”قارت تۋشى“ ۇيىنە قايتىپ كەلدى، كورشىلەر قۇشاق جايا قارسى الدى
انار بۇلت / شينجياڭ گازەتىنىڭ تىلشىلەرى ءرايدا، ليۋ شياڭ
2021.06.08 14:37 كەلۋ قاينارى : شينجياڭ گازەتى
6 - ايدىڭ 3 - كۇنى كەشكى ساعات 10 مولشەرىندە شاۋەشەك اۋەجايىندا سالىقجان يمىندى ارناۋلى قارسى الۋعا كەلگەن ۇلكەن - كىشى اۋىلداستار شوق، شوق گۇل الىپ، ءتورت كوزبەن كۇتۋدە...
تيان - انمىن الاڭىندا مەملەكەت تۋىن شىعارعاندى كورىپ، مەملەكەت تۋىن قورعاۋشى اترەتتىڭ كوماندير - جاۋىنگەرلەرىمەن پىكىرلەسىپ قايتقان ”قارت تۋشى“ سالىقجاننىڭ اڭگىمەسى شار تاراپقا كەڭىنەن تارالدى، اتا مەكەنى شاۋەشەك قالاسىندا، ءتىپتى، ەڭبەكتەگەن بالادان ەڭكەيگەن كارياعا دەيىن تەگىس ءبىلدى.
شاۋەشەك اۋەجايىنان شىققان كەزدە سالىقجان كۇتپەگەن كورىنىسكە تاڭ قالدى.
”بارلىقتارىڭ نەعىپ كەلىپ العانسىڭدار؟“ سالىقجان قارسى الۋعا شىققاندارمەن ىقىلاسپەن قول الىسىپ، قۇشاقتاستى.
”شاشۋ، شاشۋ...“ كوتەرگەن تاباعىنداعى شاشۋدى ءبىر ءۇيلى جانعا شاشتى (”شاشۋ“ جەرگىلىكتى ادەت - عۇرىپ، ءتۇرلى قانت - كامپيت شاشىپ، تىلەك تىلەپ، قارسى الاتىندىعىن بىلدىرەدى).
”ءبىزدىڭ ۇلگىمىز“، ”ءبىزدىڭ ماقتانىشىمىز“. ”اعاي، ءبىز سىزدەن ۇيرەنەمىز“... قارسى الۋعا شىققاندار قولدارىنداعى گۇلدەرىن ۇسىنىپ، جاپا - تارماعاي سالىقجان وتباسىمەن بىرگە سۋرەتكە ءتۇسىپ، ەستەلىك قالدىردى.
”وسى رەت ءبىر ۇيدەگى 3 ۇرپاق بىرگە بەيجيڭدە مەملەكەت تۋىن شىعارعاندى كورىپ، وتە كوڭىلدى بولدىق. ءبىز اكەمىزدىڭ وتانشىلدىق رۋحىن جالعاستىرامىز“، - دەدى سالىقجاننىڭ ۇلكەن قىزى حاميدان اكەسىنىڭ قولىن ۇستاپ تۇرىپ.
اۋەجايداعى قىسقا عانا قارسى الۋدان كەيىن، كوپشىلىك سالىقجاننىڭ ۇيىنە بەتتەدى.
اۆتوكولىك ەسىك الدىنا كەلگەن كەزدە شاعىن اۋلانىڭ سىرتى قارسى الۋعا كەلگەن كورشى - قولاڭدارعا لىق تولىپتى. قۇتتىقتاعان ۇندەر، شاپالاق ءۇنى دۇركىن - دۇركىن ەستىلىپ تۇردى.
سالىقجان اۆتوكولىكتەن تۇسكەن كەزدە اۋلادا مۋزيكا ءۇنى شارىقتاپ، سالىقجاندى اۋلانىڭ قاق ورتاسىنا باستاپ، كوپشىلىك ونىمەن بىرگە بيگە باستى.
”ءبىز اعايدىڭ بۇگىن كەلەتىنىن ەستىپ، وسى ارادا توستىق“، - دەدى شينچىڭ ءمالىسى قاراءدوڭ الەۋمەتتىك اۋماعىنىڭ كادرى تۇڭ ماننا، - اعاي بۇرىننان بەرى ءبىزدىڭ ۇيرەنەتىن ۇلگىمىز، وسى جولى بەيجيڭگە دە باردى، العان اسەرى مول ەكەنى، ءسوزسىز، اعايدىڭ وسى جولعى تابىستارىن بىزبەن ءبولىسۋىن كۇتۋدەمىز.
”سالىقجان اعايدىڭ ءوز اۋلاسىندا مەملەكەت تۋىن تاباندىلىقپەن 12 جىل شىعارعان اڭگىمەسىن بارلىعىمىز بىلەمىز، ونىڭ وتانشىلدىق رۋحى ۇيرەنۋىمىزگە تاتيدى“، - دەدى قارسى الۋعا شىققان قالا تۇرعىنى يمىنجان يمام.
”مەن بەيجيڭنەن كورگەندەرىمدى، العان اسەرىمدى كوپشىلىكپەن ءبولىسىپ، وتانشىلدىق رۋحتىڭ تامىرىن بەكەمدەپ، ۇرپاقتان - ۇرپاققا جالعايمىن“. سالىقجان تەبىرەنىسپەن كوپشىلىككە العىس ايتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
