- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگوشا سوتسياليزم جولىمەن اۋىتقىماي العا باسىپ، جاپپاي دوڭگەلەك داۋلەتتى قوعام قۇرۋ جولىندا كۇرەسەيىك(4)
2012.11.22 14:04
ونەركاسىپتەنۋدىڭ، ينفورماتسيالانۋدىڭ، قالا-قالاشىقتانۋدىڭ، اۋىل شارۋاشىلىعىن وسىزامانداندىرۋدىڭ جۇڭگوشا جاڭا جولىمەن جۇرۋگە تاباندى بولىپ، ينفورماتسيالانۋ مەن ونەركاسىپتەنۋدىڭ ىشكەرىلەي توعىسۋىن، ونەركاسىپتەنۋ مەن قالا-قالاشىقتانۋدىڭ ءتيىمدى ىقپالداستىعىن، قالا-قالاشىقتانۋ مەن اۋىل شارۋاشىلىعىنىڭ ءوزارا سايكەسىمدىلىگىن ىلگەرىلەتىپ، ونەركاسىپتەنۋدىڭ، ينفورماتسيالانۋدىڭ، قالا-قالاشىقتانۋدىڭ، اۋىل شارۋاشىلىعىن وسىزامانداندىرۋدىڭ قاتار دامۋىن جەبەۋ كەرەك.
1) ەكونوميكالىق ءتۇزىلىس رەفورماسىن جاپپاي ىشكەرىلەتۋ. رەفورمانى ىشكەرىلەتۋ ‐ ەكونوميكانىڭ دامۋ تاسىلىندە بۇرىلىس جاساۋدى تەزدەتۋدىڭ كىلتى. ەكونوميكالىق ءتۇزىلىس رەفورماسىنداعى وزەكتى ماسەلە ‐ ۇكىمەت پەن بازاردىڭ قاتىناسىن ويداعىداي ءبىرجاقتىلى ەتۋ، بازاردىڭ زاڭدىلىعىنا، ءسوز جوق، اناعۇرلىم قۇرمەت ەتۋ، ۇكىمەتتىڭ رولىن ءتىپتى دە ويداعىداي ساۋلەلەندىرۋ كەرەك. جالپىلىق مەنشىكتەگى شارۋاشىلىقتى تيتتەي دە اۋىتقىماستان بەكەمدەپ جانە دامىتىپ، جالپىلىق مەنشىكتىڭ كوپ ءتۇرلى جۇزەگە اسىرىلۋ فورماسىن قولدانىپ، مەملەكەت مەنشىگىندەگى كاسىپورىندار رەفورماسىن تەرەڭدەتۋ، مەملەكەت مەنشىگىندەگى ءتۇرلى مال-مۇلىكتەردى باسقارۋ ءتۇزىلىسىن كەمەلدەندىرىپ، مەملەكەت مەنشىگىندەگى كاپيتالدىڭ مەملەكەتتىڭ حاۋىپسىزدىگى مەن حالىق شارۋاشىلىعىنىڭ تاعدىرىنا قاتىستى ماڭىزدى كاسىپتەر مەن شەشۋشى سالالارعا قاراي ءتىپتى دە كوپ ويىسۋىن ىلگەرىلەتۋ، مەملەكەت مەنشىگىندەگى شارۋاشىلىقتىڭ ومىرشەڭدىگىن، تىزگىندەۋ قۋاتىن، ىقپالىن ۇزدىكسىز كۇشەيتۋ كەرەك. جالپىلىق مەنشىككە جاتپايتىن شارۋاشىلىقتىڭ دامۋىنا تيتتەي دە اۋىتقىماستان دەم بەرىپ، قولداۋ كورسەتىپ جانە وعان جەتەكشىلىك ەتىپ، ءتۇرلى مەنشىكتەگى شارۋاشىلىقتىڭ-ءوندىرىستىڭ نەگىزگى فاكتورلارىنان زاڭ بويىنشا تەڭ پايدالانۋىنا، بازار باسەكەسىنە ءادىل ارالاسۋىنا، زاڭ جاعىنان تەڭ دارەجەدە قورعالۋىنا كەپىلدىك ەتۋ كەرەك. وسىزامانعى بازار جۇيەسىن