ساياسي كەڭەس مەملەكەتتىك 13 - كەزەكتى كوميتەتىنىڭ 4 - ءماجىلىسى ەكىنشى جالپى جيىنىن وتكىزدى
ۋاڭ ياڭ ماجىلىسكە قاتىناستى، 12 مۇشە ءسوز سويلەدى
2021.03.08 17:06 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 7 - كۇنى، بەيجيڭ. ساياسي كەڭەس مەملەكەتتىك 13 - كەزەكتى كوميتەتىنىڭ 4 - ءماجىلىسى 3 - ايدىڭ 7 - كۇنى تۇستەن بۇرىن حالىق سارايىندا ەكىنشى جالپى جيىنىن وتكىزدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ماجىلىسكە قاتىناستى. 12 مۇشە ماجىلىستە ءسوز سويلەدى.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى ليۋ حى، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت ۇگىت ءبولىمىنىڭ باستىعى حۋاڭ كۇنميڭ، سونداي - اق ج ك پ ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارىنىڭ جاۋاپتىلارى ماجىلىسكە قاتىناسىپ، لەبىزدەردى تىڭدادى.
مۇشە ليۋ جياچياڭ جۇڭگو گومينداڭ توڭكەرىستىك كوميتەتى ورتالىق كوميتەتى اتىنان ءسوز سويلەپ بىلاي دەدى: ءبىز جۇڭگو كوممۋنيستىك پارتياسىنىڭ بۇكىل ەلدەگى ءار ۇلت حالقىن باستاپ ىزدەنىس جاساۋدا، جاڭالىق اشۋدا تاباندى بولىپ، مەملەكەت جاعدايىنا ەڭ ۇيلەسەتىن جۇڭگوشا سوتسياليزم جولىن تاپقانىنا شىن جۇرەكتەن سۇيىنەمىز. دەموكراتيالىق پارتيا - توپتار جۇڭگو كوممۋنيستىك پارتياسىمەن سەلبەسۋ اۋەلگى ماقساتىن باستان - اياق ۇمىتپاي، شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ىستەرىنىڭ باستان كەشىرۋشىلەرى، امالياتتا ايگىلەۋشىلەرى، قولداۋشىلارى، قورعاۋشىلارى بولادى.
مۇشە شيە فۋجيڭ بىلاي دەدى: جالپى حالىقتىڭ بىرگە اۋقاتتانۋىن ىلگەرىلەتۋ − ۇزاق ۋاقىتتىق مىندەت، ءالسىز بۋىنداردى كۇشەيتىپ، اۋىل - قىستاققا، نەگىزگى ساتىلارعا، دامىماعان رايوندارعا بەيىمدەلۋگە اناعۇرلىم ءمان بەرىپ، جۇمىستاندىرۋ، كىرىس ءبولىسى، وقۋ - اعارتۋ، قوعامدىق قامتاماسىزداندىرۋ، ەمدەۋ، تۇرعىن ءۇي، قارتتاردى كۇتىمدەۋ، بالالاردى سۇيەمەلدەۋ سياقتى قىزمەتتەردى ءبىر تۇتاس جوسپارلاپ، ويداعىداي ىستەپ، ۇكىمەتتىڭ قايتالاي بولىسكە سالۋ، رەتتەۋ فۋنكتسياسىن ويداعىداي اتقارىپ، تۇتاس قوعامدىق كۇشتەردى قيىنشىلىعى بارلارعا كومەكتەسۋگە، السىزدەردى سۇيەمەلدەۋگە جۇمىلدىرىپ، بىرگە قۇرىپ، بىرگە جونگە سالىپ، بىرگە يگىلىكتەنەتىن قوعامدىق جونگە سالۋ ءتۇزىمىن كەمەلدەندىرۋ كەرەك. تىڭعىلىقتى ىستەپ، ۇزاق ۋاقىت ۇلەس قوسىپ، بولماشى جەڭىستەردى ۇلكەن جەڭىسكە اينالدىرساق بولعانى، جالپى حالىقتىڭ بىرگە اۋقاتتانۋ ۇلى نىساناسىن، ءسوز جوق، جۇزەگە اسىرا الامىز.
