- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگوشا سوتسياليزم جولىمەن اۋىتقىماي العا باسىپ، جاپپاي دوڭگەلەك داۋلەتتى قوعام قۇرۋ جولىندا كۇرەسەيىك(3)
2012.11.22 14:04
— قوعامدىق وندىرگىش كۇشتەردى ازات ەتۋگە جانە دامىتۋعا ءسوزسىز تاباندى بولۋ. قوعامدىق وندىرگىش كۇشتەردى ازات ەتۋ جانە دامىتۋ جۇڭگوشا سوتسياليزمنىڭ ءتۇبىرلى مىندەتى. ەكونوميكالىق قۇرىلىستى وزەك ەتۋگە، عىلمي دامۋدى باس تاقىرىپ ەتۋگە تاباندى بولىپ، ەكونوميكالىق، ساياسي قۇرىلىستى، مادەنيەت قۇرىلىسىن، قوعامدىق قۇرىلىستى، ەكولوگيالىق وركەنيەت قۇرىلىسىن جاپپاي ىلگەرىلەتىپ، ادامدى نەگىز ەتىپ، جالپىلاي سايكەسىمدى، باياندى عىلمي دامۋدى جۇزەگە اسىرۋ كەرەك.
— رەفورما مەن ەسىك اشۋدى ىلگەرىلەتۋگە ءسوزسىز تاباندى بولۋ. رەفورما مەن ەسىك اشۋ جۇڭگوشا سوتسياليزمگە تاباندى بولۋ جانە ونى دامىتۋدا ءسوزسىز باسىپ وتەتىن جول. رەفورمالاۋ مەن جاڭالىق جاراتۋ رۋحىن قاشان دا ەل باسقارىپ، بيلىك جۇرگىزۋدىڭ ءاربىر بۋىنىندا دايەكتىلەندىرۋ، سوتسياليستىك بازار شارۋاشىلىعى رەفورماسىنىڭ باعىتىنان، ەلدىڭ سىرتقا ەسىك اشۋ سىندى نەگىزگى ساياساتىنان تايماي، نازاريادا، تۇزىمدە، عىلىم-تەحنيكادا، مادەنيەتتە، سونداي-اق باسقا دا ءتۇرلى جاقتاردا جاڭالىق جاراتۋدى ۇزدىكسىز ىلگەرىلەتىپ، ەلىمىزدىڭ سوتسياليستىك ءتۇزىمىنىڭ ءوزىن-ءوزى كەمەلدەندىرۋى مەن دامۋىن ۇزدىكسىز جەبەۋ كەرەك.
— قوعامدىق تەڭدىك پەن ادىلدىكتى قورعاۋعا ءسوزسىز تاباندى بولۋ. تەڭدىك پەن ادىلدىك جۇڭگوشا سوتسياليزمنىڭ تابيعي تالابى. بۇكىل حالىقتىڭ بىرگە كۇرەسۋى، ەكونوميكا مەن قوعامنىڭ دامۋى نەگىزىندە قوعامدىق تەڭدىك پەن ادىلدىكتى قامتاماسىزداندىرۋ جونىنەن كەلەلى رول اتقاراتىن ءتۇزىم ورناتۋدى جەدەلدەتۋ، ۇقىق، وراي، ەرەجە تەڭدىگىن باستى مازمۇن ەتكەن قوعامدىق تەڭدىكتى قامتاماسىزداندىرۋ جۇيەسىن بىرتىندەپ قۇرىپ، ءادىل قوعامدىق ورتا جاراتۋعا قۇلشىنىپ، حالىقتىڭ تەڭ اتسالىسىپ، تەڭ دامۋ ۇقىعىن كەپىلدىك ەتۋ كەرەك.
— بىرگە اۋقاتتانۋ جولىمەن جۇرۋگە ءسوزسىز تاباندى بولۋ. بىرگە اۋقاتتانۋ جۇڭگوشا سوتسياليزمنىڭ ءتۇبىرلى پرينسيپى. سوتسياليزمنىڭ نەگىزگى ەكونوميكالىق تۇزىمىنە جانە ءبولىس تۇزىمىنە تاباندى بولىپ، حالىقتىق كىرىستىڭ ءبولىس جۇيەسىن رەتكە سالىپ، قايتا بولىسكە سالۋدىڭ تەڭشەۋ تەبىنىن ارتتىرىپ، كىرىس بولىسىندە پارىق ءبىرشاما ۇلكەن بولۋ ماسەلەسىن كۇش سالا شەشىپ، دامۋ جەتىستىكتەرىنەن تۇتاس حالىقتى ءتىپتى دە مول، ءادىل، تەڭ يگىلىكتەندىرىپ، بىرگە اۋقاتتانۋعا قاراي ورنىقتى قاداممەن ىلگەرىلەۋ كەرەك.
