كۇش بىرىكتىرۋ اسەرى قالىپتاسىپ، ونىمدىلىك تەزدەتىلدى (سەنىمدى اقپارات)

«حالىق گازەتىنىڭ» ءتىلشىسى ۋ چيۋيۇي

2022.09.06 16:23 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

　　تاياۋدا مەملەكەتتىك كەڭەس ۇنەمىلىك ىستەر ءماجىلىسىن اشىپ، ەكونوميكانى ورنىقتىرۋداعى ءبىرقىدىرۋ ساياساتقا بايلانىستى ۇلاسپالى ساياساتتىق شارالاردى ورنالاستىردى. 9 - ايدىڭ 5 - كۇنى مەملەكەتتىك كەڭەستىڭ اقپارات كەڭسەسى وتكىزگەن مەملەكەتتىك كەڭەستىڭ ساياساتتىق حابارلاندىرۋ ماجىلىسىندە جۇڭگو حالىق بانكەسى باستىعىنىڭ ورىنباسارى ليۋ گوچياڭ، مەملەكەتتىك دامۋ جانە رەفورما كوميتەتى باس حاتشىسىنىڭ ورىنباسارى ياڭ يىنكاي، قازىنا مينيسترىنىڭ كومەكشىسى وۋ ۋىنحان، ساۋدا مينيسترلىگى مينيسترىنىڭ كومەكشىسى لي فەي قاتىستى ساياساتتارعا تۇسىنىك جاسادى.

　　ەكونوميكانىڭ قالپىنا كەلۋ، دامۋ نەگىزىن بەكەمدەۋگە كۇش سالىندى

　　«بيىل 5 - ايدىڭ سوڭىنان بەرى جەر - جەر، تاراۋلار پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارى بويىنشا، ەكونوميكانى ورنىقتىرۋداعى ءبىرقىدىرۋ ساياساتتىڭ تياناقتانۋىن جەدەل ىلگەرىلەتىپ، قاتىستى سايكەستى ساياساتتار مەن اتقارۋ ەرەجەلەرىن مۇمكىندىكتىڭ بارىنشا شىعارىپ، بازار تۇلعالارى مەن حالىق بۇقاراسىنىڭ بىلۋگە ءتيىستىنى تۇگەل ءبىلىپ، يگىلىكتەنۋگە تيىستىدەن تولىق يگىلىكتەنۋىنە مۇمكىندىك جاراتىپ، ەكونوميكانىڭ قالپىنا كەلۋ، دامۋ جاعدايىن جالعاستىرۋعا قۇلشىندى». ياڭ يىنكاي تانىستىرىپ بىلاي دەدى: قامداۋ تۇرعىسىنان قاراعاندا، كۇزگى استىق داقىلدارىنىڭ ءوسۋى قالىپتى، تۇتاس جىلدا استىق ءونىمىنىڭ تۇراقتىلىعىن ساقتاۋدان ءۇمىت بار، ونەركاسىپكە قىزمەت وتەۋ كاسىبى جالپى جاقتان ورنىقتى. سۇرانىستان قاراعاندا، تۇراقتى مۇلىككە قوسىلعان قارجى ورنىقتى ارتىپ، نەگىزدىك قۇرىلعىلارعا قوسىلعان قارجىنىڭ ارتۋ قارقىنى ءۇرتىس 3 اي تەزدەپ، تۇرعىنداردىڭ تۇتىنۋى ءۇرتىس قالپىنا كەلىپ، سىرتقى ساۋدانىڭ سەرپىمدىلىگى ۇزدىكسىز كورنەكتىلەندى. حالىق تۇرمىسىن قامتاماسىزداندىرۋدان قاراعاندا، زات باعاسى نەگىزىنەن ورنىقتى بولىپ، جۇمىستانۋ جاعدايى بىرتىندەپ جاقساردى.

　　ءبىراق سۇرانىستىڭ جەتكىلىكتى بولماۋى، ىندەتتىڭ سوققىسىنا ۇشىراۋ سياقتىلاردىڭ ىقپالىنان ەكونوميكانى قالپىنا كەلتىرۋدىڭ نەگىزىن ءالى دە ونان ارى بەكەمدەۋگە تۋرا كەلەدى. ياڭ يىنكاي مىنانى ءبىلدىردى: ىندەتتەن ساقتانۋ، ەكونوميكانى ورنىقتىرۋ، دامۋ حاۋىپسىز بولۋ تالابىن، ءسوز جوق، ۋاقىت كۇتىپ تۇرمايدى دەيتىن كوكەي تەستىلىك سەزىممەن جاپپاي تياناقتاندىرىپ، جاڭا جاعداي، جاڭا ماسەلەلەرگە باعىتتاي وتىرىپ، ماكرولىق ساياساتتىڭ اتقارىلۋ تەبىنىن ۇيلەسىمدى ارتتىرۋ كەرەك.

