ەلىمىز 570 مىڭ 5 دارەجەلى الەۋمەتتىك زاڭدىق قىزمەت وتەۋ ناقتى تۇعىرىن قۇردى (جاڭا ساندى مالىمەت، جاڭا بايقاۋ)
«حالىق گازەتىنىڭ» ءتىلشىسى ۋەي جىجى
2021.12.28 16:51 كەلۋ قاينارى : حالىق تورابى
ءتىلشىنىڭ ءادىليا مينيسترلىگىنەن ۇعىسۋىنشا، مەملەكەتتى جاپپاي زاڭمەن باسقارۋدىڭ ىشكەرىلەي ىلگەرىلەۋىنە بايلانىستى، ەلىمىزدىڭ الەۋمەتتىك زاڭدىق قىزمەت وتەۋ تۇلعاسى، ارناۋلى لەنياسى، توراپ سىندى 3 ۇلكەن تۇعىر قۇرىلىسى جەدەل ىلگەرىلەپ، ىشكەرىلەي توعىسىپ، قىزمەت وتەۋدىڭ الەۋمەتتىك يگىلىك، جالپىعا ءتيىمدى، قولايلى بولۋ دەڭگەيى ۇزدىكسىز جوعارىلاعان. جۇڭگو زاڭدىق قىزمەت وتەۋ تورابى، ولكە دارەجەلى زاڭدىق قىزمەت وتەۋ توراپتارى جاپپاي قۇرىلىپ، قالا مەن اۋىلدى قامتىعان الەۋمەتتىك زاڭدىق قىزمەت وتەۋ تورابى نەگىزىنەن قالىپتاسقان. قازىرگە دەيىن ەلىمىز ولكە، قالا، اۋدان، اۋىل، قىستاق سىندى 5 دارەجەلى 570 مىڭ الەۋمەتتىك زاڭدىق قىزمەت وتەۋ ناقتى تۇعىرىن قۇرىپ، جىلىنا زاڭدىق كەڭەس بەرۋ، زاڭدىق كومەك بەرۋ سياقتى ءتۇرلى جاقتاردان 18 ميلليوننان استام رەت قىزمەت وتەۋمەن قامداعان؛ «12348» الەۋمەتتىك زاڭدىق قىزمەت وتەۋ ارناۋلى لەنياسىنا 2 مىڭعا جۋىق ورىن قوسىلعان.
جوعارى ءونىمدى، قولايلى الەۋمەتتىك زاڭدىق قىزمەت وتەۋمەن قامداپ، حالىق بۇقاراسىنىڭ تابىس سەزىمىن كۇشەيتتى.
ساناققا قاراعاندا، جۇڭگو زاڭدىق قىزمەت وتەۋ تورابى 2018 - جىلى جەلىگە قوسىلىپ جۇمىس جۇرگىزگەننەن بەرى وقىلىم مولشەرى جيىنى ءبىر ميلليارد 400 ميلليون ادام - رەت بولىپ، 39 ميلليوننان استام ادام - رەت زاڭدىق كەڭەس بەرىپ، جەلىدە 7 ميلليون 900 مىڭنان استام ءىس ءبىتىرىپ، بۇقارانىڭ ماڭايىنداعى اقىسىز زاڭ اقىلشىسىنا اينالعان؛ «12348» الەۋمەتتىك زاڭدىق قىزمەت وتەۋ ارناۋلى جەلىسىنىڭ تەلەفون قابىلداۋ مولشەرى تەز ارتىپ، بيىل 12 ميلليون رەتتەن اساتىنى مەجەلەنگەن.
ءادىليا مينيسترلىگىنىڭ قاتىستى جاۋاپتىسى مىنانى ءبىلدىردى: قازىر تەك تەلەفون، توراپ سياقتى جولدار ارقىلى كەز كەلگەن ۋاقىتتا، كەز كەلگەن جەردە اقىسىز زاڭدىق قىزمەت وتەۋدەن يگىلىكتەنۋگە بولادى.