اقاۋسىزداندىرىپ، ماكرولىق تىزگىندەۋ نىسانالارى مەن ساياسات شارالاردى مەحانيزمدەندىرۋ قۇرىلىسىن كۇشەيتۋ كەرەك. قازىنا-باجى ءتۇزىلىسى رەفورماسىن جەدەلدەتىپ، ورتالىق پەن جەرگىلىكتى ورىنداردىڭ قازىنالىق قۋاتى مەن ءىس جۇرگىزۋ ۇقىعىمەن سايكەسەتىن ءتۇزىلىستى اقاۋسىزداندىرۋ كەرەك، نەگىزگى الەۋمەتتىك قىزمەت وتەۋدىڭ تەڭگەرىمدىلىگىن جانە نەگىزگى تۇلعالىق فۋنكتسيالىق رايون قۇرىلىسىن جەبەيتىن الەۋمەتتىك قازىنا جۇيەسىن كەمەلدەندىرىپ، جەرگىلىكتى باجى جۇيەسىن ورناتىپ، قۇرىلىمنىڭ ساپالىلانۋىنا، قوعامنىڭ ءادىل بولۋىنا ءتيىمدى باجى ءتۇزىمىن قالىپتاستىرۋ كەرەك. الەۋمەتتىك بايلىقتى وتكەرمەلەۋدەن تۇسكەن كىرىستەن ۇيلەسىمدى تەڭ يگىلىكتەنۋ مەحانيزمىن ورناتۋ كەرەك. فينانس ءتۇزىلىسى رەفورماسىن تەرەڭدەتىپ، ماكرولىق ەكونوميكانىڭ ورنىقتىلىعىن جەبەيتىن، تۇلعالىق ەكونوميكانىڭ دامۋىن سۇيەمەلدەيتىن وسىزامانعى فينانس جۇيەسىن اقاۋسىزداندىرۋ، ءتۇرلى جىكتەگى كاپيتال بازارىن دامىتىپ، ءوسىم نورماسى مەن اقشا سىندىرىلىمىن بازارلاندىرۋ رەفورماسىن ورنىقتى ىلگەرىلەتىپ، حالىق اقشاسى كاپيتال نىساندارى ايىرباسىن بىرتىندەپ جۇزەگە اسىرۋ كەرەك. حالىقتىق فينانس قۇرىلىمدارىنىڭ دامۋىن جەدەلدەتۋ كەرەك. فينانستىق باقىلاۋ-باسقارۋدى كەمەلدەندىرىپ، فينانستە جاڭالىق جاراتۋدى ىلگەرىلەتىپ، فينانستىڭ ورنىقتىلىعىن قورعاۋ كەرەك.
2) دامۋدى جاڭالىق جاراتۋ ارقىلى جەبەۋ ستراتەگياسىن اتقارۋ. عىلىم-تەحنيكادا جاڭالىق جاراتۋ ‐ قوعامدىق وندىرگىش كۇشتەر مەن مەملەكەتتىڭ جالپىلىق قۋاتىن ارتتىراۋدىڭ ستراتەگيالىق تىرەگى، ونى، ءسوز جوق، مەملەكەت دامۋىنىڭ جالپى جاعدايىندا وزەكتى ورىنعا قويۋ كەرەك. جۇڭگوشا دەربەس جاڭالىق جاراتۋ جولىمەن جۇرۋگە تاباندى بولىپ، جاڭالىق جاراتۋدى دۇنيەنى كوزدە ۇستاي وتىرىپ جوبالاپ جانە ىلگەرىلەتىپ، العاشقى جاڭالىق جاراتۋ، شوعىرلى جاڭالىق جاراتۋ جانە سىرتتان ەنگىزىپ، ءسىڭىرىپ، قابىلداپ قايتالاي جاڭالىق جاراتۋ قابىلەتىن جوعارىلاتۋ، سەلبەسە وتىرىپ جاڭالىق جاراتۋعا باسا ءمان بەرۋ كەرەك. عىلىم-تەحنيكا ءتۇزىلىسى رەفورماسىن ىشكەرىلەي ەتەك الدىرىپ، عىلىم-تەحنيكا مەن ەكونوميكانىڭ تىعىز ۇشتاسۋىن جەبەپ، مەملەكەتتىڭ جاڭالىق جاراتۋ جۇيەسىن