جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى اناعۇرلىم پارمەندى ستراتەگيالىق تىرەكپەن قامدايىق (باسماقالا)
− جۇڭگو حالىق ازاتتىق ارمياسى قۇرىلعانىنىڭ 95 جىلدىعىن قۇتتىقتايمىز
2022.08.01 16:56 كەلۋ قاينارى : حالىق تورابى
ارميا تۋى جەلمەن جەلبىرەپ، سوعىس دابىلى ەرلىكپەن العا باسۋعا شابىتتاندىرادى. بۇكىل ەل بويىنشا جوعارىدان تومەنگە دەيىن پارتيانىڭ 20 - قۇرىلتايىنىڭ اشىلۋىن قۋانا قارسى الۋ قارساڭىندا، جۇڭگو حالىق ازاتتىق ارمياسى قۇرىلعانىنىڭ 95 جىلدىعىن قارسى الىپ وتىرمىز. ءبىز بارلىق حالىق ازاتتىق ارمياسىنىڭ كوماندير - جاۋىنگەرلەرىن، قارۋلى ساقشى بولىمدەرىنىڭ وفيتسەر - اسكەرلەرىن، ارميانىڭ اكىمشىلىك قىزمەتكەرلەرىن، زاپاس مىندەتتەگى حالىق جاساقتارىن قىزۋ قۇتتىقتايمىز! ارميادان دەمالىسقا، زەينەتكە شىققان كادرلارعا، قۇربانداردىڭ، اسكەريلەردىڭ ءۇي ىشىندەگىلەرگە، قوسىننان شەگىنگەن اسكەريلەرگە شىن ىقىلاستى سالەم جولدايمىز!
«قۇدىرەتتى ارميا بولمايىنشا، قۇدىرەتتى وتاننىڭ بولۋى مۇمكىن ەمەس». 1927 - جىلى 8 - ايدىڭ 1 - كۇنى نانچاڭ قامالىنان اتىلعان مىلتىق داۋىسى تۇنگى اسپاندى جارىپ وتكەن ناجاعايداي جۇڭگو حالقىنا قاراڭعى تۇنەكتەن توڭكەرىستىڭ ءۇمىتىن، مۇشكىل جاعدايدا قايراتتانا العا ۇمتىلۋدىڭ كۇشىن كورسەتتى. سول كەزدەن باستاپ جۇڭگو كوممۋنيستىك پارتياسىنىڭ باسشىلىعىنداعى حالىق ارمياسى جۇڭگو حالقىنىڭ ازاتتىعىنا، باقىتىنا ەرلىكپەن ۇمتىلىپ، جۇڭحۋا ۇلتىنىڭ تاۋەلسىزدىگىن، گۇلدەنۋىن كوزدەيتىن تاريحي تاسقىنعا ەرلىكپەن ات سالىسىپ، جۇڭگو حالقىنىڭ جانە جۇڭحۋا ۇلتىنىڭ تاعدىرىمەن تىعىز بايلانىستى. جيڭگاڭشانداعى جاپا - ماشاقاتتى كۇرەستەن سان - ساناقسىز قيىن - قىستاۋ ۇزاق جورىققا دەيىن، وت ورانعان جاپون شاپقىنشىلارىنا قارسى سوعىستان توز – توزى شىققان ازاتتىق سوعىسىنا دەيىن، مەملەكەتتىڭ يەلىك ۇقىعىن، حاۋىپسىزدىگىن، تەرريتوريا تۇتاستىعىن باتىل قورعاۋ كۇرەسىنەن قاتەردەن اراشالاپ، اپاتتان قۇتقارىپ، حالىقتىڭ ءومىرى مەن مال - مۇلكىنىڭ حاۋىپسىزدىگىن قورعاۋ ءۇشىن قايسارلىقپەن شايقاسۋعا دەيىن، مەملەكەتتىڭ ەكونوميكالىق، قوعامدىق قۇرىلىسىنا قالتقىسىز كومەكتەسىپ، ۇلەس قوسۋدان ءوڭىردىڭ جانە دۇنيە ءجۇزىنىڭ بەيبىتشىلىگىن قورعاۋدىڭ ءىس جۇزىندىك ارەكەتىنە دەيىن، حالىق ارمياسى تار جول، تايعاق كەشۋلەردەن ءوتىپ، وراسان زور قۇرباندىقتار بەرىپ، شۇعىلالى جەڭىستەرگە قول جەتكىزىپ، پارتيا مەن حالىققا وشپەس ەڭبەك ءسىڭىردى، قىزىل اكىمياتتى قورعاۋدىڭ، ۇلتتىڭ ار - نامىسىن قورعاۋدىڭ بەرىك تىرەگى، وڭىرلىك جانە دۇنيە جۇزىلىك بەيبىتشىلىكتى قورعاۋدىڭ قۇدىرەتتى كۇشى بولا ءبىلدى. 95 جىلدىق شۇعىلالى جىلداردا حالىق ارمياسى پارتيا مەن حالىق ىستەرىنىڭ دامۋ اياق الىسىنا تىعىز ىلەسىپ، شايقاس بارىسىندا ەسەيىپ - ەرجەتىپ، مۇراگەرلىك ەتۋ بارىسىندا جاڭالىق اشىپ، قۇرىلىس بارىسىندا دامىپ، مىزعىماس قۇرىش قورعان قالىپتاستىردى.
