حۋاڭ جيگۋاڭ:
باسىن ءباي تىگىپ مىلتىقتىڭ اۋزىن توسقان قۇرىش جاۋىنگەر
□شينحۋا اگەنتتىگىنىڭ تىلشىلەرى ليۋ جيمەي، گاۋ يۇيجياۋ
2021.06.24 16:08 كەلۋ قاينارى : شينجياڭ گازەتى
حۋاڭ جيگۋاڭنىڭ سۋرەتى. □ شينحۋا اگەنتتىگى تاراتقان
”ساقا بانجاڭ حۋاڭ جيگۋاڭنىڭ مىس ءمۇسىنى الدىندا، مەن ايبىندى سەرت بەرەمىن: قاھارمان تۋىن بيىك ۇستاپ، قاھارمان رۋحىن جالعاستىرامىن؛ قۇنىتتىلىقپەن، قاجىرلىلىقپەن جاتتىعىپ، ىسىلعان ونەر جەتىلدىرەمىن...“ جۋىقتا پاراشوتشى اسكەرلەر بەلگىلى لۇيىنىڭ بارلىق جاڭا اسكەرلەرى قاتارعا تۇرىپ، ەرەكشە قاھارمان حۋاڭ جيگۋاڭنىڭ مىس ءمۇسىنى الدىندا ايبىندى سەرت بەردى.
1962 - جىلى حۋاڭ جيگۋاڭ قۇربان بولعاندىعىنىڭ 10 جىلدىعىن ەسكە ءتۇسىرۋ ءۇشىن، حۋاڭ جيگۋاڭنىڭ اناسى مەن جاۋىنگەر سەرىكتەرىنىڭ ەسكە الۋى بويىنشا، جەزدەن قۇيۋ ارقىلى وسى كەۋدە ءمۇسىنى جاسالدى. ۇستىرتكە شىعارىلدى، ارالعا ءتۇسىرىلدى، قۇبا تۇزگە اپارىلدى... حۋاڭ جيگۋاڭنىڭ مىس ءمۇسىنى اسكەري ءبولىمنىڭ ”بارلىق ۋاقىتتا سوعىسقا دايىن بولۋ، بارلىق وڭىرگە جەتۋ“ ساپارىمەن بىرگە وتانىمىزدىڭ بايتاق دالاسىن تۇگەل ارالادى، حۋاڭ جيگۋاڭ رۋحى دا سان ۇرپاق كوماندير - جاۋىنگەرلەردىڭ رۋحاني ارقاۋىنا اينالدى.
حۋاڭ جيگۋاڭ سىچۋان ولكەسى جۇڭجياڭ اۋدانىنان، 1931 - جىلى 1 - ايدىڭ 8 - كۇنى كەدەي شارۋا وتباسىندا دۇنيەگە كەلگەن. 1951 - جىلى 3 - ايدا جۇڭگو حالىق ەرىكتىلەر ارمياسىنا قاتىناسىپ، ەرىكتىلەر ارمياسى 15 - جۇن 45 - شى 135 - تۋان 2 - يىڭ 6 - ليانىنىڭ جاۋىنگەرى بولادى، سوڭىنان اسكەري بولىمگە ىلەسىپ چاۋشيان سوعىس مايدانىنا اتتانادى.
اناسىنا جازعان حاتىندا حۋاڭ جيگۋاڭ ءسوزسىز جاۋدى جويىپ، ەڭبەك ءسىڭىرىپ، وتباسىنداعىلار ءۇشىن، وتان ءۇشىن داڭق اپەرەتىندىگىن بىلدىرگەن.
1952 - جىلى 10 - ايدا شاڭگانليڭ شايقاسى باستالادى. شاڭگانليڭ چاۋشياننىڭ ورتا بولىگىندەگى ۋشىڭشان تاۋىندا، ەرىكتىلەر ارمياسى ورتاڭعى شەبىنىڭ قاقپاسى بولاتىن، سونداي - اق جاۋدىڭ كوكىرەگىنە قادالعان بولات قانجار ەدى.
10 - ايدىڭ 19 - كۇنى تۇندە حۋاڭ جيگۋاڭ تۇرعان يىڭ شاڭگانليڭنىڭ باتىس بۇيىرىندەگى تەڭىز دەڭگەيىنەن 597.9 بيىكتىكتەگى شوقىنى تارتىپ الۋ بۇيرىعىن تاپسىرىپ الادى. اسكەري ءبولىم ىلگەرىندى - كەيىندى 3 بازانى باعىندىرعاننان كەيىن كەدەرگىگە ۇشىرايدى، ىلگەرىندى - كەيىندى 3 رەت تالقانداۋ ۇيىمداستىرعانىمەن ءبارى دە ءساتسىز بولادى. تاڭ اتۋعا تايايدى، شوقىنى ەندى باعىندىرماسا بۇكىل سوعىس ورايى قولدان كەتەدى. شەشۋشى ساتتە، حۋاڭ جيگۋاڭ كەۋدە كەرە الدىعا شىعىپ، تالقانداۋ مىندەتىن ۇستىنە الۋدى ءوتىنىپ، 2 جاۋىنگەردى باستاپ قامال الۋعا بەكيدى.