　　وسى ءۇشىن، 8 - ايدىڭ 24 - كۇنى مەملەكەتتىك كەڭەس ۇنەمىلىك ىستەر ءماجىلىسىن اشىپ، ەكونوميكانى ورنىقتىرۋدىڭ ءبىرقىدىرۋ ساياساتىنداعى ۇلاسپالى ساياساتتىق شارالاردى ورنالاستىرىپ، ەكونوميكانىڭ قالپىنا كەلۋ، دامۋ نەگىزىن بەكەمدەۋگە كۇش سالدى؛ ەكونوميكانى ورنىقتىرۋدىڭ ءبىرقىدىرۋ ساياساتتارىن ويداعىداي تياناقتاندىرۋمەن بىرگە، تاعى دا 19 ءتۇرلى ۇلاسپالى ساياساتتى اتقارىپ، كۇش بىرىكتىرۋ اسەرىن قالىپتاستىرىپ، ەكونوميكانىڭ ورنىقتى جاقسارۋىن ىلگەرىلەتىپ، اينالىمنىڭ ۇيلەسىمدى ارالىقتا بولۋىن ساقتاپ، ەڭ جاقسى ناتيجەگە قول جەتكىزۋگە قۇلشىنۋدى العا قويدى.

　　تانىستىرۋعا قاراعاندا، ساياسات شىعارۋ مەزەتىنە زەر سالساق، سوڭعى جارتى جىل − 2 - توقسانداعى ىندەت زيانىن تولىقتاۋدىڭ شەشۋشى مەزگىلى، سونداي - اق ساياساتتىڭ رولىن ساۋلەلەندىرۋدىڭ التىن مەزگىلى، ءسوز جوق، ەكونوميكانىڭ ورنىقتى ارتۋ ۋاقىت تەرەزەسىن مىقتى يگەرىپ، ۇلاسپالى ساياساتتى باتىل شىعارىپ، ەكونوميكانىڭ قالپىنا كەلۋ، دامۋ جاعدايىن پارمەندى ساقتاۋ كەرەك. ساياساتتىق تەبىننەن قاراعاندا، ءبىرقىدىرۋ ساياساتتار مەن ۇلاسپالى ساياساتتاردىڭ جالپى كولەمى ۇيلەسىمدى بولعان، پارمەندى سايكەسىپ، ۇشتاسىپ، بىرىككەن كۇش اسەرىن قالىپتاستىرىپ، ەكونوميكانىڭ جەدەل قالپىنا كەلۋىن ىلگەرىلەتۋگە بولادى؛ سونىمەن بىرگە اقشانى بەيپىل تاراتۋعا سالىنباي، بولاشاق مەجەنى بولجاۋ قازىرگى جاعدايعا دا، ۇزاق بولاشاققا دا ءتيىمدى. ساياساتتىق تۇيىندەردەن قاراعاندا، ۇلاسپالى ساياسات قامداۋ مەن قاجەتسىنۋ سىندى ەكى جاقتان سايكەستى كۇش سالىپ، ءونىمدى سۇرانىستى كۇش سالا كەڭەيتىپ، قارجى قوسۋ ارقىلى تۇتىنۋدى جەبەپ، جۇمىستانۋدى ارتتىرىپ، ەنەرگيامەن قامداۋدى قامتاماسىزداندىرۋدى كۇشەيتىپ، استىق ءوندىرىسىن ورنىقتىرادى، زات اينالىمىن قامتاماسىز ەتۋدى، ىركىلىسسىزدىكتى ساقتاۋدى مىقتى يگەرىپ، بازار تۇلعالارىنىڭ اۋىرتپالىعىن ۇزدىكسىز جەڭىلدەتىپ، ومىرشەڭدىك كۇشتى تاسقىنداتىپ، ەكونوميكانىڭ قالپىنا كەلۋ نەگىزىن ونان ارى بەكەمدەۋگە، دامۋ تەبىنىن شىنايى كۇشەيتۋگە ءتيىمدى.

