«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
جۇڭگو حالىق ازاتتىق ارمياسى قۇرىلعانىنىڭ 90 جىلدىعىن قۇتتىقتاۋ جينالىسىندا سويلەنگەن ءسوز
2022.08.01 16:53 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 31 - كۇنى، بەيجيڭ. 8 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 15 - سانىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ ماڭىزدى ماقالاسى −− «جۇڭگو حالىق ازاتتىق ارمياسى قۇرىلعانىنىڭ 90 جىلدىعىن قۇتتىقتاۋ جينالىسىندا سويلەنگەن ءسوز» جاريالانادى.
ماقالادا مىنالار دارىپتەلدى: حالىق ارمياسىنىڭ شۇعىلالى تاريحى قىزىل قانمەن، قىرشىن ومىرمەن قالىپتاسقان، ماڭگى ءبىزدىڭ ەستە ساقتاۋىمىزعا تاتيدى. حالىق ارمياسىنىڭ تاريحي تاجىريبەلەرى جاپالى ىزدەنىستەردەن كەلگەن، ءبىزدىڭ ماڭگى ساۋلەلەندىرۋىمىزدى قاجەت ەتەدى. حالىق ارمياسىنىڭ تاريحي دامۋى ادالدىقپەن جاۋاپكەرلىك ارقالاپ، ءبىزدى ماڭگى العا باسۋعا ىنتالاندىرادى. جۇڭحۋا ۇلتى ۇلى گۇلدەنۋدى، جۇڭگو حالقى اناعۇرلىم تاماشا تۇرمىستى جۇزەگە اسىرۋ ءۇشىن، ءسوز جوق، حالىق ارمياسىن دۇنيە جۇزىندەگى ماڭداي الدى ارميا ەتىپ جەدەل قۇرىپ شىعۋ كەرەك.
ماقالادا مىنالار اتاپ كورسەتىلدى: 1927 - جىلى 8 - ايدىڭ 1 - كۇنى نانچاڭ قامالىنان اتىلعان مىلتىق داۋىسى پارتيامىزدىڭ گومينداڭ كەرتارتپاشىلارىنا قارۋلى كۇشپەن قارسى تۇرۋىنىڭ شىمىلدىعىن اشتى. سول كەزدەن باستاپ جۇڭگو كوممۋنيستىك پارتياسىنىڭ باسشىلىعىنداعى حالىق ارمياسى جۇڭگو حالقىنىڭ ازاتتىعىنا، باقىتىنا ەرلىكپەن ۇمتىلىپ، جۇڭحۋا ۇلتىنىڭ تاۋەلسىزدىگىن، گۇلدەنۋىن كوزدەيتىن تاريحي تاسقىنعا ەرلىكپەن ات سالىسىپ، جۇڭگو حالقىنىڭ جانە جۇڭحۋا ۇلتىنىڭ تاعدىرىمەن تىعىز بايلانىستى. 90 جىلدان بەرى حالىق ارمياسى سوعىس ءورتىن باستان كەشىرىپ، بوگەتتەردى بۇزىپ، وراسان زور قۇرباندىقتار بەرىپ، شۇعىلالى جەڭىستەرگە قول جەتكىزىپ، پارتيا مەن حالىققا ۇلى تاريحي ەڭبەك ءسىڭىردى.
ماقالادا مىنالار اتاپ كورسەتىلدى: ۇزاق ۋاقىتتىق اماليات بارىسىندا حالىق ارمياسى پارتيا تۋى استىندا العا باسىپ، ارميا قۇرۋ، ارميانى جونگە سالۋ پرينسيبىن قالىپتاستىرىپ، حالىقتىق سوعىستىڭ ستراتەگياسى مەن تاكتيكاسىن دامىتىپ، ەرەكشە داڭقتى ءداستۇر مەن تاڭداۋلى ستيلدى جەتىلدىردى. حالىق ارمياسىنىڭ جەڭىستەن - جەڭىسكە جەتۋى جۇڭگو كوممۋنيستىك پارتياسى باسشىلىعىنىڭ ۇلى كۇشىن، مۇرات - سەنىمنىڭ ۇلى كۇشىن، رەفورما جاساۋدىڭ، جاڭالىق اشۋدىڭ ۇلى كۇشىن، جاۋىنگەرلىك رۋحتىڭ ۇلى كۇشىن ايگىلەدى، توڭكەرىستىك ءتارتىپتىڭ ۇلى كۇشىن ايگىلەدى، ارميا مەن حالىق ىنتىماعىنىڭ ۇلى كۇشىن ايگىلەدى. تاريح بىزگە مىنانى ۇعىندىردى: پارتيانىڭ مىلتىققا قولباسشىلىق ەتۋى − حالىق ارمياسىنىڭ ءمانى مەن تۇپكى ماقساتىن ساقتاۋدىڭ ءتۇبىرلى كەپىلى، بۇل − پارتيامىز قان توگىپ، وت كەشىپ كۇرەسۋ بارىسىندا شىعارعان بۇلجىماس اقيقات؛ وسكەلەڭ مۇرات - سەنىم − حالىق ارمياسىنىڭ ەرلىكپەن العا باسۋىنداعى رۋحاني كۇش؛ رەفورما جاساپ، جاڭالىق اشۋ، داۋىرمەن بىرگە ىلگەرىلەۋ − حالىق ارمياسىنىڭ ۇزدىكسىز دامۋىنداعى داڭعىل جول؛ سوعىس − زاتتىق بەلدەسۋ عانا ەمەس، ونان دا ماڭىزدىسى، رۋحاني كۇرەس؛ تارتىپشەڭدىك كۇشەيسە، توڭكەرىس جەڭىسكە جەتپەي قويمايدى؛ حالىقتىڭ تىلەگىنەن شىقسا، حالىقتىڭ قالاۋىن تاپسا، حالىقتىڭ كۇش - قۋاتىن شوعىرلاندىرسا، حالىق ارمياسى بارلىق جەردە جەڭىسكە جەتە الادى.