مەملەكەتتى قۇدىرەتتەندىرۋ ءۇشىن، ءسوز جوق، ارميانى قۇدىرەتتەندىرۋ كەرەك، ارميا قۇدىرەتتى بولعاندا عانا مەملەكەت تىنىش بولادى. جۇڭگوشا سوتسياليزمدە تاباندى بولىپ جانە ونى دامىتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوز جوق، دامۋ مەن حاۋىپسىزدىكتى، مەملەكەتتى بايىتۋ مەن ارميانى قۇدىرەتتەندىرۋدى ءبىر تۇتاس جوسپارلاپ، مەملەكەت قورعانىسى مەن ارميانىڭ وسىزاماندانۋ اياق الىسىنىڭ مەملەكەتتىڭ وسىزاماندانۋ اياق الىسىمەن سايكەسۋىنە، اسكەري قابىلەتتىڭ مەملەكەتتىڭ ستراتەگيالىق قاجەتىمەن سايكەسۋىنە شىنايى كەپىلدىك ەتۋ كەرەك. پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى جۇڭگو ارمانىن، ارميانى قۇدىرەتتەندىرۋ ارمانىن جۇزەگە اسىرۋدى كوزدە ۇستاپ، پارتيانىڭ قولباسشىلىعىنا بويسۇناتىن، جەڭىستى شايقاس جۇرگىزە الاتىن، ستيلى تاڭداۋلى حالىق ارمياسىن قۇرىپ، حالىق ارمياسىن دۇنيە جۇزىندەگى ماڭداي الدى ارميا ەتىپ قۇرىپ شىعۋ سىندى پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن العا قويىپ، اسكەري ىستەر ستراتەگياسىنا جەتەكشىلىك ەتۋدە داۋىرمەن بىرگە العا باسىپ جاڭالىق اشىپ، جاڭا داۋىردەگى اسكەري ىستەر ستراتەگيالىق باعىتىن بەلگىلەپ، قورعانىس پەن ارميانىڭ وسىزاماندانۋىن جەدەلدەتۋ جونىندە ءبىرسىپىرا ستراتەگيالىق جوبا جانە ورنالاستىرۋ جاساپ، بۇكىل ارميانىڭ ارميانى قۇدىرەتتەندىرۋ ىستەرىنىڭ جاڭا جاعدايىن اشۋىنا جەتەكشىلىك ەتتى. پارتيانىڭ پارمەندى باسشىلىعىندا حالىق ارمياسىنىڭ ءتۇزىلىسى، قۇرىلىمى، جاعدايى، بەت - بەينەسى جاڭارىپ، تۇتاس تۇلعالىق، توڭكەرىستىك سيپاتتى قايتا سومداۋدى، قايتا رەتتەلىپ، قايتا جولعا شىعۋدى جۇزەگە اسىرىپ، ارميانى قۇدىرەتتەندىرۋدىڭ جۇڭگوشا جولىندا جاڭا ءداۋىر داستانىن ۇزدىكسىز جازىپ، جاڭا ءداۋىر كەلبەتىن ايگىلەپ، قايسارلىقپەن كۇرەس جۇرگىزۋ رۋحى مەن ءىس جۇزىندىك ارەكەتى ارقىلى مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعادى. 10 جىل ۇدەرە العا تارتىپ، ارميانى قۇدىرەتتەندىرۋ ىستەرىندە تاريحي تابىستارعا قول جەتتى، تاريحي وزگەرىستەر تۋىلدى، مۇنىڭ ەڭ ءتۇبىرلى سەبەبى، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ ارميانى قۇدىرەتتەندىرۋ يدەياسىنىڭ عىلمي جەتەكشىلىگىندە. اماليات مىنانى تالاسسىز دالەلدەدى: باس شۋجي شي جينپيڭ پارتيا ورتالىق كوميتەتىنىڭ ۇيىتقىسى، بۇكىل پارتيانىڭ ۇيىتقىسى رەتىندە رول ۇستاپ، جول نۇسقاپ وتىرعاندا، پارتيامىز شەكسىز قۇدىرەتتى العا باسۋ تاباندىلىعىنا يە بولادى، پارتيا مەن حالىق ىستەرى ەڭ ءتۇبىرلى كەپىلدىككە يە بولادى، حالىق ارمياسى ۇزدىكسىز العا باسۋ بەتالىسىنا، سەنىمىنە جانە كۇشىنە يە بولادى.