مۇشە مياۋ شۇي سوزىندە بىلاي دەدى: جاساۋ كاسىبىنىڭ ستراتەگيالىق ورنى مەن رولىن ونان ارى دارىپتەپ، جاساۋ كاسىبىنىڭ ارا سالماعىنىڭ نەگىزىنەن ورنىقتى بولۋىن ساقتاپ، جاساۋ كاسىبىنىڭ ساپالى دامۋىنا ءتيىمدى ءتۇزىلىس مەحانيزمىن اقاۋسىزداندىرىپ، جاڭالىق اشۋ، كاسىپ، ساياسات، قارجى، دارىندىلار تىزبەكتەرىنىڭ ىشكەرىلەي توعىسۋىن ىلگەرىلەتىپ، كاسىپورىندى نەگىزگى تۇلعا ەتكەن تەحنيكالىق جاڭالىق اشۋ جۇيەسىن ورناتۋدى جەدەل ىلگەرىلەتىپ، عىلىم - تەحنيكا، كاسىپ سالاسى سياقتى تاراۋلاردىڭ سايكەسۋىن كۇشەيتىپ، جاساۋ كاسىبىنىڭ ساپالى دامۋىن ىلگەرىلەتۋ كەرەك.
مۇشە چين بويۇڭ جۇڭگو دەموكراتيالىق مەملەكەت قۇرۋ قوعامى ورتالىق كوميتەتى اتىنان ءسوز سويلەپ بىلاي دەدى: جاڭا تيپتى ايدارشا ۆيرۋس وكپە قابىنۋ ىندەتى ەلىمىزدىڭ كاسىپ تىزبەگىنىڭ حاۋىپسىزدىگىن كۇشەيتۋدىڭ ماڭىزدىلىعىن كورنەكتىلەندىردى. كاسىپ تىزبەگىنىڭ تۇلعالىق جوباسىن كۇشەيتىپ، حاۋىپسىزدىك ساياسات جۇيەسىن كەمەلدەندىرىپ، كاسىپ تىزبەگىنىڭ ءوڭىر اتتاعان سايكەستىرۋ مەحانيزمىن اقاۋسىزداندىرىپ، كاسىپ تىزبەگىنىڭ حاۋىپسىزدىگىن باعالاۋدى جانە حاۋىپ - قاتەردەن ساقتاندىرۋدى كۇشەيتىپ، كاسىپ تىزبەگىنىڭ سىرتقا ەسىك اشۋ ورتاسىن ساپالىلاندىرىپ، دەربەس مەڭگەرۋگە بولاتىن، حاۋىپسىز، جوعارى ءونىمدى وسىزاماندانعان كاسىپ تىزبەگىن قۇرۋدى ىلگەرىلەتۋ كەرەك.
مۇشە جاڭ ليانچي پارتيا - توپتاردا جوق قايراتكەرلەر اتىنان ءسوز سويلەپ بىلاي دەدى: قازىنا - سالىق ساياساتىنىڭ ۇلاسپالىلىعى مەن ورنىقتىلىعىن ساقتاۋ، ءبىر جاعىنان، مەملەكەتتىڭ كەلەلى ستراتەگيالىق مىندەتى مەن قازىنا قۋاتىن قامتاماسىزداندىرۋدى كۇشەيتۋ، ەندى ءبىر جاعىنان، عىلىم - تەحنيكادا جاڭالىق اشۋدى ىلگەرىلەتۋ، ىشكى سۇرانىمدى كەڭەيتۋ، ەكونوميكالىق قۇرىلىمدى رەتتەۋدى جەدەلدەتۋ، كىرىس ءبولىسىن رەتتەۋ جاعىندا ىرىقتىلىقپەن ءىس تىندىرىپ، ۇكىمەت ۇنەمشىلدىك ىستەۋ ارقىلى بازار تۇلعالارىنىڭ ورنىقتى تۇرمىس كەشىرۋىنە، بۇقارانىڭ جاقسى تۇرمىس كەشىرۋىنە قول جەتكىزۋ كەرەك.