　　قاتىستى اتقارۋ ەرەجەلەرىنىڭ ەرتە، تەز، تولىق جارىققا شىعۋىن ىلگەرىلەتتى

　　ياڭ يىنكاي مىنانى ءبىلدىردى: مەملەكەتتىك دامۋ جانە رەفورما كوميتەتى پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارى بويىنشا، ۋاقىتتى ۇتىپ، تياناقتاندىرۋدى مىقتى يگەرىپ، قاتىستى اتقارۋ ەرەجەلەرىنىڭ ەرتەرەك جارىققا شىعۋىن، مۇمكىندىگىنشە تولىق شىعارىلۋىن ىلگەرىلەتىپ، رەفورما ءادىسى ارقىلى ساياساتتىق ونىمدىلىكتى جەدەل ىسكە قوسىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاپ، ەڭ جاقسى ناتيجەگە قول جەتكىزۋگە قۇلشىنادى.

　　ليۋ گوچياڭ بىلاي دەپ تانىستىردى: ورتالىق بانكە امانات - قارىز جالپى مولشەرىنىڭ ارتۋ ورنىقتىلىعىن كۇش سالا كۇشەيتىپ، كاسىپورىنداردىڭ قارجى قۇراۋ وزىندىك قۇنىن تومەندەتۋدى ىلگەرىلەتىپ، ءتۇيىندى سالالاردى، ءالسىز بۋىنداردى جانە ىندەتتىڭ ىقپالىنا ۇشىراعان سالالاردى قولداۋدى كورنەكتىلەندىردى. كەلەسى قادامدا ورتالىق بانكە قارىز اقشا بازارىنىڭ باعا مالىمدەۋ ءوسىم مولشەرىنىڭ جەتەكشىلىك رولى مەن امانات اقشانىڭ ءوسىم مولشەرىن بازارلاندىرىپ رەتتەۋ مەحانيزمىنىڭ رولىن ونان ارى ساۋلەلەندىرىپ، فينانس قۇرىلىمدارىن امانات اقشانىڭ ءوسىم مولشەرىنىڭ تومەندەۋ ونىمدىلىگىن قارىز اقشا بەرۋ جاعىنا جەتكىزۋگە جەتەكتەپ، كاسىپورىنداردىڭ قارجى قۇراۋى مەن جەكەلەردىڭ امانات قارىزىنىڭ وزىندىك قۇنىن تومەندەتەدى، سونداي - اق شاعىن، ۇساق كاسىپورىندار مەن جەكەشە ونەركاسىپشىلەر مەن ساۋداگەرلەردىڭ، جۇك اۆتوموبيل شوفەرلەرىنىڭ قارىز اقشاسى، سونداي - اق ىندەتتىڭ ىقپالىنا ۇشىراعان جەكەلەردىڭ تۇرعىن ءۇيى مەن تۇتىنۋ قارىز اقشاسى سياقتىلارعا قاراتا قارىزدىڭ باسىن، ءوسىمىن قايتارۋ ۋاقىتىن ۇزارتادى.

　　ساناقتا كورسەتىلۋىنشە، 1 - ايدان 7 - ايعا دەيىن ەلىمىز جالپى 2 تريلليون 60 ميلليارد يۋان سالىق قايتارعان، ءتىپتى دە كوپ بازار تۇلعاسى ساياساتتىق تيىمدىلىكتەن يگىلىكتەنگەن؛ 1 - ايدان 8 - ايعا دەيىن مەملەكەتتىڭ قارجى قۇراۋعا كەپىلدىك ەتۋ قورىندا جاڭادان قوسىلعان قايتالاي كەپىلدىك ەتۋ سەلبەستىك كاسىبىنىڭ كولەمى 827 ميلليارد 800 ميلليون يۋان بولىپ، سايكەس مەزگىلدەگىدەن %54.9 ارتقان. وۋ ۋىنحان تانىستىرىپ بىلاي دەدى: ەكونوميكالىق ساياسات، شارالاردى شىعارعاننان كەيىن، قازىنا مينيسترلىگى قاتىستى دايەكتى تياناقتاندىرۋدى باتىل مىقتى يگەرىپ، سالىق قايتارۋ ساياساتىنىڭ تەبىنىن ونان ارى ارتتىرىپ، قازىنالىق شىعىس قارقىنىن تەزدەتىپ، جەرگىلىكتى ۇكىمەتتەردىڭ ارناۋلى زايوم تاراتۋ، پايدالانۋ اياق الىسىن جەدەلدەتىپ، ورتا، شاعىن، ۇساق كاسىپورىنداردىڭ قيىنشىلىعىن شەشۋگە قولداۋ كورسەتتى.

