ءىشتى بيەنىڭ نەسەبى سيىردىڭ سۇتىنەن دە قىمبات، كيلوسى 9 يۋان
انار بۇلت \ شينجياڭ گازەتىنىڭ ءتىلشىسى بارشا تەگىس قىزى
2021.11.25 13:17 كەلۋ قاينارى : حالىق تورابى
11 – ايدىڭ 15 – كۇنى موڭعۇلكۇرە اۋدانىنداعى جىلقى فەرماسىنىڭ ءىشتى بيەنىڭ نەسەبىن جيۋ بازاسىندا 800 ءىشتى بيە بايلانعان جىلقى قورادا قىزمەتكەرلەردىڭ جىلقىلارعا ءشوپ سالىپ، ءىشتى بيەنىڭ نەسەبىن الىپ جۇرگەنىن كوردىك.
جىلقىنىڭ نەسەبىن دارىگە قوسقاندى «باتىسقا ساپار» سىندى قيال – عاجايىپ حيكاياتىنان كورۋشى ەدىك. بۇگىنگى تاڭدا، عىلىم – تەحنيكالىق ءتاسىل ارقىلى ءىشتى بيەنىڭ نەسەبىنەن ادامزات گەنىنە ەڭ جاقىن كەلەتىن انالىق گورموندى الۋعا بولادى، بۇل باستىسى فيزيولوگيالىق جانە ناۋقاستانۋ سەبەبىنەن تۋىندايتىن انالىق گورموننىڭ ءبولىنۋىنىڭ جەتكىلىكسىز بولۋى جانە وسىدان تۋىندايتىن ايەلدەردەگى كليماتەريالىق مەزگىلدەگى كۇردەلى سىرقاتتاردى، سۇيەك بوستىعى جانە جۇرەك اۋرۋى قاتارلىلاردى ەمدەۋگە قولدانىلادى.
موڭعۇلكۇرە جىلقى فەرماسى ءىشتى بيەنىڭ نەسەبىن الۋ بازاسىنىڭ جاۋاپتىسى نۇرباقىت: «بۇگىنگى تاڭدا، ءبىزدىڭ فەرمامىزداعى ءىشتى بيەنىڭ نەسەبىن الۋ كاسىبى بىرتىندەپ كولەمدەنۋگە، ارنايىلانۋعا بەتتەۋدە، ءىشتى بيەنىڭ نەسەبىمەن قاجەتسىنۋدى قامداي الماي جاتىرمىز»، — دەدى.
«بازا + كوپەراتيۆ + شارۋالار وتباسى» سىندى دامۋ فورماسىن توڭىرەكتەي وتىرىپ، موڭعۇلكۇرە جىلقى فەرماسى ءىرى باعىمشىلىق وتباسىلارىن اتسالىسۋعا بەلسەندى جەبەپ، ءىشتى بيەنىڭ نەسەبىنىڭ ءار كيلوسىن 9 يۋاننان ساتىپ الاتىن سەرىكتەستىكتەرمەن توقتامعا قول قويعان. بيىل قىستا ءىشتى بيەنىڭ نەسەبىن الۋ بازاسى 2 ميلليون يۋاننان استام ەكونوميكالىق پايداعا قول جەتكىزەدى.
ۇعىسۋعا قاراعاندا، ءىشتى بيەلەر ءار جىلى 10 – ايدان باستاپ، كەلەسى جىلى 3 – ايعا دەيىن قورادا باعىلادى، بۇل ءىشتى بيەنىڭ نەسەبىن جياتىن مەزگىل.
موڭعۇلكۇرە اۋداندىق جىلقى فەرماسىنداعى باعىمشىلىقپەن شۇعىلداناتىن وتباسى نۇرزات داۋىتبەك ۇلىنىڭ وتباسى بيىل 10 ءىشتى بيەنى نەسەپ جيناۋ بازاسىنا تاپسىرعان. «ءىشتى بيە بازادا اناعۇرلىم عىلىمي، ارناۋلى كۇتىمدەلەدى، ءىشتى بيەنىڭ نەسەبىنەن مەنىڭ بيىلعى كىرىسىم 50 مىڭ يۋان ارتادى دەپ وتىرمىن»، — دەدى نۇرزات ەسەپتەي كەلە.
كۇنەس اۋدانى نارات قالاشىعىندا 3000 عا جۋىق ءىشتى بيە بار. بۇل قالاشىقتاعى باعىمشىلىقپەن شۇعىلداناتىن ادىلبەك سەيت ۇلىنىڭ وتباسىنداعى مال قورادا ءىشتى بيەلەردىڭ بارلىعىنا «جەمقالتا» سياقتى سۋلياۋ قالتالار بايلانعان، بۇل نەسەپتى جيىپ الۋعا قولدانىلادى. ادىلبەكتىڭ ايتۋىنشا، ءىشتى بيە نەسەبىنىڭ باعاسىنىڭ قىمباتتاۋىنا بايلانىستى، ونىڭ وتباسىنىڭ باعىمشىلىق كولەمى دە جىلدان – جىلعا ارتۋدا.
ءىشتى بيەنىڭ نەسەبىن جيۋ كاسىبى كۇنەس اۋدانىنداعى 1700 دەن استام مالشىنىڭ كىرىسىن ارتتىرۋىنا جەبەۋ بولعان، ءاربىر ءىشتى بيە مالشىلار وتباسىنىڭ كىرىسىن ورتا ەسەپپەن 2000 يۋاننان استام ارتتىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
