- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگوشا سوتسياليزم جولىمەن اۋىتقىماي العا باسىپ، جاپپاي دوڭگەلەك داۋلەتتى قوعام قۇرۋ جولىندا كۇرەسەيىك
‐ جۇڭگو كوممۋنيستىك پارتياسىنىڭ مەملەكەتتىك 18-قۇرىلتايىندا جاسالعان بايانداما
حۋ جينتاۋ
2012.11.22 14:04 كەلۋ قاينارى : حالىق تورابى
جولداستار:
ەندى مەن 17-كەزەكتى ورتالىق كوميتەت اتىنان ماجىلىسكە بايانداما جاسايمىن.
جۇڭگو كوممۋنيستىك پارتياسىنىڭ 18-قۇرىلتايى ەلىمىز دوڭگەلەك داۋلەتتى قوعامدى جاپپاي قۇرۋدىڭ شەشۋشى كەزەڭىنە وتكەن ساتتە اشىلعان توتەنشە ماڭىزدى قۇرىلتاي بولىپ وتىر. قۇرىلتايدىڭ نەگىزگى تاقىرىبى: جۇڭگوشا سوتسياليزمنىڭ ۇلى تۋىن بيىك ۇستاپ، دىڭ شياۋپيڭ نـازاريـاسـىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن جەتەكشى ەتىپ، يدەيانى ازات ەتىپ، رەفورما جۇرگىزىپ، ەسىك اشىپ، كۇش ۇيىستىرىپ، قيىندىقتاردى جەڭىپ، قامال الىپ، جۇڭگوشا سوتسياليزم جولىمەن اۋىتقىماي العا باسىپ، جاپپاي دوڭگەلەك داۋلەتتى قوعام قۇرۋ جولىندا كۇرەسۋ.
ءدال وسى ساتتە ءبىز پارتيامىزدىڭ 90 نەشە جىلدىق جاپالى كۇرەستەردى باستان كەشىرۋ ارقىلى بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، كەدەي، مەشەۋ ەسكى جۇڭگونى كۇننەن-كۇنگە گۇلدەنىپ-كوركەيگەن جاڭا جۇڭگو ەتىپ قۇرعاندىعىن، جۇڭحۋا ۇلتىنىڭ ۇلى گۇلدەنۋىنىڭ بولاشاعى شۇعىلالى بولىپ كەلە جاتقاندىعىن بىرەگەي سەزىنىپ وتىرمىز. ءبىز پارتيا مەن حالىقتىڭ جاراتقان تاريحي ۇلى ەڭبەكتەرىن اناعۇرلىم ماقتانىش ەتەمىز، پارتيا مەن حالىقتىڭ مۇراتى مەن سەنىمىنە اناعۇرلىم تاباندى بولامىز، پارتيا ارقالاپ وتىرعان تاريحي جاۋاپكەرلىكتى اناعۇرلىم ايقىن تۇسىنەمىز.
كەزەكتە دۇنيە، ەل ءىشى، پارتيا جاعدايىندا تەرەڭ وزگەرىستەر تۋىلۋدا، ءبىز بۇرىن بولىپ كورمەگەن دامۋ ورايىنا جانە حاۋىپ-قاتەرلەردىڭ سىندارىنا ءدوپ كەلىپ وتىرمىز. بۇكىل پارتيا حالىقتىڭ سەنىمى مەن ءۇمىتىن ءسوزسىز جادىندا ساقتاپ، قىزمەتتى ءتىپتى دە تالاپتانا وتىرىپ، تىڭعىلىقتى ىستەپ، عىلمي دامۋدى جالعاستى ىلگەرىلەتىپ، قوعامنىڭ جاراسىمدىلىعىن جەبەپ، حالىق تۇرمىسىن ۇزدىكسىز جاقسارتىپ، حالىقتىڭ باق-داۋلەتىن ارتتىرىپ، ءداۋىر جۇكتەگەن داڭقتى دا جاپالى مىندەتتەردى ورىنداۋى كەرەك.
