شينجياڭدا ماقتانى ماشينامەن تەرۋ سالىستىرماسى ％80كە جەتتى
2020 - جىلداعىدان 5 پايىز جوعارىلايتىندىعى مەجەلەندى
2021.12.22 14:04 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ليۋ ي 12 - ايدىڭ 18 - كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋىمىزشا، بيىل رايونىمىزدىڭ ماقتا وندىرىسىندەگى باسىمدىعى ۇزدىكسىز بەكەمدەلىپ، ماقتا ەگىمشىلىگى بارعان سايىن باسىمدىققا يە ءوندىرىس وڭىرلەرىنە شوعىرلانىپ، سورت قۇرىلىمى ۇزدىكسىز ساپالىلانىپ، بۇكىل رايوندا (شينجياڭ ءوندىرىس - قۇرىلىس بيڭتۋانىن قامتيدى) ماقتانى ماشينامەن تەرۋ سالىستىرماسى ％80كە جەتىپ، بىلتىرعىدان 5 پايىز جوعارىلايتىندىعى مەجەلەنگەن.
2021 - جىل اۆتونوميالى رايون بەكىتكەن ماقتا ساپاسىن جوعارىلاتاتىن جىل، رايونىمىزداعى اۋىل شارۋاشىلىعى، اۋىل - قىستاق تاراۋلارى ماقتا ءوندىرىس بۋىنىنىڭ ساپاسىن جوعارىلاتۋدى ءتۇيىن ەتىپ، ماقتانىڭ ساپاسىن، ءونىم مولشەرىن بىردەي جوعارىلاتۋدى ۇزدىكسىز ىلگەرىلەتتى. وسى بارىستا رايونىمىز وڭتۇستىك شينجياڭ وڭىرىندە ماقتانى ماشينامەن تەرۋ دەڭگەيىن ءتۇيىندى جوعارىلاتىپ، ماقتانى ماشينامەن تەرۋ، ەگۋ ۇلگىسىن جەدەل جالپىلاستىرىپ، وڭتۇستىك شينجياڭ وڭىرىندەگى ماقتالى القاپتاردا ماقتا ءوندىرىسىنىڭ تۇتاس بارىسى ماشينالاسقان 10 مىڭ مۋلىق شوعىرلانعان، تۇتاسقان ءوندىرىس بازاسىن قۇرىپ، عىلمي باسقارۋ، ماشينالاسقان جۇمىس جۇرگىزۋ، كولەمدەندىرىپ ءوندىرۋ دەڭگەيىن اناعۇرلىم جوعارىلاتىپ، ماقتانى لايىقتى كولەمدە ەگۋدى دامىتۋعا جەتەكشىلىك ەتىپ، وڭتۇستىك شينجياڭنىڭ ماقتا وندىرىسىندە شاعىن شارۋالاردىڭ بىتىراندى شارۋاشىلىق جۇرگىزۋىن شوعىرلى، ماشينالاسقان شارۋاشىلىققا وزگەرتۋگە ۇلگى كورسەتىپ جەتەكشىلىك ەتتى.
بيىل رايونىمىز تاعى اۋىل شارۋاشىلىعى ماشينالارىن ساتىپ العاندارعا بەرىلەتىن قوسىمشا قاراجات كولەمىن بەلسەنە رەتتەپ، ساپالىلاندىرىپ، استىق، ماقتا ءوندىرىسى، ساپالى تۇقىم جەتىلدىرۋ، ساپالى تۇقىم ءوسىرۋ سياقتى وسى زامانعى اۋىل شارۋاشىلىعى سالاسى شۇعىل قاجەت ەتىپ وتىرعان ماشينا - جابدىقتاردى، اسپاپتاردى قوسىمشا قاراجات بەرۋ كولەمىنە ەنگىزدى. اۆتونوميالى رايوندىق قازىنانىڭ قارجىسىنان 14 ميلليون 500 مىڭ يۋاندى ءۇش قاتاردا تايلايتىن ماقتا تەرۋ ماشيناسىنىڭ كوبەيتىلگەن قوسىمشا قاراجاتىنا پايدالانىپ، ماقتا تەرۋ جابدىعىنىڭ بۋىن جاڭالاۋىن، دارەجەسىن جوعارىلاتۋدى ىلگەرىلەتتى. 2021 - جىلى بۇكىل رايونعا ورتالىقتان تۇسكەن اۋىل شارۋاشىلىعى ماشينالارىن ساتىپ الۋ قوسىمشا قاراجاتى قارجىسى ءبىر ميلليارد 71 ميلليون يۋانعا جەتىپ، قازىرگە دەيىن تولەنگەن ناق اقشا ءبىر ميلليارد 17 ميلليون يۋان بولىپ، ناق اقشا تولەۋ سالىستىرماسى ％95كە جەتتى. رايونىمىزداعى ％85 اۋدان (قالا، رايون) اۋىل شارۋاشىلىعى ماشينالارىن جاراقسىزعا شىعارۋ قوسىمشا قاراجاتىن بەرۋدى اتقاردى، 8872 ماشينا - جابدىق جاراقسىزعا شىعارىلىپ، اتقارىلعان جاراقسىزعا شىعارۋ كومەك قارجىسى 28 ميلليون 430 مىڭ يۋان بولدى.