ورناتۋدى جەدەلدەتىپ، كاسىپورىنداردى نەگىزگى تۇلعا، بازاردى بەتالىس ەتكەن، ءوندىرۋ، وقىتۋ، زەرتتەۋ ۇشتاستىرىلعان تەحنيكالىق جاڭالىق جاراتۋ جۇيەسىن قۇرۋعا كۇش سالۋ كەرەك. بىلىمدە جاڭالىق جاراتۋ جۇيەسىن كەمەلدەندىرىپ، نەگىزدىك، الدىڭعى لەكتىك تەحنيكانى، قوعامدىق الەۋمەتتىك يگىلىكتىك تەحنيكانى زەرتتەۋدى كۇشەيتۋ، عىلمي زەرتتەۋ ورەسىن جانە جەتىستىكتەردى ونىمگە اينالدىرۋ قابىلەتىن جوعارىلاتىپ، عىلىم-تەحنيكانى دامىتۋ ستراتەگياسىنىڭ بيىگىنەن ورىن الۋ كەرەك. مەملەكەتتىڭ عىلىم-تەحنيكالىق ءىرى، ارناۋلى نىساندارىن ىسكە قوسىپ، كەلەلى تەحنيكاداعى بوگەۋلەردە قامال الۋ كەرەك. جاڭا تەحنيكا، جاڭا ءونىم، جاڭا تەحنولوگيانى زەرتتەۋ، اشۋ جانە قولدانۋدى تەزدەتىپ، ينتەرەگال تەحنيكالار مەن ساۋدا ۇلگىسىندە جاڭالىق جاراتۋعا كۇش سالۋ كەرەك. عىلىم-تەحنيكا جاڭالىقتارىن باعالاۋ ولشەمىن، ىنتالاندىرۋ مەحانيزمىن، جەتىستىكتەردى ونىمگە اينالدىرۋ مەحانيزمىن كەمەلدەندىرۋ كەرەك. ءبىلىم مەنشىك ۇقىعى ستراتەگياسىن اتقارىپ، ءبىلىم مەنشىك ۇقىعىن قورعاۋدى كۇشەيتۋ كەرەك. بايلىقتىڭ ۇتىمدى ورنالاسۋى مەن جان-جاقتى شوعىرلانۋى جاعىندا جاڭالىق جاراتۋدى جەبەپ، جالپى قوعامنىڭ اقىل پاراساتى مەن كۇش قايراتىن جاڭالىق جاراتۋ ارقىلى دامۋعا ويىستىرۋ كەرەك.
3) شارۋاشىلىق قۇرىلىمىن ستراتەگيالىق جاقتان رەتكە سالۋدى ەتەك الدىرۋ. بۇل ەكونوميكانىڭ دامۋ تاسىلىندە بۇرىلىس جاساۋدى تەزدەتۋدىڭ نەگىزگى باعىتى. سۇرانىم قۇرىلىمىن جاقسارتىپ، شارۋاشىلىق قۇرىلىمىن ساپالىلاندىرىپ، وڭىرلەر سەلبەسىپ دامۋدى جەبەۋدى جانە قالا-قالاشىقتانۋدى ىلگەرىلەتۋدى، ءسوز جوق، ءتۇيىن ەتە وتىرىپ، ەكونوميكانىڭ ءۇرتىس، اقاۋسىز دامۋىنا ورالعى بولاتىن كەلەلى قۇرىلىمدىق ماسەلەلەردى شەشۋگە كۇش سالۋ كەرەك. ىشكى سۇرانىمدى ۇلعايتۋ سىندى وسى ستراتەگيالىق ءتۇيىندى مىقتى مەڭگەرىپ، تۇتىنۋ سۇرانىمىن ۇلعايتۋدىڭ باياندى مەحانيزمىن ورناتۋدى جەدەلدەتۋ، تۇرعىنداردىڭ تۇتىنۋ مۇمكىندىكتەرىن اشىپ، قارجىلاندىرۋدىڭ لايىقتى ارتۋىن ساقتاپ، ەل ءىشى بازارىنىڭ كولەمىن ۇلعايتۋ كەرەك. تۇلعالىق شارۋاشىلىقتى دامىتۋ سىندى وسى ءبىر بەرىك نەگىزدى مىقتى مەڭگەرىپ، تۇلعالىق شارۋاشىلىقتىڭ دامۋىنا