1. وتكەن 5 جىلداعى قىزمەتتەر جانە 10 جىلدىق نەگىزگى قورىتىندى
17-قۇرىلتايدان بەرگى بەس جىل ءبىز جۇڭگوشا سوتسياليزم جولىندا ەرلىكپەن العا باسقان بەس جىل، الۋان ءتۇرلى قيىنشىلىقتار مەن حاۋىپ-قاتەرلەردىڭ سىندارىنا توتەپ بەرىپ، جاپپاي دوڭگەلەك داۋلەتتى قوعام قۇرۋدىڭ تىڭ جەڭىستەرىنە قول جەتكىزگەن بەس جىل بولدى.
17-قۇرىلتايدا رەفورما جۇرگىزۋ، ەسىك اشۋ جانە سوتسياليستىك وسىزاماندانۋ قۇرىلىسىن ىلگەرىلەتۋ، جاپپاي دوڭگەلەك داۋلەتتى قوعام قۇرۋ ۇلى نىساناسىن جۇزەگە اسىرۋ جونىندە جان-جاقتى ورنالاستىرۋلار جاسالدى. 17-قۇرىلتايدىڭ رۋحىن دايەكتىلەندىرۋ ءۇشىن، ورتالىق كوميتەت ىلگەرىندى-كەيىندى 7 رەت جالپى ءماجىلىس وتكىزىپ، اكىمشىلىك باسقارۋ ءتۇزىلىسى رەفورماسىن ىشكەرىلەتۋ، اۋىل-قىستاق رەفورماسى مەن دامۋىن جەبەۋ، جاڭا جاعدايداعى پارتيا قۇرىلىسىن كۇشەيتۋ جانە جاقسارتۋ، ”12-بەسجىلدىق“ پلاندى جاساۋ، مادەنيەت رەفورماسى مەن دامۋىن ىلگەرىلەتۋ قاتارلى جالپى جاعدايعا ساياتىن كەلەلى ماسەلەلەر جونىندە جەكە-جەكە قاۋلى شىعاردى جانە ورنالاستىرۋلار جاسادى. بەس جىلدان بەرى ”11-بەسجىلدىق“ پلاندى جەڭىسپەن ورىنداپ، ”12-بەسجىلدىق“ پلاندى ءساتتى جۇرگىزىپ، جان-جاقتىلى قىزمەتتەردەكەلەلى تىڭ تابىستارعا قول جەتكىزدىك.
ەكونوميكا ورنىقتى، ءبىرشاما تەز دامىدى. ەلدىڭ جالپىلىق قۋاتى زور مولشەردە ارتتى، 2011-جىلى ىشكى ءوندىرىستىڭ جالپى قۇنى 47 تريلليون 300 ميلليارد يۋانعا جەتتى. قازىنالىق كىرىس زور مولشەردە ارتتى. اۋىل شارۋاشىلىقتىڭ جالپىلىق ءوندىرىس قۋاتى جوعارىلاپ، استىق ءونىمى جىل سايىن ارتىپ وتىردى. شارۋاشىلىق قۇرىلىمىن رەتكە سالۋدا تىڭ ىلگەرىلەۋشىلىكتەرگە قول جەتتى، نەگىزدىك قۇرىلعىلار جان-جاقتى كۇشەيتىلدى. قالا-قالاشىقتانۋ ورەسى كورنەكتى جوعارىلاپ، قالا-اۋىلدار مەن وڭىرلەردىڭ دامۋىنىڭ سايكەسىمدىلىگى كۇشەيدى. جاڭالىقشىل ەل بولۋ ينجەنەرياسىنىڭ تابىسى كورنەكتى بولدى، عارىشقا ادام الىپ ۇشۋ، ايدى بارلاۋ يەنجەنەرياسى، وتە تەرەڭگە سۇڭگۋ، اسقىن كومپيۋتەر، ۇشقىر پويەز قاتارلىلاردا كەلەلى تابىستارعا قول جەتىپ. ەكولوگيالىق وركەنيەت قۇرىلىسى تىڭعىلىقتى ورىستەتىلىپ، بايلىق قاينارىن ۇنەمدەۋ جانە ورتانى قورعاۋ جاپپاي ىلگەرىلەتىلدى.
