ەلىمىز تۇڭعىش رەتكى مارسقا بارلاۋ جۇرگىزۋ مىندەتى بارىسىندا باي مازمۇندى عىلىمي جەتىستىكتەرگە قول جەتكىزدى
2022.09.20 10:45 كەلۋ قاينارى : حالىق تورابى
 |
سۋرەتتە: جۋرۇڭ اتتى اسپاپ قونعان جەردەگى سوعىلسۋ شۇڭقىرى، ويىس كونۋس، ناۋاشا جانە ومىرتقاشا جەر بەدەرلەرىنىڭ سۋرەتى. (مەملەكەتتىك عارىش مەكەمەسى بەرگەن سۋرەت)
|
مەملەكەتتىك عارىش مەكەمەسىنىڭ 9 – ايدىڭ 18 – كۇنى حابارلاۋىنشا، 2022 – جىلى 9 – ايدىڭ 15 – كۇنىنە دەيىن، تيانۋىن 1 – ءنومىرلى اينالۋ اسپابى وربيتادا 780 نەشە كۇن اينالىپ، مارس ماشيناسى جيىنى 1921 مەتر جول باسىپ، الدىن الا بەلگىلەنگەن عىلىمي بارلاۋ مىندەتتەرىن ورىنداپ، ءتول مازمۇنداعى عىلىمي بارلاۋ دەرەكتەرىنەن 1480GB دەرەككە قول جەتكىزگەن. عىلىمي زەرتتەۋ ۇجىمى ەلىمىز دەربەس قول جەتكىزگەن ءتول عىلىمي دەرەكتەرگە زەرتتەۋ جۇرگىزۋ ارقىلى مول عىلىمي جەتىستىكتەرگە قول جەتكىزگەن.
قونۋ رايونىنا تارالعان ويىس كونۋس، قامالشا فورماداعى سوعىلىسۋ شۇڭقىرى، ناۋاشا جەر بەدەرى قاتارلى تيپتىك جەر بەدەرلەرىنە جان – جاقتى زەرتتەۋ جۇرگىزۋ ارقىلى جوعارىدا ايتىلعان جەر بەدەرلەرىنىڭ قالىپتاسۋىنىڭ سۋمەن بولعان ماڭىزدى بايلانىسىن اشتى.
فوتواپپاراتپەن تۇسىرگەن كەسكىن جانە جارىق سپەكترى دەرەكتەرى ارقىلى قونۋ رايونىنىڭ ماڭىنداعى تاقتايشا فورماداعى قاتتى قابىرشىقتى تاستان سۋ قۇرامى بار مينەرال زاتتاردى بايقاعان، بۇل وسىدان ميلليارد جىلدان بەرگى (امازونيانىڭ سوڭعى مەزگىلى) مەزگىلدە، قونۋ رايونىندا كوپ مولشەردە سۇيىق كۇيدە سۋ ساقتالعانىن ىسپاتتايدى.
فوتواپپاراتپەن تۇسىرىلگەن كەسكىندەردى جانە مارس ماشيناسىنىڭ جۇرگەن كەزدەگى دوڭعالاق ءىزى قاتارلىلاردى ۇشتاستىرا وتىرىپ، قونۋ رايونىنداعى توپىراقتىڭ ءبىرشاما زور قىسىمعا توزە الاتىنىن ءارى ۇيكەلىس پارامەترىنىڭ ءبىرشاما تومەن ەكەنىن، سۋمەن قاتىستى ءارى قۇمدى بوراننىڭ جەمىرۋىنە ۇشىراعان بەلگىلەرىنىڭ بار ەكەنىن بايقاعان.
بۇل جاڭا زەرتتەۋ ناتيجەلەرى مارستاعى قۇمدى بوران مەن سۋدىڭ گەولوگيالىق وزگەرىستەر مەن قورشاعان ورتا وزگەرىسىنە جاساعان ىقپالىن اشىپ كورسەتتى، مارستاعى ۋتوپيا جازىعىندا كەزىندە تەڭىز – مۇحيت بولعان بولۋى مۇمكىن دەگەن جورامالعا پارمەندى تىرەك ازىرلەدى، ادامزاتتىڭ مارستىڭ گەولوگيالىق وزگەرىسى مەن قورشاعان ورتا وزگەرىسىنە بولعان عىلىمي تانىمىن بايىتتى. قاتىستى ناتيجەلەر ەل ءىشى – سىرتىنداعى بەدەلدى عىلىمي جۋرنالداردا جاريالاندى.
مۇنان سىرت، عىلىمي زەرتتەۋ ۇجىمى تيانۋىن 1 – ءنومىرلى بارلاۋ اسپابى بارلاعان دەرەكتەردەن پايدالانىپ، مارستىڭ بەتكى قاباتىنداعى تاستاردىڭ تىعىزدىعى مەن جەر بەدەرىنىڭ جەمىرىلۋ مولشەرى اراسىنداعى قاتىناس، مارسقا جاقىن كەڭىستىكتەگى بەيتاراپ يوندار مەن بەيتاراپ بولشەكتەردىڭ تارالۋ جاعدايى، سونداي – اق، مارستاعى تارتىلىس ءورىسى قاتارلى جاقتاردا ءبىر توپ ۇزدىك عىلىمي زەرتتەۋ ناتيجەلەرىنە قول جەتكىزدى.
قازىر تيانۋىن 1 – ءنومىرلى اينالۋ اسپابى مىندەتتى وربيتادا الىستان مەڭگەرۋ ءتاسىلى بويىنشا عىلىمي بارلاۋ ورىستەتىپ، ءتول عىلىمي دەرەكتەردى ۇزدىكسىز جيناقتاۋدا. (ءتىلشى حۋ جى)
كەلۋ قاينارى: حالىق تورابى
 |
سۋرەتتە: جۋرۇڭ اتتى اسپاپ قونۋ رايونىنان بايقاعان سۋ قۇرامى بار مينەرال زاتتار مولىنان ساقتالعان تاقتايشا فورماداعى قاتتى قابىرشىقتى تاستار جانە ونىڭ جەر استى سۋىنىڭ ىقپالىنا ۇشىراپ قالىپتاسۋ بارىسى كورسەتىلگەن نوباي سۋرەت. (مەملەكەتتىك عارىش مەكەمەسى بەرگەن)
|
 |
سۋرەت: جۋرۇڭ اتتى اسپاپ قونعان رايونداعى مارستىڭ گەولوگيالىق بوگەنايى ءارى تاستارى. (مەملەكەتتىك عارىش مەكەمەسى بەرگەن سۋرەت)
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