— قوعامنىڭ جاراسىمدىلىعىن جەبەۋگە ءسوزسىز تاباندى بولۋ. قوعامنىڭ جاراسىمدىلىعى جۇڭگوشا سوتسياليزمنىڭ ماندىك قاسيەتى. حالىق تۇرمىسىن قامتاماسىزداندىرۋدى جانە جاقسارتۋدى اناعۇرلىم كورنەكتى ورىنعا قويىپ، قوعامدىق باسقارۋدى كۇشەيتۋ جانە قوعامدىق باسقارۋدا جاڭالىق جاراتۋ، رەفورمانىڭ، دامۋدىڭ، ورنىقتىلىقتىڭ قاتىناسىن دۇرىس شەشىپ، ىنتىماقتاسۋعا بولاتىن بارلىق كۇشتەرمەن ىنتىماقتاسۋ، جاراسىمدىلىق فاكتورىن ەڭ زور مولشەردە ارتتىرۋ، قوعامنىڭ جاسامپازدىق ومىرشەڭدىگىن كۇشەيتىپ، حالىقتىڭ الاڭسىز تىرشىلىك ەتۋىنە، قوعامنىڭ تىنىش، ءتارتىپتى بولۋىنا، ەلدىڭ باياندى تىنىشتىعىنا شىنايى كەپىلدىك ەتۋ كەرەك.
— بەيبىت جولمەن دامۋعا ءسوزسىز تاباندى بولۋ. بەيبىت جولمەن دامۋ جۇڭگوشا سوتسياليزمنىڭ شارتسىز تالعامى. ەسىكتى سىرتقا اشىپ، سەلبەسىپ، تەڭ يگىلىكتەنۋ جولىمەن دامۋعا تاباندى بولىپ، ءوزىمىزدى بەيبىت حالىقارالىق ورتاعا قول جەتكىزۋ ارقىلى دامىتۋىمىز جانە دە وزىندىك دامۋىمىز ارقىلى دۇنيە بەيبىتشىلىگىن قورعاۋىمىز جانە جەبەۋىمىز، ءارقايسى تاراپتارمەن مۇددە توعىسۋىن ۇلعايتىپ، دۇنيەنى باياندى بەيبىتشىلىك ورناعان، بىرگە گۇلدەنىپ-كوركەيگەن جاراسىمدى ەتىپ قۇرۋدى ىلگەرىلەتۋ كەرەك.
— پارتيانىڭ باسشىلىعىنا ءسوزسىز تاباندى بولۋ. جۇڭگو كوممۋنيستىك پارتياسى جۇڭگوشا سوتسياليزم ىستەرىنىڭ باسشىلىق ۇيتقىسى. پارتيانى جالپى ءۇشىن قۇرۋعا، بيلىكتى حالىق ءۇشىن جۇرگىزۋگە تاباندى بولىپ، پارتيانىڭ باسشىلىعىن كۇشەيتۋ جانە جاقسارتۋ، پارتيانىڭ جالپى جاعدايدى مەڭگەرۋ، بارلىق جاقتى سايكەستىرۋدەگى باسشىلىق ۇيتقىلىق رولىنا تاباندى بولۋ، پارتيانىڭ العاباسارلىعى مەن كىرشىكسىزدىگىن ساقتاۋ كەرەك، پارتيانىڭ جاسامپازدىق، ۇيىسقىشتىق، جاۋىنگەرلىك قۋاتىن ارتتىرىپ، پارتيانىڭ عىلمي، دەموكراتيالى جانە زاڭ بويىنشا بيلىك جۇرگىزۋ ورەسىن كۇشەيتۋ كەرەك.
