العا باسۋ جولىن نۇرلاندىرعان اقيقات ساۋلەسى
− جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى تۋرالى تولعانىس ”ىزدەنىس ءبولىمى“
□ شينحۋا اگەنتتىگىنىڭ تىلشىلەرى جۋ جيچاي، ۋاڭ زىميڭ، گاۋ لەي، شۇي جۋاڭ
2021.06.24 15:15 كەلۋ قاينارى : شينجياڭ گازەتى
”پارتيامىزدىڭ تاريحى − ماركسيزمنىڭ جۇڭگوشالانۋىن ۇزدىكسىز ىلگەرىلەتۋ تاريحى، نازاريادا جاڭالىق اشۋدى ۇزدىكسىز ىلگەرىلەتۋ، نازاريالىق جاسامپازدىق جاساۋ تاريحى“. بيىل 2 - ايدىڭ 20 - كۇنى باس شۋجي شي جينپيڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا وسىلاي دەپ تەرەڭ اتاپ كورسەتتى.
100 جىلداعى سان وزگەرىستەرگە قايىرىلا قاراساق، ءبىرىنىڭ ءىزىن ءبىرى جالعاعان ءار ۇرپاق جۇڭگو كوممۋنيستەرى اقيقات تۋىن بيىك ۇستاپ، جالعاستىرا كۇرەس جۇرگىزىپ، ىزدەنىس جاساپ، ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرىپ، قاراعاندا مۇمكىن ەمەستەي كورىنەتىن تالاي - تالاي كەرەمەت جاسادى.
جاڭا ساپارعا بەت العاندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، ءبىز، ءسوز جوق، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرا الامىز.100 جىلدان اتتاپ، اقيقاتتىڭ ۇلى كۇشىن ۇعىندى
1921 - جىلى 1 - ايدىڭ 1 - كۇنى، جاڭاشا كۇنتىزبە بويىنشا جاڭا جىل، حۋناننىڭ چاڭشا قالاسى، قالىڭ قار قاپالاقتاپ تۇر.
10 نەشە جاس زيالى 4 - مامىر وزىق مادەنيەتتىڭ قادامىنان تۋىنداعان وتاندى قۇتقارۋ اعىمىنا ىلەسىپ، چاۋزۇڭ كوشەسىندەگى مادەنيەت كىتاپ دۇكەنىنە كەلىپ، شينمين عىلمي قوعامىنىڭ چاڭشاداعى كۋرسانت مۇشەلەر جينالىسىن اشىپ، قايتكەندە ”جۇڭگونى جانە دۇنيەنى وزگەرتۋگە بولاتىندىعىن“ تالقىلادى.
ماۋ زىدۇڭ جينالىستا سوزگە شىعىپ: ”ءادىس جاعىندا، دەموكراتيانىڭ رۋسسيا ۇلگىسىن قولدانۋدى مەن ەرەكشە قۇپتايمىن. ويتكەنى رۋسسيا ۇلگىسى وزگە جولداردىڭ ءبارى تىعىرىققا تىرەلگەندە جاڭادان ويلاپ تابىلعان جول“، - دەدى.
تاريح كىتابىن پاراقتاساق، چيڭ پاتشالىعىنىڭ سوڭعى كەزىنەن بەرى شەتەلگە ەلىكتەۋ قوزعالىسى، ۋشۇي جىلعى زاڭ وزگەرتۋ، پاتشالىق - نەگىزگى زاڭدىق ءتارتىپ ءتۇزىمى، پارلامەنت ءتۇزىمى، زۇڭتۇڭ ءتۇزىمى... سان - ساناقسىز ارداگەرلەر، ەگەي ەرلەر وتاندى جويىلۋدان قۇتقارۋ، جاڭالىققا كوشىپ الۋەتتەنۋگە ۇمتىلۋ ءۇشىن ماشاقات - ميحىنات ىشىندە جول قاراستىرىپ، جوعارىدان تومەنگە دەيىن ىزدەنىس جاساعانىمەن، بارلىعى دا اقىرىندا جەڭىلىسپەن تىنعانىن كورەمىز.