مۇشە چىن ۋەي سوزىندە مىنانى ۇسىنىس ەتتى: ەرەكشە قاجەتتى ۆاكسينا مەملەكەتتىك تەحنيكالىق جاڭالىق اشۋ ورتالىعىن قۇرىپ، مەملەكەتتىڭ بيولوگيالىق حاۋىپسىزدىك قورعانىسىنىڭ كەلەلى قاجەتىن تىعىز ارقاۋ ەتىپ، ارميا مەن جەرگىلىكتى ورىن، سالا، ءپان اتتاعان سەلبەسىپ جاڭالىق اشۋدى جانە اشىق سەلبەستىكتى ورىستەتىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدە قامال الۋدى ۇزدىكسىز ورىستەتىپ، نەگىزدىك زەرتتەۋگە ءتيىمدى تاماشا جاڭالىق اشۋ ەكولوگياسىن قۇلشىنا قالىپتاستىرۋ كەرەك.
مۇشە حۋاڭ جيانشىڭ سوزىندە بىلاي دەدى: ەگىستىك جەردى الباتى يەمدەنۋ مەن ەگىستىك جەردى اۋىل شارۋاشىلىعىنا جاتپايتىن، استىققا جاتپايتىن سالالارعا پايدالانۋدى جونگە سالۋ تەبىنىن ارتتىرىپ، قارا توپىراقتى قورعاۋدى مەملەكەتتىك ستراتەگيا دەڭگەيىنە كوتەرىپ، تۇيىندە سىناق ەتۋدەن جاپپاي قامتۋعا بەت الىپ، ساپالى تۇقىم جەتىلدىرۋ نەگىزدىك زەرتتەۋىن كۇشەيتىپ، وسى زامانعى استىق زاپاسىنىڭ نەگىزدىك قۇرىلعى جۇيەسىن اناعۇرلىم كەمەلدەندىرىپ، استىق ەگۋ بەلسەندىلىگىن جۇمىلدىرىپ، مەملەكەتتىڭ استىق حاۋىپسىزدىگىنە كەپىلدىك ەتۋ كەرەك.
مۇشە ما يۇڭشىڭ سوزىندە بىلاي دەدى: ەنەرگيا تۇتىنۋىنىڭ جالپى مولشەرى مەن كۇشەمەلىلىگىن بىردەي تىزگىندەۋ تۇزىمىندە تاباندى بولىپ، ۇنەمشىلدىكتى الدىڭعى ورىنعا قويۋدى كورنەكتىلەندىرىپ، ەنەرگيادان پايدالانۋ ونىمدىلىگىن كۇش سالا جوعارىلاتىپ، تازا، تومەن كومىرتەكتى بولۋدى جەتەكشى ەتىپ، بەي تۇنبا ەنەرگيانى جەدەل دامىتىپ، كوپ نەگىزدى ەنەرگيامەن قامداۋ جۇيەسىن ورناتىپ، عىلىم - تەحنيكادا جاڭالىق اشۋ دەڭگەيىن جەدەل جوعارىلاتىپ، ەنەرگيا سالاسىنىڭ ساپالى دامۋىنا تىرەك بولۋ جانە جەتەكشىلىك ەتۋ كەرەك.
مۇشە ۋەي جىنليڭ سوزىندە بىلاي دەدى: ءبىزدىڭ ماۋنان ۇلتىنىڭ حالىق سانى بۇكىل ەل حالىق سانىنىڭ 10 مىڭنان بىرىنە دە جەتپەيدى، مەملەكەتتىڭ كەدەيلىكتەن ارىلتۋدان قامال الۋ شايقاسىندا، ماۋنانشان اۋىلىندا وراسان زور وزگەرىس تۋىلدى، بۇل − ەلىمىزدىڭ كەدەيلىكتەن ارىلتۋدان قامال الۋ ۇلى تابىستارىنىڭ ىقشام كورىنىسى. ەلىمىزدەگى حالىق سانى ءبىرشاما از 28 ۇلت تۇگەلدەي مۇلدەمدىك كەدەيلىككە قوش ايتتى، بىردە - ءبىرى قاعىس قالمادى، بىردە - ءبىرى قاتاردان قالمادى.
