شي جينپيڭ «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسىنىڭ باسشىلار باس قوسۋىنا قاتىناستى ءارى ارقاۋ ءسوز سويلەدى
ەكولوگيالىق وركەنيەت ۇستانىمىنان جازباي، جەر شارىنىڭ تىرشىلىك ورتاق تۇلعاسىن بىرگە قۇرىپ، ادامزاتتىڭ ساپالى دامۋىنىڭ جاڭا جورىعىن باستاۋدى دارىپتەدى
2021.10.13 15:42 كەلۋ قاينارى : حالىق تورابى
 |
10 - ايدىڭ 12 - كۇنى تۇستەن كەيىن مەملەكەت ءتوراعاسى شي جينپيڭ كۇنميڭدە وتكىزىلگەن «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسىنىڭ باسشىلار باس قوسۋىنا بەينە ەكران تاسىلىمەن قاتىناستى ءارى ارقاۋ ءسوز سويلەدى. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
■ ورگانيزمدەردىڭ الۋان تۇرلىلىگى جەر شارىن تىرشىلىك تىنىسىنا بولەيدى، سونداي - اق ادامزاتتىڭ ءومىر ءسۇرۋى مەن دامۋىنىڭ نەگىزى دە سانالادى. ورگانيزمدەردىڭ الۋان تۇرلىلىگىن قورعاۋ جەر شارى مەكەنىمىزدى قورعاۋعا، ادامزاتتىڭ باياندى دامۋىن جەبەۋگە پايدالى. كۇنميڭ «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسى بولاشاقتاعى بۇكىل جەر شارىنداعى ورگانيزمدەردىڭ الۋان تۇرلىلىگىن قورعاۋ ءۇشىن نىسانا بەلگىلەپ، جول ايقىندايدى، كەلەلى مانگە يە. حالىقارالىق قوعام سەلبەستىكتى كۇشەيتىپ، ءبىر جاعادان باس، ءبىر جەڭنەن قول شىعارىپ، جەر شارىنىڭ تىرشىلىك ورتاق تۇلعاسىن بىرگە قۇرۋى كەرەك
■ ادام مەن تابيعات جاراسىمدى قاتار ءومىر ءسۇرۋى كەرەك. ءبىز تابيعاتقا قۇرمەت ەتىپ، تابيعاتقا ۇيلەسىپ، تابيعاتتى قورعاپ، ادام مەن تابيعات جاراسىمدى قاتار ءومىر سۇرەتىن جەر شارى مەكەنىمىزدى قۇرۋىمىز كەرەك. تۇنىق سۋ، جاسىل تاۋ − باعالى بايلىق. تاماشا ەكولوگيالىق ورتا − ءارى تابيعي بايلىق، ءارى ەكونوميكالىق بايلىق، ەكونوميكالىق، قوعامدىق دامۋدىڭ كومەسكى كۇشى مەن تەبىنىنە سايادى. ءبىز جاسىل دامۋ ءتاسىلىن جەدەل قالىپتاستىرىپ، ەكونوميكانىڭ دامۋى مەن قورشاعان ورتانى قورعاۋدا تەڭ يگىلىككە كەنەلۋدى جەبەپ، ەكونوميكا مەن قورشاعان ورتا سايكەسە العا باسقان جەر شارى مەكەنىمىزدى قۇرۋىمىز كەرەك. جاڭا تيپتى ايدارشا ۆيرۋس وكپە قابىنۋ ىندەتى دۇنيە ءجۇزىنىڭ دامۋىنا كولەڭكە ءتۇسىردى. ەكونوميكانى قالپىنا كەلتىرۋ مەن ورتانى قورعاۋ سىندى ەكى بىردەي مىندەت الدىندا ءبىز ىنتىماقتى كۇشەيتىپ، قيىنشىلىقتاردى بىرگە جەڭىپ، دامۋ جەتىستىكتەرىنەن، تاماشا ەكولوگيادان ءار ەل حالقىن اناعۇرلىم كوپ، اناعۇرلىم ءادىل يگىلىكتەندىرىپ، دۇنيە جۇزىندەگى ءار ەل بىرگە داميتىن جەر شارى مەكەنىمىزدى قۇرۋىمىز كەرەك