رەفورمالاۋ مەن ەسىك اشۋدا زور ىلگەرىلەۋشىلىكتەرگە قول جەتتى. اۋىل-قىستاق جان-جاقتى رەفورماسى، كوللەكتيۆ ورمان يەلىك ۇقىعى ءتۇزىمى رەفورماسى، مەملەكەت مەنشىگىندەگى كاسىپورىندار رەفورماسى ۇزدىكسىز ىشكەرىلەتىلدى، جالپىلىق مەنشىككە جاتپايتىن شارۋاشىلىقتار اقاۋسىز دامىدى. وسىزامانعى بازار جۇيەسى مەن ماكرولىق تىزگىندەۋ جۇيەسى ۇزدىكسىز اقاۋسىزداندىرىلىپ، قازىنا-باجى، فينانس، باعا، عىلىم-تەحنيكا، وقۋ-اعارتۋ، قوعامدىق قامتاماسىزداندىرۋ، ءدارى-دارمەك، دەنساۋلىق ساقتاۋ، ءىس ورىندارى رەفورمالارى ورنىقتى ىلگەرىلەتىلدى. اشىق ۇستالاتىن شارۋاشىلىقتار جاڭا ورەگە جەتىپ، يمپورت-ەكسپورت جالپى سوماسى دۇنيە بويىنشا ەكىنشى ورىنعا شىقتى.
حالىقتىڭ تۇرمىس ورەسى كورنەكتى جوعارىلادى. حالىق تۇرمىسىن جاقسارتۋ تەبىنى ۇزدىكسىز كۇشەيتىلىپ، قالا-اۋىلدا جۇمىستانۋ كولەمى ءۇرتىس كەڭەيدى، تۇرعىنداردىڭ كىرىسى ءبىرشاما تەز ارتتى، سەميالىق مال-مۇلىك مولشەرى ورنىقتى ارتتى، تۇرمىس شارت-جاعدايى كورنەكتى جاقساردى، قالا-اۋىلدىڭ ەڭ تومەنگى تۇرمىستىق قامتاماسىزداندىرۋ ولشەمى جانە اۋىل-قىستاقتا كەدەيلەردى سۇيەمەلدەۋ ولشەمى زور مولشەردە جوعارىلادى، كاسىپورىن زەينەتكەرلەرىنىڭ نەگىزدىك زەينەتاقى دەڭگەيى ۇزدىكسىز جوعارىلادى.
دەموكراتيا، زاڭ-ءتۇزىم قۇرىلىسىندا تىڭ قادام تاستالدى. ساياسي ءتۇزىلىس رەفورماسى ۇزدىكسىز ىلگەرىلەتىلدى. حالىق قۇرىلتايى ۋاكىلدەرىن قالا مەن اۋىلدا ۇقساس جان سانى سالىستىرماسى بويىنشا سايلاۋ ىسكە استى. نەگىزگى ساتىدا دەموكراتيا ۇزدىكسىز دامۋدا. جۇڭگوشا سوتسياليستىك زاڭ-ءتۇزىم جۇيەسى قالىپتاسىپ، سوتسياليستىك زاڭمەن باسقارىلاتىن ەل بولۋ ينجەنەرياسىنىڭ تابىسى كورنەكتى بولدى. وتانشىلدىق بىرلىكساپ نىعايدى جانە ۇلعايدى. اكىمشىلىك ءتۇزىلىس رەفورماسى ىشكەرىلەپ، ءادىليالىق ءتۇزىلىس پەن قىزمەت مەحانيزمى رەفومالارىندا تىڭ ىلگەرىلەۋشىلىكتەرگە قول جەتتى.
مادەنيەت قۇرىلىسى جاڭا ساتىعا كوتەرىلدى. سوتسياليستىك وزەكتى قۇن جۇيەسى قۇرىلىسى ىشكەرىلەي ورىستەتىلدى، مادەنيەت ءتۇزىلىسى رەفورماسى جاپپاي ىلگەرىلەتىلىپ، الەۋمەتتىك مادەنيەتتىك قىزمەت وتەۋ جۇيەسى قۇرىلىسى كەلەلى ىلگەرىلەۋشىلىككە جەتتى، مادەنيەت شارۋاشىلىعى تەز دامىدى، مادەنيەتتىك جاسامپازدىق ءوندىرىسى گۇلدەنىپ كوركەيىپ، حالىقتىڭ رۋحاني مادەنيەتتىك تۇرمىسى ءتىپتى دە بايىپ، تۇرلەنە ءتۇستى. جالپى حالىقتىق دەنە شىنىقتىرۋ مەن جارىستىق دەنە تاربيەدە تىڭ ناتيجەلەرگە قول جەتتى.