مۇشە ليۋ جياچىڭ سوزىندە بىلاي دەدى: رەال تاقىرىپتىق جاسامپازدىقتى كۇشەيتىپ، زامانىمىزداعى جۇڭگونى بەينەلەۋ، ۇلى ءداۋىردى سۋرەتتەۋ كەرەك. حالىق تۇرمىسىن بەلسەنە اڭىس ەتىپ، بۇقارامەن شىنايى ىشكەرىلەي ارالاسىپ، تۇرمىستاعى مۇڭ - مۇقتاجدى سەزىنىپ، تۇرمىستىڭ ءمانىن ءتۇسىنىپ، «بيلىك دەگەنىمىز حالىق، حالىق دەگەنىمىز بيلىك» دەيتىن ۇستانىمدى ادەبيەت - كوركەمونەر تۋىندىلارىمەن حالىقتى جىرلاۋدىڭ، حالىققا قىزمەت وتۋدىڭ جالىندى امالياتىنا اينالدىرىپ، تاڭداۋلى ادەبيەت - كوركەمونەر تۋىندىلارىمەن دۇرىس سالتتى اسقاقتاتىپ، جاڭا سالت ورناتۋ كەرەك.
مۇشە ۋ گوحۋا تايۋان دەموكراتيالىق اۆتونوميا وداعى ورتالىق كوميتەتى اتىنان ءسوز سويلەپ بىلاي دەدى: ەكى جاعالاۋداعى باۋىرلاستاردىڭ وتانشىلدىق سۇيىسپەنشىلىگى نەشە ءجۇز جىلدىق تاريحي مادەنيەتكە مۇراگەرلىك ەتۋدەن، اجىراماس ەتەنە سۇيىسپەنشىلىك ورناتۋدان كەلگەن. ەكى جاعالاۋداعى باۋىرلاستاردى، اسىرەسە، جاستار مەن ورەندەردى وتاننىڭ تاريحي مادەنيەتى مەن مەملەكەت جاعدايىن ۇيرەنۋگە، تۇسىنۋگە ونان ارى شابىتتاندىرىپ، ەكى جاعالاۋدىڭ ورتاق تاريحي مادەنيەت ارقاۋى، وڭىرلىك ەتەنەلىك، حالىق جاعدايى، سالت - سانا سياقتى بايلىقتارىن دانەكەر ەتىپ، جاڭا داۋىردەگى ەكى جاعالاۋداعى جاستاردىڭ وتانشىلدىق سۇيىسپەنشىلىگىن جەتىلدىرۋدى ۇسىنىس ەتەمىن.
مۇشە ۋ لياڭحاۋ سوزىندە بىلاي دەدى: شياڭگاڭدا مەملەكەت حاۋىپسىزدىگىن قورعاۋ زاڭىنىڭ اتقارىلعانىنا جارىم جىلدان استى، قوعام تىنىش، قالا تۇرعىندارى حاۋىپسىز، جۇرت كوڭىلى ورنىقتى بولدى، شياڭگاڭ بىلىقپالىقتى ۋاعىندا جونگە سالۋداعى كەلەلى بۇرىلىستى قارسى الدى. «ءبىر ەل، ەكى ءتۇزىم» امالياتىنىڭ ورنىقتى قاداممەن ۇزاققا جالعاسۋىنا كەپىلدىك ەتۋدە، ءسوز جوق، «وتانشىلداردىڭ شياڭگاڭدى باسقارۋىندا» باستان - اياق تاباندى بولۋ كەرەك. ەرەكشە اكىمشىلىك رايوندى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن جەبەپ، «وتانشىلداردىڭ شياڭگاڭدى جونگە سالۋىنا» كەمەلدى ءتۇزىم ارقىلى كەپىلدىك ەتۋ كەرەك.
مەملەكەتتىك ساياسي كەڭەس ءتوراعاسىنىڭ ورىنباسارى ليۋ شينچىڭ ءماجىلىستى باسقاردى.
مەملەكەتتىك ساياسي كەڭەس ءتوراعاسىنىڭ ورىنباسارلارى جاڭ چيڭلي، ليۋ چيباۋ، پابالا گىلەلاڭجيە، ۋان گاڭ، حى حوۋحۋا، لۋ جانگۇڭ، ۋاڭ جىڭۋەي، ما بياۋ، چىن شياۋگۋاڭ، لياڭ جىنيىڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، حى ۋەي، شاۋ حۇڭ، گاۋ يۇنلۇڭ ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