اناعۇرلىم ءتيىمدى ساياساتتىق شارالاردى قولدانىپ، سۇرانىمدى جەتەكتەۋدى كۇشەيتىپ، گۇلدەنىپ كەلە جاتقان ستراتەگيالىق شارۋاشىلىقتىڭ، وزىق جاساۋ كاسىبىنىڭ اقاۋسىز دامۋىن جەبەۋ كەرەك، ءداستۇرلى شارۋاشىلىقتىڭ تيپىن جاڭالاپ، دارەجەسىن جوعارىلاتۋدى جەدەلدەتىپ، قىزمەت وتەۋ كاسىبىنىڭ، وتە موتە، وسىزامانعى قىزمەت وتەۋ كاسىبىنىڭ دامىپ زورايۋ اياق الىسىن ىلگەرىلەتۋ، نەگىزدىك قۇرىلعىلار مەن نەگىزدىك شارۋاشىلىقتى قۇرۋدى لايىقتى ورنالاستىرۋ كەرەك. جاڭا ۇرپاق ينفورماتسيا نەگىزدىك قۇرىلعىلارىن قۇرىپ، وسىزامانعى ينفورماتسيالىق تەحنيكا شارۋاشىلىعى جۇيەسىن دامىتىپ، ينفورماتسيا حاۋىپسىزدىگىن قامتاماسىزداندىرۋ جۇيەسىن اقاۋسىزداندىرىپ، ينفورماتسيا تورابى تەحنيكاسىنىڭ كەڭ كولەمدە قولدانىلۋىن ىلگەرىلەتۋ كەرەك. ءىرى، ورتاشا كاسىپورىنداردىڭ وزەكتى باسەكەلىك قۋاتىن جوعارىلاتىپ، شاعىن، ۇساق كاسىپورىنداردىڭ، وتە-موتە، عىلىم-تەحنيكالىق سيپات العان شاعىن، ۇساق كاسىپورىنداردىڭ دامۋىنا قولداۋ كورسەتۋ كەرەك. وڭىرلىك دامۋدىڭ جالپى تۇلعالىق ستراتەگياسىن جالعاستى اتقارىپ، جەر-جەردىڭ سالىستىرمالى باسىمدىلىعىن تولىق ساۋلەلەندىرۋ، باتىس بولەكتى قاۋىرت اشۋدى الدىمەن ىلگەرىلەتۋ، شىعىس سولتۇستىك ءوڭىر سىندى بايىرعى ونەركاسىپ بازالارىن جالپى جۇزدىك گۇلدەندىرۋ، ورتا بولەك رايونداردىڭ وركەندەپ دامۋىن بارىنشا جەبەۋ، شىعىس بولەك رايونداردىڭ الدىمەن دامۋىنا بەلسەنە قولداۋ كورسەتۋ كەرەك. سالالار بويىنشا كومەكتەسۋ سىندى كوپ ءتۇرلى فورمالار قولدانىپ، توڭكەرىستىك بايىرعى رايونداردى، ۇلتتىق رايونداردى، شەكارا رايونداردى، كەدەي رايونداردى سۇيەمەلدەۋ تەبىنىن كۇشەيتۋ كەرەك. قالالار شوعىرىنىڭ كولەمى مەن ورنالاسۋىن عىلمي پلانداپ، ورتا، شاعىن قالالار مەن شاعىن قالاشىقتاردىڭ شارۋاشىلىقتى دامىتۋ، الەۋمەتتىك قىزمەت وتەۋ، جۇمىستانۋعا تارتۋ جانە حالىقتى شوعىرلاندىرۋ جاعىنداعى رولىن كۇشەيتۋ كەرەك. نوپوس تۇزىمىنە رەفورما جۇرگىزۋدى جەدەلدەتىپ، اۋىل شارۋاشىلىعىنان اۋىسقانداردى قالالاندىرۋ اياق الىسىن ءتارتىپتى ىلگەرىلەتىپ، قالا-قالاشىقتاعى نەگىزگى الەۋمەتتىك قىزمەت وتەۋ تۇراقتى تۇرعىنداردى تۇگەل قامتۋدى جۇزەگە اسىرۋعا قۇلشىنۋ كەرەك.