قوعامدىق قۇرىلىستا تىڭ العا باسۋلار بولدى. نەگىزگى الەۋمەتتىك قىزمەت وتەۋ ورەسى مەن ونىڭ تەڭگەرىلۋ دارەجەسى كورنەكتى جوعارىلادى. وقۋ-اعارتۋ ءىسى تەز دامىپ، قالا-اۋىلدا مىندەتتى وقۋ-اعارتۋدى تەگىن جۇرگىزۋ جاپپاي جۇزەگە اسىرىلدى. قوعامدىق قامتاماسىزداندىرۋ جۇيەسى قۇرىلىسىنىڭ تابىسى كورنەكتى بولىپ، قالا-اۋىلدا قارتتاردىڭ نەگىزدىك كۇتىمىن قامسىزداندىرۋ ءتۇزىمى جاپپاي ورناتىلدى، جاڭاشا قوعامدىق قۇتقارۋ، كومەك بەرۋ جۇيەسى نەگىزىنەن قالىپتاستى. جالپى حالىقتىق ەمدەلۋدى قامسىزداندىرۋ نەگىزىنەن جۇزەگە اسىرىلىپ، قالا-اۋىل نەگىزدىك ەمدەۋ، دەنساۋلىق ساقتاۋ ءتۇزىمى ورناتىلا باستادى. قامتاماسىزدىق تۇرعىن ءۇي قۇرىلىسى تەز ىلگەرىلەپ كەلەدى. قوعامدىق باسقارۋ كۇشەيتىلىپ جانە وندا جاڭالىق جاراتىلىپ، قوعامنىڭ جاراسىمدىلىعى مەن ورنىقتىلىعى ساقتالدى.
قورعانىس پەن ارميا قۇرىلىسىندا جاڭا جاعداي جاراتىلدى. جۇڭگوشا اسكەري ىستەر رەفورماسى كەلەلى تابىستارعا جەتتى، ارميانىڭ توڭكەرىستەنۋ، وسىزاماندانۋ، جۇيەلىلەنۋ قۇرىلىسى سايكەستى ىلگەرىلەتىلىپ، جاپپاي كۇشەيتىلدى، اسكەري سوعىس دايىندىعى ۇزدىكسىز تەرەڭدەپ، ارميانىڭ جاڭا عاسىرداعى، جاڭا ساتىداعى تاريحي بورىشىن وتەۋ قۋاتى كورنەكتى كۇشەيىپ، ءبىر قىدىرۋ شۇعىل، قيىن، حاۋىپتى، كەلەلى مىندەتتەردى ويداعىداي ورىندادى.
شياڭگاڭ، اۋمىن، تايۋان قىزمەتى ونان ارى كۇشەيتىلدى. شياڭگاڭ مەن اۋمىننىڭ گۇلدەنۋى مەن ورنىقتىلىعى ساقتالىپ، ىشكى ولكەلەرمەن اۋىس-كۇيىس جاساۋى، سەلبەستىگى تىڭ ورەگە كوتەرىلدى. بۇعازدىڭ ەكى جاعالاۋىنىڭ قاتىناسىن جەبەۋدە كەلەلى بۇرىلىس جاسالىپ، ەكى جاعالاۋدىڭ اۋە، سۋ جولى توتە قاتىناسى، پوچتا-تەلەگراف جاعىندا توتە حابارلاسۋى جالپى جۇزدىك جۇزەگە اسىرىلدى، ەكى جاعالاۋدىڭ ەكونوميكالىق سەلبەستىك جونىندەگى جۇلگەلىك كەلىسىمىنە قول قويىلدى، ەكى جاعالاۋدا جان-جاقتى بارىس-كەلىس جاساعان جاعداي قالىپتاسىپ، ەكى جاعالاۋ قاتىناسىنىڭ بەيبىت دامۋىندا جاڭا جاعداي جاراتىلدى.
