ەل ءىشى - سىرتىنداعى جۇڭحۋا پەرزەنتتەرىنىڭ ىنتىماقتاسا كۇرەس جۇرگىزۋىن جەبەيىك
− باس شۋجي شي جينپيڭنىڭ ورتالىقتىڭ بىرلىكساپ قىزمەتى ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
«حالىق گازەتىنىڭ» شولۋشىسى
2022.08.02 17:51 كەلۋ قاينارى : حالىق تورابى
«بىرلىكساپ ىنتىماق ارقىلى جارىققا شىقتى، ىنتىماققا سۇيەنىپ كوركەيدى». ورتالىقتىڭ بىرلىكساپ قىزمەتى ماجىلىسىندە باس شۋجي شي جينپيڭ «بىرلىكساپ − پارتيانىڭ جاۋدى جەڭىپ، جەڭىسكە جەتۋدەگى، بيلىك جۇرگىزىپ، مەملەكەتتى كوركەيتۋدەگى ماڭىزدى اسىلى، ەل ءىشى - سىرتىنداعى بارلىق جۇڭحۋا پەرزەنتتەرىن ىنتىماقتاستىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى ماڭىزدى اسىلى» دەپ اتاپ كورسەتىپ، «ساياسي پارتيالار قاتىناسىنىڭ، ۇلت قاتىناسىنىڭ، ءدىن قاتىناسىنىڭ، جىكتەر قاتىناسىنىڭ، ەل ءىشى - سىرتىنداعى باۋىرلاستار قاتىناسىنىڭ جاراسىمدىلىعىن جەبەپ، ەل ءىشى - سىرتىنداعى جۇڭحۋا پەرزەنتتەرىنىڭ ىنتىماقتاسا كۇرەس جۇرگىزۋىن جەبەپ، جاپپاي سوتسياليستىك وسىزاماندانعان قۇدىرەتتى ەل قۇرىپ شىعۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا تەلەگەي ۇلى كۇش ۇيىستىرۋدى» دارىپتەدى.
جۇڭگو حالقى − ۇلى ىنتىماق رۋحىنا يە حالىق. نەشە مىڭ جىلدىق تاريح بارىسىندا جۇڭگو حالقى باستان - اياق ءبىر نيەتپەن ىنتىماقتاسىپ، تار جول، تايعاق كەشۋلەردەن بىرگە ءوتىپ، بىرلىككە كەلگەن كوپ ۇلتتى مەملەكەت قۇرىپ، ءبىر - بىرىنە قارايلاساتىن جۇڭحۋا ۇلتى ۇلى شاڭىراعىن قالىپتاستىردى. ىنتىماق − جۇڭگو حالقى مەن جۇڭحۋا ۇلتىنىڭ العا باسۋ جولىنداعى بارلىق حاۋىپ - قاتەر مەن سىن - سايىستى جەڭۋىنىڭ، جەڭىستەن - جەڭىسكە ۇزدىكسىز جەتۋىنىڭ ماڭىزدى كەپىلى. 100 جىلدان بەرى پارتيامىز بىرلىكساپتى باستان - اياق ماڭىزدى ورىنعا قويىپ، ەڭ كەڭ كولەمدى بىرلىكساپتى ۇزدىكسىز بەكەمدەپ جانە دامىتىپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرىپ، ورتاق كۇرەس جۇرگىزەتىن كۇشتەردى مۇمكىندىكتىڭ بارىنشا ۇيىستىردى. 100 جىلدان بەرى پارتيا مەن حالىق قول جەتكىزگەن بارلىق تابىستار − ىنتىماقتاسا كۇرەس جۇرگىزۋدىڭ ناتيجەسى، ىنتىماقتاسا كۇرەس جۇرگىزۋ − جۇڭگو كوممۋنيستىك پارتياسى مەن جۇڭگو حالقىنىڭ ەڭ كورنەكتى رۋحاني بەلگىسى. تاريح پەن اماليات ىنتىماقتاسا كۇرەس جۇرگىزۋ پارتيانىڭ حالىققا باسشىلىق ەتىپ، تاريحي ۇلى ىستەردى جاراتۋىندا ءسوزسىز باسىپ وتەتىن جول ەكەنىن تولىق دالەلدەدى. ءبىز ىنتىماقتاسا كۇرەس جاساۋ ارقىلى شۇعىلالى تاريح جاراتتىق، ىنتىماقتاسا كۇرەس جاساۋ ارقىلى كوركەم بولاشاق جاراتۋىمىز كەرەك. تەك پارتيانىڭ باسشىلىعىندا بۇكىل ەلدەگى ءار ۇلت حالقى ءبىر نيەتپەن ىنتىماقتاسىپ، جۇدىرىقتاي جۇمىلىپ، كۇرەس جۇرگىزۋگە باتىل، كۇرەس جۇرگىزۋگە شەبەر بولسا بولعانى، ءبىز، ءسوز جوق، ەرلىكپەن العا ۇمتىلاتىن، المايتىن قامالى جوق قۇدىرەتتى كۇش قالىپتاستىرىپ، ادامدى تاڭ قالدىراتىن جاڭا كەرەمەتتەردى ۇزدىكسىز جاراتا الامىز.
