شينجياڭ ۇيعۇر اۆتونوميالى رايوندىق حالىق ۇكىمەتىنىڭ ا ق ش - تىڭ اتالمىش «ۇيعۇرلاردىڭ زورلىقتى ەڭبەكتەن ساقتانۋ زاڭ جوباسىنا» قول قويۋى جونىندەگى قاتاڭ مالىمدەمەسى
2021.12.27 18:15 كەلۋ قاينارى : حالىق تورابى
شينحۋا اگەنتتىگىنىڭ 12 ـ ايدىڭ 24 ـ كۇنى ۇرىمجىدەن بەرگەن حابارى. شينجياڭ ۇيعۇر اۆتونوميالى رايوندىق حالىق ۇكىمەتى 12 ـ ايدىڭ 24 ـ كۇنى ا ق ش اتالمىش «ۇيعۇرلاردىڭ زورلىقتى ەڭبەكتەن ساقتانۋ زاڭ جوباسىنا» قول قويعاندىعى جونىندە قاتاڭ مالىمدەمە جاريالادى. مالىمدەمەنىڭ تولىعى تومەندەگىدەي:
جەرگىلىكتى ۋاقىت 12 - ايدىڭ 23 - كۇنى ا ق ش ادامدىق ۇقىقتى جەلەۋ ەتىپ، ساياسي الاياقتىق پەن ەكونوميكالىق زورەكەرلىكتى بارىنشا جۇرگىزىپ، اتالمىش «ۇيعۇرلاردىڭ زورلىقتى ەڭبەكتەن ساقتانۋ زاڭ جوباسىنا» قول قويىپ، زاڭ ەتىپ قابىلداپ، شينجياڭداعى ءار ۇلت بۇقاراسىن ەڭبەك جانە جۇمىستانۋ ارقىلى تاماشا تۇرمىسقا تالپىنۋ ۇقىعىنان ماحرۇم ەتىپ، شينجياڭنىڭ ورنىقتىلىعى مەن دامۋىن تەجەپ، سول ارقىلى «شينجياڭ ارقىلى جۇڭگونى شاۋجايلاۋ» سۇرقيا ماقساتىنا جەتۋگە ۇرىندى. بۇعان شينجياڭ ۇيعۇر اۆتونوميالى رايونى مەن شينجياڭداعى ءار ۇلت حالقى قاتاڭ جازعىراتىندىقتارىن جانە باتىل قارسى تۇراتىندىقتارىن ءبىلدىردى!
جۋىق جىلداردان بەرى، شينجياڭ جۇمىستانۋدى جەبەۋدى ەڭ ۇلكەن حالىق تۇرمىسى ينجەنەرياسى ەتۋگە تاباندى بولىپ، ەڭبەكشىلەردىڭ دەربەس جۇمىستانۋىن، بازاردىڭ جۇمىستانۋدى رەتتەۋىن، ۇكىمەتتىڭ جۇمىستانۋدى جەبەۋىن جانە شارۋاشىلىق قۇرۋعا ىنتالاندىرۋىن ءوزارا ۇشتاستىرىپ، جۇمىستانۋدى الدىمەن ويلاستىرۋ ستراتەگياسى مەن بەلسەندى جۇمىستاندىرۋ ساياساتىن بار كۇشپەن اتقارىپ، ءار ۇلت بۇقاراسىنىڭ سول جەردىڭ وزىندە، جاقىن ماڭدا جۇمىستانۋىنا، قالاعا تارتىپپەن كىرىپ جۇمىستانۋىنا جانە دەربەس شارۋاشىلىق قۇرۋىنا شارت ـ جاعداي ازىرلەپ، ەڭبەك قابىلەتى بار حالىقتىڭ بۇكىلدەي جۇمىستانۋىن نەگىزىنەن جۇزەگە اسىردى. 2014 ـ جىلدان 2020 ـ جىلعا دەيىن، شينجياڭدا ەڭبەكپەن جۇمىستانعانداردىڭ جالپى سانى 11 ميلليون 352 مىڭ 400 ادامنان 13 ميلليون 560 مىڭ ادامعا كوبەيىپ، %19.4 ارتتى؛ جىلىنا ورتا ەسەپپەن قالا ـ قالاشىقتاردا 470 مىڭنان استام ادام تىڭنان جۇمىستاندى. جۇمىستانۋدى زور كۇشپەن جەبەۋمەن بىرگە، شينجياڭ ەڭبەكشىلەردىڭ جۇمىستانۋ تىلەگىنە تولىق قۇرمەت ەتىپ، ەڭبەكشىلەردىڭ تەڭ تۇرعىدا جۇمىستانۋ، اقى الۋ، قوعامدىق قامسىزداندىرۋعا قاتىناسۋ، دەمالۋ، دەمالىس الۋ جانە كاسىپتىك حاۋىپسىزدىك سياقتى زاڭدى ۇقىق ـ مۇددەسىن زاڭ بويىنشا قاتاڭ قامتاماسىز ەتتى، اتالمىش «زورلىقتى ەڭبەك» ماسەلەسى مۇلدە جوق.