ديپلوماتيا قىزمەتىندە جاڭا تابىستارعا قول جەتتى. مەملەكەت مۇددەسى مەن ەلىمىز ازاماتتارىنىڭ، زاڭدىق تۇلعالارىنىڭ شەكارا سىرتىنداعى زاڭدى ۇقىق-مۇددەسى باتىل قورعالدى، دۇنيەدەگى ءارقايسى ەلدەرمەن اۋىس-كۇيىس، سەلبەستىك كۇشەيتىلىپ، دۇنيە جۇزىلىك جونگە سالۋ مەحانيزمى رەفورماسى ىلگەرىلەتىلدى، دۇنيەنىڭ بەيبىتشىلىگى مەن دامۋى بەلسەندى جەبەلدى، حالىقارالىق ىستەردەگى ۋاكىلدىگىمىز بەن سويلەۋ ۇقىعىمىز ونان ارى كۇشەيىپ، رەفورما مەن دامۋعا ءتيىمدى حالىقارالىق ورتاعا قول جەتكىزدىك.
پارتيا قۇرىلىسى جاپپاي كۇشەيتىلدى. پارتيانىڭ بيلىك جۇرگىزۋ قابىلەتى قۇرىلىسى مەن العاباسارلىق قۇرىلىسى ۇزدىكسىز ىلگەرىلەتىلدى، يدەيا-نازاريا قۇرىلىسىندا كورنەكتى ناتيجەلەرگە قول جەتتى، عىلمي دامۋ كوزقاراسىن ۇيرەنۋ جانە امالياتتان وتكىزۋ قيمىلى كەلەلى تابىستارعا جەتتى، پارتيا قۇرىلىسى رەفورماسىندا جانە وندا جاڭالىق جاراتۋدا ماڭىزدى قادام تاستالدى. پارتيا ىشىندە دەموكراتيا كەڭەيە ءتۇستى. كادرلار قوسىنى قۇرىلىسىندا ماڭىزدى ىلگەرىلەۋشىلىكتەر بولدى، دارىندىلار قىزمەتىندە جاڭا جاعداي جاراتىلدى. ۇزدىك نەگىزگى ساتى پارتيا ۇيىمدارىن جارىققا شىعارىپ، وزات پارتيا مۇشەسى بولۋ قيمىلى جانە ۇيرەنىمپاز پارتيا ۇيىمى قۇرىلىسى ىشكەرىلەي جۇرگىزىلىپ، نەگىزگى ساتىداعى پارتيا ۇيىمدارى ۇزدىكسىز كۇشەيتىلدى. پارتيا ستيلى، پاكتىك قۇرىلىسى مەن ءىرىپ-شىرۋگە قارسى تۇرۋ كۇرەسىندە جاڭا تابىستارعا قول جەتتى.
سونىمەن بىرگە قىزمەتىمىزدە ءالى دە تولىپ جاتقان ولقىلىقتاردىڭ، العا باسۋ جولىمىزدا قىرۋار قيىنشىلىقتار مەن ماسەلەلەردىڭ ءومىر ءسۇرىپ وتىرعاندىعىن، ءسوز جوق، سەرگەكتىكپەن كورە ءبىلۋىمىز كەرەك. ونىڭ باستىلارى: دامۋداعى بىركەلكى، سايكەستى، باياندى بولماۋ ماسەلەلەرى ءالى دە كورنەكتى، عىلىم-تەحنيكادا جاڭالىق جاراتۋ قابىلەتىمىز جەتەرسىز، شارۋاشىلىق قۇرىلىمى ۇيلەسىمسىز، اۋىل شارۋاشىلىعىنىڭ نەگىزى ءالى دە ءالسىز، بايلىق قاينارىندىق ورتانىڭ تەجەمى كۇشەيۋدە، عىلمي دامۋعا ورالعى بولىپ وتىرعان تۇزىلىستىك، مەحانيزمدىك كەدەرگىلەر ءبىرشاما كوپ، رەفورمانى، ەسىك اشۋدى ىشكەرىلەتۋ جانە ەكونوميكانىڭ دامۋ تاسىلىندە بۇرىلىس جاساۋ مىندەتى اۋىر؛ قالا-اۋىلدىڭ وڭىرلىك دامۋىنداعى جانە تۇرعىنداردىڭ كىرىس بولىسىندەگى پارىق ءالى دە ءبىرشاما زور؛ قوعامدىق قايشىلىق كورنەكتى كوبەيىپ كەلەدى، وقۋ-اعارتۋ، جۇمىستانۋ، قوعامدىق قامتاماسىزدىق، ەمدەلۋ، تۇرعىن