەيدى دەپ بەلگىلەدى.
جيىن داۋىسقا سالۋ ارقىلى مەملەكەتتىك 13 - كەزەكتى حالىق قۇرىلتايى 4 - ءماجىلىسىنىڭ كەڭەستىك جوبالاردى داۋىسقا سالۋ ءادىسىن بەلگىلەدى. جيىن ۋاكىلدەردىڭ كەڭەس جوباسىن بەرۋ ۋاقىت شەگى 3 - ايدىڭ 8 - كۇنى ساعات 12 گە دەيىن بولادى دەپ ۇيعاردى. ءماجىلىس كەزىندە ءماجىلىستىڭ حاتشىلار باسقارماسى ۋاكىلدەر ۇيىرمەسى مەن ۋاكىلدەر العا قويعان ۇسىنىس جوبالارعا زەرتتەۋ جۇرگىزىپ، ءبىر جاقتى ەتۋ پىكىرىن العا قويىپ، ءتوراعالار القاسىنىڭ شەشىم جاساۋىنا مالىمدەيدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
