ساپالى ماقتا ەكتى، بايۋ جەمىسى ماۋەلەدى
2021.05.17 16:31 كەلۋ قاينارى : شينجياڭ گازەتى
”بەيدوۋ جاساندى سەرىك باعدار نۇسقاۋ جۇيەسىن ىستەتكەننەن كەيىن، اۋىل شارۋاشىلىعى ماشينالارىمىزعا قۇددى ’ۇلكەن مي‘ ورناپ، ’كوز‘ بىتكەندەي بولدى، ەگىن ەگۋ جەڭىل جۇمىسقا اينالدى“، - دەدى 5 - ايدىڭ 13 - كۇنى ماناس اۋدانى بەي - ۋچا قالاشىعى سانچاكوۋ قىستاعى ماقتا ەگىمشىلىك وتباسى پان شياۋچين اسەرلەنە.
كوز الدىمىزداعى 10 مىڭ مۋلىق ماقتا اتىزىندا جاپ - جاسىل بولىپ وسكەن ماقتا مايسالارىنىڭ ءوسۋى جاقسى ەكەن. تۇقىم سەبۋ، كوكتەۋ مەزگىلىندەگى اتىز باپتاپ، قۋاتتى مايسا ەتىپ ءوسىرۋ مەزگىلىنە دەيىن سانچاكوۋ قىستاعىنىڭ تۇرعىنى جىڭ حۇڭجۇن وتباسىنىڭ بەيدوۋ جاساندى سەرىك جول نۇسقاۋشى ۇشقىشسىز ايداۋ جۇيەسى ورناتىلعان زەردەلى اۋىل شارۋاشىلىعى ماشيناسى ءتۇرلى جاڭا ەگىس جابدىقتارىن اۋىستىرىپ، ماقتا اتىزىندا وتە دالدىكپەن ارلى - بەرلى ءجۇرىپ، توپىراقپەن كومۋ، زياندى جاندىكتەردەن ساقتانۋ سياقتى اتىز باپتاۋ جۇمىستارىن تارتىپپەن جۇرگىزدى.
”بەيدوۋ جاساندى سەرىك جول نۇسقاۋشى ۇشقىشسىز اپپاراتپەن تۇقىم سەبۋىن ءداستۇرلى تۇقىم سەبۋمەن سالىستىرعاندا، ساپالى ماقتانىڭ ءار مۋىنان 60 نەشە كيلوگرامنان ارتىق ءونىم تۇسەدى، ونىڭ ۇستىنە دالدىكپەن ولشەنگەندىكتەن ％50تەن استام ماقتا تۇقىمىن ۇنەمدەۋگە بولادى. اتىز باپتاۋ ساتىسىندا زەردەلى اۋىل شارۋاشىلىعى ماشيناسى نىسانالى ءدارى بۇركىپ، حيميالىق تىڭايتقىش بەرىپ، ءدارى مەن تىڭايتقىشتى زور مولشەردە ۇنەمدەيدى. مۇنداي ’ءبىردىڭ ارتۋىنان، ءبىردىڭ ازايۋىنان‘ ءبىر مۋ جەردەن 300 نەشە يۋاننان ارتىق كىرىس كىرگىزۋگە بولادى“، - دەدى اۋىل شارۋاشىلىعى ماشيناسىنىڭ جۇمىس ارەدىگىندە جىڭ حۇڭجۇن مەن پان شياۋچين اتىز باسىندا كىرىس ارتتىرۋ ەسەبىن جاساپ.
”ەككەننەن كەيىن ساپالى ماقتا ەگۋ كەرەك، ساپالى بولعاندا عانا باعاسى دا جاقسى بولادى“، - دەدى پان شياۋچين. 6 جىلدىڭ الدىنداعى كوكتەمدە ءدال وسى جەردە ەكەۋىنىڭ جاساعان ەسەبى مۇلدە باسقاشا ەدى.
2014 - جىلى مەملەكەت ماقتانى ۋاقىتشا جيناپ ساقتاۋ ءتۇزىمىن كۇشىنەن قالدىرىپ، نىسانالى باعا بويىنشا قوسىمشا قاراجات بەرۋگە وزگەرتتى ءارى رايونىمىزدا رەفورما سىناق ءتۇيىنىن ورىستەتتى. سول كەزدە بازاردا ورتا، تومەن سورتتى ماقتانىڭ سۇرانىسى قانىعىپ كەتكەندىكتەن، باعاسى دا تومەندەپ كەتەدى. 2015 - جىلى كوكتەمدە ماقتا اتىزىنا قاراپ پان شياۋچين ىشتەي ۋايىمداعان ەدى.
پان شياۋچين تىلشىگە بىلاي دەدى: ول كەزدە بۇكىل اۋدانداعى ماقتا ەگۋشىلەردىڭ باسىم كوبى بىتىراندى شارۋاشىلىق جۇرگىزگەندىكتەن، ەككەن ماقتانىڭ تۇرلەرى 50 نەشەگە جەتىپ، ءاربىر ماقتا ءتۇرىنىڭ باپتاۋ تەحنيكاسىندا، جەتىلۋ ۋاقىتىندا، تۇسىمىندە، ساپاسىندا تۇگەلدەي پارىق بولدى. كاسىپورىندار مەن ەگىنشىلىك وتباسىلارى ماقتا شارۋاشىلىعىن ۇزدىكسىز جۇرگىزۋ ءۇشىن، ءسوز جوق، ۇيىمداسىپ دامۋمەن قاتار ماقتانىڭ سورتىن جوعارىلاتۋ كەرەك ەكەنىن سەزىنەدى.