4) قالا مەن اۋىلدىڭ دامۋىن ءبىر تۇلعالاندىرۋدى ىلگەرىلەتۋ. اۋىل شارۋاشىلىعى، اۋىل-قىستاق، ديقاندار ماسەلەسىن ويداعىداي شەشۋ بۇكىل پارتيا قىزمەتىنىڭ ەڭ ماڭىزدى ءتۇيىنى، قالا مەن اۋىلدىڭ دامۋىن ءبىر تۇلعالاندىرۋ اۋىل شارۋاشىلىعى، اۋىل-قىستاق، ديقاندار ماسەلەسىن شەشۋدىڭ ءتۇبىرلى جولى. قالا مەن اۋىلدىڭ دامۋىن ءبىرتۇتاس جوسپارلاۋدىڭ تەبىنىن كۇشەيتىپ، اۋىل-قىستاق دامۋىنىڭ ومىرشەڭدىگىن ارتتىرىپ، قالا مەن اۋىلدىڭ پارقىن بىرتىندەپ ازايتىپ، قالا مەن اۋىلدىڭ قاتار گۇلدەنۋىن جەبەۋ كەرەك. ونەركاسىپتىڭ قايتا اينالىپ اۋىل شارۋاشىلىعىن دەمەۋ، قالالاردىڭ اۋىل-قىستاقتارعا قولداۋ بەرۋ جانە كوپ بەرۋ، از الۋ، جانداندىرۋ باعىتىنا تاباندى بولىپ، اۋىل شارۋاشىلىعىن قۋاتتاندىرىپ، ديقاندارعا يگىلىك جەتكىزۋ، ديقانداردى اۋقاتتاندىرۋ ساياساتىنىڭ تەبىنىن ارتتىرىپ، قالىڭ ديقانداردىڭ وسىزاماندانۋ بارىسىنا تەڭ قاتىناسىپ، وسىزاماندانۋدىڭ جەتىستىكتەرىنەن ورتاق يگىلىكتەنۋىنە مۇمكىندىك جاراتۋ كەرەك. وسىزامانعى اۋىل شارۋاشىلىعىن دامىتۋدى تەزدەتىپ، اۋىل شارۋاشىلىعىنىڭ جالپى ءوندىرىس قۋاتىن ارتتىرىپ، مەملەكەتتىڭ استىق حاۋىپسىزدىگىنە جانە ماڭىزدى اۋىل شارۋاشىلىعى ونىمدەرىمەن ۇتىمدى قامداۋعا شىنايى كەپىلدىك ەتۋ كەرەك. مەملەكەتتىڭ نەگىزدىك قۇرىلعىلارى قۇرىلىسى مەن قوعامدىق ىستەردى دامىتۋدىڭ باستى ءتۇيىنىن اۋىل-قىستاقتارعا اۋدارىپ، جاڭاشا اۋىل-قىستاق قۇرىلىسىن جانە كەدەيلەردى گۇلدەندىرۋ جولىمەن سۇيەمەلدەۋدى ىشكەرىلەي ىلگەرىلەتىپ، اۋىل-قىستاقتىڭ وندىرىستىك، تۇرمىستىق شارت-جاعدايىن جان-جاقتىلى جاقسارتۋ كەرەك. ديقانداردىڭ كىرىسىن ارتتىرۋدى كۇش سالا جەبەپ، ديقانداردىڭ كىرىسىنىڭ ءۇرتىس، ءبىرشاما تەز ارتۋىن ساقتاۋ كەرەك. اۋىل-قىستاق نەگىزگى شارۋاشىلىق تۇزىمىنە تاباندى بولىپ جانە ونى كەمەلدەندىرىپ، ديقانداردىڭ جەردى كوتەرمەگە الىپ شارۋاشىلىق جۇرگىزۋ ۇقىعىن، ءۇي-جايلىق جەرىن پايدالانۋ ۇقىعىن، كوللەكتيۆتىك تابىس ءبولىسى ۇقىعىن زاڭ بويىنشا قورعاپ، كوللەكتيۆتىك شارۋاشىلىق قۋاتىن زورايتىپ، ديقانداردىڭ كاسىپتىك سەلبەستىگى مەن جارنالىق سەلبەستىگىن دامىتىپ، جاڭاشا شارۋاشىلىق سۋبيەكتتەرىن جەتىلدىرۋ، ءتۇرلى فورماداعى كولەمدى شارۋاشىلىقتى