ءار ءتۇرلى يدەيالىق اعىمدار مەن يزمدەردىڭ تولقۋىندا، ءتىپتى، سىناقتاعى قاتەلىكتەر بارىسىندا ماركسيزمدى تاڭداۋ تاريح ساحناسىنا كەلدى.
”ءتورت توڭىرەگىن اق اكىميات قورشاپ وتىرعان ارالىقتا ءبىر نەمەسە بىرنەشە شاعىن قىزىل اكىميات رايوندارىنىڭ تۋىلۋى قازىرگى دۇنيە جۇزىندە تەك جۇڭگودا عانا بولىپ وتىرعان ءىس“. جيڭگاڭشانداعى ۇشقىن تۇمان ىشىندە العا باسقان جۇڭگو توڭكەرىسىنە شىت جاڭا ءۇمىت سيلادى.
”جۇمىسشى - شارۋا قارۋلى كۇشتەرىمەن بازا قۇرۋ، اۋىل - قىستاقتار ارقىلى قالالاردى قورشاۋعا الۋ“ − ”تاۋ قويناۋىنداعى ماركسيزم“ شارۋالار جانى سانى ％80تەن اساتىن جارتىلاي وتار، جارتىلاي فەودال مەملەكەتتە قايتكەندە توڭكەرىس جۇرگىزۋگە بولاتىندىعى جايلى ءبىرسىپىرا ماسەلەلەردى شەشىپ، جۇڭگوشا جاڭا دەموكراتيالىق توڭكەرىس جولىن اشتى.
جاڭا جۇڭگو قۇرىلعان سوڭ، پارتيا ءار ۇلت حالقىن باستاپ سوعىس سالعان جارانى دەرەۋ ەمدەپ جازىپ، حالىق شارۋاشىلىعىن قالپىنا كەلتىرۋ نەگىزىندە، سوتسياليستىك وزگەرىس جاساۋدى جاسامپازدىقپەن جۇرگىزىپ، سوتسياليستىك نەگىزگى ءتۇزىم ورناتتى.
”سوتسياليزم دەگەن نە؟ سوتسياليزمدى قالاي قۇرۋعا بولادى؟“، جۇڭگو كوممۋنيستەرى بۇعان جاۋاپ ىزدەۋدەن ەشقاشان توقتاعان ەمەس.
شىت جاڭا تاقىرىپ، ماشاقاتتى ىزدەنىس.
جۇڭگو سوتسياليزمنىڭ العاشقى ساتىسىندا تۇر، سونداي - اق وندا ۇزاق ۋاقىت تۇرا بەرەدى دەپ ايقىن اتاپ كورسەتۋدەن كەدەيلىك سوتسياليزم ەمەس دەيتىن ماندىك ماسەلەگە جاۋاپ بەرۋگە دەيىن؛ عىلىم - تەحنيكا − ءبىرىنشى وندىرگىش كۇش ەكەندىگىن ورتاعا قويۋدان اۋىل - قىستاقتاعى جەر رەفورماسىنا قولداۋ كورسەتىپ جانە ونى ىلگەرىلەتكەنگە دەيىن؛ ەكونوميكالىق ەرەكشە رايوندار اشۋدان سوتسياليزمدى بازار شارۋاشىلىعىمەن، جاسامپازدىقپەن ۇشتاستىرۋعا دەيىن...