ءۇي، ەكولوگيالىق ورتا، ازىق-تۇلىك، ءدارى-دارمەك حاۋىپسىزدىگى، حاۋىپسىز ءوندىرىس، قوعام اماندىعىن باسقارۋ، زاڭ اتقارۋ، ءادىليا قاتارلى بۇقارانىڭ ءتول مۇددەسىنە ساياتىن ماسەلەلەر ءبىرشاما كوپ، ءىشىنارا بۇقارانىڭ تۇرمىس قيىنشىلىعى ءبىرشاما اۋىر؛ كەيبىر سالالار ءمورالدان، سەنىمدىلىكتەن جۇتاڭ؛ كەيبىر كادرلار مەن باسشىلاردىڭ عىلمي دامۋ قابىلەتى ءالسىز، كەيبىر نەگىزگى ساتى پارتيا ۇيىمدارى دارمەنسىز، بىتىراڭقى، از ساندى پارتيالى كادرلار مۇرات-سەنىمنەن اۋىتقىپ، تۇپكى ماقساتتىق ساناسى سولعىنداعان، فورماشىلدىق، بيۋروكراتتىق ماسەلەلەر كورنەكتى، استا توك ىسىراپشىلدىق قۇبىلىسى اۋىر؛ كەيبىر سالالاردا كەرەناۋلىق، شىرىكتەسۋ قۇبىلىسى تولاسسىز، ەكىنىڭ بىرىندە تۋىلۋدا، ءىرىپ-شىرۋگە قارسى كۇرەس جاعدايى ءالى دە اۋىر. وسى قيىنشىلىقتار مەن ماسەلەلەرگە بارىنشا ءمان بەرىپ، ونى مۇقيات شەشۋىمىز كەرەك.
وتكەن بەس جىلداعى قىزمەت 16-قۇرىلتايدان بەرگى جاپپاي دوڭگەلەك داۋلەتتى قوعام قۇرۋداعى 10 جىلدىق امالياتتىڭ ماڭىزدى قۇرامداس بولەگى.
وسى ون جىلدا ەلىمىز دامۋىنىڭ ماڭىزدى ستراتەگيالىق وراي مەزگىلىن مىقتى مەڭگەرىپ جانە ودان ويداعىداي پايدالانىپ، ءبىرقىدىرۋ كەلەلى سىندارعا توتەپ بەرىپ، جۇڭگوشا سوتسياليزمدى قۇلشىنا وتىرىپ دامۋدىڭ جاڭا ساتىسىنا جەتكىزدىك. جاڭا عاسىر، جاڭا كەزەڭگە قادام تاستاعاندا، حالىقارالىق جاعدايدا اۋمالى-توكپەلى وزگەرىستەر بولىپ، ەلدەردىڭ جالپىلىق قۋات جاعىنداعى باسەكەسى بۇرىن بولىپ كورمەگەن دارەجەدە شيەلەنىستى، ءبىز رەفورمالاۋ مەن ەسىك اشۋدى ىشكەرىلەتىپ، دامۋ قادامىمىزدى تەزدەتىپ، الەمدىك ساۋدا ۇيىمىنا كىرۋدى وراي ەتىپ، قىسىمدى قوزعاۋشى كۇشكە، سىنداردى ورايعا اينالدىرىپ، جاپپاي دوڭگەلەك داۋلەتتى قوعام قۇرۋدى اۋىتقىماستان باتىل ىلگەرىلەتتىك. العا باسۋ بارىسىندا توسىننان تۋىلعان سارس اۋرۋىن جەڭدىك، ەلىمىزدىڭ دامۋ امالياتىن مۇقيات قورىتىندىلاپ، ەلىمىز دامۋىنىڭ كەزەڭدىك ەرەكشەلىكتەرىن ءدال مەڭگەرىپ، عىلمي دامۋ كوزقاراسى سىندى كەلەلى ستراتەگيالىق ويلاردى دەركەزىندە العا قويىپ جانە جاپپاي دايەكتىلەندىرىپ، ەكونوميكالىق، الەۋمەتتىك دامۋعا كەڭ ءورىس اشتىق. 