يان شياۋفي:
ىستىق قانىمەن التىن قالقان سومدادى
□ انار بۇلت / شينجياڭ گازەتىنىڭ ءتىلشىسى حان چين - يان
2021.09.27 14:52 كەلۋ قاينارى : شينجياڭ گازەتى
ول ىستىق قانىمەن التىن قالقان سومدادى، ادالدىعىمەن ءبىر جاقتىڭ اماندىعىن قورعادى، ومىرىمەن ايبىندى سەرتىن امالياتتا ايگىلەدى.
ول − قاشقار ايماقتىق قوعام حاۋىپسىزدىگى مەكەمەسى سايلاۋىت ساقشى تارماق اترەتى ەرەكشە شايقاس ۇلكەن اترەتىنىڭ بۇرىنعى ورىنباسار ۇلكەن اترەت باستىعى يان شياۋفي. 2013 - جىلى 8 - ايدىڭ 20 - كۇنى يان شياۋفي مىندەت وتەۋ بارىسىندا، باقىتقا قارسى، ەرلىكپەن قۇربان بولدى، سول كەزدە ول نەبارى 32 جاستا بولاتىن.
2014 - جىلى 3 - ايدا يان شياۋفيگە قوعام حاۋىپسىزدىگى مينيسترلىگى مەملەكەتتىك قوعام حاۋىپسىزدىگى جۇيەسىندەگى 1 - دارەجەلى قاھارمان ۇلگى اتاعىن تولىقتاپ بەردى، سول جىلى 11 - ايدا اۆتونوميالى رايوندىق حالىق ۇكىمەتى توڭكەرىستىك قۇربان دەپ بەكىتتى.
قاھارماندىق ماداق جىرىن جازدى
”ول جۇمىس ورنىن ءسۇيىپ، كاسىبىن قادىرلەدى، شارشاپ - شالدىققانىنا قارامادى، سۇيىسپەنشىلىگى مەن وشپەندىلىگى ايقىن بولدى، سۇرقيالىقتى ولەردەي جەك كوردى“. 9 - ايدىڭ 13 - كۇنى قاشقار ايماقتىق قوعام حاۋىپسىزدىگى مەكەمەسى سايلاۋىت ساقشى تارماق اترەتى ەرەكشە شايقاس ۇلكەن اترەتىنىڭ باستىعى ديار داۋۇتتىڭ ءالى ەسىندە، يان شياۋفي ونىڭ ەڭ ەسىنەن كەتپەس جاۋىنگەر سەرىگى جانە باسشىسى ەدى.
يان شياۋفي 2004 - جىلى شينجياڭ ساقشى - وفيتسەرلەر جوعارى دارەجەلى تەحنيكۋم مەكتەبىنە ەمتيحان ارقىلى ءوتىپ، 2006 - جىلى قىزمەتكە قاتىناسقان، ىلگەرىندى - كەيىندى داڭقپەن ءبىر رەت 2 - دارەجەلى، 2 رەت 3 - دارەجەلى ەڭبەك سىڭىرگەن، 3 رەت ماراپاتتالعان، تالاي رەت تاڭداۋلى كوممۋنيستىك پارتيا مۇشەسى، تاڭداۋلى ۇكىمەت قىزمەتكەرى بولىپ باعالانعان.
ساقشى بولعاننان بەرى يان شياۋفي قىزمەتتەردىڭ ءبارىن ايتارلىقتاي تىندىردى.
”ول مۇقيات، تاباندى بولدى، ەرەكشە قۇلشىنىپ كەلدى، قانداي ىستە بولسىن، ەرلىكپەن الدىڭعى شەپتە اتويلادى، ناتيجەلەرىنىڭ ءبارى دە جان قيارلىقپەن تەر توگۋىنەن كەلگەن“. يان شياۋفيدىڭ كوزى تىرىسىندەگى قىزمەتتەستەرى مەن دوستارى وسىلاي باعالادى.
قىرىقپا شاش، جايدارى ءجۇز، بۇل يان شياۋفيدىڭ قۇربان بولۋدان بۇرىن ۋيچات دوستىق شەڭبەرىندە جاريالاعان ەڭ سوڭعى سۋرەتى، ول ”جەڭىسپەن ورالامىن“ دەپ جازىپتى. وسى سۋرەت جاريالانىپ 7 ساعاتتان كەيىنگى 2013 - جىلى 8 - ايدىڭ 20 - كۇنى يان شياۋفي ءبىر رەتكى زورلىقتى كۇش لاڭكەستىك دەلوسىن ءبىر جايلى ەتۋ بارىسىندا، باقىتقا قارسى، قۇربان بولىپ، ءومىرى 32 جاستا اياقتادى.
ىسىلعان شەبەرلىك شىڭدادى
قاشقار ايماقتىق قوعام حاۋىپسىزدىگى مەكەمەسى سايلاۋىت ساقشى تارماق اترەتى ەرەكشە شايقاس ۇلكەن اترەتىنىڭ سايلاۋىت ساقشىسى جاڭ ياجيەنىڭ ءالى ەسىندە، يان شياۋفي جاتتىعۋ الاڭىنداعى ”جان قيار جىگىت“ بولاتىن.