■ ءبىز باسەكەگە تولى، ۇمىتكە تولى داۋىردە تۇرمىز. ءبىزدىڭ ورتاق بولاشاعىمىز ءۇشىن، ءبىز قول ۇستاسا بىرگە ءجۇرىپ، ادامزاتتىڭ ساپالى دامۋىنىڭ جاڭا ساپارىن باستاۋىمىز كەرەك. ءبىرىنشى، ەكولوگيالىق وركەنيەت قۇرىلىسىن جەتەكشى ەتىپ، ادام مەن تابيعاتتىڭ قاتىناسىن سايكەستىرۋىمىز كەرەك. ەكىنشى، جاسىل تيپكە بۇرىلىس جاساۋدى قوزعاۋشى كۇش ەتىپ، دۇنيە ءجۇزىنىڭ باياندى دامۋىنا دەم بەرۋىمىز كەرەك. ءۇشىنشى، حالىقتىڭ باقىتىن وزەك ەتىپ، قوعامدىق ادىلدىك پەن ادىلەتتىلىكتى جەبەۋىمىز كەرەك. ءتورتىنشى، حالىقارالىق زاڭدى نەگىز ەتىپ، ءادىل، ۇيلەسىمدى حالىقارالىق جونگە سالۋ جۇيەسىن قورعاۋىمىز كەرەك
■ جۇڭگو ەكولوگيالىق وركەنيەت قۇرىلىسىندا كورنەكتى تابىستارعا قول جەتكىزدى. جۇڭگو ەكولوگيالىق وركەنيەت قۇرىلىسىن ۇزدىكسىز ىلگەرىلەتىپ، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ سىندى جاڭا دامۋ ۇستانىمىن بۇلجىتپاي دايەكتىلەندىرىپ، كورىكتى جۇڭگو قۇرادى
■ ادامزات ەكولوگيالىق ورتانى ايالاي بىلسە، ەكولوگيالىق ورتا ادامزاتقا باقىت سيلايدى. ەكولوگيالىق وركەنيەت − ادامزات وركەنيەتى دامۋىنىڭ تاريحي بەتالىسى. ءبىز قول ۇستاسىپ، ەكولوگيالىق وركەنيەت ۇستانىمىنان جازباي، ۇرپاقتارعا جاۋاپتى بولۋ بيىك تۇرعىسىندا تۇرىپ، جەر شارىنىڭ تىرشىلىك ورتاق تۇلعاسىن بىرگە قۇرىپ، تازا، كوركەم دۇنيە ءجۇزىن بىرگە قۇرايىق
شينحۋا اگەنتتىگى، 10 - ايدىڭ 12 - كۇنى، بەيجيڭ. مەملەكەت ءتوراعاسى شي جينپيڭ 10 - ايدىڭ 12 - كۇنى تۇستەن كەيىن كۇنميڭدە وتكىزىلگەن «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسىنىڭ باسشىلار باس قوسۋىنا بەينە ەكران تاسىلىمەن قاتىناستى ءارى ارقاۋ ءسوز سويلەدى (ءسوزدىڭ تولىق ءماتىنىن «حالىق گازەتىنىڭ» 2 – بەتىنەن وقي الاسىزدار).
شي جينپيڭ بىلاي دەپ اتاپ كورسەتتى: ورگانيزمدەردىڭ الۋان تۇرلىلىگى جەر شارىن تىرشىلىك تىنىسىنا بولەيدى، سونداي - اق ادامزاتتىڭ ءومىر ءسۇرۋى مەن دامۋىنىڭ نەگىزى دە سانالادى. ورگانيزمدەردىڭ الۋان تۇرلىلىگىن قورعاۋ جەر شارى مەكەنىمىزدى قورعاۋعا، ادامزاتتىڭ باياندى دامۋىن جەبەۋگە پايدالى. كۇنميڭ «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسى بولاشاقتاعى بۇكىل جەر شارىنداعى ورگانيزمدەردىڭ الۋان تۇرلىلىگىن قورعاۋ ءۇشىن نىسانا بەلگىلەپ، جول ايقىندايدى، كەلەلى مانگە يە. حالىقارالىق قوعام سەلبەستىكتى كۇشەيتىپ، ءبىر جاعادان باس، ءبىر جەڭنەن قول شىعارىپ، جەر شارىنىڭ تىرشىلىك ورتاق تۇلعاسىن بىرگە قۇرۋى كەرەك.