جۇڭگونىڭ مەملەكەت جاعدايىن تياناق ەتىپ، يدەيانى ازات ەتۋگە تاباندى بولىپ، شىندىقتى ءىس جۇزىنەن ىزدەدى. پارتيا 11 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن كەيىن، جۇڭگو كوممۋنيستىك پارتياسى جۇڭگو حالقىن باستاپ وراسان زور ساياسي باتىلدىقپەن جانە نازاريالىق باتىلدىقپەن رەفورما جاساپ، ەسىك اشىپ، وسىدان سوڭ جۇڭگوشا سوتسياليزمنىڭ داڭعىل جولىن اشىپ، دامۋدىڭ ءدۇبىرلى تولقىنى قۇلاشىن كەڭگە جايىپ، جۇڭگونىڭ بايتاق دالاسى كۇن سايىن تۇلەجىپ، اي سايىن جاڭارا ءتۇستى.
جاز ورتاسى مەزگىلى، جىجياڭنىڭ يۇيسۇن قىستاعىندا جاسىل جەلەك قاۋلاپ، جياڭناننىڭ تاماشا كورىنىسى كوز تارتىپ تۇر.
بۇرىنعى سەمەنت زاۆودتارى، تاس - شاعىل قازۋ الاڭدارى قاپتاپ، اسپاندى جاپقان شاڭ - توزاڭ كوز اشتىرمايتىن جاعدايدان قازىر شاعىپ كوشىرىلگەن سەمەنت زاۆودىنىڭ ورنى الۋان تۇسكە بويالعان اتىز - باقشاعا اينالعانعا دەيىن يۇيسۇن قىستاعىنىڭ ۇزاق جىلدان بەرگى جاسىل دامۋ امالياتى ”تۇنىق سۋ، جاسىل تاۋ − باعالى بايلىقتىڭ“ تەرەڭ ءمانىن جاندى ءتۇسىندىرىپ بەردى.
”جۇڭگو ارمانىمەن“ ەڭ زور ورتاق بولگىشكە ۇيىسىپ، ”بەستى ءبىر تۇلعالاندىرۋ“ ارقىلى جالپى تۇلعالىق ورنالاستىرۋ جاساپ، ”ءتورتتى جاپپاي ورىنداۋ“ ارقىلى ستراتەگيالىق ورنالاستىرۋدى جوسپارلاپ، ”ءبىر بەلدەۋ، ءبىر جول“ ارقىلى حالىقارالىق سەلبەستىكتىڭ تىڭ ءورىسىن كەڭەيتىپ، جاڭا دامۋ ارناسىن قالىپتاستىرۋ ارقىلى جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستادى...
شي جينپيڭ جاڭا ءداۋىر جۇڭگوشا سوتسياليزم يدەياسى پارتيا مەن مەملەكەت ىستەرىندە تاريحي وزگەرىس تۋىلۋعا، تاريحي تابىسقا قول جەتكىزۋگە باستاپ، جۇڭحۋا ۇلتى ۇلى گۇلدەنۋدىڭ نۇرلى بولاشاعىن قارسى الدى.شىندىقتى ءىس جۇزىنەن ىزدەپ، جاسامپازدىقتىڭ ومىرشەڭدىگىن ماڭگى ساقتادى
يان - ان توڭكەرىستىك ەسكەرتكىش سارايىنىڭ ىشىندە 2 شارشى كەزدەي 4 بولىك تاس تاقتايشانىڭ 70 نەشە جىلدىق بوران - شاشىندا كوپتى كورگەندىگى اڭعارىلادى، دەسەدە تاقتايشانىڭ بەتىندەگى ايباتتى ۇلكەن جازۋ − ”شىندىقتى ءىس جۇزىنەن ىزدەۋ“ قاشاندا اقيقاتتىڭ نۇر شۇعىلاسىن شاشىپ تۇر.
بۇل تاس ويما يان - ان ورتالىق پارتيا مەكتەبى ۇلكەن زالىنىڭ ەسىگىنىڭ ماڭدايشاسىنان الىنعان، مۇنى ماۋ زىدۇڭ جولداس 1943 - جىلى ءوز قولىمەن جازعان.