　　لي فەي مىنانى ءبىلدىردى: ساۋدا مينيسترلىگى ءۇش جاقتان ۇزدىكسىز كۇش سالىپ، ساياساتتىڭ تياناقتانۋىن مىقتى يگەرەدى: ءبىرىنشى، كوپ ءتۇرلى شارانى قاتار قولدانىپ، سىرتقى ساۋدانى ورنىقتىرىپ، شەكارا اتتاعان ەلەكتروندىق ساۋدا، بازاردىڭ ساتىپ الۋ ساۋدا ءتاسىلى سياقتى جاڭا كاسىپ فورماسىنىڭ، جاڭا ۇلگىنىڭ دامۋىن جەدەل ىلگەرىلەتىپ، جاڭا ەنەرگيالى اۆتوموبيل سياقتى ءتۇيىندى ونىمدەردى ەكسپورت ەتۋدى بەلسەنە قولداپ، سىرتقى ساۋدا كاسىپورىندارىنىڭ تاپسىرىستى يگەرۋ ارناسىن ىركىلىسسىزدەندىرىپ، كاسىپورىنداردىڭ كورمەگە قاتىناسۋىنا، كەڭەسۋىنە اناعۇرلىم كوپ قولايلىلىق جاراتىپ، كاسىپورىنداردىڭ سىندىرىلىم سياقتى حاۋىپ - قاتەرگە توتەپ بەرۋ قابىلەتىن جوعارىلاتۋىنا كومەكتەسەدى. ەكىنشى، شەتەل قارجىسىن ورنىقتىرۋ تەبىنىن ارتتىرىپ، جاساۋ كاسىبىنىڭ قارجى ەنگىزۋىن جەبەپ، شەتەل قارجىسىن زەرتتەۋ - اشۋ ورتالىعىن قۇرۋ سياقتى شەتەل قارجىسىن ورنىقتىراتىن جاڭا ساياساتتاردى جەدەل شىعارىپ، تۇتاس بارىستىق قىزمەت وتەۋ مەن جان - جاقتى قامتاماسىزداندىرۋدى كۇشەيتىپ، ءبىر توپ ءتۇيىندى شەتەل قارجىسى نىساندارىنىڭ تياناقتانۋىن ىلگەرىلەتەدى. ءۇشىنشى، تۇتىنۋدى بەلسەنە، ءونىمدى جەبەپ، اۆتوموبيل، ءۇي ەلەكتر جابدىقتارى، تۇرعىن ءۇي سياقتى ءتۇيىندى سالالارداعى تۇتىنۋدى ونان ارى جەبەپ، قيىنشىلىعى بارلارعا باعىتتامالى كومەكتەسۋ، سۇيەمەلدەۋ تەبىنىن ارتتىرىپ، اس - سۋ، جاتىن ورىن سياقتى كاسىپتەردىڭ قالپىنا كەلىپ دامۋىن قولداپ، ىندەتتەن ساقتانۋ - تىزگىندەۋدى قاتاڭ، جاقسى ىستەۋ العى شارتىندا، تۇتىنۋدى جەبەۋ قيمىلىن ۇزدىكسىز ويداعىداي جۇرگىزىپ، تۇتىنۋدىڭ جاڭا جاعدايىن بەلسەنە قالىپتاستىرىپ، قالا مەن اۋىلدىڭ ساۋدا اينالىم جۇيەسىن كەمەلدەندىرىپ، اۋىل - قىستاق تۇتىنۋىن كۇش سالا ىلگەرىلەتەدى.

　　ساياسات قۇرالىنان پارمەندى، ءونىمدى پايدالاندى

　　مەملەكەتتىك كەڭەستىڭ ۇنەمىلىك ىستەر ماجىلىسىندە مىنالار اتاپ كورسەتىلدى: ساياساتتىق اشۋ سيپاتىنداعى 300 ميلليارد يۋان فينانس قۇرالى نىسانى نەگىزىندە تاعى دا 300 ميلليارد يۋاننان استام قارجى قوسىلدى؛ زاڭ بويىنشا 500 ميلليارد يۋاننان استام ارناۋلى قارىزدىڭ جەرگىلىكتى قالدىق سوماسى ويداعىداي پايدالانىلىپ، 10 - ايدىڭ سوڭىنان بۇرىن تاراتىلىپ بولادى.