دامىتىپ، اۋىل شارۋاشىلىعى تيجاراتىنىڭ ۇتىمدىلانۋى، ارنايىلانۋى، ۇيىمدانۋى، قوعامدانۋى ءوزارا ۇشتاستىرىلعان جاڭاشا جۇيەسىن ورناتۋ كەرەك. جەردى وتكىزىپ الۋ تۇزىمىنە رەفورما جاساپ، ديقانداردىڭ جەر قۇنىنىڭ ارتۋىنان تۇسكەن تابىستان الاتىن ۇلەسىنىڭ سالىستىرماسىن ارتتىرۋ كەرەك. قالا مەن اۋىلدىڭ دامۋىن ءبىر تۇلعالاندىرۋ جاعىنداعى ءتۇزىلىس-مەحانيزمدى كەمەلدەندىرۋدى تەزدەتىپ، ءبىر تۇلعالانداندىرۋدى قالا-اۋىل پلانى، نەگىزدىك قۇرىلعىلارى، الەۋمەتتىك قىزمەت وتەۋ جاقتارىنان ىلگەرىلەتۋگە كۇش سالىپ، قالا-اۋىل فاكتورلارىنىڭ تەڭدىك ايىرباسى مەن الەۋمەتتىك بايلىقتىڭ تەڭگەرىلمەلى ىڭعايلانۋىن جەدەلدەتىپ، ونەركاسىپ پەن اۋىل شارۋاشىلىعىنىڭ، قالا مەن اۋىلدىڭ ونەركاسىپ ارقىلى اۋىل شارۋاشىلىعىن جەبەيتىن، قالا ارقىلى اۋىل-قىستاقتاردى جەتەكتەيتىن، ونەركاسىپ پەن اۋىل شارۋاشىلىعى ءبىر-بىرىنە تيىمدىلىك جەتكىزەتىن، قالا مەن اۋىل ءبىر تۇلعالانعان جاڭاشا قاتىناسىن قالىپتاستىرۋ كەرەك.
5) اشىق ۇستالاتىن شارۋاشىلىق ورەسىن جاپپاي جوعارىلاتۋ. ەكونوميكانىڭ جەر شارىلانۋىنىڭ جاڭا جاعدايىنا ۇيلەسۋ ءۇشىن ەسىكتى اشىق ۇستاۋدىڭ اناعۇرلىم بەلسەندى دە ىرىقتى ستراتەگياسىن اتقارىپ، ءوزارا تيمدىلىك جەتكىزىپ، تەڭ يگىلىك كورەتىن، كوپ نەگىزدى، تەڭگەرىلمەلى، حاۋىپسىز، ونىمدىلىگى جوعارى اشىق ۇستالاتىن شارۋاشىلىق جۇيەسىن كەمەلدەندىرۋ كەرەك. سىرتقا باعىتتالعان شارۋاشىلىقتىڭ دامۋ تاسىلىندە بۇرىلىس جاساۋدى تەزدەتىپ، ەسىكتى اشىق ۇستاۋدا قۇرىلىمدى ساپالىلاندىرۋ، ءورىس اشىپ ىشكەرىلەۋ، تيىمدىلىكتى جوعارىلاتۋ باعىتىنا قاراي بۇرىلىس جاساۋدى ىلگەرىلەتۋ كەرەك. ەسىكتى اشىق ۇستاۋ ۇلگىسىندە جاڭالىق جاراتىپ، تەڭىز جاعالاۋىن، ىشكى قۇرلىق ءوڭىرىن، شەكارا وڭىرلەردى اشىق ۇستاۋدا باسىمدىلىقتارى ارقىلى ءوزارا تولىقتاۋدى جەبەپ، حالىقارالىق ەكونوميكالىق سەلبەستىك پەن باسەكەگە جەتەلەيتىن اشىق ۇستالاتىن وڭىرلەردى قالىپتاستىرىپ، ەسىكتى اشىق ۇستاۋدا وڭىرلىك دامۋدى جەتەكتەيتىن اشىق ۇستالعان بيىكتەردى جەتىلدىرۋ كەرەك. ەكسپورت پەن يمپورتقا تەڭ ءمان بەرۋگە تاباندى بولىپ، ساۋدا ساياساتى مەن شارۋاشىلىق ساياساتىن سايكەستىرۋدى كۇشەيتىپ، ەكسپورتتىق باسەكەنىڭ تەحنيكانى، ايگىلى