بۇل 4 ارىپكە 100 جىلدىق ءىرى پارتيانىڭ قاشاندا نازاريالىق ومىرشەڭدىك پەن جاسامپازدىق ومىرشەڭدىكتى ساقتاۋىنىڭ شەشۋشى قۇپياسى قامتىلعان.
يان - ان قالاسىنىڭ شىعىس سولتۇستىگىندەگى چياۋىرگوۋ توڭكەرىستىك كونە جۇرتىندا گوتيكالىق قۇرىلىس ستيلىندەگى كاتوليك ءدىنى شىركەۋى جىم - جىرت بوي سوزىپ تۇر. 1938 - جىلى پارتيا 6 - كەزەكتى ورتالىق كوميتەتىنىڭ التىنشى جالپى ءماجىلىسى وسى جەردە اشىلدى.
”ماركسيزمدى جۇڭگوشالاندىرۋدىڭ ءاربىر بەينەلەنۋىندە جۇڭگو ەرەكشەلىگى قامتىلىپ وتىرۋ كەرەك“. ماۋ زىدۇڭ جولداس وسى جولعى ماجىلىستە وسى شەشۋشى تاقىرىپتى العاش رەت ورتاعا قويدى.
عىلمي نازاريانى قولدانۋدىڭ جانە وندا جاڭالىق اشۋدىڭ سانالىلىعى، سەنىمى، مىنە وسىلاي شىت جاڭا پاراق اشتى.
جۇڭگوشا ەرەكشەلىككە يە جاڭا دەموكراتيالىق توڭكەرىس جولى سان وزگەرىستى باستان كەشكەن جۇڭحۋا ۇلتىن ”ءۇش ۇلكەن تاۋدى“ اۋدارىپ تاستاۋعا باستاپ، حالىقتىڭ قوجايىن بولۋىن العاش رەت شىن مانىندە جۇزەگە اسىردى؛ سوتسياليزمنىڭ الدىنا ”جۇڭگوشا“ دەگەن انىقتاۋىش قوسىپ، دۇنيە جۇزىندە سوتسياليزم قوزعالىسىنىڭ تولقىنى قايتقان جاعدايدا دۇيىم ەلدى جالت قاراتقان ”جۇڭگو ۇلگىسىن“ جازىپ، ادامزاتتىڭ وسىزاماندانۋ ۇردىسىندە ماقتانارلىق ”جۇڭگو كەرەمەتىن“ جاسادى...
”ءبىز اتىزدى وتباسىلارعا ءبولىپ، ءار وتباسىنىڭ يەسى قول قويىپ تاڭبا باسامىز، الدا ىسكە اسىپ جاتسا، ءار وتباسى جىل سايىن جوعارىعا تاپسىراتىن نورما استىق پەن سالىق استىعىن ورىنداۋعا كەپىلدىك بەرىپ، ەندى قايتىپ مەملەكەتتەن استىق، اقشا سۇرامايدى“.
1978 - جىلى انحۇيدىڭ شياۋگاڭ قىستاعىنداعى ءبىر توزىعى جەتكەن ءشوپ كۇركەدە 18 شارۋا ”قارىن تويدىرۋ“ دەگەن قاراپايىم ويدىڭ جەتەگىندە ”ءولىم - ءومىر شارتىنا“ تاۋەكەل ەتىپ قىزىل بارماق تابىن باستى.
”ءبىر شارتتىڭ“ كۇشى قانشالىق ۇلكەن بولۋى مۇمكىن؟ ”جاپپاي كوتەرمەگە الىپ“ ىستەگەننىڭ كەلەر جىلىندا شياۋگاڭ ءوندىرىس اترەتى استىعىنىڭ جالپى ءتۇسىمى 1955 - جىلدان 1970 - جىلعا دەيىنگى جالپى استىق ءتۇسىمىنىڭ قوسىندىسىنا تەڭ بولعاندىعى شياۋگاڭ قىستاعىنىڭ تۇرعىندارىنىڭ ءالى ەسىندە.
”جاپپاي كوتەرمەگە الۋدان“ كوللەكتيۆ ورمان ۇقىعى ءتۇزىمى رەفورماسىنا دەيىن، ”ءۇشتى وڭدەۋ - قۇراستىرۋ، ءبىردى تولىقتاۋدان“ اۋىل - قالاشىق كاسىپورىندارىن دامىتۋعا دەيىن... پارتيامىز باستان - اياق يدەيانى ازات ەتۋگە تاباندى بولىپ، نەگىزگى ساتىعا قۇرمەت ەتىپ، بۇقارانىڭ ءتول جاسامپازدىق رۋحىنا قۇرمەت ەتىپ، ءارقايسى ”تۇيىندەردەگى“ سەرپىلىستەر مەن رەفورمالاردىڭ تاجىريبەلەرىن دەر كەزىندە قورىتىندىلاپ، جيناقتاپ، دەڭگەيىن جوعارىلاتىپ، ونان سوڭ ونىمەن بۇكىل ەلدەگى امالياتقا جەتەكشىلىك ەتتى.
1935 - جىلى 1 - ايدا زۇن - ي قالاسى حۇڭحۋاگاڭ رايونى زىيىن جولى 96 - نومىردەگى 27 شارشى مەتر كەلەتىن، ماي شامنىڭ جارىعى سىعىرايعان شاعىن بولمەدە جۇڭگو كوممۋنيستىك پارتياسىنىڭ باسشىسى جۇڭگو توڭكەرىسىنىڭ ەرەكشەلىگىنە ۇيلەسەتىن ستراتەگيا - تاكتيكانى دەربەس، ءوز كۇشىنە سۇيەنە وتىرىپ باستاپ جاساپ جانە اتقارىپ، ەڭ قاتەرلى ساتتە پارتيانى قۇتقارىپ قالدى، قىزىل ارميانى قۇتقارىپ قالدى، جۇڭگو توڭكەرىسىن قۇتقارىپ قالدى.
”توپ ايداعار كوشباسشىمەن كوككە ۇشتى، سامعادى، لۋشيان - باعدار انىق بولىپ، جولدى جولعا جالعادى. وڭ مەن سولعا قيسىق كەتسە دەر كەزىندە تۇزەتەر، ەمىن - ەركىن قانات قاعىپ اسپان ءجۇزىن كۇزەتەر“. جۋ دى ءبىر شۋماق ولەڭ جازىپ، زۇن - ي ماجىلىسىنەن كەيىنگى جاڭا راي، سونى لەپتى اشىپ كورسەتتى.
10 جىلدان كەيىن يان - ان ياڭجياليڭدەگى ورتالىق ۇلكەن زالدا، جۇڭگو كوممۋنيستىك پارتياسى العاش رەت ءوزى سالعان ۇيدە مەملەكەتتىك قۇرىلتايىن اشتى، بۇل ءماجىلىس ماۋ زىدۇڭ يدەياسىن پارتيا ۋستاۆىنا جازدى.
سول جىلعى ءماجىلىس زالىنىڭ ەكى جاعىنداعى قابىرعانىڭ 6 جەرىنە ۇران سوزدەرى ءىلىنىپ، اربىرىنە ”اقيقاتقا تاباندى بولىپ، قاتەلىكتى تۇزەتۋ“ دەپ جازىلدى، سونداي - اق وعان جەڭىستىڭ سيمۆولى رەتىندەگى ”V“ ءارپى قادالدى.
زۇن - ي ماجىلىسىنەن پارتيانىڭ 7 - قۇرىلتايىنا دەيىنگى 2 رەتكى ءماجىلىس مىنا ءبىر بۇلجىماس قيسىندى اشىپ كورسەتتى: اقيقاتقا تالپىنۋ جولىندا تەك ءوز - ءوزىن جاڭارتىپ وتىرۋ قاسيەتىن، قاتەلىكتى جۇرەكتىلىكپەن تۇزەتەتىن باتىلدىقتى ءاردايىم ساقتاي بىلگەندە عانا، سوڭعى جەڭىسكە جەتۋگە بولادى.