ا ق ش – قا كوز جىبەرسەك، ەڭبەكشىلەرگە مامىلە جاساۋ ماسەلەسىندە اۋىر قىلمىس، ناشار جاعداي شاش-ەتەكتەن بولىپ، قازىرگە دەيىن كوپ ساندى حالىقارالىق ەڭبەكشىلەر شارتىنا قول قويماعان، قان – تەردى سۇلىكتەي سوراتىن زاۆودتار، زاڭسىز بالا جۇمىسشى، ادام ساۋدالاۋ سياقتى «وسىزامانعى قۇلدىق ءتۇزىم» قۇبىلىسى ادامدى تىكسىندىرەدى، جەكە تۇرمەدەگى قىلمىستىلار ءتىپتى دە قۇلعا اينالدى. ا ق ش جاريالاعان ادام ساۋدالاۋ ماسەلەسى جونىندەگى مالىمەتتە، ا ق ش – تىڭ ەڭبەككە زورلاۋ، ءتان ساتۋعا زورلاۋ، قارىزعا قۇلدانۋ سياقتى ماسەلەلەرىنىڭ اۋىر ەكەندىگىن، ادام ساۋداسىنىڭ كەلۋ قاينارى، نىسانالى جەرى، وتكەرمەلەۋشى ەلى ەكەندىگىن، ءتىپتى ا ق ش ءمانساپتىلارى دا ادام ساتۋعا جانە ەڭبەككە زورلاۋعا قاتىناسقاندىعىن مويىندادى. 2015 ـ جىلى 6 ـ ايدىڭ 10 ـ كۇنى، حالىقارالىق جۇمىسشى ۇيىمى وداعى ءبىر مالىمەت جاريالاپ، ا ق ش ـ تى جۇمىسشىلاردىڭ ۇقىعىنا جۇيەلى سۇعاناقتىق جاسايتىن ەلدەردىڭ قاتارىنا جاتقىزدى. وسىنىڭ ءبارى ا ق ش - تىڭ ەڭبەكشىلەردىڭ ادامدىق ۇقىعىنا، اسىرەسە از ساندى ۇلتتاردىڭ ادامدىق ۇقىعىنا اۋىر دارەجەدە سۇعاناقتىق جاساپ، ەڭبەككە زورلايتىن مەملەكەت ەكەندىگىن تۇسىندىرەدى.
مىنانى ءسوزسىز اتاپ كورسەتۋ كەرەك: شينجياڭ جۇڭگونىڭ شينجياڭى، شينجياڭ ىستەرى بۇكىلدەي جۇڭگونىڭ ىشكى ىسىنە جاتادى، ءارقانداي شەتەل ۇكىمەتى مەن كۇشتەرىنىڭ كيلىگۋ ۇقىعى جوق، ا ق ش ـ تىڭ ايتىلمىش «ۇيعۇرلاردىڭ زورلىقتى ەڭبەكتەن ساقتانۋ زاڭ جوباسى» كەرەكسىز قاعاز بولىپ، شينجياڭنىڭ دامۋ، العا باسۋ تاريحي اياق الىسىنا تيتتەي دە ىقپال جاساي المايدى، كەرىسىنشە، ا ق ش ـ تىڭ جالعان ادامدىق ۇقىعىن، ناعىز زورەكەرلىگىن، جالعان قامقورسىپ، شىندىعىندا ويراندايتىن سۇرقيا نيەتىن اشكەرەلەدى. ءبىز ا ق ش ـ قا شينجياڭنىڭ ورنىقتىلىعىن، دامۋىن ورىنسىز قىلمىستارمەن بۇلدىرۋگە ۇرىنسا، تەك شينجياڭداعى ءار ۇلت بۇقاراسىن قامتىعان قالىڭ جۇڭگو حالقىنىڭ ا ق ش ـ تىڭ زورەكەرلىك سيپاتىن ىشكەرىلەي تانىتاتىندىعىن، سونداي ـ اق حالىقارالىق قوعامنىڭ باسىم كوپ ساندى مۇشەلەرىنىڭ قارعىسىنا دا ۇشىرايتىندىعىن قاتاڭ ەسكەرتەمىز!
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