شي جينپيڭ مىنانى دارىپتەدى: ادام مەن تابيعات جاراسىمدى قاتار ءومىر ءسۇرۋى كەرەك. ءبىز تابيعاتقا قۇرمەت ەتىپ، تابيعاتقا ۇيلەسىپ، تابيعاتتى قورعاپ، ادام مەن تابيعات جاراسىمدى قاتار ءومىر سۇرەتىن جەر شارى مەكەنىمىزدى قۇرۋىمىز كەرەك. تۇنىق سۋ، جاسىل تاۋ − باعالى بايلىق. تاماشا ەكولوگيالىق ورتا − ءارى تابيعي بايلىق، ءارى ەكونوميكالىق بايلىق، ەكونوميكالىق، قوعامدىق دامۋدىڭ كومەسكى كۇشى مەن تەبىنىنە سايادى. ءبىز جاسىل دامۋ ءتاسىلىن جەدەل قالىپتاستىرىپ، ەكونوميكانىڭ دامۋى مەن قورشاعان ورتانى قورعاۋدا تەڭ يگىلىككە كەنەلۋدى جەبەپ، ەكونوميكا مەن قورشاعان ورتا سايكەسە العا باسقان جەر شارى مەكەنىمىزدى قۇرۋىمىز كەرەك. جاڭا تيپتى ايدارشا ۆيرۋس وكپە قابىنۋ ىندەتى دۇنيە ءجۇزىنىڭ دامۋىنا كولەڭكە ءتۇسىردى. ەكونوميكانى قالپىنا كەلتىرۋ مەن ورتانى قورعاۋ سىندى ەكى بىردەي مىندەت الدىندا ءبىز ىنتىماقتى كۇشەيتىپ، قيىنشىلىقتاردى بىرگە جەڭىپ، دامۋ جەتىستىكتەرىنەن، تاماشا ەكولوگيادان ءار ەل حالقىن اناعۇرلىم كوپ، اناعۇرلىم ءادىل يگىلىكتەندىرىپ، دۇنيە جۇزىندەگى ءار ەل بىرگە داميتىن جەر شارى مەكەنىمىزدى قۇرۋىمىز كەرەك.
شي جينپيڭ بىلاي دەپ دارىپتەدى: ءبىز باسەكەگە تولى، ۇمىتكە تولى داۋىردە تۇرمىز. ءبىزدىڭ ورتاق بولاشاعىمىز ءۇشىن، ءبىز قول ۇستاسا بىرگە ءجۇرىپ، ادامزاتتىڭ ساپالى دامۋىنىڭ جاڭا ساپارىن باستاۋىمىز كەرەك.
ءبىرىنشى، ەكولوگيالىق وركەنيەت قۇرىلىسىن جەتەكشى ەتىپ، ادام مەن تابيعاتتىڭ قاتىناسىن سايكەستىرۋىمىز كەرەك. ونەركاسىپ وركەنيەتى الا كەلگەن قايشىلىقتاردى ويداعىداي شەشىپ، ادامزاتتىڭ قيمىلىن ەكولوگيالىق ورتانىڭ كوتەرىمدىلىك شەگى ىشىندە شەكتەپ، تاۋ، سۋ، ورمان، اتىز، كول، جايىلىم، ءشولدى ءبىر تۇلعالاندىرىپ قورعاۋىمىز جانە جۇيەلى جونگە سالۋىمىز كەرەك.
ەكىنشى، جاسىل تيپكە بۇرىلىس جاساۋدى قوزعاۋشى كۇش ەتىپ، دۇنيە ءجۇزىنىڭ باياندى دامۋىنا دەم بەرۋىمىز كەرەك. جاسىل، تومەن كومىرتەكتى اينالمالى ەكونوميكا جۇيەسىن ورناتىپ، ەكولوگيالىق ابزالدىقتى دامۋ ابزالدىعىنا اينالدىرىپ، تۇنىق سۋ مەن جاسىل تاۋ ارقىلى وراسان زور ونىمدىلىككە قول جەتكىزۋگە مۇمكىندىك جاساۋىمىز كەرەك. جاسىل حالىقارالىق سەلبەستىكتى كۇشەيتىپ، جاسىل دامۋ جەتىستىكتەرىنەن بىرگە يگىلىكتەنۋىمىز كەرەك.
ءۇشىنشى، حالىقتىڭ باقىتىن وزەك ەتىپ، قوعامدىق ادىلدىك پەن ادىلەتتىلىكتى جەبەۋىمىز كەرەك. حالىقتىڭ تاماشا تۇرمىسقا دەگەن تالپىنىسىن كوكەيدە ساقتاپ، قورشاعان ورتانى قورعاۋ، ەكونوميكانى دامىتۋ، جۇمىسقا ورنالاستىرۋ، كەدەيلىكتى جويۋ سياقتى كوپ جاقتان تەڭ يگىلىككە كەنەلۋدى جۇزەگە اسىرىپ، ءار ەل حالقىنىڭ تابىس، باقىت، حاۋىپسىزدىك سەزىمىن كۇشەيتۋىمىز كەرەك.
ءتورتىنشى، حالىقارالىق زاڭدى نەگىز ەتىپ، ءادىل، ۇيلەسىمدى حالىقارالىق جونگە سالۋ جۇيەسىن قورعاۋىمىز كەرەك. ناعىز كوپ جاقتىلىقتى امالياتتا ايگىلەپ، حالىقارالىق ەرەجەلەرگە ءونىمدى بويسۇنۋىمىز جانە ونى اتقارۋىمىز كەرەك. قورشاعان ورتانى قورعاۋدىڭ جاڭا نىساناسىن ورناتۋدا ۇلى مۇرات پەن ناقتى تەپە - تەڭدىككە تەڭ ءمان بەرىپ، دۇنيە جۇزىلىك قورشاعان ورتانى جونگە سالۋ جۇيەسىنىڭ اناعۇرلىم ءادىل، ۇيلەسىمدى بولۋىنا مۇمكىندىك جاساۋىمىز كەرەك.
شي جينپيڭ مىنالاردى اتاپ كورسەتتى: جۇڭگو ەكولوگيالىق وركەنيەت قۇرىلىسىندا كورنەكتى تابىستارعا قول جەتكىزدى. جۇڭگو ەكولوگيالىق وركەنيەت قۇرىلىسىن ۇزدىكسىز ىلگەرىلەتىپ، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ سىندى جاڭا دامۋ ۇستانىمىن بۇلجىتپاي دايەكتىلەندىرىپ، كورىكتى جۇڭگو قۇرادى.
شي جينپيڭ مىنانى جاريالادى: جۇڭگو الدىمەن ءبىر ميلليارد 500 ميلليون يۋان قارجى شىعارىپ، كۇنميڭ ورگانيزمدەردىڭ الۋان تۇرلىلىگى قورىن قۇرىپ، وركەندەپ كەلە جاتقان ەلدەردىڭ ورگانيزمدەردىڭ الۋان تۇرلىلىگىن قورعاۋ ىستەرىن قولدايدى. جۇڭگو ءارقايسى جاقتى قور ءۇشىن قارجى شىعارۋعا ۇندەيدى ءارى قارسى الادى.
