«يۇيشۋعا ەرەكشە كوڭىل بولەمىن» (شاعىن كورىنىس - باس شۋجي شي جينپيڭنىڭ ەكى ماجىلىستە ۇيىرمە، گرۋپپالاردىڭ تالقىسىنا قاتىناسۋىنان - ەكى ماجىلىسكە ناق مايداندا نازار)
«حالىق گازەتىنىڭ» ءتىلشىسى دۋ شاڭزى
2021.03.08 17:04 كەلۋ قاينارى : حالىق تورابى
ۋاقىتى: 3 - ايدىڭ 7 - كۇنى تۇستەن كەيىن
كۇن ءتارتىبى: باس شۋجي شي جينپيڭ چيڭحاي ۋاكىلدەر ۇيىرمەسىنىڭ باياندامانى قاراۋىنا قاتىناستى
ون نەشە جىلدىڭ الدىنداعى كۇشتى جەر سىلكىنىسى يۇيشۋدىڭ تاريحىن وزگەرتتى. اپات ادامداردىڭ ەڭسەسىن باسا المادى.
ۋاكىل زاشيدوجە سوزىندە جاڭا يۇيشۋدىڭ قازىرگى كەلبەتىن اڭگىمەلەدى. ونىڭ اسەرلى سوزدەرى چيڭحاي - شيزاڭ ۇستىرتىندە اۋەلەگەن ولەڭ جولدارى ىسپەتتى ەدى.
«يۇيشۋدىڭ اڭگىمەسىن ايتىپ، وتكەن كۇندەردى ەسىمە سالدىڭىز». باس شۋجي شي جينپيڭ بىلاي دەدى:
«اپاتتان كەيىن مەن يۇيشۋداعى اپات تۋىلعان رايونعا باردىم، تەڭىز دەڭگەيىنەن 4 مىڭ مەتردەن استام بيىكتىكتەگى قىستاققا ات باسىن بۇردىم، ول ارا وتە اۋىر دارەجەدە ويراندالىپتى».
اپات تۇرالاتقان وڭىردە شي جينپيڭ جولداستىڭ ايتقان ءسوزى يۇيشۋداعى كوپتەگەن ادامدا تەرەڭ اسەر قالدىردى. ول سول كەزدە: «اۋىر اپاتتان كەيىن، ءسوز جوق، زور وزگەرىس بولادى، سىزدەردىڭ قاجىماس رۋحتارىڭىز تۇرعاندا، پارتيا ورتالىق كوميتەتىنىڭ بار كۇشپەن قولداۋى تۇرعاندا، بۇكىل ەل حالقىنىڭ تۇس - تۇستان كومەكتەسۋى تۇرعاندا، كوپشىلىك ءوز كۇشىنە سۇيەنىپ اتا مەكەندەرىن قايتادان قۇرىپ شىعادى، بولاشاقتا، ءسوز جوق، جاڭا يۇيشۋ ەڭسە كوتەرەدى» دەگەن بولاتىن.
«مەن يۇيشۋعا ەرەكشە كوڭىل بولەمىن». «كەيىنگى مەزگىلدە يۇيشۋدى قايتا قۇرۋ جاعدايىنا ايرىقشا نازار اۋدارىپ وتىردىم. سىزدەر قاجىرلىلىقپەن 3 جىل ىستەپ، 20 جىلدا اساتىن بەلەستەن استىڭىزدار، مەن يۇيشۋدىڭ دامىپ - گۇلدەنگەنىنە شاتتاندىم».
بۇگىنگىنى باعامداپ، وتكەندى ەسكە العان باس شۋجي ىستىق ىقىلاسپەن تاعى دا بىلاي دەدى: «سول كەزدە بۇقارانىڭ نەگە سۇيەنىپ تۇرمىس كەشىرەتىنىن ۇعىستىم، كەيبىرەۋلەر تاۋعا شىعىپ قۇرت ءشوپ قازادى ەكەن، قوناقجايلار قوناققا تولعان، از ۋاقىت جاقسى تابىس تاپقانىمەن، اۋىلعا ورالعان سوڭ تاعى دا كەدەيلىككە كىرىپتار بولادى ەكەن. بۇكىل ەل بويىنشا كەدەيلىكتەن ارىلتۋدان قامال الۋ ارقىلى قازىر سىزدەر وسىنداي ناتيجەگە قول جەتكىزدىڭىزدەر، بۇل وتە جاقسى. وتە - موتە، ءسىز ايتقانداي، ادامدار جەر سىلكىنىسىنە قارسى اتتانىپ، اپاتتان قۇتقارۋ، كەدەيلىكتەن ارىلتۋدان قامال الۋ ارقىلى پارتيانىڭ قامقورلىعىن سەزىنىپ، پارتيانىڭ كۇش - قۋاتىن كورىپ، شىن جۇرەكتەن تاۋ جىرىن شىرقاپ، ونى پارتياعا ارناماق بولىپتى».
يۇيشۋدىڭ جاڭا بەينەسى سونداي - اق ۇلان - بايتاق باتىس بولەك وڭىرىندەگى وراسان زور وزگەرىستەردىڭ ىقشام كورىنىسى سانالادى.
حايدۇڭ قالاسى حۋجۋ تۋزۋ اۆتونوميالى اۋدانى بانيان قىستاعى تاۋلى وڭىرگە ورنالاسقان، جولى ويلى – شۇڭقىر بولاتىن، تۇرعىندار تام ۇيلەرىن ونداعان جىل بويى جاماپ – جاسقاپ كۇنەلتىپ كەلگەن. ويلاماعان جەردەن قونىس جاڭالاپ كەدەيلەردى سۇيەمەلدەۋدىڭ ناتيجەسىندە قىستاق تۇرعىندارى قالانىڭ تۇرمىسىنان قالىسپايتىن تاماشا تۇرمىسقا قول جەتكىزدى.
حۋجۋ اۋدانىنان كەلگەن ۋاكىل ا شىڭچيڭ ءسوز سويلەگەن سوڭ باس شۋجي: «قىستاق تۇرعىندارىنىڭ ەلەكتر ساكىسى قانداي ەكەن؟» دەپ سۇرادى. بىرنەشە جىلدىڭ الدىندا ول جاڭبىردان كەيىنگى باتپاقتى باسىپ جاڭا قىستاققا بارعاندا مۇنداي ساكى جوق ەدى.
«نەداۋىر ۇنەمدى، ءبىر كەشتە ءبىر ۋات توك جۇمسالادى، كوپ اقشا كەتپەيدى».
توپىراق ساكى ەلەكتر ساكىگە وزگەرتىلدى. ەندىگى ماسەلە، اۋىلداستاردىڭ پايدالانىپ وتىرعانى سۋمەن شايىلاتىن دارەتحانا ما، الدە كونە ۇلگىدەگى دارەتحانا ما؟ كەستەشىلىك كاسىبى كەدەيلىكتەن ارىلتۋعا قانشالىق دەم بەردى؟ ءاربىر ءىس، قانشا كىشكەنە بولسا دا، اۋىلداستاردىڭ ىشەر اس، كيەر كيىمىنە قاتىستى بولادى ەكەن، باس شۋجي ونى كوكەيىنەن شىعارعان ەمەس.
باس شۋجي شي جينپيڭنىڭ چيڭحايعا تاعى كەلىپ كورۋىن ءۇمىت ەتەمىز! ا شىڭچيڭ اۋىلداستار اتىنان باس شۋجيگە ۇسىنىس قويىپ: «ءسىزدىڭ تۋجيالاردىڭ اۋىلىنا تاعى دا كەلۋىڭىزدى، اۋىلدىڭ ءدامىن تاتۋىڭىزدى ءۇمىت ەتەمىز» دەدى.
جۇڭگونىڭ بايتاق دالاسىندا تاۋ – وزەندەر بۇرىنعى قالپىندا تۇرعانىمەن، بارلىعى وزگەرۋدە. «كەدەيلىكتەن ارىلتۋدان قامال الۋدا جاپپاي جەڭىسكە جەتتىك، جاپپاي دوڭگەلەك داۋلەتتى قوعام ورناتۋدا ۇلى تاريحي تابىسقا قول جەتكىزدىك». كۇللى دۇنيە كوز تىككەن تابىستىڭ استارىندا ءاربىر قادامدى حالىققا، تاريحقا جاۋاپتى بولا وتىرىپ باسۋ كەرەك دەيتىن پوزيتسيا جاتىر.
ۇلتتى گۇلدەندىرۋ جولىندا نىق قادام تاستاپ، بەرىك سەنىممەن العا باسايىق.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