2016 - جىلى ماناس اۋداندىق پارتكوم جانە ۇكىمەتتىڭ قولداۋىندا، ماناس اۋدانى يىنتيان ماقتا شارۋاشىلىعى شەكتى سەرىكتەستىگى مەن لىتۋ - ي قالاشىعى لىيۋان شارۋالار كاسىپتىك سەلبەستىك كووپەراتيۆى ”كاسىپورىن + سەلبەستىك كووپەراتيۆى +شارۋا وتباسى“ سىندى شارۋاشىلىق جۇرگىزۋ ءتاسىلىن باستاماشىلدىقپەن قولدانىپ، 30 مىڭ مۋ جەرگە ماقتا ەكتى. ماقتانىڭ سورتىن تاڭداۋدان ەگۋگە دەيىن، ودان تەرىپ جيناۋعا دەيىن ءبىر تۇتاس باسقاردى، شيتتەۋ زاۆودى مانەرلەۋدە دە ۇيىندىگە ءبولىپ شيتتەپ، ساتىپ، ماقتانىڭ ساپاسىن زور مولشەردە جوعارىلاتىپ، بازارداعى ءوتىمدى تاۋارعا اينالدىرىپ، سەلبەستىك كووپەراتيۆى مەن شارۋا وتباسى سول جىلى 2 رەت پايدا ءبولىستى.
”سول توپتاعى ماقتانى باسقا ورتا، تومەن سورتتى ماقتامەن سالىستىرعاندا ءار تونناسىنىڭ باعاسى 1000 يۋانداي جوعارى بولدى، بۇل ساپالى ماقتانىڭ بازاردا توتەنشە قارسى الۋعا بولەنگەندىگىن تولىق ءتۇسىندىردى، كاسىپورىندار مەن شارۋا وتباسىلارى تۇگەلدەي ناقتى تيىمدىلىككە يە بولدى“، - دەدى يىنتيان ماقتا شارۋاشىلىعى لىتۋ - ي شيتتەۋ زاۆودىنىڭ جاۋاپتىسى ما يوۋحۇڭ.
ۇعىسۋعا قاراعاندا، وسى بىرنەشە جىلدا ماناس اۋدانى ”شارۋالار مەن كاسىپورىندار قول ۇستاسۋ، كوپ جاق سەلبەسۋ“ سياقتى ماقتا كاسىپ سالاسىنىڭ ءوندىرۋ، قامداۋ، ساتۋ بىرىككەن تۇلعاسىن قالىپتاستىرۋ ارقىلى ماقتانى شوعىرلى ءوندىرۋدى ىلگەرىلەتىپ، ماقتا ءوندىرۋ، مانەرلەۋ، اينالىمعا سالۋ، توقىماشىلىق تۇتاس كاسىپ سالاسى تىزبەگىنىڭ دامۋىنا جەتەكشىلىك ەتكەن. سونىمەن قاتار، ءبىر تۇتاس سورت، ءبىر تۇتاس ەگۋ، ءبىر تۇتاس تەرىپ - جيناۋ سياقتى ۇلگىلەردى جالپىلاستىرۋ ارقىلى جاڭا تەحنيكانى كەڭىنەن قولدانىپ، ماقتانىڭ ساپاسىن جانە بازارداعى باسەكەلىك قۋاتىن بىرتىندەپ جوعارىلاتىپ، شارۋالاردىڭ كىرىسىن ارتتىرعان.
بيىل ماناس اۋدانى ماقتانىڭ جوعارى ساپالى دامۋىن اتقارۋ جوباسىن العا قويدى. ”بۇكىل اۋدان ماقتا سورتىن، قۇرىلىمىن ساپالىلاندىرۋدى جانە تازا ماقتا ساپاسىن جوعارىلاتۋدى نىسانا ەتىپ، ماقتا اتىزىنىڭ نەگىزدىك قۇرىلعىلار قۇرىلىسىنا قارجى قوسۋدى ارتتىرىپ، ماقتا ءوندىرۋ بۋىندارىنا عىلىم - تەحنيكالىق جاڭالىق ەنگىزۋدى ىلگەرىلەتىپ، ماقتا ءوندىرۋ جابدىقتارىنىڭ قامتاماسىز ەتۋ قابىلەت قۇرىلىسىن كۇشەيتىپ، جوعارى ءتۇسىمدى ساپالى تابيعي ماقتانىڭ ۇستايتىن سالىستىرماسىن ％90تەن اسىرۋعا شىنايى كەپىلدىك ەتىپ، ماقتا كاسىپ سالاسىنىڭ ساپاسىن جوعارىلاتىپ، ونىمدىلىگىن ارتتىرۋعا جانە باياندى دامۋىنا تاماشا نەگىز قالادى“، - دەدى ماناس اۋدانىنىڭ ورىنباسار اكىمى ۋاڭ يمين.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