شي جينپيڭ بىلاي دەپ اتاپ كورسەتتى: ورگانيزمدەردىڭ الۋان تۇرلىلىگىن قورعاۋدى كۇشەيتۋ ءۇشىن، جۇڭگو مەملەكەتتىك باقشانى نەگىزگى تۇلعا ەتكەن جاراتىلىستىق قورىق جۇيەسىن جەدەل ورناتىپ، جاراتىلىستىق ەكولوگيا جۇيەسى ەڭ ماڭىزدى، جاراتىلىستىق كورىنىسى ەڭ وزگەشە، جاراتىلىستىق مۇراسى ەڭ سارا، ورگانيزمدەردىڭ الۋان تۇرلىلىگى ەڭ مول وڭىرلەردى مەملەكەتتىك باقشا جۇيەسىنە بىرتىندەپ ەنگىزۋدە. كومىرتەگى قوس توتىعىنىڭ شىعارىلۋىن جوعارى مانگە جەتكىزۋ، كومىرتەگىن بەيتاراپتاندىرۋ نىساناسىن جۇزەگە اسىرۋدى ىلگەرىلەتۋ ءۇشىن، جۇڭگو ءتۇيىندى سالالار مەن كاسىپتەردەگى كومىرتەگى قوس توتىعىنىڭ شىعارىلۋىن جوعارى مانگە جەتكىزۋ جونىندەگى اتقارۋ جوباسى مەن ءبىرقىدىرۋ تىرەكتىك قامتاماسىزداندىرۋ شاراسىن ىركەس - تىركەس جاريالاپ، كومىرتەگى قوس توتىعىنىڭ شىعارىلۋىن جوعارى مانگە جەتكىزۋ، كومىرتەگىن بەيتاراپتاندىرۋ جانە «N+1» ساياسات جۇيەسىن قۇرادى. جۇڭگو كاسىپ قۇرىلىمى مەن ەنەرگيا قۇرىلىمىن رەتتەۋدى ۇزدىكسىز ىلگەرىلەتىپ، تۋىندامالى ەنەرگيانى زور كۇشپەن دامىتىپ، ءشول، قۇبا ءتۇز، قۇمايت وڭىرلەردە ءىرى تۇرپاتتى جەل ەلەكتر، فوتوۆولت بازاسى نىسانىن قۇرۋدى جەدەلدەتەدى.
شي جينپيڭ ەڭ سوڭىندا بىلاي دەپ دارىپتەدى: ادامزات ەكولوگيالىق ورتانى ايالاي بىلسە، ەكولوگيالىق ورتا ادامزاتقا باقىت سيلايدى. ەكولوگيالىق وركەنيەت − ادامزات وركەنيەتى دامۋىنىڭ تاريحي بەتالىسى. ءبىز قول ۇستاسىپ، ەكولوگيالىق وركەنيەت ۇستانىمىنان جازباي، ۇرپاقتارعا جاۋاپتى بولۋ بيىك تۇرعىسىندا تۇرىپ، جەر شارىنىڭ تىرشىلىك ورتاق تۇلعاسىن بىرگە قۇرىپ، تازا، كوركەم دۇنيە ءجۇزىن بىرگە قۇرايىق!
«ورگانيزمدەردىڭ الۋان تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسىنىڭ باسشىلار باس قوسۋى 10 - ايدىڭ 12 – كۇنى جەلى ءىشى – سىرتىن ۇشتاستىرۋ تاسىلىمەن كۇنميڭدە وتكىزىلدى، ب م ۇ - نىڭ باس حاتشىسى گۋتتەرەس، رەسەيدىڭ زۇڭتۇڭى پۋتين، ەگيپەتتىڭ زۇڭتۇڭى سيسي، تۇركيانىڭ زۇڭتۇڭى ەردوعان، فرانسيانىڭ زۇڭتۇڭى ماكرون، كوستاريكانىڭ زۇڭتۇڭى الۆارادو، قىرعىزستاننىڭ زۇڭتۇڭى جاپاروۆ، پاپۋا - جاڭا گۆينەيانىڭ زۇڭليى ماراپە، ۇلى بريتانيانىڭ پاتشا مۇراگەرى چارليز قاتارلىلار بەينە ەكران تاسىلىمەن قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