حالىق بۇقاراسىنىڭ مۇڭ - مۇقتاجىن، ارمان - تىلەگىن شىن مانىندە شەشىپ، نەگىزگى ساتىنىڭ زاڭ بويىنشا باسقارۋىن ىلگەرىلەتتى.
قازىر «ءبىر قىستاقتا (تۇرعىندار كوميتەتى) ءبىر زاڭ اقىلشىسى بولۋ» قىزمەتى ۇزدىكسىز ىلگەرىلەتىلىپ، الەۋمەتتىك زاڭدىق قىزمەت وتەۋدىڭ بۇقاراعا تيىمدىلىك جەتكىزۋىنىڭ «ەڭ سوڭعى ءبىر شاقىرىمى» تۇتاستىرىلدى. قازىرگە دەيىن بۇكىل ەل بويىنشا 540 مىڭنان استام ادۆوكات بار، ءار جىلى 11 ميلليوننان استام ءتۇرلى زاڭ ىستەرىن ءبىر جاقتى ەتەدى؛ بۇكىل ەل بويىنشا 640 مىڭنان استام قىستاق، الەۋمەتتىك اۋماق زاڭ اقىلشىلارىن دايىندادى، قىستاقتاردا (تۇرعىندار كوميتەتى) زاڭ اقىلشىلارى قىزمەتىنىڭ جاپپاي قامتۋى نەگىزىنەن جۇزەگە اسىرىلدى.
نەگىزگى الەۋمەتتىك زاڭدىق قىزمەت وتەۋدىڭ بىركەلكى دامۋىن ىلگەرىلەتىپ، قيىنشىلىعى بار بۇقارانىڭ زاڭدى ۇقىق - مۇددەسىن قورعادى.
شارۋا جۇمىسكەرلەردىڭ ەڭبەكاقىسىنا قارىزدار بولۋ ماسەلەسىن «ءبىر توراپتا ءبىتىرۋدى» جۇزەگە اسىرىپ، «1 + 1» جۇڭگو زاڭدىق كومەك بەرۋ ەرىكتىلەرى قيمىلىن ۇزدىكسىز ورىستەتىپ، ايەلدەردىڭ، بالالاردىڭ زاڭدى ۇقىق - مۇددەسىن قورعادى... الەۋمەتتىك زاڭدىق قىزمەت وتەۋدە قيىنشىلىعى بار بۇقارا ەڭ كوڭىل ءبولىپ وتىرعان، ەڭ تىكە، ەڭ رەال مۇددە ماسەلەلەرىن شەشۋگە كۇش سالىنىپ، قيىنشىلىعى بار بۇقارانىڭ زاڭدىق قىزمەت وتەۋدەن تەڭ يگىلىكتەنۋىنە مۇمكىندىك جاسالىپ، قوعامنىڭ ادىلدىگى، شىنشىلدىعى شىنايى سەزىندىرىلدى.
قازىر بۇكىل ەل بويىنشا ءادىليا بولىمشەسى، بۇقارالىق ۇيىمدار سياقتىلارعا سۇيەنۋ ارقىلى 70 مىڭعا جۋىق زاڭدىق كومەك بەرۋ قىزمەت پۋنكتى قۇرىلىپ، حالىق بۇقاراسىنىڭ زاڭدىق كەڭەس الۋىنا جانە زاڭدىق كومەك الۋدى ءوتىنىش ەتۋىنە بارىنشا قولايلىلىق جاسالدى. پارتيانىڭ 18 - قۇرىلتايىنان بەرى بۇكىل ەلدەگى زاڭدىق كومەك بەرۋ قۇرىلىمدارى جيىنى 12 ميلليون 890 مىڭنان استام دەلوعا زاڭدىق كومەك بەرىپ، 65 ميلليون 400 مىڭنان استام ادام - رەت زاڭدىق كەڭەس بەردى، 13 ميلليون 760 مىڭنان استام ادام - رەت كومەككە يە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