ماقالادا مىنالار اتاپ كورسەتىلدى: پارتيانىڭ 18 - قۇرىلتايىنان بەرى ءبىز پارتيانىڭ قولباسشىلىعىنا بويسۇناتىن، جەڭىستى شايقاس جۇرگىزە الاتىن، ستيلى تاڭداۋلى حالىق ارمياسىن قۇرۋ سىندى پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن العا قويىپ، اسكەري ىستەر ستراتەگياسىنا جەتەكشىلىك ەتۋدە داۋىرمەن بىرگە العا باسىپ جاڭالىق اشىپ، جاڭا جاعدايداعى اسكەري ىستەر ستراتەگيالىق باعىتىن بەلگىلەپ، حالىق ارمياسى ساياسي ەكولوگياسىن، ۇيىمدىق فورماتسياسىن، كۇش - قۋات جۇيەسىن، ستيل - وبرازىن جاڭالادى، حالىق ارمياسى ارميانى قۇدىرەتتەندىرۋدىڭ جۇڭگوشا جولىندا نىق قادام تاستادى. ارميانى قۇدىرەتتەندىرۋ ءىسىن ىلگەرىلەتۋدە، ءسوز جوق، پارتيانىڭ ارمياعا شارتسىز باسشىلىق ەتۋىندە بۇلجىماي تاباندى بولىپ، حالىق ارمياسىنىڭ پارتياعا ماڭگى ىلەسۋىنە كەپىلدىك ەتۋ؛ ءسوز جوق، پارتيانىڭ اسكەري ىستەرگە جەتەكشىلىك ەتۋ نازارياسىندا تاباندى بولىپ جانە ونى دامىتىپ، ماركسيزمدىك اسكەري ىستەر نازارياسىنىڭ جانە زامانىمىزداعى جۇڭگونىڭ اسكەري ىستەر امالياتى دامۋىنىڭ جاڭا ءورىسىن ۇزدىكسىز اشۋ؛ ءسوز جوق، نازاردى باستان - اياق سوعىس دايىندىعىنا، سوعىس جۇرگىزۋگە شوعىرلاندىرىپ، شاقىرعان زامان اتتانىسقا كەلەتىن، شايقاستا ءسوز جوق جەڭىپ شىعاتىن سايلاۋىت جاساق، ارىندى قوسىن سومداۋ؛ ساياسيدى باسشىلىققا الىپ ارميا قۇرۋدا، رەفورما ارقىلى ارميانى قۇدىرەتتەندىرۋدە، عىلىم - تەحنيكا ارقىلى ارميانى گۇلدەندىرۋدە، ارميانى زاڭمەن جونگە سالۋدا تاباندى بولىپ، قورعانىس پەن ارميانىڭ وسىزاماندانۋ دەڭگەيىن جاپپاي جوعارىلاتۋ؛ ءسوز جوق، ارميا مەن حالىقتىڭ توعىسا دامۋىن ىشكەرىلەي ىلگەرىلەتىپ، ارميا مەن حالىق ءبىر تۇلعالانعان مەملەكەتتىك ستراتەگيالىق جۇيە مەن قابىلەتتى قالىپتاستىرۋ؛ ءسوز جوق، بۇكىل ىنتا - پەيىلمەن حالىق ءۇشىن قىزمەت ىستەۋ ءتۇبىرلى ماقساتىندا تاباندى بولىپ، قاشان دا حالىق سەنەتىن، حالىق قولدايتىن، حالىق سۇيەتىن پەرزەنت اسكەر بولۋ كەرەك.
ماقالادا مىنالار اتاپ كورسەتىلدى: جۇڭگو باستان - اياق دۇنيە ءجۇزى بەيبىتشىلىگىنىڭ قۇرۋشىسى، دۇنيە جۇزىلىك دامۋدىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى بولادى، جۇڭگو ارمياسى باستان - اياق دۇنيە ءجۇزىنىڭ بەيبىتشىلىگىن قورعايتىن مىزعىماس كۇش بولادى. جۇڭگو ارمياسى حالىقارالىق اسكەري اۋىس - كۇيىستى، سەلبەستىكتى بۇرىنعىداي ورىستەتىپ، دۇنيە جۇزىلىك حاۋىپسىزدىك سىن - سايىسىنا بىرگە توتەپ بەرىپ، جۇڭگونىڭ حالىقارالىق ورنىنا ساي كەلەتىن جاۋاپكەرلىك پەن بورىشتى بەلسەنە اتقارىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە بەلسەنە ۇلەس قوسادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