تەمىر سوقساڭ قۇرىش بول، بۇل يان شياۋفيدىڭ ۇمىتپايتىن اقىلياسى. جاتتىعۋ بارىسىندا ول باستان - اياق ءوز باسىنان ونەگە كورسەتىپ، بارلىق تاكتيكالىق ارەكەتتەردىڭ ساباق ءتۇسىندىرۋىن، ءسوز جوق، ءوزى ىستەپ كورسەتەتىن. كادىمگى جەر باۋىرلاپ ىلگەرىلەۋدىڭ ءوزىن قاتەلىكتى تۇزەتۋ، انىقتاپ ءتۇسىندىرۋ ءۇشىن جاتتىعۋ الاڭىندا ورىنباسار ۇلكەن اترەت باستىعى باسىمەن 3 − 4 رەت قايتالايتىن.
ۇلگى كورسەتۋ، ءتۇسىندىرۋ، قاتەلىكتى تۇزەتۋ بارىسىندا يان شياۋفي جالىققان ەمەس، ”سول قولىڭدى جاقسى مەڭگەرمەدىڭ“، ”تايساقتاما“، ”ىرىقتىلىقپەن العا ۇمتىل“ ... جاتتىعۋ الاڭىنىڭ بارلىق جەرىنەن ونىڭ داۋىسى شىعىپ تۇراتىن. قۇر قول قورعانۋ جانە مەڭگەرۋ، قۋعىنداۋ تاكتيكاسى جاتتىعۋى، يان شياۋفي ۇنەمى ءوزى شىعىپ، قارا تەرگە مالشىنعانشا جاتتىعۋ جاسايتىن.
قان توگىپ، تەر اعىزسا دا كوزىنەن جاس شىعارمادى، ارىپ - شارشاپ قينالسا دا قاتاردان قالمادى. سان رەتكى جاپالى جاتتىعۋ ارقىلى يان شياۋفيدىڭ ىسىلعان شەبەرلىگى مەن بەرىك ەرىك - جىگەرى قالىپتاسىپ، مىندەت وتەگەندە سابىرلى دا سالماقتى بولىپ، باتىمدى شابۋىلداپ، تالاي رەت تاماشا ناتيجە جاراتتى.
ساقشى بولۋ سەرتىن امالياتتا ايگىلەدى
يان شياۋفيدىڭ كوڭىلىندە باستان - اياق ءبىر سەرت بولدى، ياعني ەشقانداي قيىنشىلىق بوگەي المايتىن ۋادە − حالىق ساقشىسىنىڭ قىزمەت جاۋاپكەرشىلىگىن ادالدىقپەن اتقارۋ.
2011 - جىلى 1 - ايدىڭ 27 - كۇنى قاراستى اۋماقتى ارالاپ جۇرگەن يان شياۋفي قولباسشىلىق ورتالىعىنىڭ ”جاياۋلار كوشەسىندە بۇقارا كومەككە مۇقتاج“ دەگەن بۇيرىعىن تاپسىرىپ الىپ، دەرەۋ ءىس بولعان جەرگە بارىپ احۋال ۇعىسادى.
تەكسەرۋ ارقىلى كومەك سۇراۋشى لۇي فاميليالى ايەلى مەن 5 ايلىق قىزىن ەرتىپ، سىچۋانداعى اۋىلىنان قاشقارعا تۋىسىنا قارا تارتىپ جۇمىس ىستەمەكشى بولىپ كەلگەندىگىن، الايدا ءتۇرلى سەبەپتەرمەن لايىقتى جۇمىس تابا الماعاندىعىن، الا جۇرگەن اقشالارىنان دا ماندىمدى ەشتەڭە قالماعاندىعىن بىلەدى. لۇي فاميليالى ءبىر وتباسىنداعى 3 جاننىڭ شاعىن تۇسەلحانادا تۇنەپ جۇرگەندىگىن، ءسۇت تالقانىن ساتىپ الار اقشالارى بولماعاندىقتان قارنى اشقان قىزدارىنىڭ شىرىلداپ جىلاعانىن كورگەن يان شياۋفي جان قالتاسىنداعى 200 نەشە يۋانىن ولاردىڭ قولىنا ۇستاتىپ شۇعىل قيىنشىلىعىن شەشتى.
سول كەزدە يان شياۋفيدىڭ كىرىسى دە ماردىمسىز ەدى، ايەلى ۇساق - تۇيەك جۇمىسپەن شاي - تۇزدى ايىراتىن، 2010 - جىلى ەندى عانا ءۇي العان ەدى. ”كومەككە ءزارۋ جاندار الدىندا ول تيتتەي دە ساراڭدىق ەتپەيتىن“، - دەدى جاڭ ياجيە ەسكە الىپ.
كەزىندەگى جاۋىنگەر سەرىگى، بۇل كۇندەرى قاشقار ايماقتىق قوعام حاۋىپسىزدىگى مەكەمەسى سايلاۋىت ساقشى تارماق اترەتىندە قىزمەت ىستەيتىن جاۋ ليجۋان يان شياۋفيگە ”جاقسى ادام“ دەگەن باعا بەردى.
مەيلى يان شياۋفي كوزىنىڭ تىرىسىندە كومەكتەسكەن بۇقارا بولسىن، الدە وعان ”ارتقى ەسىك“ ىستەيمىن دەپ تويتارىلعان سىرت ادام بولسىن، ءبارى دە ونى ءبىر اۋىزدان ”جاقسى ادام، جاقسى ساقشى“ دەپ باعالايدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
