شينجياڭنىڭ جوعارى مەكتەپتەرى ينتەرنەت جەلىسىندە ساباق ءوتىپ، جاڭا وقۋ ماۋسىمىن باستادى
2022.09.01 17:00 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى جاۋ شييا 8 - ايدىڭ 30 - كۇنى ۇرىمجىدەن حابارلايدى. مەكتەپتىڭ ينتەرنەت جەلىسىندەگى ۇيرەنۋ تۇعىرىنا كىرىپ، قول قويدى، 8 - ايدىڭ 29 - كۇنى تاڭەرتەڭ ەرتەمەن شينجياڭ اۋىل شارۋاشىلىق داشۋەسى سۋ يگىلىگى جانە ءۇي قۇرىلىس ينجەنەرياسى شۋەيۋانىنىڭ وقۋشىسى لۋ شينيۇي ينتەرنەت جەلىسىندەگى ”سۋ ەلەكتر ستانسياسى“ ساباعىن ۇيرەنۋدى باستادى.
”وقۋ باستالعان 1 - ساباقتا مۇعالىمدارىم مەن ساباقتاستارىمنىڭ داۋىسىن ەستىپ قاتتى اسەرلەندىم، قاتتى جاقىن سەزىندىم. ينتەرنەت جەلىسىندەگى ىقپالداستىق ۇيرەنۋ رايىن بىردەمدە كۇشەيتتى“، - دەدى لۋ شينيۇي.
وقىتۋشى - وقۋشىلاردىڭ سالاماتتىعىن، حاۋىپسىزدىگىن جانە تاماشا وقىتۋ ءتارتىبىن قامتاماسىزداندىرىپ، ىندەتتىڭ تارالۋ حاۋىپ - قاتەرىن ەڭ جوعارى شەكتە ازايتۋ ءۇشىن، 8 - ايدىڭ 29 - كۇنىنەن باستاپ رايونىمىزداعى جوعارى مەكتەپتەر ىركەس - تىركەس ينتەرنەت جەلىسىندە وقىتۋ فورماسى ارقىلى جاڭا وقۋ ماۋسىمىن باستادى.
PPT جاساۋ، ساباققا دايىندالۋ، ينتەرنەت جەلىسىندەگى ساباقتىڭ وقىتۋ جوباسىنا قانىعۋ... 10 كۇننىڭ الدىندا، شينجياڭ اۋىل شارۋاشىلىق داشۋەسىنىڭ وقىتۋشىلارى ينتەرنەت جەلىسىندە وقىتۋعا دايىندىق جاسادى، مۇعالىمدار نۇڭدايۇنشاڭ، ديڭديڭ، يۇيكىتاڭ سياقتى ينتەرنەتتىك تۇعىرلاردى قولدانۋ تەحنيكاسىن جەتىك يگەردى ءارى ساباقتى تىكە وقىتۋدى سىناق رەتىندە جۇرگىزىپ، ينتەرنەت جەلىسىندە وقىتۋدىڭ دايىندىق قىزمەتتەرىن جان - جاقتىلى جاقسى ىستەدى. وقۋ باستالعان ءبىرىنشى كۇنى بۇكىل مەكتەپتىڭ 21 وقىتۋ ورنى ينتەرنەتتە 518 ساباق (رەت) اشتى.
بيىل شينجياڭ داشۋەسى حيميا شۋەيۋانىنىڭ وقىتۋشىسى ۋ شۋەياننىڭ وقۋشىلارعا ”فيزيكالىق حيميا“ ساباعىن وتكەن 3 - جىلى، الدىڭعى 2 جىلداعى ينتەرنەت جەلىسىندە جانە ينتەرنەت جەلىسىنەن تىس ءوزارا ۇشتاستىرىپ وقىتۋ امالياتى ارقىلى ول وقىتۋ جاعىندا كوپتەگەن تاجىريبە توپتادى. وسى جولى ساباق باستالۋدان ىلگەرى، ول وقۋشىلارمەن بىرگە ينتەرنەت جەلىسىندە ساباق وقۋدىڭ ءاربىر ناقتى مازمۇنىن قايتا - قايتا تياناقتاندىردى. ”ينتەرنەت جەلىسىندە ساباق وقۋ بولعانىمەن، ەڭ كوتەرىڭكى كوڭىل كۇيمەن، ەڭ باي مازمۇنمەن ءاربىر مينۋت ساباقتى جاقسىلاپ ءوتۋ كەرەك“، - دەدى ۋ شۋەيان.
شينجياڭ شىفان داشۋەسىندە وقۋ باستالعان العاشقى كۇنى 20 ساباق باستاۋ ورنى ينتەرنەت جەلىسىندەگى وقىتۋ جوسپارى بويىنشا 323 ساباقتى (663 ساباق - رەت) باستاپ، 414 ماماندىق كلاسىن قامتىدى. جاڭا وقۋ ماۋسىمىنداعى تولىق كۋرس وقىتۋ قىزمەتىنىڭ ءتارتىپتى جۇرىلۋىنە شىنايى كەپىلدىك ەتۋ ءۇشىن، مەكتەپتىڭ وقىتۋ باسقارماسى «وقۋ باستاۋدىڭ العاشقى كەزىندەگى وقىتۋ قىزمەتى حابارلاندىرۋىن» الدىن الا جاريالاپ، ينتەرنەت جەلىسىندە وقىتۋ قىزمەتىن ورنالاستىرۋ ءماجىلىسىن اشىپ، ساباق وقىتۋى، ۇيرەنۋ پراكتيكاسى، قوسىمشا ساباقتاردى وقىتۋ، وقۋشىلىقتى باسقارۋ سياقتى جاقتاردا ەگجەي - تەگجەيلى قىزمەت جوباسىن جاساپ، تولىق كۋرس وقىتۋ قىزمەتتەرىنىڭ ورنىقتى، ءتارتىپتى جۇرىلۋىنە كەپىلدىك ەتتى.
”جۇڭي وقۋشىلارىنا وسى ماۋسىمداعى العاشقى ساباقتى وتكەنىمە قاتتى قۋاندىم“. 8 - ايدىڭ 29 - كۇنى شينجياڭ مەديتسينا داشۋەسىنىڭ دوكتورانتۋرا جەتەكشىسى، پروفەسسور ان دۇڭچيڭ بۇلتتىق ساباقحانا ارقىلى وتانىمىزدىڭ جەر - جەرىندەگى وقۋشىلارعا ساباق ءوتتى. ينتەرنەت جەلىسىندەگى وقىتۋ بولعانىمەن، ان دۇڭچيڭ وقۋشىلاردىڭ ساباقتان بۇرىن مۇقيات، تولىق دايىندالىپ، جۇڭي شيپاگەرلىك - دارىگەرلىگى مادەنيەتىنە اۋەستەرىن اڭعارتقاندىعىن بايقادى. ول مىنانى ءبىلدىردى: ينتەرنەت جەلىسىندە وقىتۋدىڭ ەرەكشەلىگى مەن باسىمدىعىنان پايدالانىپ، وقۋشىلاردىڭ جۇڭي ءىلىمى، جۇڭي شيپاگەرلىك - دارىگەرلىك مادەنيەتى جونىندەگى تانىم - تۇسىنىگىن جەتىلدىرۋدى نىعايتامىز.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