حۋاڭ جيگۋاڭ قاتارلىلار جاۋدىڭ وت كۇشىنە 50 مەترگە جەتپەيتىن جەرگە جەتكەندە بايقالىپ قالىپ، جارقىراۋىق وق، بارلاعىش شام تۇتاس بەتكەيدى كۇندىزدەي جارىقتاندىرىپ جىبەرەدى، سانسىز پۋلەمەدتەن بوراعان وق ولار جاسىرىنعان جەرگە جاڭبىرشا جاۋادى، ءبىر جاۋىنگەر باقىتقا قارسى قۇربان بولادى، ەندى بىرەۋى اۋىر جارالانادى، حۋاڭ جيگۋاڭنىڭ دا سول جاق بىلەگىنە وق تيەدى، ايتسەدە ول قايسارلىقپەن جەر باۋىرلاپ العا ىلگەرىلەيدى.
جاۋدىڭ وت كۇشىنە نەبارى 10 مەترگە جەتپەيتىن ارالىق قالدى! حۋاڭ جيگۋاڭ جاۋعا گرانات لاقتىرادى، الايدا اتىس ورنى وتە ۇلكەن بولعاندىقتان جارتىسىن عانا قيراتادى، قيراتىلماعان پۋلەمەد شالا قيراتىلعان اتىس اۋزىنان قايتا شىعىپ، ەرىكتىلەر ارمياسىنىڭ اتويلاۋى تاعى كەدەرگىگە ۇشىرايدى.
وسى ساتتە، ءبىرتالاي جەرى جارالانعان حۋاڭ جيگۋاڭ دەنەسىن قيسايتىپ، باۋىرلاي جىلجىپ بەكىنىستىڭ قالتارىسىنا بارادى دا دەنەسىن العا قاراي سوزىپ، ەكپىنمەن ۇمتىلىپ بارىپ كەۋدەسىمەن جاۋدىڭ وق بوراپ تۇرعان مىلتىعىنىڭ اۋزىن توسىپ، نەبارى 21 جاسىندا ەرلىكپەن قۇربان بولادى.
”جاۋ پۋلەمەدىنىڭ ءۇنى لەزدە ءوشتى“، - دەيدى حۋاڭ جيگۋاڭنىڭ قۇربان بولعاندىعىن ءوز كوزىمەن كورگەن، كەزىندەگى ەرىكتىلەر ارمياسى 15 - جۇن 45 - شى 135 - تۋان 82 - مينومەتشىلەر ليانىنىڭ جەتەكشىسى گاۋ جينۋىن ەسكە الىپ. جاۋىنگەر سەرىكتەرى ”حۋاڭ جيگۋاڭ ءۇشىن كەك الايىق“ دەپ ۇرانداتا لاپ قويىپ، شوقىنى ءاپ - ساتتە تارتىپ الادى.
سوعىستان كەيىن، ەرىكتىلەر ارمياسىنىڭ باس شتابى وعان ەرەكشە ەڭبەك جازىپ، ”ەرەكشە قاھارمان“ داڭق اتاعىن تولىقتاپ بەرەدى.
”حۋاڭ جيگۋاڭ!“
”بار!“
بۇل حۋاڭ جيگۋاڭ كوزى تىرىسىندە تۇرعان لياننىڭ ءار كۇنى كەشكى داعدىلى جوقتاماسى، ءار جولى حۋاڭ جيگۋاڭنىڭ اتى اتالعاندا بۇكىل لياندەگى كوماندير - جاۋىنگەرلەر بىركەلكى داۋىسپەن ”بار“ دەپ جاۋاپ قاتىپ، قاھارمانعا قۇرمەت بىلدىرەدى.
”قاھارماننىڭ رۋحى باستان - اياق بىزگە جول نۇسقاپ كەلەدى، بارلىعىمىز حۋاڭ جيگۋاڭنىڭ مۇراگەرلەرىمىز، بارلىق مىندەتتى ورىنداۋعا، سۇعاناقتىق جاساعان بارلىق جاۋدى جويۋعا سەنىمىمىز بار، قۋاتىمىز جەتەدى“، - دەدى حۋاڭ جيگۋاڭ كوزى تىرىسىندە تۇرعان اسكەري ءبولىمنىڭ جىڭۋيى ۋاڭ جىگو.
تالاي جىلدان بەرى حۋاڭ جيگۋاڭ كوزى تىرىسىندە تۇرعان ليان باستان - اياق ءتۇرلى شۇعىل، قيىن، حاۋىپتى، اۋىر مىندەتتەر الدىندا اتويشى بولىپ، ومىراۋلاي الدا ءجۇرىپ، اۋە ارمياسى جاعىنان ”پاراشوتشى اسكەرلەر ۇلگىلى 6 - ليانى“، ”تاسقىنعا قارسى اتتانىپ، قاتەردەن اراشالاۋداعى اۆانگارد ليان“، ”حۋاڭ جيگۋاڭ قاھارمان ليانى“ داڭقتى اتاقتارى بەرىلىپ، ورتالىق اسكەري ىستەر كوميتەتى جاعىنان ”ۇلگىلى پاراشوتشى اسكەرلەر ليانى“ داڭق اتاعى بەرىلەدى، داڭقپەن 4 رەت كوللەكتيۆ 1 - دارەجەلى ەڭبەك، 12 رەت 2 - دارەجەلى ەڭبەك، 21 رەت 3 - دارەجەلى ەڭبەك سىڭىرەدى.
(شينحۋا اگەنتتىگىنىڭ 5 - ايدىڭ 25 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