ءبىز ەلىمىزدىڭ ءالى دە، بۇدان بىلايدا ۇزاق ۋاقىت سوتسياليزمنىڭ العاشقى ساتىسىندا تۇراتىندىعى سىندى نەگىزگى جاعدايىنىڭ وزگەرمەيتىندىگىن، حالىقتىڭ كۇن سايىن ارتىپ وتىرعان ماتەريالدىق، مادەنيەتتىك قاجەتى مەن مەشەۋ قوعامدىق ءوندىرىس اراسىنداعى قايشىلىق سىندى قوعامدىق باستى قايشىلىقتىڭ، ەلىمىزدىڭ دۇنيەدەگى ەڭ ءىرى دامۋ ۇستىندەگى ەل بولۋداي حالىقارالىق ورنىنىڭ وزگەرمەيتىندىگىن سەرگەكتىكپەن تانىپ جەتۋىمىز كەرەك. قانداي جاعدايدا بولسىن، سوتسياليزمنىڭ العاشقى ساتىسى سىندى ەلىمىزدىڭ وسى ەڭ زور جاعدايىن مىقتى مەڭگەرىپ، مەيلى قايسى جاقتاعى رەفورما مەن دامۋدى ىلگەرىلەتۋدە بولسىن، سوتسياليزمنىڭ العاشقى ساتىسى سىندى وسى ەڭ زور ءىس جۇزىندىكتى بەرىك تياناق ەتۋىمىز كەرەك. پارتيانىڭ نەگىزگى لۋشيانى ‐ پارتيا مەن مەملەكەتتىڭ جان تامىرى، ءبىز ەكونوميكالىق قۇرىلىستى وزەك ەتۋدى ءتورت نەگىزگى پرينسيپپەن، رەفورمالاۋ، ەسىك اشۋ سىندى وسى ەكى نەگىزگى تۇيىنمەن بىرگە جۇڭگوشا سوتسياليزمنىڭ ۇلى امالياتىندا بىرلىككە كەلتىرۋگە تاباندى بولۋىمىز، ءارى قوراشسىنىپ جاسىماي، ءارى اسقاقتاپ تاسىماي، جۇڭگوشا سوتسياليزمنىڭ تىڭ جەڭىستەرىنە تىڭعىلىقتى قول جەتكىزۋىمىز كەرەك.
ءبىز مۇراتتى جادىمىزدا ساقتاپ، سەنىمدى بەكەمدەپ، اۋىتقىماي، بوساڭسىماي، قۇر الەككە سالىنباي، باتىلدىقپەن، قاجىرلىقپەن، قاجىماي تالماي كۇرەسەتىن بولساق، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى كەزىندە، ءسوزسىز جاپپاي دوڭگەلەك داۋلەتتى قوعام قۇرىپ شىعا الامىز، جاڭا جۇڭگو قۇرىلعاندىعىنىڭ 100 جىلدىعى كەزىندە، ءسوزسىز باي دا قۇدىرەتتى، دەموكراتيالى دا وركەنيەتتى، جاراسىمدى سوتسياليستىك وسىزاماندانعان ەل قۇرىپ شىعا الامىز. بۇكىل پارتيا مۇنداي جولعا، نازارياعا، تۇزىمگە باتىل سەنىم ورناتۋ كەرەك!
3. جاپپاي دوڭگەلەك داۋلەتتى قوعام قۇرۋدىڭ جانە رەفورما مەن ەسىك اشۋدى جاپپاي ىشكەرىلەتۋدىڭ نىساناسى
ىشكى-سىرتقى ءىرى جاعدايلارعا كوز جىبەرسەك، ەلىمىزدىڭ دامۋى ءالى دە كەلەلى ىستەردى ىستەۋگە بولاتىن ماڭىزدى ستراتەگيالىق وراي مەزگىلىندە تۇر. ءبىز ماڭىزدى ستراتەگيالىق وراي مەزگىلىنىڭ ءمانى مەن شارت-جاعدايدىڭ وزگەرىسىنە دۇرىس تۇجىرىم جاساپ، ورايدى جالپى جۇزدىك مەڭگەرىپ، سىندارعا بايسالدىلىقپەن توتەپ بەرىپ، ىرىقتىلىققا، باسىمدىلىققا، بولاشاققا قول جەتكىزىپ، 2020-جىلعا بارعاندا جاپپاي دوڭگەلەك داۋلەتتى قوعام قۇرۋ ۇلى نىساناسىن جۇزەگە اسىرۋعا شىنايى كەپىلدىك ەتۋىمىز كەرەك.
ەلىمىزدىڭ ەكونوميكالىق، قوعامدىق دامۋىنىڭ ءىس جۇزىندىگىنە نەگىزدەلە وتىرىپ، 16-، 17-قۇرىلتاي بەلگىلەگەن جاپپاي دوڭگەلەك داۋلەتتى قوعام قۇرۋ نىساناسى نەگىزىندە جاڭا تالاپتاردى قۇلشىنا ورىنداۋ كەرەك.
— ەكونوميكانى ءۇرتىس، اقاۋسىز دامىتۋ. ەكونوميكانىڭ دامۋ تاسىلىندە بۇرىلىس جاساۋدا كەلەلى ىلگەرىلەۋشىلىكتەرگە قول جەتكىزىپ، دامۋدىڭ تەڭگەرىمدىلىگى، سايكەسىمدىلىگى، باياندىلىعى كورنەكتى ارتقان نەگىزدە، ىشكى ءوندىرىستىڭ جالپى ءونىم قۇنى مەن قالا-اۋىل تۇرعىندارىنىڭ ادام باسىندىق ورتاشا كىرىسىنىڭ سالىستىرماسىن 2010-جىلعىدان ءبىر ەسە ارتتىرۋ كەرەك. عىلىم-تەحنيكالىق العاباسارلىقتىڭ ەكونوميكانىڭ ارتۋىنا قوساتىن ۇلەسىن زور دارەجەدە ارتتىرىپ، جاڭاشىل ەلدەر قاتارىنا ءوتۋ كەرەك. ونەركاسىپتەندىرۋدى نەگىزىنەن جۇزەگە اسىرىپ، ينفورماتسيالاندىرۋ ورەسىن زور مولشەردە جوعارىلاتۋ، قالا-قالاشىقتاندىرۋ ساپاسىن كورنەكتى جوعارىلاتۋ، اۋىل شارۋاشىلىعىن وسىزامانداندىرۋ مەن سوتسياليستىك جاڭاشا اۋىل-قىستاق قۇرىلىسىندا كەلەلى دامۋلارعا قول جەتكىزىپ، وڭىرلەردىڭ سايكەستى دامۋ مەحانيزمىن نەگىزىنەن قالىپتاستىرۋ كەرەك. سىرتقا ەسىك اشۋ ورەسىن ونان ارى جوعارىلاتىپ، حالىقاراداعى باسەكەلىك قۋاتىمىزدى كورنەكتى ارتتىرۋىمىز كەرەك.
— حالىق دەموكراتياسىن ۇزدىكسىز كەڭەيتۋ. دەموكراتيالىق ءتۇزىمدى ءتىپتى دە كەمەلدەندىرىپ، دەموكراتيا فورماسىن ءتىپتى دە مولايتىپ، حالىقتىڭ بەلسەندىلىگىن، ىرىقتىلىعىن، جاسامپازدىعىن ساۋلەلەندىرە ءتۇسۋ كەرەك. ەلدى زاڭمەن باسقارۋ سىندى نەگىزگى ستراتەگيانى جاپپاي تياناقتاندىرىپ، زاڭمەن باسقاراتىن ۇكىمەتتى نەگىزىنەن قۇرۋ، ءادىليانىڭ الەۋمەتتىك سەنىمدىلىك قۋاتىن جالعاستى جوعارىلاتۋ، ادامدىق ۇقىققا شىن مانىندە قۇرمەت ەتۋ جانە ونى قامتاماسىزداندىرۋ كەرەك.
— مادەنيەتتىڭ جۇمساق كۇشىن كورنەكتى كۇشەيتۋ. سوتسياليستىك وزەكتى قۇن جۇيەسىن جۇرت جۇرەگىنە تەرەڭ ۇيالاتىپ، ازاماتتاردىڭ وركەنيەتتىك ساپاسى مەن قوعامدىق وركەنيەت دارەجەسىن كورنەكتى جوعارىلاتۋ كەرەك. مادەنيەت ونىمدەرىن اناعۇرلىم مولايتىپ، الەۋمەتتىك مادەنيەتكە قىزمەت وتەۋ جۇيەسىن نەگىزىنەن قالىپتاستىرىپ، مادەنيەت شارۋاشىلىعىن حالىق شارۋاشىلىعىنداعى تىرەكتى شارۋاشىلىققا اينالدىرۋ، جۇڭحۋا مادەنيەتىن سىرتقا شىعارۋ اياق الىسىن ءتىپتى دە تەزدەتىپ، مادەنيەتتە قۋاتتى سوتسياليستىك ەل قۇرۋدىڭ نەگىزىن اناعۇرلىم بەكەمدەۋ كەرەك.
— حالىقتىڭ تۇرمىس ورەسىن جاپپاي جوعارىلاتۋ. نەگىزگى الەۋمەتتىك قىزمەت وتەۋدى تەڭگەرۋدى جالپى تۇلعالىق جاقتان جۇزەگە اسىرۋ كەرەك. جالپى حالىقتىڭ ءبىلىم الۋ ورەسىن جانە جاڭالىق جاراتۋ، دارىندىلاردى جەتىلدىرۋ ورەسىن كورنەكتى جوعارىلاتىپ، دارىندىلار مەن ادام كۇشى بايلىعى جاعىندا قۋاتتى ەلدەردىڭ قاتارىنان ورىن الىپ، وقۋ-اعارتۋدىڭ وسىزاماندانۋىن نەگىزىنەن جۇزەگە اسىرۋ كەرەك. جۇمىستانۋدى اناعۇرلىم مولايتۋ ءتيىس. كىرىس ءبولىسىنىڭ پارقىن كىشىرەيتىپ، ورتاشا كىرىستىلەردى مولايتۋ، سۇيەمەلدەنەتىن كەدەيلەردى زور مولشەردە ازايتۋ كەرەك. جالپى حالىقتى قوعامدىق قامتاماسىزدىققا قامتىپ، نەگىزگى ەمدەۋ-دەنساۋلىق ساقتاۋعا قىزمەت وتەۋدەن بارلىق ادام يگىلىكتەنەتىن بولۋ، تۇرعىن ۇيمەن قامتاماسىزداندىرۋ جۇيەسىن نەگىزىنەن قالىپتاستىرۋ، قوعامنىڭ جاراسىمدى ورنىقتىلىعىن ساقتاۋ كەرەك.
— بايلىق ۇنەمدەلەتىن، جاراسىمدى ورتالى قوعام قۇرىلىسىندا كەلەلى ىلگەرىلەۋگە جەتۋ. نەگىزگى تۇلعالىق فۋنكتسيالىق رايون قۇرىلىمىن نەگىزىنەن قالىپتاستىرىپ، بايلىقتى اينالمالى پايدالانۋ جۇيەسىن العاشقى ادىمدا ورناتۋ ءتيىس. ىشكى ءوندىرىستىڭ جالپى قۇنىنداعى ەنەرگيانىڭ بىرلىكتىك جۇمسالىمى مەن كومىرتەگى قوس توتىعىن شىعارۋدى زور مولشەردە تومەندەتىپ، باستى لاستىڭ جالپى شىعارىلۋ مولشەرىن كورنەكتى تۇردە ازايتۋ كەرەك. ورمانمەن كومكەرىلۋ مولشەرىن جوعارىلاتىپ، ەكولوگيالىق جۇيەنىڭ ورنىقتىلىعىن كۇشەيتىپ، ادامداردىڭ قونىستانۋ ورتاسىن كورنەكتى تۇردە جاقسارتۋ كەرەك.
جاپپاي دوڭگەلەك داۋلەتتى قوعام قۇرۋدا، ءسوزسىز ءتىپتى دە زور ساياسي باتىلدىقپەن جانە پاراساتتىلىقپەن، ورايدى قولدان بەرمەي ماڭىزدى سالالاردىڭ رەفورماسىن تەرەڭدەتىپ، عىلمي دامۋعا كەدەرگى بولاتىن بارلىق يدەيالىق كوزقاراستار مەن تۇزىلىستىك، مەحانيزمدىك كىناراتتاردى باتىل جويىپ، جۇيەسى كەمەلدى، عىلمي جۇيەگە تۇسكەن، اينالىمى ۇتىمدى ءتۇزىم جۇيەسىن ورناتىپ، ءتۇرلى جاقتاعى ءتۇزىمنىڭ ءتىپتى دە كەمەلدى، ءتىپتى دە تۇراقتى بولۋىنا مۇمكىندىك جاراتۋ كەرەك. سوتسياليستىك بازار شارۋاشىلىعى ءتۇزىلىسىن كەمەلدەندىرۋدى تەزدەتىپ، جالپىلىق مەنشىكتى نەگىزگى تۇلعا ەتكەن، ءتۇرلى مەنشىكتەگى شارۋاشىلىق قاتار دامىعان نەگىزگى شارۋاشىلىق ءتۇزىمىن كەمەلدەندىرۋ كەرەك، ەڭبەگىنە قاراي ءبولۋدى نەگىزگى تۇلعا ەتكەن، كوپ ءتۇرلى ءبولىس ءتاسىلى قاتار ءومىر سۇرەتىن ءبولىس ءتۇزىمىن، ماكرولىق تىزگىندەۋ جۇيەسىن كەمەلدەندىرىپ، بازاردىڭ بايلىقتى ىڭعايلاۋداعى نەگىزدىك رولىن اناعۇرلىم زور دارەجەدە، ءتىپتى دە كەڭ كولەمدە ساۋلەلەندىرۋ كەرەك، اشىق ۇستالعان شارۋاشىلىق جۇيەسىن كەمەلدەندىرىپ، ەكونوميكانىڭ ءتىپتى دە ۇتىمدى، ءادىل، ءۇرتىس دامۋىن ىلگەرىلەتۋ كەرەك. سوتسياليستىك دەموكراتيالىق ساياسيدى تۇزىمدەندىرۋ، جۇيەلەندىرۋ، تارتىپتەندىرۋ اياق الىسىن جەدەل ىلگەرىلەتىپ، ءارقايسى جىكتەر، سالالار بويىنشا ازاماتتاردىڭ ساياسيعا ارالاسۋىن ءتارتىپتى تۇردە كەڭەيتىپ، مەملەكەتتىڭ ءتۇرلى قىزمەتتەرىنىڭ زاڭمەن جۇرگىزىلۋىن جۇزەگە اسىرۋ كەرەك. مادەنيەت باسقارۋ ءتۇزىلىسىن جانە مادەنيەت ءوندىرىس-تيجاراتى مەحانيزمىن كەمەلدەندىرۋدى تەزدەتىپ، وسىزامانعى مادەنيەت بازارى جۇيەسىن نەگىزىنەن ورناتىپ، مەملەكەت مەنشىگىندەگى مادەنيەت مۇلىكتەرىن باسقارۋ ءتۇزىلىسىن اقاۋسىزداندىرىپ، جاڭالىق جاراتۋعا، جاسامپازدىققا ءتيىمدى مادەنيەتتىك دامۋ ورتاسىن قالىپتاستىرۋ كەرەك. عىلمي، ءونىمدى قوعامدىق باسقارۋ ءتۇزىلىسىنىڭ قالىپتاسۋىن تەزدەتىپ، قوعامدىق قامتاماسىزداندىرۋ جۇيەسىن كەمەلدەندىرۋ، نەگىزگى ساتىلارداعى الەۋمەتتىك قىزمەت وتەۋدى جانە قوعامدىق باسقارۋ تورابىن اقاۋسىزداندىرىپ، قوعامنىڭ ءتىپتى دە ومىرشەڭدىككە تولى ءارى جاراسىمدى، ءتارتىپتى بولۋىن شىنايى كەپىلدەندىرەتىن ءتۇزىلىس-مەحانيزم ورناتۋ كەرەك. ەكولوگيالىق وركەنيەت ءتۇزىمىن ورناتۋدى تەزدەتىپ، مەملەكەتتىڭ جەر بايلىعىن اشۋ، بايلىق قاينارىن ۇنەمدەۋ، ەكولوگيالىق ورتانى قورعاۋ جاقتارىنداعى ءتۇزىلىس-مەحانيزمدەردى اقاۋسىزداندىرىپ، وسىزامانداندىرۋ قۇرىلىسىندا ادام مەن تابيعات جاراسىمدى داميتىن جاڭا جاعدايدىڭ قالىپتاسۋىن جەبەۋ كەرەك.
دوڭگەلەك داۋلەتتى قوعامدى جاپپاي مەرزىمىندە قۇرىپ شىعۋ مىندەتى توتەنشە جاپالى، بۇكىل پارتياداعى جولداستار، ءسوز جوق، قاجىرلىلىقپەن قۇلشىنا ىستەپ، قايسارلىقپەن كۇرەسۋلەرى كەرەك. مەملەكەت اۋىل-قىستاقتار مەن ورتا، باتىس بولەك رايوندار جونىنەن سۇيەمەلدەۋ تەبىنىن ارتتىرىپ، وسى رايونداردىڭ رەفورما جاساپ، ەسىك اشۋىن تەزدەتىپ، دامۋ قۋاتىن ارتتىرىپ، حالىق تۇرمىسىن جاقسارتۋىنا قولداۋ كورسەتەدى. شارت-جاعدايى كەلەتىن جەرلەردىڭ وسىزامانداندىرۋ قۇرىلىسىندا جالعاستى الدىڭعى لەكتە ءجۇرىپ، بۇكىل ەلدىڭ رەفورما جانە دامۋ ىستەرىنە ءتىپتى دە زور ۇلەس قوسۋىنا دەم بەرەدى.
4. سوتسياليستىك بازار شارۋاشىلىعى ءتۇزىلىسىن كەمەلدەندىرۋدى جانە ەكونوميكانىڭ دامۋ تاسىلىندە بۇرىلىس جاساۋدى تەزدەتۋ
شارۋاشىلىق قۇرىلىسىن وزەك ەتۋ ‐ ەلدى كوركەيتۋدەگى شەشۋشى فاكتور، دامۋ ‐ ءالى دە ەلىمىزدەگى بارلىق ماسەلەنى شەشۋدىڭ تەتىگى. ەكونوميكانىڭ ءۇرتىس، اقاۋسىز دامۋىن جەبەگەندە عانا، مەملەكەتتىڭ گۇلدەنىپ قۇدىرەتتەنۋىنە، حالىقتىڭ باقىتتى، الاڭسىز تىرشىلىك ەتۋىنە، قوعامنىڭ جاراسىمدى، ورنىقتى بولۋىنا ماتەريالدىق نەگىز قالاۋعا بولادى. دامۋ ‐ بۇلجىماس اقيقات سىندى ستراتەگياعا ءسوزسىز تاباندى بولۋ، ودان استە اۋىتقىماۋ كەرەك.
قازىرگى جۇڭگودا، دامۋ بۇلجىماس اقيقات دەگەنگە تاباندى بولۋدىڭ ماندىك تالابى ‐ عىلمي دامۋعا تاباندى بولۋ بولىپ تابىلادى. عىلمي دامۋدى نەگىزگى تاقىرىپ، ەكونوميكانىڭ دامۋ تاسىلىندە بۇرىلىس جاساۋدى جەدەلدەتۋدى نەگىزگى جەلى ەتۋ ەلىمىز دامۋىنىڭ جالپى جاعدايىنا ساياتىن ستراتەگيالىق تالعام. ىشكى-سىرتقى ەكونوميكالىق جاعدايدىڭ جاڭا وزگەرىسىنە ۇيلەسىپ، ەكونوميكالىق دامۋدىڭ جاڭا ءتاسىلىن تەز قالىپتاستىرىپ، دامۋدى ىلگەرىلەتۋدىڭ ءتۇيىنىن ساپانى جوعارىلاتۋ مەن ونىمدىلىكتى ارتتىرۋعا قاراي اۋدارۋ، ءتۇرلى بازار سۋبيەكتتەرىنىڭ دامۋداعى تىڭ ومىرشەڭدىگىن شابىتتاندىرۋعا، جاڭالىق جاراتۋ ارقىلى دامۋدى جەبەۋدىڭ تىڭ قوزعاۋشى كۇشىن ارتتىرۋعا، وسىزامانعى شارۋاشىلىق دامۋىنىڭ جاڭا جۇيەسىن ورناتۋعا، اشىق شارۋاشىلىقتى دامىتۋدىڭ جاڭا باسىمدىلىعىن جەتىلدىرۋگە كۇش سالىپ، ەكونوميكانىڭ دامۋىن ىشكى سۇرانىم ارقىلى، اسىرەسە تۇتىنۋ سۇرانىمى ارقىلى جەبەۋگە، وسىزامانعى قىزمەت وتەۋ مەن ستراتەگيالىق گۇلدەنىپ كەلە جاتقان شارۋاشىلىق ارقىلى جەتەلەۋگە، عىلىم-تەحنيكا العاباسارلىعى، ەڭبەكشىلەردىڭ ساپاسىن جوعارىلاتۋ، باسقارۋدا جاڭالىق جاراتۋ ارقىلى جەبەۋگە، بايلىقتى ۇنەمدەۋ مەن اينالمالى شارۋاشىلىق ارقىلى ىلگەرىلەتۋگە، قالا مەن اۋىلدىڭ وڭىرلىك دامۋى ارقىلى سايكەستى جەبەۋگە ءتىپتى دە كوبىرەك سۇيەنۋ ارقىلى باياندى دامۋدىڭ تەبىنىن ۇزدىكسىز كۇشەيتۋ كەرەك.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