”جۇڭگو كوممۋنيستىك پارتياسى تاريحتا نە ءبىر ماڭىزدى وتكەلدەردى باستان كەشىردى، دەسەدە ءار جولعى سەرپىلىس بارىسىندا جۇڭگو كوممۋنيستىك پارتياسى ءوزىنىڭ ساياساتىن نەمەسە تاكتيكاسىن رەتتەپ، وسى ارقىلى توڭكەرىستىڭ، رەفورمانىڭ جانە دامۋدىڭ باياندىلىعىنا شىنايى كەپىلدىك ەتىپ وتىردى“، - دەيدى ليۆان كوممۋنيستىك پارتياسىنىڭ باس شۋجيى حاننا گارىب.يدەيانى جەتەكشى ەتىپ، گۇلدەنۋدىڭ قوزعاۋشى كۇشىن ۇيىستىردى
2017 - جىلى 10 - ايدىڭ 24 - كۇنى حالىق سارايىنىڭ 10 مىڭ ادامدىق ۇلكەن زالى.
”ماقۇلداندى!“، پارتيانىڭ 19 - قۇرىلتايىنا قاتىناسقان 2300دەن استام ۋاكىل مەن ەرەكشە ۇسىنىس ەتىلگەن ۋاكىل سالتاناتپەن قول كوتەردى، شي جينپيڭ جاڭا ءداۋىر جۇڭگوشا سوتسياليزم يدەياسى پارتيا ۋستاۆىنا جازىلىپ، جۇڭگو كوممۋنيستىك پارتياسى جەتەكشى يدەيانىڭ تاعى ءبىر رەت داۋىرمەن بىرگە العا باسۋىن جۇزەگە اسىردى.
4 ايدان استام ۋاقىتتان سوڭ، حالىق سارايى سالتاناتتى ساتكە تاعى دا كۋا بولدى.
2018 - جىلى 3 - ايدىڭ 11 - كۇنى 13 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندە تاسقىنداي كوتەرىلگەن شاپالاق ءۇنى ىشىندە شي جينپيڭ جاڭا ءداۋىر جۇڭگوشا سوتسياليزم يدەياسى مەملەكەتتىڭ نەگىزگى زاڭىنا ەنگىزىلدى.
ءداۋىر يدەيانىڭ اناسى، اماليات نازاريانىڭ قاينار كوزى. جاڭا داۋىردە جۇڭگوداعى ەڭ كەڭ دە تەرەڭ قوعامدىق وزگەرىس ەڭ ۇلى دا وزگەشە نازاريالىق جانە امالياتتىق جاسامپازدىقتى تۋدىرۋدا.
”سەگىزدى ايقىنداۋ“، ”ون تورتكە تاباندى بولۋ“ ءارى توعىسا ءبىر تۇتاستىققا كەلىپ، ءارى ءبىرىن - ءبىرى كەمەلدەندىرىپ، جاڭا داۋىردە قانداي جۇڭگوشا سوتسياليزمگە تاباندى بولامىز جانە ونى دامىتامىز، جۇڭگوشا سوتسياليزمگە قالاي تاباندى بولامىز جانە ونى دامىتامىز دەگەن كەلەلى داۋىرلىك تاقىرىپقا عىلمي جاۋاپ بەرىپ، شىت جاڭا كوز ايا ارقىلى كوممۋنيستىك پارتيانىڭ بيلىك جۇرگىزۋ زاڭدىلىعىنا، سوتسياليستىك قۇرىلىس زاڭدىلىعىنا، ادامزات قوعامىنىڭ دامۋ زاڭدىلىعىنا بولعان تانىمدى تەرەڭدەتتى.
”شي جينپيڭ جاڭا ءداۋىر جۇڭگوشا سوتسياليزم يدەياسى ماركسيزمنىڭ جۇڭگوشالانۋىنداعى ەڭ جاڭا جەتىستىك، 21 - عاسىرداعى ماركسيزم، زامانىمىزداعى جۇڭگو ماركسيزمى، ءبىزدىڭ ۇلى كۇرەس جاساۋىمىزداعى، ۇلى ينجەنەريا قۇرۋىمىزداعى، ۇلى ىستەردى ىلگەرىلەتۋىمىزدەگى، ۇلى ارماندى جۇزەگە اسىرۋىمىزداعى عىلمي جەتەكشى يدەيا جانە ارەكەت باعدارنامامىز“، - دەدى ورتالىق پارتيا تاريحىن جانە حۇجات زەرتتەۋ ورنىنىڭ باستىعى چۇي چيڭشان.
تاريحتىڭ ءۇردىسى قايدان باستالسا، يدەيانىڭ ءۇردىسى دە سول ارادان باستالادى.
2020 - جىل، جاڭا جۇڭگو تاريحىنداعى، دۇنيە ءجۇزى تاريحىنداعى ماڭىزدى ”كەزەڭ“. 100 جىلدا بولماعان جاڭا تيپتى ايدارشا ۆيرۋس وكپە قابىنۋ ىندەتى تۇتقيىل تۋىلدى، دۇنيە ءجۇزى ەكونوميكاسى دۇنيە جۇزىلىك 2 - سوعىس اياقتالعاننان بەرگى ەڭ اۋىر قۇلدىراۋعا دۋشار بولدى، جۇڭگو ەكونوميكاسى بۇرىن بولىپ كورمەگەن قاتاڭ سىن - سايىسقا ءدوپ كەلدى.
2020 - جىلى 3 - ايدىڭ 29 - كۇنى جىجياڭ نيڭبودا كوكتەمنىڭ شىتقىلى بىلىنەدى.
باس شۋجي شي جينپيڭ جاڭبىرلاتا جوۋشان پورتى چۋانشان پورت اۋماعىنداعى كەمەتۇراققا كەلىپ، گۇرىلدەگەن ماشينا ءۇنى قۇلاق تۇندىرعان كاسىپورىن سەحىنا بارىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ جونىندە تەكسەرۋ - زەرتتەۋ جۇرگىزدى.
جىجياڭدا قىزمەت تەكسەرىپ بەيجيڭگە قايتىپ كوپ وتپەي، 4 - ايدىڭ 10 - كۇنى بەيجيڭ جۇڭنانحايدا ورتالىق قازىنا - ەكونوميكا كوميتەتىنىڭ 7 - رەتكى ءماجىلىسى اشىلدى.
باس شۋجي شي جينپيڭ «مەملەكەتتىڭ ورتا، ۇزاق مەرزىمدىك ەكونوميكالىق، قوعامدىق دامۋ ستراتەگياسى جونىندەگى ءبىرقانشا كەلەلى ماسەلە» تاقىرىبىندا ماڭىزدى ءسوز سويلەپ، ”ەل ءىشى ۇلكەن اينالىمىن نەگىزگى تۇلعا ەتكەن، ەل ءىشى، حالىقارا سىندى قوس اينالىم ءبىرىن - ءبىرى جەبەيتىن دامۋ ارناسىن قالىپتاستىرۋ كەرەك“ دەگەن ماڭىزدى تۇجىرىمدى ورتاعا قويدى.
جاڭا دامۋ كەزەڭىن تياناق ەتۋ، جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ، جوعارى ساپالى دامۋدى ىلگەرىلەتۋ − تاريحي شەشۋشى ساتتە، پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى ”14 - بەسجىلدىقتى“ باستاۋعا، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىن اشۋعا ستراتەگيالىق جەتەكشىلىك كورسەتتى.
نازاريالىق جاسامپازدىق العا ىلگەرىلگەن سايىن، نازاريامەن قارۋلانۋ دا بىرگە العا ىلگەرىلەپ وتىردى.
2020 - جىلى 11 - اي، قىس باسىنداعى گانسۋدا كۇن سۋىتا باستاعان.
ديڭشي قالاسى لينتاۋ اۋدانى لۇڭمىن قالاشىعى داجايزى قىستاعىنداعى پارتيا مۇشەلەرى، بۇقارا قىزمەت وتەۋ ورتالىعىنىڭ ءىشى ءباز - باياعىسىنداي جىپ - جىلى. اۋىلداستار وسى ارادا قورالانا وتىرىسىپ، بەيجيڭنەن كەلگەن ”مۇعالىمنىڭ“ پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحى جونىندەگى تۇسىندىرمەسىن ىقىلاس قويا تىڭدادى.
بۇقارا اسەرلەنە بىلاي دەدى: ”مۇنداي ۇگىت لەكسيا ۇلكەن قيسىندى تۇسىنىكتى تىلمەن جەتكىزدى، كەلەشەك 5 جىلدا، 15 جىلدا مەملەكەتىمىز قالاي داميدى، بۇقارانىڭ تۇرمىسىندا قانداي وزگەرىستەر بولادى، ءبارىن ەستىگەن جەردەن تۇسىندىك“.
بيىل 6 ايدا پارتيا قۇرىلعاندىعىنىڭ 100 جىلدىعى قارساڭىندا تاعى ءبىر نازاريالىق جالپىلىق وقۋلىق «جاڭا ساپارمەن بەتپە - بەت» بۇكىل ەلدىڭ جەر - جەرىندەگى كىتاپ دۇكەندەرىندە سورەگە قويىلدى، وندا كادر - بۇقارا جاپپاي كوڭىل ءبولىپ وتىرعان جاڭا دامۋ كەزەڭىنە قالاي قاراۋ، جاڭا ساپاردى قالاي باستاۋ قاتارلى 14 كەلەلى ماسەلەگە تەرەڭ وي، تۇسىنىكتى تىلمەن بايانداي تۇسىنىكتەر جاسالدى.
”جۇڭگو كوممۋنيستەرى ۇيرەنۋگە سۇيەنە وتىرىپ بۇگىنگى كۇنگە جەتتى، ۇيرەنۋگە سۇيەنە وتىرىپ كەلەشەككە بەت الاتىنى دا داۋسىز“.
جاڭا ۇزاق ساپاردا، اناعۇرلىم كۇردەلى ەل ءىشى - سىرتى جاعدايى الدىندا، اناعۇرلىم جاپالى رەفورما، دامۋ، ورنىقتىلىق مىندەتى الدىندا، شي جينپيڭ جاڭا ءداۋىر جۇڭگوشا سوتسياليزم يدەياسى قاشاندا بۇكىل پارتيانىڭ اۋەلگى ماقساتتى، بورىشتى بەكەمدەۋدەگى كۇش - قۋات قاينارى، قاشاندا ءبىزدى قامال الىپ قيىندىقتاردى جەڭۋگە، ەرلىكپەن العا باسۋعا جەتەلەيتىن عىلمي قارۋىمىز بولا بەرەدى.
يدەيانىڭ كۇش - قۋاتى ۋاقىت - كەڭىستىكتى ەندەي وتەدى، اقيقاتتىڭ ساۋلەسى العا باسۋ جولىن نۇرلاندىرادى. شي جينپيڭ جاڭا ءداۋىر جۇڭگوشا سوتسياليزم يدەياسى ۇلى تۋىن بيىك ۇستاپ، قالىڭ كادر - بۇقارانى يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرگەندە، ءسوز جوق، جەڭىستەن جاڭا جەڭىسكە جەتە الامىز.
(شينحۋا اگەنتتىگىنىڭ 6 - ايدىڭ 22 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
