جۇڭگو ماقتا قوعامى قاتاڭ مالىمدەمە جاريالادى!
2021.12.27 18:12 كەلۋ قاينارى : حالىق تورابى
جۇڭگو ماقتا قوعامى 12 - ايدىڭ 25 - كۇنى قاتاڭ مالىمدەمە جاريالاپ، ا ق ش ۇكىمەتىن قاتاڭ جازعىردى جانە ادامدىق ۇقىق دەگەن اتپەن جۇڭگونىڭ ماقتا توقىماشىلىق كاسىبىن جانىشتاۋ ارەكەتىنە باتىل قارسى تۇردى.
ا ق ش – تىڭ شىعىس بولىك ۋاقىتى بويىنشا 12 - ايدىڭ 23 – كۇنى، ا ق ش اتالمىش «ۇيعۇرلاردىڭ زورلىقتى ەڭبەكتەن ساقتانۋ زاڭ جوباسىنا» (تومەندە قىسقاشا «زاڭ جوباسى» دەلىنەدى) قول قويىپ، زاڭ ەتىپ قابىلدادى. «زاڭ جوباسىندا» شينجياڭدا وندىرىلگەن بارلىق ءونىم اتالمىش «زورلىقتى ەڭبەك» ءونىمى دەپ بەلگىلەندى ءارى شينجياڭعا قاتىستى ونىمدەردى يمپورت ەتۋگە تيىم سالدى.
جۇڭگو ماقتا قوعامى قاتاڭ مالىمدەمە جاريالاپ، بۇل شارانىڭ ەلىمىزدىڭ ماقتا توقىماشىلىعى كاسىبىنە ۇزدىكسىز ناشار ىقپال جاساپ، جۇڭگونىڭ، ءتىپتى، بۇكىل جەر شارىنىڭ ماقتا توقىماشىلىعى ءوندىرىسى مەن ساۋدا ءتارتىبىن اۋىر دارەجەدە بىلىقتىراتىندىعىن، ولاردىڭ دورەكىلىكپەن كيلىگۋى جۇڭگونى قامتىعان دۇنيە جۇزىندەگى قاتىستى كاسىپورىندار مەن كاسىپپەن شۇعىلدانۋشىلاردىڭ ورىندى ۇقىق - مۇددەسىنە ىقپال جاسايتىندىعىن ءبىلدىردى.
مالىمدەمەدە مىنالار اتاپ كورسەتىلدى: ەلىمىزدىڭ ماقتا وندىرىسىندەگى ابزال ءوندىرىس رايونى رەتىندە، شينجياڭنىڭ ماقتا ءونىم مولشەرى جىلدار بويى 5 ميلليون توننا اينالاسىندا بولادى. ەڭبەككۇش وزىندىك قۇنىنىڭ جوعارىلاۋىنا بايلانىستى، سوڭعى جىلداردان بەرى شينجياڭنىڭ ماقتا ءوندىرىسىنىڭ كولەمدەنۋى، ماشينالانۋى جەدەل ىلگەرىلەپ، اۋىل شارۋاشىلىق ءوندىرىسىنىڭ ونىمدىلىگى جوعارىلادى. 2021 ـ جىلى بۇكىل شينجياڭدا ماقتانى ماشينامەن جيناۋ مولشەرى %87.9كە جەتتى.
مالىمدەمەدە مىنالار اتاپ كورسەتىلدى: دۇنيە جۇزىندەگى ەكىنشى ءىرى ماقتا ءوندىرۋشى ەل، ءبىرىنشى ءىرى ماقتا يمپورت ەتەتىن جانە توقىما بۇيىمدارىن وندىرەتىن ەل رەتىندە، ەلىمىزدىڭ ماقتا توقىماشىلىق كاسىبى دۇنيە جۇزىلىك ساۋداعا كىرگەننەن بەرى قارىشتاپ دامىپ، ماقتا اتىزىنان كيىم ـ كەشەككە دەيىن دۇنيە جۇزىلىك جۇمىس ءبولىسى مەن سەلبەستىككە قاتىناسۋ ارقىلى دۇنيە ءجۇزى حالقىنا تاماشا، ارزان، جوعارى دەڭگەيلى، جاڭاشا كيىم ـ كەشەك تالعامىن ازىرلەپ، قازىرگى دۇنيە جۇزىلىك توقىماشىلىق كاسىپ تىزبەگىندەگى ماڭىزدى بۋىنعا اينالدى.
مالىمدەمەدە مىنالار اتاپ كورسەتىلدى: جۇڭگونىڭ ماقتا جانە توقىماشىلىق كاسىبى ەڭبەكشىلەردىڭ ءتۇرلى ۇقىق ـ مۇددەسىن قامتاماسىز ەتۋگە باستان ـ اياق كۇش سالىپ، ءوندىرىس، تۇرمىس شارت ـ جاعدايىن ۇزدىكسىز جاقسارتىپ، ءونىم ساپاسىن جوعارىلاتىپ، دۇنيە جۇزىندەگى كيىم ـ كەشەك جانە بولشەك ساتاتىن ايگىلى ماركا ساۋداگەرلەرىنە ورنىقتى، سەنىمدى قامداۋ تىزبەگىمەن قىزمەت وتەپ كەلەدى، بۇعان ءادىل مامىلە جاساۋ كەرەك. جۇڭگودان كەلگەن ماقتاشىلار، توقىماشىلار جۇڭگونىڭ بارلىق قاراپايىم ەڭبەكشىلەرى سياقتى، تالاي جىلدان بەرى قاجىرلىلىقپەن ەڭبەكتەنۋ ارقىلى وتباسىنىڭ كىرىسىن ارتتىرىپ، تۇرمىس ورەسىن جوعارىلاتتى، بۇل تەرىستەۋگە بولمايتىن شىندىق، سونداي ـ اق جۇڭگونىڭ ماقتا جانە توقىماشىلىق سالاسىنداعى ەڭ ۇلكەن ادامدىق ۇقىقتىڭ شىن سىرى.
مالىمدەمەدە مىنالار اتاپ كورسەتىلدى: جۇڭگونىڭ ماقتا جانە توقىماشىلىق كاسىبى سىرتقا ەسىك اشۋ مەن سەلبەستىككە ۇزدىكسىز تاباندى بولادى، سىرتقى قىسىم مەن قارالاۋ بولاشاقتاعى جۇڭگونىڭ ماقتا، توقىماشىلىق كاسىبىنىڭ جوعارى ساپالى، باياندى دامۋىنا كەدەرگى بولمايدى ءارى كەدەرگى بولا المايدى دا.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
