الدىڭعى جارتى جىلدا ماشينا ونەركاسىبىندە تيجارات كىرىسى 12 تريلليون 950 ميلليارد يۋان بولدى (جاڭا ساندى مالىمەت، جاڭا ءتۇيىن)
تۇتاس جىلدا ورنىقتى ارتۋدان ءۇمىت بار
2022.08.10 16:42 كەلۋ قاينارى : حالىق تورابى
«حالىق گازەتى»، 8 - ايدىڭ 9 – كۇنى، بەيجيڭ (ءتىلشى لي شينپيڭ). جۇڭگو ماشينا ونەركاسىبى بىرلەستىگى 8 - ايدىڭ 9 – كۇنى 2022 – جىلدىڭ العاشقى جارتىسىنداعى ماشينا ونەركاسىبىنىڭ ەكونوميكالىق اينالىم جاعدايىن جاريالادى. الدىڭعى جارتى جىلدا ماشينا ونەركاسىبىنىڭ جالپى تيجارات كىرىسى 12 تريلليون 950 ميلليارد يۋان بولىپ، سايكەس مەزگىلدەگىدەن %5.44 ارتقان. 6 - ايدا ماشينا ونەركاسىبىنىڭ تيجارات كىرىسى سايكەس مەزگىلدەگىدەن %14.73 ارتىپ، ارتۋ مولشەرى ۇقساس مەزگىلدەگى بۇكىل ەل بويىنشا ونەركاسىپتىڭ ورتاشا ورەسىنەن جوعارى بولعان.
سىرتقى ساۋدا ەكسپورتى ورنىقتى ارتتى. الدىڭعى جارتى جىلدا ماشينا ونەركاسىبىنىڭ يمپورت - ەكسپورت جالپى سوماسى 511 ميلليارد 360 ميلليون دوللارعا جەتىپ، بىلتىرعى سول تۇستاعىدان %3.99 ارتتى. مۇنىڭ ىشىندە ەكسپورت جالپى سوماسى 344 ميلليارد 120 ميلليون دوللار بولىپ، سايكەس مەزگىلدەگىدەن %10.41 ارتتى. اۆتوموبيل، قۇرىلىس ماشينالارى سياقتى ونىمدەردىڭ بەينەسى كورنەكتى بولىپ، الدىڭعى جارتى جىلدا اۆتوكولىكتىڭ تۇتاس ەكسپورت ەتىلۋ مولشەرى ءبىر ميلليون 200 مىڭنان اسىپ، بىلتىرعى سول تۇستاعىدان %41.4 ارتتى.
ءىشىنارا كاسىپتەردە ناتيجە كورنەكتى وبلدى. الدىڭعى جارتى جىلدا ماشينا ونەركاسىبىنىڭ بەي اۆتوموبيل كاسىبىنىڭ تيجارات كىرىسى 8 تريلليون 884 ميلليارد يۋان بولىپ، سايكەس مەزگىلدەگىدەن %10.29 ارتىپ، ماشينا ونەركاسىبىنىڭ ورتاشا ارتۋ قارقىنىنان 4.86 پايىز جوعارى بولدى؛ جالپى پايدا سوماسى 523 ميلليارد 876 ميلليون يۋان بولىپ، سايكەس مەزگىلدەگىدەن %4.17 ارتىپ، ماشينا ونەركاسىبىنىڭ ورتاشا ارتۋ قارقىنىنان 9.97 پايىز جوعارى بولدى.
جاسىل تيپكە بۇرىلىس جاساۋدا كورنەكتى ناتيجە جاراتىلدى. الدىڭعى جارتى جىلدا ماشينا ونەركاسىبى تازا ەنەرگيانى نەگىزگى تۇلعا ەتكەن جاڭاشا ەنەرگيامەن قامداۋ جۇيەسىن قۇرۋدى جاسىل قوزعاۋشى كۇشپەن قامدادى. دۇڭفاڭ ەلەكتر توبى دەربەس زەرتتەپ جاساعان چاڭلۇڭشان سۋ تارتىپ ەنەرگيا ساقتاۋ ەلەكتر ستانسياسىنىڭ 4 - ءنومىرلى اگراگاتى، حاربين ەلەكتر توبى دەربەس زەرتتەپ جاساعان قاعىر ساي 4 - ءنومىرلى سۋ تارتىپ ەنەرگيا ساقتاۋ اگراگاتى ىركەس - تىركەس وندىرىسكە قوسىلىپ توك تاراتتى، بۇل ەلىمىزدىڭ سۋ تارتىپ ەنەرگيا ساقتاۋ اگراگاتىن جوبالاۋ، جاساۋ جانە ورناتۋ ساپاسىنىڭ دۇنيە ءجۇزى بويىنشا وزىق ورەگە جەتكەنىن كورسەتەدى.
جۇڭگو ماشينا ونەركاسىبى بىرلەستىگى باستىعىنىڭ اتقارۋشى ورىنباسارى چىن بين مىنانى ءبىلدىردى: ارتۋدى ورنىقتىرۋ ساياساتىنىڭ تياناقتاندىرىلۋىنا بايلانىستى، ماشينا ونەركاسىبىنىڭ تۇتاس جىلدا ورنىقتى ارتۋى مۇمكىن، ونەركاسىپتىڭ ارتقان قۇنى، تيجارات كىرىسىنىڭ ارتۋ قارقىنى جىل باسىنداعى مەجەلى مانگە جەتىپ، پايدانىڭ جالپى دەڭگەيى وتكەن جىلداعىمەن نەگىزىنەن قارايلاس بولىپ، يمپورت - ەكسپورت ساۋداسى جالپى جاقتان ورنىقتى بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