2008-جىلدان كەيىن حالىقارالىق فينانس داعدارىسى ەلىمىزدىڭ دامۋىن اۋىر قيىنشىلىقتارعا ۇشىراتتى، ءبىز عىلمي تۇجىرىم جانە باتىل شەشىم جاساپ، ءبىرقىدىرۋ كەلەلى شارالار قولدانىپ، دۇنيە جۇزىندە ەڭ الدىمەن ەكونوميكانىڭ ورنىقتى قالپىنا كەلۋىنە قول جەتكىزىپ، سىرتقى ەكونوميكالىق حاۋىپ-قاتەردىڭ سوققىسىنا ۇتىمدى تۇردە توتەپ بەرۋ، شارۋاشىلىقتىڭ ورنىقتى، ءبىرشاما تەز دامۋىن ساقتاۋ جاعىندا ماڭىزدى تاجىريبەلەر توپتادىق. بىيجيڭ وليمپيك جارىسىن، مۇگەدەكتەر وليمپيك جارىسىن جانە شاڭحاي دۇنيە جۇزىلىك جارمەنكەسىن ءساتتى وتكىزدىك، ۋىنچۋانداعى جويقىن جەر سىلكىنىسى سىندى اۋىر جاراتىلىستىق اپاتتارمەن ايقاسۋ جانە اپاتتان كەيىن قالپىنا كەلتىرۋ، قايتا قۇرۋدىڭ جەڭىستەرىنە قول جەتكىزدىك، تۇتقيىل تۋىلعان ءبىرقىدىرۋ اۋىر وقيعالاردى ۇيلەسىمدى ءبىرجاقتىلى ەتتىك. توتەنشە كۇردەلى ىشكى-سىرتقى جاعدايدا پارتيا مەن حالىق اۋىر سىندارعا توتەپ بەرىپ، رەفورما مەن ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ جالپى جاعدايىن بەكەمدەپ جانە دامىتىپ، ەلىمىزدىڭ حالىقاراداعى ورنىن جوعارىلاتىپ، جۇڭگوشا سوتسياليزمنىڭ وراسان زور ابزالدىلىعى مەن قۇدىرەتتى ومىرشەڭدىگىن ايگىلەپ، جۇڭگو حالقى مەن جۇڭحۋا ۇلتىنىڭ ماقتانىش سەزىمى مەن ۇيىسقىشتىعىن كۇشەيتتىك.
10 جىلدان بەرى، ءبىز ءبىرقاتار تاريحي جاڭا تابىستارعا قول جەتكىزىپ، جاپپاي دوڭگەلەك داۋلەتتى قوعام قۇرۋعا بەرىك نەگىز قالادىق. ەلىمىزدىڭ ەكونوميكالىق جالپى شاماسى دۇنيە ءجۇزى بويىنشا 6 ورىننان 2 ورىنعا شىقتى، قوعامدىق وندىرگىش كۇشتەرى، ەكونوميكالىق قۋاتى، عىلىم-تەحنيكالىق قۋاتى، حالىقتىڭ تۇرمىس ورەسى، تۇرعىنداردىڭ كىرىس ورەسى، قوعامدىق قامتاماسىزداندىرۋ ورەسى، ەلىمىزدىڭ جالپىلىق قۋاتى، حالىقاراداعى باسەكەلىك قۋاتى، حالىقارالىق ىقپالى جاڭا ساتىعا كوتەرىلىپ، ەلىمىزدىڭ بەت-بەينەسىندە تاريحي جاڭا وزگەرىستەر تۋىلدى. بۇل ەلىمىزدىڭ ەكونوميكاسى ءۇرتىس دامىعان، دەموكراتياسى ۇزدىكسىز كەمەلدەنگەن، مادەنيەتى كۇن سايىن گۇلدەنىپ-كوركەيگەن، قوعام ورنىقتىلىعى ساقتالعان، حالىق تۇرمىسى كۇش سالا قامتاماسىزداندىرىلعان جانە جاقسارعان، حالىق اناعۇرلىم كوپ، ناقتى يگىلىككە كەنەلگەن مەزگىل ەكەنىن جۇرت مويىنداپ وتىر. وسىنداي تاريحي تابىستارعا قول جەتكىزۋدە پارتيانىڭ نەگىزگى نازارياسىنىڭ، نەگىزگى لۋشيانىنىڭ، نەگىزگى پروگرامماسىنىڭ، نەگىزگى تاجىريبەلەرىنىڭ دۇرىس جەتەكشىلىگىنە، جاڭا جۇڭگو قۇرىلعاننان بەرى، اسىرەسە رەفورمالاۋ مەن ەسىك اشۋدان بەرى قالانعان بەرىك نەگىزگە، بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جاساۋىنا سۇيەندىك.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
