بەيجيڭدە ساقتانۋ – تىزگىندەۋ شارالارى جالپى بەتتىك كۇشەيتىلدى
پرينسيپتىك جاقتان، 8 – ايدا بەيجيڭدە وتكىزىلەتىن كولەمدى كورمە قيمىلدارى كۇشىنەن قالدىرىلادى
2021.08.05 14:38 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى ۋاڭ جۇنلۋ 8 – ايدىڭ 4 – كۇنى بەيجيڭنەن حابارلايدى. ءتىلشىنىڭ 8 – ايدىڭ 4 – كۇنى بەيجيڭ قالاسىنان ۇعىسۋىنشا، بەيجيڭ قالاسى ءار دارەجەلى ورىنداردان شۇعىل جاعدايعا توتەپ بەرۋ كۇيىن اناعۇرلىم جوعارىلاتۋدى، ۆيرۋستىڭ تارالۋ تىزبەگىن تۇبەگەيلى ءۇزىپ، ساڭلاۋلاردى تۇگەل بەكىتىپ، ساقتانۋ – تىزگىندەۋ شارالارىن جالپى بەتتىك جوعارىلاتۋدى، «قاجەتتى بولماسا ۇيىمداستىرماۋعا» تاباندى بولۋدى، پرينسيپتىك جاقتان، 8 – ايدا بەيجيڭدە وتكىزىلەتىن كولەمدى كورمە قيمىلدارىن كۇشىنەن قالدىرۋدى تالاپ ەتكەن.
8 – ايدىڭ 4 – كۇنى اشىلعان بەيجيڭ قالالىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ – تىزگىندەۋ قىزمەتىنە باسشىلىق ەتۋ گرۋپپاسىنىڭ 113 – رەتكى ءماجىلىسى جانە بەيجيڭگە كەلۋدى قاتاڭ باسقارۋداعى بىرلەسكەن ساقتانۋ – تىزگىندەۋ ىستەرىن سايكەستىرۋ مەحانيزمىنىڭ 64 – رەتكى ماجىلىسىندە مىنالار اتاپ كورسەتىلدى: ىندەتتەن ساقتانۋ – تىزگىندەۋ قازىر بەيجيڭ قالاسى بويىنشا بارلىق ادام جونىنەن ەڭ ماڭىزدى جۇمىس، ءار دارەجەلى ورىندار شۇعىل جاعدايعا توتەپ بەرۋ كۇيىن اناعۇرلىم جوعارىلاتىپ، «ءتورت جاقتىڭ جاۋاپكەرشىلىگىن» تياناقتاندىرىپ، «ۆيرۋستىڭ سىرتتان كەلۋىنەن، ىشكى جاقتا قايتا تارالۋىنان ساقتانۋ» جاعىنداعى ءتۇرلى شارالاردى قاتاڭ، مۇقيات، شىنايى، ۇقىپتى ىستەۋى، ۆيرۋستىڭ تارالۋ تىزبەگىن تۇبەگەيلى ءۇزۋى، ىندەتتىڭ تارالۋىنا مۇلدە مۇمكىندىك بەرمەۋى، استانانىڭ حاۋىپسىزدىگىنە كەپىلدىك ەتۋى كەرەك.
ماجىلىستە مىنالار باسا دارىپتەلدى: ساڭلاۋلاردى تۇگەل بەكىتىپ، ساقتانۋ – تىزگىندەۋ شارالارىن جالپى بەتتىك جوعارىلاتۋ كەرەك. شەكارادان كىرەتىن كەزەڭدەردى كۇزەتىپ، «ساقتانۋدا ادام مەن زاتقا بىردەي ءمان بەرۋگە» تاباندى بولىپ، جولدى تۇيىقتاپ باسقارۋ جانە اۋاشالاپ باقىلاۋعا الۋ شارالارىن قاتاڭداستىرۋ كەرەك. استانا حالىقارالىق اۋەجايىندا، داشيڭ حالىقارالىق اۋەجايىندا جانە ءتۇيىندى جولاۋشى تاسىمالى الاڭ – بەكەتتەرىندە ساقتانۋ – تىزگىندەۋ دارەجەسىن جوعارىلاتۋ، الىس ارالىقتان جانە بەكەتكە كىرىپ – شىعۋ بارىسىندا دەنە تەمپەراتۋراسىن تەكسەرۋدى، دەنساۋلىق كودىن تەكسەرۋدى كۇشەيتىپ، قىزمەتكەرلەردى دارەجەگە، تۇرگە ءبولىپ باسقارۋدى قاتاڭداستىرىپ، جۇعىمدالۋ حاۋپى جوعارى ادامدار جۇرەتىن شۇعىل جاعداي ءدالىزىن كوبەيتىپ اشۋ كەرەك. بەيجيڭگە كىرەتىن جەردەگى تەكسەرۋ بەكەتتەرىندە تەكسەرۋدى قاتاڭداستىرىپ، قاتىناۋ ونىمدىلىگىن جوعارىلاتۋ كەرەك. «بەيجيڭ جيانكاڭباۋ» قولدانباسىنىڭ دارەجەسىن جوعارىلاتىپ، جۇعىمدالۋ حاۋپى جوعارى ادامدارعا دەر كەزىندە ەسكەرتۋ ينفورماتسياسىن جولداۋ، ىندەتتەن ساقتانۋعا قاتىستى تالاپتاردى ۇقتىرۋ كەرەك. باقشا مەن كورىنىس رايونى، ويىن قويۋ ورنى، كينوحانا، كىتاپحانا قاتارلى الەۋمەتتىك ورىنداردا «مولشەرىن شەكتەۋ، تاپسىرىس قابىلداۋ، شوعىرلاندىرماۋ» قاتارلى شارالاردى قاتاڭ تياناقتاندىرىپ، ادامداردىڭ توپتاسۋىنان، شوعىرلانۋىنان ساقتانۋ ساقتانۋ كەرەك. ەرتە بايقاۋ، ەرتە مالىمەت بەرۋگە تاباندى بولىپ، ءتۇيىندى ادامدارعا نۋكلەين قىشقىلىن تەكسەرۋدى ويداعىداي ورىستەتۋ، مادەنيەت، ساياحات قاتارلى جاقتارداعى تەرەزەلىك قىزمەت وتەيتىن ورىندار جانە قاتىناس، ەمدەۋ، تازالىق قاتارلى الەۋمەتتىك قىزمەت وتەۋ ورىندارىنداعى قىزمەتكەرلەرگە نۋكلەين قىشقىلىن تەكسەرۋدى ورىستەتۋ كەرەك. «قاجەتتى بولماسا وتكىزبەۋگە» تاباندى بولىپ، پرينسيپتىك جاقتان، 8 – ايدا بەيجيڭدە وتكىزىلەتىن كولەمدى كورمە قيمىلدارىن كۇشىنەن قالدىرۋ كەرەك. سىرت جەردەگى وقۋشىلاردىڭ كۇزگى وقۋ ماۋسىمىندا مەكتەپكە قايتۋىنا قاتىستى قىزمەت جوباسىن الدىن الا زەرتتەپ، مەكتەپ اۋلاسىنداعى ىندەتتەن ساقتانۋدىڭ كۇشەيتىلگەن شارالارىن بەلگىلەۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