سەنىم شۇعىلاسى ارميانى قۇدىرەتتەندىرۋ جورىعىن نۇرلاندىردى؛ ءداۋىر تولقىنى ارميانى قۇدىرەتتەندىرۋ كۇشىن تاسقىنداتتى. پارتيانىڭ 100 جىلدىق كۇرەس ۇلى بارىسىن ەسكە الساق، پارتيانىڭ مىلتىققا قولباسشىلىق ەتۋىندە تاباندى بولىپ، ءوزىنىڭ حالىق ارمياسىن قۇرۋ − پارتيامىز قان توگىپ، وت كەشىپ كۇرەسۋ بارىسىندا شىعارعان كەلەلى قورىتىندى، توڭكەرىپ تاستاۋعا بولمايتىن اقيقات. پارتيانىڭ حالىق ارمياسىنا شارتسىز باسشىلىق ەتۋىندە تاباندى بولىپ، پارتيا نۇسقاعان بەتالىسقا قاراي ەرلىكپەن العا باسقاندا عانا حالىق ارمياسى ۇزدىكسىز دامىپ، زورايىپ، پارتيا مەن حالىق ىستەرى پارمەندى كۇش - قۋات تىرەگىنە يە بولادى. ءداۋىر قالاي دامىسا دا، جاعداي قالاي وزگەرسە دە، پارتيانىڭ حالىق ارمياسىنا شارتسىز باسشىلىعىندا تاباندى بولۋ − باستان - اياق ارميامىزدىڭ ماڭگى وزگەرمەس رۋحى، ماڭگى جوعالتپايتىن جان تامىرى، حالىق ارمياسى ءارقانداي ۋاقىتتا، ءارقانداي جاعدايدا پارتيانىڭ تۋىن تۋ، پارتيانىڭ بەتالىسىن باعىت، پارتيانىڭ ەركىن ەرىك ەتۋى كەرەك.
بۇگىنگى دۇنيە ءجۇزى 100 جىلدا بولماعان زور وزگەرىستەردى باستان كەشىرىپ وتىر، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى كەزەڭىندە تۇر، پارتيامىز حالىقتى باستاپ كوپتەگەن جاڭا تاريحي ەرەكشەلىككە يە ۇلى كۇرەس جۇرگىزۋدە. جاڭا تاريحي باستامادا ءبىز مىنانى اناعۇرلىم تەرەڭ سەزىندىك: جۇڭحۋا ۇلتىنىڭ ازاپ - بەينەتتەن قۇتىلۋى، جۇڭگو حالقىنىڭ ازاتتىقتى جۇزەگە اسىرۋى قاھارمان حالىق ارمياسىنا سۇيەنەدى؛ جۇڭحۋا ۇلتى ۇلى گۇلدەنۋدى جۇزەگە اسىرۋدا، جۇڭگو حالقى اناعۇرلىم تاماشا تۇرمىسقا قول جەتكىزۋدە، ءسوز جوق، حالىق ارمياسىن دۇنيە جۇزىندەگى بىرەگەي ارميا ەتىپ جەدەل قۇرىپ شىعۋ كەرەك. باس شۋجي شي جينپيڭ بىلاي دەپ ىشكەرىلەي اتاپ كورسەتتى: «جاپپاي سوتسياليستىك وسىزاماندانعان مەملەكەت قۇرىپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ تاريحي بارىسىندا، ءسوز جوق، قورعانىس پەن ارميا قۇرىلىسىن اناعۇرلىم ماڭىزدى ورىنعا قويىپ، قورعانىستى بەكەمدەۋ جانە ارميانى قۇدىرەتتەندىرۋ قۇرىلىسىن جەدەلدەتۋ كەرەك». العا باسۋ جولىندا داۋىرمەن بىرگە العا باسىپ، قورعانىس پەن ارميا قۇرىلىسىن كۇشەيتىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىنا قاراي ارشىندى قادام تاستاساق بولعانى، ءسوز جوق، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا اناعۇرلىم پارمەندى ستراتەگيالىق تىرەك ازىرلەي الامىز.
