ورتالىق اسكەري ىستەر كوميتەتى «1 - تامىز وردەنىن» جانە داڭقتى اتاق بەرۋ سالتىن وتكىزدى
شي جينپيڭ «1 - تامىز وردەنىنىڭ» يەگەرلەرىنە وردەن جانە كۋالىك بەرىپ، داڭقتى اتاق العان ورىندارعا قامقالى سيلىق تۋىن تاراتتى
2022.07.28 16:37 كەلۋ قاينارى : حالىق تورابى
 |
7 – ايدىڭ 27 - كۇنى ورتالىق اسكەري ىستەر كوميتەتىنىڭ «1 - تامىز وردەنىن» جانە داڭقتى اتاق بەرۋ سالتى بەيجيڭدەگى 1 - تامىز عيماراتىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ «1 - تامىز وردەنىنىڭ» يەگەرلەرىنە وردەن جانە كۋالىك بەرىپ، داڭقتى اتاق العان ورىندارعا قامقالى سيلىق تۋىن تاراتتى. سۋرەتتە: شي جينپيڭ «1 - تامىز وردەنىنە» يە بولعان جولداستارمەن توپتىق سۋرەتكە تۇسۋدە. سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
|
شينحۋا اگەنتتىگى، 7 - ايدىڭ 27 – كۇنى، بەيجيڭ (ءتىلشى مەي چاڭۋەي). جۇڭگو حالىق ازاتتىق ارمياسى قۇرىلعانىنىڭ 95 جىلدىعىن قۇتتىقتاۋ قارساڭىندا، ورتالىق اسكەري ىستەر كوميتەتى 7 - ايدىڭ 27 - كۇنى بەيجيڭدە «1 - تامىز وردەنىن» جانە داڭقتى اتاق بەرۋ سالتىن سالتاناتپەن وتكىزدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ «1 - تامىز وردەنىنىڭ» يەگەرلەرىنە وردەن جانە كۋالىك بەرىپ، داڭقتى اتاق العان ورىندارعا قامقالى سيلىق تۋىن تاراتتى.
1 - تامىز عيماراتىنداعى سالت وتكىزىلگەن الاڭدا اسكەري بولىمدەگى كوماندير - جاۋىنگەرلەردىڭ جانە اكىمشىلىك قىزمەتكەرلەردىڭ ۋاكىلدەرى رەتتى ساپ تۇزەپ، الاڭ ايبىندى دا دۋماندى بەينەگە شومدى. تۇستەن كەيىن ساعات 4 تە مىلتىعىن سەرت ۇستاعان 18 قۇرمەت قاراۋىلى نىق قاداممەن الاڭعا كىرىپ، ەكى جاققا ءبولىنىپ، قاسقايىپ تۇردى، ماراپاتتاۋ سالتى باستالعاندا تۇتاس الاڭداعىلار مەملەكەت ءانىن اسقاقتاتا شىرقادى. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتى ءتوراعاسىنىڭ ورىنباسارى شۇي چيلياڭ شي جينپيڭ قول قويعان ورتالىق اسكەري ىستەر كوميتەتىنىڭ «1 - تامىز وردەنىن» جانە داڭقتى اتاق بەرۋ بۇيرىعىن وقىدى، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتى ءتوراعاسىنىڭ ورىنباسارى جاڭ يوۋشيا سالتتى باسقاردى.
«1 - تامىز وردەنىنە» يە بولعان دۋ فۋگو، چيان چيحۋ، نيە حايشىڭ قاتارلى جولداستار رەتىمەن الدىعا شىقتى، شي جينپيڭ ولارعا وردەن تاعىپ، كۋالىك بەرىپ، ولارمەن بىرگە ەستەلىك سۋرەتكە ءتۇستى.
وسىدان كەيىن شي جينپيڭ «جەردەن اۋەگە اتىلاتىن باسقارىلمالى بومبى ۇزدىك لاگەرى» داڭقتى اتاعىن العان اۋە ارمياسى جەردەن اۋەگە اتىلاتىن باسقارىلمالى بومبى بەلگىلى ءبولىمىنىڭ 2 - يىڭىنا قامقالى سيلىق تۋىن ۇسىندى.
وردەن بەرۋ سالتى اسقاق ارميا ءانى اۋەنىمەن اياقتادى. شي جينپيڭ «1 - تامىز وردەنىنە» يە بولعان جولداستارمەن توپتىق سۋرەتكە ءتۇستى.
ورتالىق اسكەري ىستەر كوميتەتىنىڭ مۇشەلەرى ۋەي فىڭحى، لي زوچىڭ، مياۋ حۋا، جاڭ شىڭمين، اسكەري ىستەر كوميتەتى ورگانىنىڭ تاراۋلارىنداعى، ارميانىڭ بەيجيڭدە تۇراتىن قاتىستى ورىندارىنداعى نەگىزگى جاۋاپتى جولداستار، وردەنگە يە بولعان جانە مەملەكەتتىك داڭق اتاعىن العان ارميامىزداعى قاھارمان ۇلگىلەردىڭ ۋاكىلدەرى، وسى رەتكى «1 - تامىز وردەنى» يەگەرلەرىنىڭ تۋىس - تۋعاندارىنىڭ ۋاكىلدەرى قاتارلىلار سالتقا قاتىناستى.
كەلۋ قاينارى: حالىق تورابى
 |
7 – ايدىڭ 27 - كۇنى ورتالىق اسكەري ىستەر كوميتەتىنىڭ «1 - تامىز وردەنىن» جانە داڭقتى اتاق بەرۋ سالتى بەيجيڭدەگى 1 - تامىز عيماراتىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ «1 - تامىز وردەنىنىڭ» يەگەرلەرىنە وردەن جانە كۋالىك بەرىپ، داڭقتى اتاق العان ورىندارعا قامقالى سيلىق تۋىن تاراتتى. سۋرەتتە: شي جينپيڭ داڭقتى اتاق العان ورىندارعا قامقالى سيلىق تۋىن تاراتۋدا. سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
