جوعارى مەكتەپ ەمتيحانى جونىندەگى جەلىلەس كەسكىن
مەملەكەت جوعارى مەكتەپكە جاڭا قابىلدانعان وقۋشىلاردىڭ وقۋعا تۇسۋىنە مىناداي ساياساتتار ارقىلى دەم بەرەدى
2022.07.22 15:48 كەلۋ قاينارى : حالىق تورابى
مەكتەپكە قابىلداۋ ۇقتىرۋىن تاپسىرىپ العان سوڭ، كەيبىر اتا – انالار مەن وقۋشىلاردىڭ ەڭ ۋايىمدايتىنى — وقۋ قاراجاتى. ەمتيحان بەرگەن وقۋشى ءوزى اڭساعان جوعارى مەكتەپكە وتسە دە، ەكونوميكالىق جاعدايدىڭ سەبەبىنەن وقي الماي قالۋدان الاڭدايدى. مەكتەپكە قابىلداۋ ۇقتىرۋىن تاپسىرىپ العان سوڭ، ەگەر ەكونوميكالىق جاقتا قيىنشىلىعىڭىز بولسا، ودان الاڭداپ كەتپەڭىز. بۇگىن ءبىز وقۋ قاراجاتىن كەشىرىم ەتۋگە نەمەسە قارجىلاي كومەك بەرۋگە قاتىستى ساياساتتاردى بىرگە شولىپ شىعايىق.
وقۋعا تۇسۋدەن بۇرىن ۋايىمداماڭىز
بىرىنشىدەن، مەملەكەت جاعىنان ستۋدەنتتەرگە نەسيە بەرىلەدى
وتباسىندا قيىنشىلىق بار وقۋشىلار مەملەكەت جاعىنان ستۋدەنتتەرگە بەرىلەتىن نەسيەنى الۋعا ءوتىنىش بەرۋ ارقىلى وقۋ قاراجاتى مەن جاتاق قاراجاتىن شەشىم ەتە الادى، بۇل نىسان بويىنشا ءار وقۋشىعا جىلىنا ەڭ جوعارى بولعاندا 8000 يۋان نەسيە بەرىلەدى، مەكتەپتى بىتىرگەنشە، ءوسىمىن مەملەكەت مىندەتىنە الادى. مەملەكەت جاعىنان ستۋدەنتتەرگە بەرىلەتىن نەسيەنى ءوزىڭىز تۇرعان جەردە نەمەسە مەكتەپ تۇرعان جەردە ءوتىنىش بەرۋ ارقىلى الۋىڭىزعا بولادى، ءبىر جىل ىشىندە مەملەكەت جاعىنان ستۋدەنتتەرگە بەرىلەتىن وسى ەكى ءتۇرلى نەسيەنىڭ بىرەۋىن عانا تاڭداپ ءوتىنىش بەرۋىڭىزگە بولادى.
ەكىنشىدەن، مەكتەپكە بارىپ تىزىمدەلۋدەن بۇرىن قارجىلاي كومەك بەرۋ نىسانىنا ءوتىنىش بەرۋىڭىزگە بولادى
ورتا، باتىس بولەكتەن كەلگەن وقۋشىنىڭ وتباسىندا ەكونوميكالىق جاقتا قيىنشىلىق ەرەكشە اۋىر بولسا، مەكتەپكە بارىپ تىزىمدەلگەنگە دەيىن قارجىلاي كومەك بەرۋ نىسانىنا ءوتىنىش بەرۋىنە بولادى، بۇل نىسان مەكتەپكە تىزىمدەلگەنگە دەيىنگى قاتىناس قاراجاتىن جانە وقۋعا قابىلدانعاننان كەيىنگى قىسقا مەرزىمدەگى تۇرمىس قاراجاتىن شەشىم ەتەدى. وقۋشىنىڭ جەرگىلىكتى ورىنداعى اۋدان دارەجەلى وقۋ – اعارتۋ تاراۋىنان كەڭەس سۇراۋ ارقىلى بىتىرۋىنە بولادى. ورتا، باتىس بولەكتەگى 20 نەشە ءوڭىر، ونىڭ ىشىندە شينجياڭ ۇيعۇر اۆتونوميالى رايونى، شينجياڭ ءوندىرىس – قۇرىلىس بيڭتۋانى قامتىلادى.
ۇشىنشىدەن، جاسىل ارنا ارقىلى قيىنشىلىعى اۋىر وقۋشىلارعا كومەك بەرىلەدى
وقۋعا جاڭا قابىلدانعان ستۋدەنتتىڭ وتباسىندا ەكونوميكالىق جاقتاعى قيىنشىلىعى وتە اۋىر بولىپ، وقۋ قاراجاتى مەن جاتاق قاراجاتىن ۋاقىتشا تابا الماسا، مەكتەپكە بارىپ تىزىمدەلگەن كەزدە، جوعارى مەكتەپتە اشىلعان «جاسىل ارنا» ارقىلى الدىمەن مەكتەپكە كىرۋ رەسميەتىن بىتىرۋىنە بولادى. مەكتەپكە كىرگەن سوڭ، جوعارى مەكتەپتەگى قارجىلاي كومەك بەرۋگە جاۋاپتى ورىندار وقۋشىنىڭ ناقتى جاعدايىنا قاراي وتىرىپ، وقۋشىنىڭ قيىنشىلىق دارەجەسىن تۇراقتاندىرىپ، ءتۇرلى شارالار قولدانۋ ارقىلى وقۋشىعا قارجىلاي كومەك بەرەدى.
مەكتەپكە قابىلدانعان سوڭ ۋايىمداماڭىز
مەكتەپكە قابىلدانعان سوڭ، ناتيجەسى ۇزدىك ستۋدەنتتەر مەملەكەتتىك سيلىق قاراجاتى، جىگەرلەندىرۋ سيلىق قاراجاتى، شينجياڭدىق ستۋدەنتتەرگە ارنالعان سيلىق قاراجاتى، سونداي – اق، ءارقايسى مەكتەپتەر دەربەس ورنالاستىرعان سيلىق قاراجاتى قاتارلىلاردان يگىلىكتەنە الادى. سونىمەن بىرگە، مەكتەپ جاڭا قابىلدانعان ستۋدەنتتىڭ وتباسىنىڭ ەكونوميكالىق جاعدايىنا نەگىزدەلە وتىرىپ، قيىنشىلىق دارەجەسىن تۇراقتاندىرىپ، سايكەستى قارجىلاي كومەك بەرۋ ءتاسىلى مەن قارجىلاي كومەك بەرۋ ولشەمىن تۇراقتاندىرادى. مۇنان سىرت، اسكەري مىندەت وتەۋ، پەداگوگيكالىق تەگىن كاسىپتەردەن وقۋ نەمەسە نەگىزگى ساتىعا بارىپ كاسىپتەنۋدى تاڭداۋ جولدارى ارقىلى وقۋ قاراجاتىن تولىقتاپ تولەۋ، ستۋدەنتتىڭ اتىنان قارىزدى قايتارۋ ساياساتىنان يگىلىكتەنۋگە بولادى.
ءبىرىنشى، مەملەكەتتىك سيلىق قاراجاتى
بۇل سيلىق قاراجاتى مەملەكەتتىڭ وقۋشى قابىلداۋ جوسپارى كولەمىندەگى تولىق كۇندىك تولىق كۋرس، ارناۋلى كۋرس وقىپ جاتقان ەرەكشە ۇزدىك وقۋشىلارعا بەرىلەدى، جىلىنا ءار وقۋشىعا 8000 يۋان بەرىلىپ، مەملەكەت ءبىرتۇتاس جاساتقان داڭق كۋالىگى تاراتىلادى.
ەكىنشى، مەملەكەتتىك جىگەرلەندىرۋ سيلىق قاراجاتى
بۇل سيلىق قاراجاتى مەملەكەتتىڭ وقۋشى قابىلداۋ جوسپارى كولەمىندەگى تولىق كۇندىك تولىق كۋرس، ارناۋلى كۋرس وقىپ جاتقان ءمورالى مەن ۇيرەنۋ ناتيجەسى بىردەي ۇزدىك وقۋشىلارعا بەرىلەدى، ءار وقۋشىعا جىلىنا 5000 يۋان بەرىلەدى.
ۇشىنشىدەن، مەملەكەت جاعىنان ستۋدەنتتەرگە بەرىلەتىن كومەك قاراجاتى
بۇل كومەك قاراجاتى مەملەكەتتىڭ وقۋشى قابىلداۋ جوسپارى كولەمىندەگى تولىق كۇندىك تولىق كۋرس، ارناۋلى كۋرس، دايىندىق كلاس وقىپ جاتقان، وتباسىندا ەكونوميكالىق جاقتا قيىنشىلىق بار ستۋدەنتتەرگە بەرىلەدى، قارجىلاي كومەك بەرۋ ولشەمى ورتا ەسەپپەن جىلىنا ءار وقۋشىعا 3300 يۋان بولادى.
بۇلاردان سىرت، پەداگوگيكالىق كاسىپتەردى تەگىن وقىتۋ نىسانى بويىنشا، سونداي – اق، ورتا، باتىس بولەكتەگى دامۋى كەنجەلەۋ وڭىرلەرگە ۇزدىك وقىتۋشىلاردى باعىتتامالى تاربيەلەۋ جوسپارى (قىسقارتىلىپ ۇزدىك وقىتۋشى تاربيەلەۋ جوسپارى دەپ اتالادى) بويىنشا پەداگوگيكا كاسىبىن وقىعان وقۋشىلار وقۋ قاراجاتىن، جاتاق قاراجاتىن تاپسىرمايدى، مۇنان سىرت، تۇرمىستىق كومەك قاراجاتقا يە بولادى. شاقىرۋ بويىنشا قوسىنعا بارىپ اسكەري بورىش وتەۋ بارىسىندا سەرجانتتىققا قابىلدانعان، قوسىننان شەگىنگەن سوڭ وقۋىن قالپىنا كەلتىرگەن نەمەسە قايتادان وقۋعا تۇسكەن ستۋدەنتتەرگە باعىتتاي وتىرىپ، وقۋ قاراجاتىن تولەپ بەرۋ، مەملەكەت جاعىنان ستۋدەنتتەرگە ارنالعان نەسيەنى وقۋشىنىڭ اتىنان قايتارۋ، وقۋ قاراجاتىن ازايتۋ نەمەسە كەشىرىم ەتۋ ساياساتتارى اتقارىلادى. ورتالىقتاعى تاراۋلارعا قاراستى جوعارى مەكتەپتەردەن وقۋ تاۋىساتىن جىلدىقتاعى ستۋدەنتتەردىڭ ءوز ەركىمەن ورتا، باتىس بولەكتەگى وڭىرلەردەگى جانە جاپالى، شەكارا، شالعاي وڭىرلەردەگى نەگىزگى ساتىداعى ورىنعا بارىپ كاسىپتەنگەن، قىزمەت وتەگەن جىل مەرزىمى 3 جىلدان جوعارى بولسا (3 جىلدى قامتيدى)، وقۋ قاراجاتى تولەنەدى نەمەسە مەملەكەت جاعىنان ستۋدەنتتەرگە بەرىلگەن نەسيە وقۋشىنىڭ اتىنان قايتارىلادى.
جوعارىدا ءتۇرلى سيلىق قاراجاتتارى، كومەك قاراجاتتارى جانە ساياساتتىق قوسىمشا قاراجاتتار ارقىلى ستۋدەنتتىڭ ەكونوميكالىق اۋىرتپالىعىن جەڭىلدەتۋ جولدارىن باياندادىق، مۇنان سىرت، ستۋدەنتتەر مەكتەپتىڭ ۇيىمداستىرۋىندا، وقۋدان سىرت ۋاقىتتارىن پايدالانىپ، ءوز ەڭبەگى ارقىلى زاڭدى تۇردە ەڭبەكاقىعا يە بولىپ، ۇيرەنۋ جانە تۇرمىس شارت – جاعدايىن جاقسارتا الادى. ستۋدەنتتەردىڭ قاجەتىن قاناعاتتاندىرۋمەن بىرگە، ولاردىڭ ۇيرەنۋىنە ىقپال جاساماۋعا كەپىلدىك ەتۋدى العى شارت ەتە وتىرىپ، مەكتەپ اۋلاسىندا وقىتۋ كومەكشىسى، عىلىمي زەرتتەۋ كومەكشىسى، اكىمشىلىك باسقارۋ كومەكشىسى جانە مەكتەپتە الەۋمەتتىك قىزمەت وتەۋشى قاتارلى قىزمەت ورىندارى دايىندالادى. وقۋشىلاردىڭ ءوز قاجەتىنە قاراي تۇراقتاپ ىستەۋىنە نەمەسە ۋاقىتشا ىستەۋىنە بولادى.
كەلۋ قاينارى: حالىق تورابى
قاتىستى اقپاراتتار:
جوعارى مەكتەپ ەمتيحانىنان سوڭ، تالاپ كەستەسىن قالاي تولتىرۋ كەرەك
جوعارى مەكتەپ ەمتيحانىنا قاتىستى الدامكوستىكتەن قالاي ساقتانعان ءجون
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