　　ياڭ يىنكاي مىنانى ءبىلدىردى: بۇل − قازىرگى جاعدايدا ۇتىمدى قارجى قوسۋدى كەڭەيتۋدەگى ماڭىزدى شارا. كەلەسى قادامدا مەملەكەتتىك دامۋ جانە رەفورما كوميتەتى قاتىستى جاقتارمەن بىرگە «قارجى نىسانمەن بىرگە جۇرەدى» دەگەن تالاپقا ساي، پارمەندى شارالار قولدانىپ، وسى قارجىنىڭ ناقتى قىزمەت مولشەرىن تەز ارادا قالىپتاستىرۋدى جەبەيدى. «ءبىز ءار جاقتى بيىلعى 3 - توقسانداعى قۇرىلىس جۇرگىزۋدىڭ التىن كەزەڭىن مىقتى يگەرىپ، نىسان قۇرىلىسىنىڭ اتقارىلۋىن جەدەلدەتىپ، قارجى قوسۋ ونىمدىلىگىن تەز ارادا ساۋلەلەندىرىپ، ورتالىقتىڭ مەجە ەسەبىندەگى قارجى قوسۋدى، جەرگىلىكتى ۇكىمەتتەردىڭ ارناۋلى زايومىن، سونداي - اق ساياساتتىق اشۋ سيپاتىنداعى فينانس قۇرالدارىنىڭ سايكەسۋىن، بىرگە كۇش سالۋىن ىلگەرىلەتۋگە قۋزايمىز. سونىمەن بىرگە، قوعامدىق كاپيتالدى كەلەلى نىساندار قۇرىلىسىنا ات سالىسۋعا بەلسەنە باۋراپ، قارجى قوسۋدىڭ ورنىقتى ارتۋىن جەبەپ، ەكونوميكانىڭ ارتۋ جاعدايىن ۇزدىكسىز بەكەمدەيمىز» دەدى ياڭ يىنكاي.

　　قازىرگى اقشا ساياساتى جونىندە ليۋ گوچياڭ مىنانى ءبىلدىردى: جۇڭگو ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، ەكونوميكانىڭ ارتۋىن الدىمەن جۇزەگە اسىرىپ، جۇڭگونىڭ قالىپتى اقشا ساياساتىن اتقارۋىنا شارت - جاعداي جاراتىپ، اقشانى بەيپىل تاراتپاۋدا تاباندى بولىپ، اقشانى ارتىق تاراتپادى، قۇرال - سايمان ساندىعىن بوس قالدىرمادى. سوندىقتان قازىر جۇڭگونىڭ اقشا ساياساتىنىڭ كەڭىستىگى ءالى دە ءبىرشاما جەتكىلىكتى، ساياساتتىق قۇرالى مول. «كەلەسى قادامدا ءبىز ورنىقتى اقشا ساياساتىندا تاباندى بولىپ، ساياسات قۇرالدارىنان پارمەندى، ءونىمدى تۇردە ويداعىداي پايدالانىپ، ارتۋدى ورنىقتىرۋ، جۇمىستاندىرۋدى ورنىقتىرۋ مەن اقشانىڭ قۇنسىزدانۋىنىڭ قاتىناسىنا ويداعىداي كوڭىل ءبولىپ، ءتۇرلى حاۋىپ - قاتەر مەن سىن - سايىسقا ويداعىداي توتەپ بەرەمىز» دەدى ليۋ گوچياڭ.

　　وۋ ۋىنحان مىنانى ءبىلدىردى: كەلەسى قادامدا قازىنا مينيسترلىگى جەرگىلىكتى ۇكىمەتتىڭ ارناۋلى قارىز شەگى قورىن زاڭ بويىنشا جانداندىرىپ، ارناۋلى زايوم قارجىسىنىڭ قوزعاۋشىلىق رولىن اناعۇرلىم ويداعىداي ساۋلەلەندىرەدى؛ ءىشىنارا اكىمشىلىك ورىن، ءىسورىن سيپاتتى اقى الۋدى كەشىكتىرىپ، كاسىپورىندار مەن جەكەشە ونەركاسىپشىلەر مەن ساۋداگەرلەردىڭ اۋىرتپالىعىن جەڭىلدەتىپ، قيىنشىلىعىن شەشۋىنە دەم بەرەدى؛ ساياساتتىق اشۋ سيپاتتى فينانس قۇرالدارىنان ويداعىداي پايدالانۋعا قولداۋ كورسەتىپ، ماڭىزدى نىسانداردىڭ ءتارتىپتى تياناقتانۋىن ىلگەرىلەتەدى.

　　«جۇڭگو دۇنيە جۇزىندەگى ەكىنشى ۇلكەن ەكونوميكالىق تۇلعا رەتىندە جەتكىلىكتى دامۋ يكەمدىلىگىنە يە، ورنالاستىرىلعان ساياساتتىق شارالاردىڭ تياناقتانىپ، ءونىم بەرۋىنە بايلانىستى، ءبىز جۇڭگونىڭ ەكونوميكالىق اينالىمنىڭ ۇيلەسىمدى ارالىقتا بولارىنا سەنۋىمىز كەرەك» دەدى ياڭ يىنكاي.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

وقىرمان نازارىنا

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

مادەنيەت

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved