اتىز باستارىندا عىلىم – تەحنيكانىڭ قوزعاۋشى قۋاتى تاسقىندادى (بۇگىنگى سۇحپات)
زوۋ شياڭ
2022.03.25 16:17 كەلۋ قاينارى : حالىق تورابى
كوكتەم كەلىپ، اتىز باستارى قاربالاستىققا ءتۇستى. شاندۇڭ ولكەسىنىڭ جۇيشيان اۋدانىندا ادامسىز وسىمدىك قورعاۋ ماشيناسى ساعاتىنا 8 گەكتار جەرگە ءدارى بۇركۋ جۇمىسىن ورىنداپ، كوكتەمگى ەگىس ونىمدىلىگىن بارىنشا جوعارىلاتتى؛ حىنان ولكەسىنىڭ شينشياڭ قالاسىندا جارىق سپەكترىمەن دالمە - ءدال سۋارۋ جۇيەسى ورناتىلعان ءىرى تۇرپاتتى بۇركۋ ماشيناسى سانتيمەتر دارەجەسىندەگى دالمە - ءدال سۋارۋدى جۇزەگە اسىرا الادى؛ حۋبەيدىڭ جىجياڭ قالاسىندا جەتىقاراقشى جول باستاۋ جۇيەسىمەن ۇشتاسقان زەردەلى تراكتور ەڭ جاقسى لەنيانى ءوزى جوبالايدى، سوقانىڭ اۋدارۋ تەرەڭدىگى دە اناعۇرلىم دالمە - ءدال بولدى ... قازىر ءدال كوكتەمگى ءوندىرىستىڭ قاربالاس مەزگىلى، جۇڭگونىڭ بايتاق دالاسىنا كوز جىبەرسەك، وسىزاماندانعان اۋىل شارۋاشىلىق ماشينا - جابدىقتارى قۇنارلى اتىزداردا جۇمىس ىستەپ، شارۋالاردىڭ كىرىسىن ارتتىرۋىنا سەپتىگىن تيگىزىپ، شارۋالاردىڭ كىرىسىن ارتتىرۋىنا دەم بەرۋدە.
كوكتەمگى ەگىس ءوندىرىسى − تۇتاس جىلدىق استىق ءوندىرىسىنىڭ ءبىرىنشى شايقاسى، جازعى استىقتان جانە تۇتاس جىلداعى استىقتان مول ءونىم الۋدا كەلەلى ماڭىز الادى. بۇل شايقاستى ويداعىداي جۇرگىزۋ عىلىم - تەحنيكانىڭ تىرەگىنەن ايرىلا المايدى. اۆتوماتتى سۋارۋ جۇيەسىنەن زەردەلى سەزىنۋ، الىستان مەڭگەرۋ تەحنيكاسىنا دەيىن، جەر جىرتپايتىن تۇقىم سەپكىشتەن زەردەلى سۋارۋ – تىڭايتقىش بەرۋ ءبىر تۇلعالى ماشيناسىنا دەيىن، وزىق اۋىل شارۋاشىلىق عىلىم - تەحنيكاسىنان تولىق پايدالانعاندا، ەگىن ەگۋ ءتىپتى دە جەڭىل بولادى، سونداي - اق باسقارۋ، قورعاۋ ءتىپتى دە عىلمي بولادى، ادام كۇشى مەن زاتتىق كۇشتى ۇنەمدەۋگە دە، ءتۇسىمدى جوعارىلاتۋعا دا بولادى. وسى ماعىنادان العاندا، كوكتەمگى ءوندىرىس جۇمىسىن ويداعىداي ىستەۋ بولسىن، الدە اۋىل شارۋاشىلىعىن وسىزامانداندىرۋدى ىلگەرىلەتۋ بولسىن، عىلىم – تەحنيكا ارقىلى ونىمدىلىككە قول جەتكىزۋدە تاباندى بولۋ كەرەك.
ازىق - تۇلىك ماسەلەسىن شەشۋدىڭ ءتۇبىرلى شىعار جولى عىلىم - تەحنيكادا. قازىر ەلىمىزدە ەگىس داقىلدارىن ەگۋ، جيىپ الۋدىڭ جالپىلىق ماشينالانۋ شاماسى %72 كە جەتىپ، اۋىل شارۋاشىلىق عىلىم - تەحنيكا العاباسارلىعىنىڭ ۇلەس سالىستىرماسى %61 تەن اسىپ، تەحنيكاعا سۇيەنىپ استىق ەگۋ رەالدىققا اينالدى. بولاشاقتى بەتكە الىپ، اۋىل شارۋاشىلىق عىلىم - تەحنيكاسىن دامىتۋدى اناعۇرلىم كورنەكتى ورىنعا قويىپ، اۋىل شارۋاشىلىعىن ماشينالاندىرۋدى، زەردەلىلەندىرۋدى كۇش سالا ىلگەرىلەتىپ، اۋىل شارۋاشىلىعىن وسىزامانداندىرۋدا عىلىم – تەحنيكاعا سۇيەنىپ، اتىز باسىندا عىلىم - تەحنيكانىڭ قوزعاۋشى كۇشىن ايگىلەسەك، ءسوز جوق، ءونىم الۋ ماۋسىمىندا مول ءونىم شاتتىعىنا بولەنەمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
