چيڭحۋا داشۋەسىنە وتكەن سوڭ، ول سيلىققا العان 100 مىڭ يۋاندى باسقا وقۋشىلارعا كومەككە اتادى
2022.08.11 15:39 كەلۋ قاينارى : حالىق تورابى
 |
سۋرەتتە: بيىل چيڭحۋا داشۋەسىنە قابىلدانعان جاڭشىن شينران جاڭجوۋ قالاسى جاۋ – ان اۋداندىق وقۋ – اعارتۋ مەكەمەسىنە وقۋ – اعارتۋعا كومەك رەتىندە 105 مىڭ يۋان قاراجاتتى اتاۋدا. جۇڭ شياۋشيا فوتوسى
|
جۋىردا، فۋجيان ولكەسى جاڭجوۋ قالاسى جاۋ – ان اۋداندىق وقۋ – اعارتۋ مەكەمەسى وزگەشە كومەك اتاۋ سالتىن وتكىزدى، 2022 – جىلى جوعارى مەكتەپ ەمتيحانىندا چيڭحۋا داشۋەسىنە قابىلدانعان جاڭشىن شينران جاۋ – ان اۋداندىق قىزىل كرەست قوعامى مەن كومەك اتاۋ كەلىسىمشارتىنا قول قويىپ، جاۋ – ان اۋداندىق وقۋ – اعارتۋ مەكەمەسىنە وقۋ – اعارتۋعا كومەك رەتىندە 105 مىڭ يۋان قاراجات اتادى، بۇل قاراجات كومەك بەرۋدى قاجەت ەتەتىن قيىنشىلىعى بار وقۋشىلارعا بەرىلەدى.
جاڭشىن شينران جاۋ – ان اۋدانى گۋانبي قالاشىعى دابيان قىستاعىنان، بيىل ۇزدىك ناتيجەمەن چيڭحۋا داشۋەسىنە قابىلدانعان سوڭ، 100 مىڭ يۋاننان استام سيلىق قاراجاتقا يە بولعان. جاڭشىن شينران: «بۇل سيلىق قاراجاتتى العان كەزدە وتە تەبىرەنىپ كەتكەن جوقپىن، ويتكەنى، ادەتتە مۇنداي كوپ اقشا جۇمساپ كورمەگەندىكتەن، سول ساتتە بۇل اقشانى قالاي ءبىرجاقتى ەتۋدى ويلادىم»، — دەدى. بۇل قاراجاتتى بەلگىلى اۋلەت قورى مەن قىستاقتاعى تۋىس – تۋعان، دوس – جاراندارى وعان سيلىق رەتىندە بەرگەن.
كەزدەيسوق ورايدا، جاڭشىن شينران چيڭحۋا داشۋەسىنىڭ ۋيچات تەكشەسىنەن ءبىر ماقالا كورەدى، ماقالادا چيڭحۋا داشۋەسىنەن زەينەتكە شىققان پروفەسسوردىڭ ءوز تۇرمىسىنىڭ جۇپىنى بولعانىنا قاراماستان، كوپ جىلداردان بەرى ءوزىنىڭ ەڭبەكاقىسىمەن وقۋشىلارعا قارجىلاي كومەك بەرىپ كەلە جاتقانى ايتىلعان. جاڭشىن شينران زەينەتكە شىققان پروفەسسوردىڭ ىزگى ىسىنەن اسەرلەنىپ، سيلىققا العان قاراجاتتى كومەككە اتاۋ بەكىمىنە كەلگەن.
جاڭشىن شينران: «تالايلاعان وقۋشىلار داشۋەگە وتسە دە، جەتەرلىك قاراجات بولماعاندىقتان وقۋىن اياقتاتا المايتىنىن بىلەمىن، بۇل قاراجاتتى ولارعا كومەككە اتاۋ اناعۇرلىم ءماندى دەپ ەسەپتەيمىن»، — دەيدى. ونىڭ بۇل ويىن اتا – اناسى قولداعان، ءوزى دە ءبىر كىسىلىك بولماشى كۇش – قۋاتىن ارناپ، اناعۇرلىم كوپ وقۋشىلارعا كومەكتەسىپ، كوپتەگەن ءىنى – سىڭىلىلەرىن ويلاعان ارماندارىنا باتىلدىقپەن تالپىنۋعا شابىتتاندىرۋدى ءۇمىت ەتكەن.
بولاشاق جونىندە، جاڭشىن شينراننىڭ وزىندىك جوسپارى مەن ويلارى بار. جاڭشىن شينران: «مەن داشۋەدە ماركسيزم نازارياسى كاسىبىن وقيمىن، الداعى جەردە ساياسي - ەكونوميانى ۇيرەنۋدى باعدار ەتىپ وقىپ، مەملەكەتتىڭ ەكونوميكالىق قۇرىلىسىنا قىزمەت وتەۋدى ويلايمىن»، — دەدى. ساباعىن جاقسى وقۋمەن بىرگە، ول قايىر – ساحابات ىستەرىنە ۇزدىكسىز نازار سالىپ، دەم بەرىپ، ءىس جۇزىندىك ارەكەتى ارقىلى قوعامدىق جاۋاپكەرشىلىگىن امالياتتا ايگىلەپ، كومەككە مۇحتاج اناعۇرلىم كوپ ادامعا قول ءۇشىن بەرمەكشى.
كەلۋ قاينارى: حالىق تورابى
 |
جاڭشىن شينران (وڭدا) جاۋ – ان اۋداندىق قىزىل كرەست قوعامى بەرگەن كومەك اتاۋ كۋالىگىن الۋدا. جۇڭ شياۋشيا فوتوسى
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