ءتىپتى دە كوپتەگەن قاراپايىم ەگىنشى وتباسىلارىن اۋىل شارۋاشىلىعىن ماشينالاندىرۋ الا كەلگەن قولايلىلىقتان يگىلىكتەندىرۋ ءۇشىن، ءار دارەجەلى اۋىل شارۋاشىلىعى، اۋىل - قىستاق تاراۋلارى اۋىل شارۋاشىلىعى ماشينالارى قىزمەت وتەۋ بىرلەسكەن كووپەراتيۆى، اۋىل شارۋاشىلىعى ماشينالارى قىزمەت وتەۋ بىرلەستىگى سياقتىلاردى قۇرۋعا جەتەكشىلىك ەتۋ ارقىلى قىزمەت وتەۋ سالاسىن كەڭەيتىپ، ءار ءتۇرلى اۋىل شارۋاشىلىعى ماشينالارى قوعامدانعان قىزمەت وتەۋ ۇيىمدارىنىڭ ۇزدىكسىز دامىپ، زورايۋىن ىلگەرىلەتىپ، قىزمەت وتەۋ تىزبەگىن ءوندىرىستىڭ الدىنا، ءوندىرىستىڭ سوڭىنا ۇلاستىرۋدى جۇزەگە اسىردى، قىزمەت وتەۋ سالاسى جەردى اينالىمعا سالىپ كولەمدى شارۋاشىلىق جۇرگىزۋ، تەحنيكا جالپىلاستىرۋ كۋرسى، اۋىل شارۋاشىلىق ماشينالارىن ساتۋ، جوندەۋ، ينفورماتسيالىق قىزمەت وتەۋ سياقتى جاقتارعا كەڭەيدى. ءبىر جىلدان بەرى جەر - جەردىڭ ءوتىنىش ەتكەن اۆتونوميالى رايون دارەجەلى اۋىل شارۋاشىلىعى ماشينالار سەلبەستىك ۇلگى كورسەتۋ كووپەراتيۆى 43كە جەتىپ، سەلبەستىك كووپەراتيۆتەرىنىڭ شارۋاشىلىق جۇرگىزۋ، قازىنا، ماشينا - جابدىقتار، اسپاپتار جاعىنداعى باسقارۋ دەڭگەيىن ۇزدىكسىز جوعارىلاتىپ، اۋىل شارۋاشىلىعى ماشينالارى كاسىپتىك سەلبەستىك كووپەراتيۆتەرىنىڭ جۇمىس جۇرگىزۋىن ولشەمدەندىرۋ، شارۋاشىلىق جۇرگىزۋىن كاسىپ سالالاندىرۋ، قىزمەت وتەۋىن قوعامداندىرۋ بەتالىسىنا دامىتۋدى جەبەدى.
كەزەكتە بۇكىل شينجياڭداعى (بيڭتۋاندى قامتيدى) اۋىل شارۋاشىلىعى ماشينالارى كاسىپتىك سەلبەستىك كووپەراتيۆىنىڭ جالپى سانى 1109عا، سەلبەستىك كووپەراتيۆ مۇشەلەرى 17 مىڭ 400گە، تيەسىلى ماشينا - جابدىقتارى 31 مىڭعا، جۇمىس جۇرگىزۋ، قىزمەت وتەۋ جەر اۋدانى 22 ميلليون 500 مىڭ مۋعا جەتتى. قۋاتى مىعىم، اسەر ەتۋ، جەتەكتەۋ كولەمى كەڭ بولعان ”تۇتاس بارىستى ماشينالاندىرۋ + جالپىلىق اۋىل شارۋاشىلىعى ىستەرىنە قىزمەت وتەۋ“ سىندى جاڭا تيپتى شارۋاشىلىق جۇرگىزۋ، قىزمەت وتەۋ تۇلعالارىنان ءبىر توبى جارىققا شىقتى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