باس شۋجي شي جينپيڭ بىلاي دەپ دارىپتەدى: «جۇڭحۋا پەرزەنتتەرىنىڭ ۇلى ىنتىماعىن جەبەۋ − جاڭا داۋىردەگى وتانشىلدىق بىرلىكساپتىڭ تاريحي جاۋاپكەرلىگى». بۇگىنگى تاڭدا ۇزاق ۋاقىت كۇرەس جاساۋ ارقىلى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ اناعۇرلىم كەمەلدى تۇزىمدىك كەپىلگە، اناعۇرلىم بەرىك زاتتىق نەگىزگە، اناعۇرلىم ىرىقتى كۇشكە يە بولدى، ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي كەزدەگىدەن دە جاقىنداي تۇستىك، اناعۇرلىم سەنىمدى جانە قابىلەتتى بولدىق. نىساناعا جاقىنداعان سايىن، جاعداي نەعۇرلىم كۇردەلى، مىندەت نەعۇرلىم جاپالى بولعان سايىن، جۇڭگو كوممۋنيستىك پارتياسى باسشىلىعىنىڭ ساياسي ابزالدىعى مەن جۇڭگوشا سوتسياليزمنىڭ تۇزىمدىك ابزالدىعىن سولعۇرلىم ساۋلەلەندىرىپ، ءار جاقتىڭ اقىل - پاراساتى مەن كۇش - قۋاتىن ۇيىستىرىپ، ەل ءىشى - سىرتىنداعى جۇڭحۋا ۇلاندارىنىڭ ىنتىماقتاسا كۇرەس جاسايتىن قۇدىرەتتى بىرىككەن كۇشىن قالىپتاستىرۋ كەرەك. جاڭا داۋىردەگى وتانشىلدىق بىرلىكساپتىڭ تاريحي جاۋاپكەرلىگىن مىقتى يگەرىپ، جاڭا داۋىردەگى جاڭا جورىقتا پارتيانىڭ وزەكتى مىندەتىن ارقاۋ ەتىپ، زەيىن - زەردەنى، كۇش - قۋاتتى شوعىرلاندىرىپ، ۇلتتاردىڭ ۇلى ىنتىماعىن، بۇكىل ەل حالقىنىڭ ۇلى ىنتىماعىن، بۇكىل جۇڭحۋا ۇلاندارىنىڭ ۇلى ىنتىماعىن ۇزدىكسىز بەكەمدەپ جانە دامىتىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ەل ءىشى - سىرتىنداعى بارلىق جۇڭحۋا ۇلاندارىنىڭ ءبىر نيەت، ءبىر تىلەكتە بولاتىن جاندى جاعدايىن قالىپتاستىرساق، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ايبىندى كۇشىن، ءسوز جوق، ۇيىستىرۋعا بولادى.حالىقتىڭ قولداۋ - قولداماۋى، كۇش - قۋات سالىستىرماسى − پارتيا مەن حالىق ىستەرىنىڭ ءساتتى - ءساتسىز بولۋىن بەلگىلەيتىن تەتىك، ەڭ ۇلكەن ساياسي. بىرلىكساپ قىزمەتىنىڭ ماندىك تالابى − ۇلى ىنتىماق، ۇلى بىرلەسۋ، شەشەتىنى − جۇرت تىلەگى مەن كۇش - قۋات ماسەلەسى. مۇنداعى شەشۋشى ءتۇيىن − پارىقتاردى ساقتاپ، ورتاقتىققا ۇمتىلۋدا تاباندى بولىپ، «ىنتىماق - سىن – ىنتىماق» تاڭداۋلى ءداستۇرىن ساۋلەلەندىرىپ، الۋان تۇرلىلىككە قۇرمەت ەتۋ بارىسىندا بىردەيلىككە تالپىنىپ، ەڭ ۇلكەن ورتاق بولگىشتى تاۋىپ، ەڭ ۇلكەن سەنترلەس شەڭبەردى سىزۋ كەرەك. باس شۋجي شي جينپيڭ بىلاي دەپ ىشكەرىلەي اتاپ كورسەتتى: «سەنترلەس شەڭبەردى مىقتى ساقتاۋ مەن ورتاق تانىمدى كەڭەيتۋدىڭ قاتىناسىن ويداعىداي