ماركانى، ساپانى، قىزمەت وتەۋدى وزەك ەتكەن تىڭ باسىمدىلىقتارىن قالىپتاستىرۋ، وڭدەۋ ساۋداسىنىڭ تيپىن وزگەرتىپ، دارەجەسىن جوعارىلاتۋدى جەدەلدەتۋ، قىزمەت وتەۋ ساۋداسىن دامىتىپ، سىرتقى ساۋدانىڭ تەڭگەرىلمەلى دامۋىن ىلگەرى باستىرۋ كەرەك. شەتەل قارجىسىنان پايدالانۋدىڭ جالپىلىق باسىمدىلىعى مەن جالپى تۇلعالىق تيىمدىلىگىن جوعارىلاتىپ، قارجى، تەحنيكا، اقىل پاراسات ەنگىزۋدىڭ ورگانيكالى ۇشتاسۋىن ىلگەرىلەتۋ كەرەك. سىرتقا شىعۋدىڭ اياق الىسىن تەزدەتىپ، كاسىپورىنداردىڭ حالىقارالانعان شارۋاشىلىق جۇرگىزۋ قۋاتىن ارتتىرىپ، دۇنيە جۇزىلىك دەڭگەيدەگى ەل ارالىق سەرىكتىكتەردەن ءبىر توبىن جەتىستىرۋ كەرەك. ەكى جاقتىلى، كوپ جاقتىلى، وڭىرلىك، كىشى وڭىرلىك ەسىكتى اشىق ۇستاۋدى جانە سەلبەستىكتى ءبىرتۇتاس پلانداپ، ەركىن ساۋدا رايونى ستراتەگياسىن اتقارۋدى تەزدەتىپ، كورشى ەلدەرمەن بولعان ءوزارا بايلانىس پەن اۋىس-كۇيىستى ىلگەرىلەتۋ كەرەك. حالىقارالىق ەكونوميكالىق حاۋىپ-قاتەرگە توتەپ بەرۋ قۋاتىمىزدى جوعارىلاتۋىمىز كەرەك.
ءبىز ءسوزسىز، سەنىمدى بەرىكتەپ، ەكونوميكالىق ءتۇزىلىس رەفورماسىن جان-جاقتىلى ىشكەرىلەي تەرەڭدەتۋ مەن ەكونوميكانىڭ دامۋ تاسىلىندە بۇرىلىس جاساۋدى تەزدەتۋ سىندى وسى جاپالى شايقاستىڭ جەڭىسىنە جەتىپ، ەلىمىزدىڭ ەكونوميكالىق دامۋىنىڭ ومىرشەڭدىگى مەن باسەكەلىك قۋاتىن تىڭ ورەگە كوتەرەيىك.
5. جۇڭگوشا سوتسياليستىك ساياسي دامۋ جولىمەن جۇرۋگە جانە ساياسي ءتۇزىلىس رەفورماسىن ىلگەرىلەتۋگە تاباندى بولۋ
حالىق دەموكراتياسى ‐ پارتيامىز باستان-اقىر بيىك ۇستايتىن شۇعىلالى تۋ. رەفورما جاسالىپ، ەسىك اشىق ۇستالعاننان بەرى، ءبىز سوتسياليستىك دەموكراتيانى دامىتۋ بارىسىنداعى ۇنامدى-ۇنامسىز تاجىريبەلەردى قورىتىندىلاپ، حالىق دەموكراتياسى سوتسياليزمنىڭ جان تامىرى ەكەندىگىن باسا دارىپتەپ، مەملەكەتتىڭ بارلىق بيلىگىنىڭ حالىققا ءتان بولۋىنا تاباندى بولىپ، ساياسي ءتۇزىلىس رەفورماسىن، سوتسياليستىك دەموكراتيالىق ساياسي قۇرىلىسىن ۇزدىكسىز ىلگەرىلەتۋدە كەلەلى ىلگەرىلەۋشىلىكتەرگە قول جەتكىزىپ، جۇڭگوشا سوتسياليستىك ساياسي دامۋ جولىن ءساتتى اشىپ جانە وعان تاباندى بولىپ، ەڭ كەڭ كولەمدى حالىق دەموكراتياسىن جۇزەگە اسىرۋدىڭ دۇرىس باعىتىن بەلگىلەدىك.
