ەلىمىزدىڭ سۋ تاسىمالى نەگىزدىك قۇرىلعىلارىنىڭ جالپى كولەمى دۇنيە ءجۇزى بويىنشا ءبىرىنشى ورىندا تۇرادى (جاڭا ساندى مالىمەت، جاڭا ءتۇيىن)
الدىڭعى جارتى جىلدا سۋ تاسىمالى قۇرىلىسىنا قوسىلعان قارجى بىلتىرعى سول تۇستاعىدان %4.7 ارتتى
2022.09.06 16:19 كەلۋ قاينارى : حالىق تورابى
«حالىق گازەتى»، 9 - ايدىڭ 5 - كۇنى، بەيجيڭ (ءتىلشى ليۋ جىچياڭ). ءتىلشىنىڭ بىرنەشە كۇننىڭ الدىندا قاتىناس – تاسىمال مينيسترلىگىنەن ۇعىسۋىنشا، بيىل جىل باسىنان بەرى ەلىمىزدىڭ سۋ تاسىمالى نەگىزدىك قۇرىلعىلارىندا توراپتى تۇتاستىرۋ، توراپتى تولىقتاۋ، تىزبەكتى نىعايتۋ تەزدەتىلىپ، ءونىمدى قارجى قوسۋ ورنىقتى كەڭەيتىلگەن. بيىل الدىڭعى 6 ايدا بۇكىل ەل بويىنشا سۋ تاسىمالى قۇرىلىسىنا 73 ميلليارد 570 ميلليون يۋان قارجى قوسىلىپ، سايكەس مەزگىلدەگىدەن %4.7 ارتقان. 7 - ايدا سۋ تاسىمالى قۇرىلىسىنا قوسىلعان قارجى سايكەس مەزگىلدەگىدەن %21.8 ارتىپ، تاماشا ارتۋ جاعدايى ۇزدىكسىز ساقتالعان. قازىر ەلىمىزدىڭ سۋ تاسىمالى نەگىزدىك قۇرىلعىلارىنىڭ جالپى كولەمى دۇنيە ءجۇزى بويىنشا ءبىرىنشى ورىندا تۇرادى ەكەن.
بيىل جىل باسىنان بەرى سۋ تاسىمالى قۇرىلىسىندا «14 – بەسجىلدىق» جوباداعى 102 ءىرى نىسان مەن سۋ تاسىمالىنىڭ «14 – بەسجىلدىق» جوباسىنداعى كەلەلى نىساندار جەتەكشى ەتىلىپ، ىلگەرىلەتۋ اياق الىسى تەزدەتىلدى. تيانجين پورتىنىڭ سولتۇستىك سۋ جولىن كەڭەيتىپ سالۋ قۇرىلىسى، ماۋميڭ پورتىنداعى جالپىلىق كەمەجاي سياقتى ينجەنەريالار جۇمىس باستادى، بەيجيڭ جانار گازى تيانجين وڭتۇستىك پورتىنداعى LNG كەمەجايى ينجەنەرياسى، بەيجيڭ - حاڭجوۋ كانالى جىجياڭ بولەگىنىڭ 3 - دارەجەلى سۋ جولىن جونگە سالۋ ينجەنەرياسى سياقتى ينجەنەريالار تارتىپپەن ىلگەرىلەتىلدى، سۋجوۋ پورتىنىڭ تايساڭ پورت رايونىنىڭ 4 - مەرزىمدىك قۇرىلىسى، چاڭجياڭ وزەنىنىڭ ورتا اعارىنداعى چيچۇن سۋ جولىن جونگە سالۋ ينجەنەرياسى سياقتىلار سالىنىپ بولىپ، تەكسەرىپ وتكىزىپ الىندى، باتىس بولەكتەگى قۇرلىق، تەڭىز جاڭا ارناسىنداعى پيڭلۋ كانالى قۇرىلىسى، شاڭحاي حالىقارالىق تەڭىز تاسىمالى ورتالىعى ياڭشان تەرەڭ سۋلى پورت رايونى شياۋياڭ تاۋىنىڭ سولتۇستىك جاعىنداعى تيەۋىش قوراپتى كەمەجاي ينجەنەرياسى سياقتى كەلەلى ينجەنەريالاردىڭ الدىڭعى مەرزىمدىك قۇرىلىسى جەدەل ىلگەرىلەتىلدى.
زەردەلى كەمەجاي قۇرىلىسى تەزدەدى. بيىل جىل باسىنان بەرى چينجوۋ دالانپيڭ وڭتۇستىك 7 - ءنومىرلى، 8 - ءنومىرلى اۆتوماتتى وزگەرتۋ ينجەنەرياسى قاتارلىلار سالىنىپ بولىپ، ىسكە قوسىلدى، نيڭبو جوۋشان پورتى ميشان كەمەجاي رايونىنىڭ 2 - مەرزىمدىك اۆتوماتتاندىرىلعان تيەۋىش قوراپتى كەمەجاي قۇرىلىسى تارتىپپەن ىلگەرىلەتىلدى.
ساناققا قاراعاندا، 2021 - جىلدىڭ سوڭىنا دەيىن، بۇكىل ەل بويىنشا كەمەجايلارداعى كەمە توقتاتۋ ورىندارى 20 مىڭ 867 بولعان، 10 مىڭ توننالىق جانە ودان جوعارى كەمەلەردىڭ توقتاۋ ورىندارى 2 مىڭ 659 بولعان؛ ىشكى وزەن سۋ جولىنىڭ قاتىناۋ ارالىعى 128 مىڭ كيلومەتر بولعان، مۇنىڭ ىشىندە جوعارى دارەجەلى سۋ جولى 16 مىڭ كيلومەتردەن اسادى. تەڭىز جاعالاۋىنداعى تاسىمال ارناسى، چاڭجياڭ نەگىزگى جەلىسى، شيجياڭ سۋ تاسىمال جەلىسى، بەيجيڭ - حاڭجوۋ كانالى - حۋايحى وزەنى سياقتىلاردى سۋ تاسىمالىنىڭ نەگىزگى ارناسى ەتكەن، نەگىزگى پورتتاردى توراپ ەتكەن، تەمىر جول، تاس جول، قۇبىر سياقتىلار ۇشتاستىرىلعان، دۇنيە جۇزىنە تۇتاساتىن، نەگىزگى ارنالار مەن تارماق ارنالار جالعاسقان سۋ جولى نەگىزدىك قۇرىلعى جۇيەسى نەگىزىنەن قالىپتاستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