يگەرىپ، ورتاق تانىمدى ۇزدىكسىز ارتتىرىپ، تۇرلىشە پارتيا - توپتارداعى، تۇرلىشە ۇلتتاعى، تۇرلىشە جىكتەگى، تۇرلىشە شوعىرداعى، تۇرلىشە سەنىمدەگى، سونداي - اق تۇرلىشە قوعامدىق تۇزىمدە تۇرمىس كەشىرىپ جاتقان بارلىق جۇڭحۋا پەرزەنتتەرىن شىن مانىندە تۇگەل ىنتىماقتاستىرۋ كەرەك. كومەسكى ناتيجە مەن كورنەكتى ناتيجەنىڭ قاتىناسىن ويداعىداي يگەرىپ، دۇرىس ناتيجە كوزقاراسىندا تاباندى بولىپ، پارتيانىڭ بىرلىكساپ ىستەرىنىڭ ورنىقتى دا باياندى بولۋىن ىلگەرىلەتۋ كەرەك. پرينسيپتىك پەن يكەمدىلىكتىڭ قاتىناسىن ويداعىداي يگەرىپ، باعىت - ساياساتتاردىڭ پرينسيپتىگى مەن ءادىس - شارالاردىڭ يكەمدىلىگىن ۇشتاستىرۋعا شەبەر بولىپ ءارى ساياسي تۇرعىدا بەرىك تۇرۋ، ساياسي تومەنگى شەكتى باتىل ساقتاۋ، ءارى ناقتى ماسەلەگە ناقتى تالداۋ جاساپ، قىزمەت تاسىلىنە، ادىسىنە باسا ءمان بەرۋ كەرەك. ىنتىماق پەن كۇرەستىڭ قاتىناسىن ويداعىداي يگەرۋ ءارى كۇرەس جاساۋعا شەبەر بولىپ، كۇرەس قابىلەتىن كۇشەيتىپ، مىزعىماس ناعىز ىنتىماقتى قۇلشىنا قالىپتاستىرۋ كەرەك». جاڭا داۋىردەگى وتانشىلدىق بىرلىكساپتىڭ تاريحي جاۋاپكەرلىگىن ارقالاۋدا وسى بىرنەشە جاقتاعى قاتىناستى ويداعىداي يگەرىپ، جاڭا داۋىردەگى بىرلىكساپ قىزمەتىن ويداعىداي ىستەۋدىڭ ساياسي سانالىلىعىن، يدەيالىق سانالىلىعىن، ارەكەت سانالىلىعىن كۇشەيتىپ، ءىس جۇزىندىك جاعدايمەن ۇشتاستىرىپ، ءتۇرلى مىندەتتەردى دايەكتى تياناقتاندىرۋدى مىقتى يگەرىپ، بىرلىكساپتىڭ ىنتىماقتى، العا باسقان، ءورىس اشقان، جاندى تاماشا جاعدايىن ۇزدىكسىز بەكەمدەۋ جانە دامىتۋ كەرەك.
ىنتىماق − كۇش، كۇرەس بولاشاققا جول اشادى. ىنتىماقتى، بىرلىككە كەلگەن جۇڭحۋا ۇلتى − ەل ءىشى - سىرتىنداعى جۇڭحۋا ۇلاندارىنىڭ ورتاق تامىرى، ۇشان - تەڭىز جۇڭحۋا مادەنيەتى − ەل ءىشى - سىرتىنداعى جۇڭحۋا ۇلاندارىنىڭ ورتاق رۋحى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − ەل ءىشى – سىرتىنداعى جۇڭحۋا ۇلاندارىنىڭ ورتاق ارمانى. ءبىز شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ەڭ كەڭ كولەمدى وتانشىلدىق بىرلىكساپتى ۇزدىكسىز بەكەمدەپ جانە دامىتىپ، ەل ءىشى - سىرتىنداعى جۇڭحۋا ۇلاندارىنىڭ ىنتىماقتاسا كۇرەس جۇرگىزۋىن جەبەپ، ءبىر نيەتپەن جۇڭگو ارمانىن بىرگە سومداپ، بوگەتسىز العا باسىپ، ادامزاتتىڭ ۇلى ۋاقىت تاريحىندا جۇڭحۋا ۇلتىنىڭ ۇلى تاريحي ۋاقىتىن ۇزدىكسىز جاراتايىق!
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