ساياسي ءتۇزىلىس رەفورماسى ‐ ەلىمىزدىڭ جالپى بەتتىك رەفورماسىنىڭ ماڭىزدى قۇرامداس بولەگى. ساياسي ءتۇزىلىس رەفورماسىن ۇزدىكسىز بەلسەندى، ورنىقتى تۇردە ىلگەرىلەتىپ، اناعۇرلىم كەڭ كولەمدى، اناعۇرلىم جان-جاقتىلى، اناعۇرلىم اقاۋسىز حالىق دەموكراتياسىن دامىتۋ كەرەك. پارتيانىڭ باسشىلىعىن، حالىقتىڭ قوجا بولۋىن، ەلدى زاڭمەن باسقارۋدى ورگانيكالى تۇردە بىرلىككە كەلتىرۋگە تاباندى بولىپ، حالىقتىڭ قوجا بولۋىن كەپىلدەندىرۋدى نەگىز، پارتيا مەن مەملەكەتتىڭ جالىندى ومىرشەڭدىگىن ارتتىرىپ، حالىقتىڭ بەلسەندىلىگىن جۇمىلدىرۋدى نىسانا ەتىپ، سوتسياليستىك دەموكراتيانى كەڭەيتىپ، زاڭمەن باسقارىلاتىن سوتسياليستىك ەل بولۋ ادىمىمىزدى تەزدەتىپ، سوتسياليستىك ساياسي وركەنيەتتى كوركەيتۋ كەرەك. پارتيانىڭ باسشىلىق ءتاسىلى مەن بيلىك جۇرگىزۋ ءتاسىلىن جاقسارتۋعا اناعۇرلىم باسا ءمان بەرىپ، پارتيانىڭ حالىققا باسشىلىق ەتىپ، مەملەكەتتى ۇتىمدى تۇردە باسقارۋىنا كەپىلدىك ەتۋ؛ دەموكراتيالىق ءتۇزىمدى اقاۋسىزداندىرىپ، دەموكراتيانىڭ فورماسىن بايىتۋعا اناعۇرلىم باسا ءمان بەرىپ، حالىقتىڭ دەموكراتيالىق سايلاۋدى، دەموكراتيالىق شەشىم جاساۋدى، دەموكراتيالىق باسقارۋدى، دەموكراتيالىق باقىلاۋدى زاڭ بويىنشا جۇرگىزۋىنە كەپىلدىك ەتۋ؛ زاڭمەن باسقارۋدىڭ ەلدى باسقارۋ مەن قوعامدى باسقارۋداعى ماڭىزدى رولىن ساۋلەلەندىرۋگە اناعۇرلىم باسا ءمان بەرىپ، مەملەكەتتىڭ زاڭ ءتۇزىمىنىڭ بىرلىگىن، بەدەلىن، مارتەبەسىن قورعاپ، حالىقتىڭ كەڭ كولەمدى ۇقىق پەن ەركىندىكتەن زاڭ بويىنشا يگىلىكتەنۋىنە كەپىلدىك ەتۋ كەرەك. ءتۇزىم قۇرىلىسىن كورنەكتى ورىنعا قويىپ، ەلىمىزدىڭ سوتسياليستىك ساياسي ءتۇزىمىنىڭ ابزالدىلىعىن تولىق ساۋلەلەندىرىپ، ادامزاتتىڭ ساياسي وركەنيەتىنىڭ ءتيىمدى جەتىستىكتەرىنەن بەلسەنە ۇلگى الۋ كەرەك، باتىستىڭ ساياسي ءتۇزىمىنىڭ ۇلگىسىن كوشىرىپ قولدانۋعا استە بولمايدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