بۇل كۇندە ءبىز جۇڭحۋا ۇلتىنىڭ ۇلى گۇلدەنۋى نىساناسىنا تاريحتاعى ءارقانداي كەزدەگىدەن دە جاقىنداي تۇستىك، قۇدىرەتتى حالىق ارمياسىن قۇرۋعا تاريحتاعى ءارقانداي كەزدەگىدەن دە ارتىق مۇقتاجبىز. ەندى 5 جىلدان كەيىن ءبىز جۇڭگو حالىق ازاتتىق ارمياسى قۇرىلعانىنىڭ 100 جىلدىعىن قارسى الامىز. جاڭا داۋىردەگى ارميانى قۇدىرەتتەندىرۋ ىستەرىن ۇزدىكسىز ىلگەرىلەتۋدە، ءسوز جوق، شي جينپيڭ ارميانى قۇدىرەتتەندىرۋ يدەياسىن جاپپاي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن دايەكتىلەندىرىپ، قورعانىس پەن ارميانى وسىزامانداندىرۋدىڭ جاڭا ءۇش قادامدىق ستراتەگيالىق ورنالاستىرۋىن دايەكتىلەندىرىپ، ارميانى قۇدىرەتتەندىرۋدىڭ جۇڭگوشا جولىمەن جۇرۋدە تاباندى بولۋ كەرەك. پارتيانىڭ حالىق ارمياسىنا شارتسىز باسشىلىق ەتۋى سىندى ءتۇبىرلى پرينسيپ پەن تۇزىمدە بۇلجىماي تاباندى بولىپ، ارميانى ساياسي جولمەن قۇرۋدى، رەفورما ارقىلى قۇدىرەتتەندىرۋدى، عىلىم - تەحنيكا ارقىلى قۇدىرەتتەندىرۋدى، دارىندىلار ارقىلى قۇدىرەتتەندىرۋدى، زاڭمەن جونگە سالۋدى جاپپاي ىلگەرىلەتىپ، نازاردى باستان - اياق سوعىس دايىندىعىنا، سوعىس جۇرگىزۋگە شوعىرلاندىرىپ، شاقىرعان زامان اتتانىسقا كەلەتىن، شايقاستا ءسوز جوق جەڭىپ شىعاتىن سايلاۋىت جاساق، ارىندى قوسىن سومداۋ، سەنىمى قۇرىشتاي بەرىك، نانىمى قۇرىشتاي بەرىك، ءتارتىبى قۇرىشتاي بەرىك، جاۋاپكەرلىك ارقالاۋى قۇرىشتاي بەرىك قوسىن سومداپ، ەلىمىزدىڭ حالىقاراداعى ورنىنا ساي كەلەتىن، مەملەكەتتىڭ حاۋىپسىزدىگى مەن دامۋ مۇددەسىنە ۇيلەسەتىن بەرىك قورعانىس پەن قۇدىرەتتى حالىق ارمياسىن قۇرعاندا عانا، حالىق ارمياسى پارتيا مەن حالىق جۇكتەگەن جاڭا داۋىردەگى بورىش پەن مىندەتتى، ءسوز جوق، ويداعىداي اتقارا الادى.
95 جىل جاپالى ىزدەنىس جاسادى، 95 جىل قاجىماي - تالماي كۇرەس جۇرگىزدى، ءبىزدىڭ ىستەرىمىز ۇلى، مىندەتىمىز جاپالى، دامۋ بولاشاعىمىز شەكسىز نۇرلى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، «كىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، كۇش ۇستىنە كۇش قوسىپ، قايراتتانا العا ۇمتىلىپ، قاجىرلىلىقپەن ىستەپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتىمىزبەن قارسى الىپ، ارميا قۇرۋدىڭ 100 جىلدىعى كۇرەس نىساناسىن قۇلشىنا جۇزەگە اسىرىپ، مەملەكەتتى، ارميانى قۇدىرەتتەندىرۋدىڭ اناعۇرلىم شۇعىلالى داستانىن ۇزدىكسىز جازىپ، تاريح پەن داۋىرگە لايىق تىڭ شۇعىلالى ناتيجەلەردى ۇزدىكسىز جاراتايىق!
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
