بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

حالىقتىڭ قۇت - ىرىسىن ارتتىرۋ پارتيانىڭ تىلەگى

□ انار بۇلت \ شينجياڭ گازەتىنىڭ ءتىلشىسى گو ليڭ

2022.10.21 15:02     كەلۋ قاينارى : شينجياڭ گازەتى

  حالىق تۇرمىسىندا كىشى - گىرىم ءىس جوق، ءاربىرى حالىق تىلەگىمەن، حالىق رايىمەن بايلانىسىپ جاتىر.

  ”دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا، ءسوز جوق، تاباندى بولىپ، تىزە قوسا كۇرەس جۇرگىزىپ، تاماشا تۇرمىس جاراتۋعا دەم بەرىپ، حالىقتىڭ تاماشا تۇرمىسقا تالپىنىسىن ۇزدىكسىز جۇزەگە اسىرۋ كەرەك“، ”حالىق تۇرمىسىنا تيىمدىلىك جاسايتىن، حالىقتىڭ كوڭىلىن تاباتىن اناعۇرلىم كوپ شارانى قولدانىپ، حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن كۇش سالا شەشۋ كەرەك“... پارتيا 20 - قۇرىلتايىنىڭ بايانداماسى نازاردى حالىق تۇرمىسىنداعى ءجىتى نازار اۋدارىپ وتىرعان ىستەرگە شوعىرلاندىرىپ، حالىقتىڭ قۇت - ىرىسىن ارتتىرىپ، حالىقتىڭ تۇرمىس ساپاسىن جوعارىلاتۋدى العا قويىپ، قىزۋ اڭىس قوزعادى.

  پارتيا 20 - قۇرىلتايىنا قاتىناسقان شينجياڭ ۋاكىلدەرى بىلاي دەپ قارادى: ”حالىق“ دەگەن سوزگە كەلەلى جاۋاپكەرشىلىك ۇستەلگەن، حالىقتى باقىتتى تۇرمىسقا كەنەلتۋ ”مەملەكەتتىڭ ءىرى ءىسى“. حالىق بۇقاراسىن تاماشا تۇرمىسقا كەنەلتۋ سىندى وزگەرمەس تالپىنىستى كوكەيدە ساقتاپ، ءبىر ءىستى ءبىر ىسكە جالعاپ ىستەۋ، ءبىر جىلدى ءبىر جىلعا جالعاپ ىستەۋ كەرەك. بولاشاقتا، ءسوز جوق، بۇقارانىڭ جۇزىنەن ءتىپتى كوپ شاتتىق لەبى ەسەدى، ءتىپتى كوپ مەيىرىم جۇرت جۇرەگىنە ۇيالايدى.

  جۇمىستاندىرۋ سىندى وسى ەڭ نەگىزگى حالىق تۇرمىسىن ورنىقتىرامىز

  جۇمىستاندىرۋ حالىق تۇرمىسىنىڭ نەگىزى. ەلىمىز حالىق سانى كوپ ءىرى ەل، پارتيا مەن ۇكىمەت ەجەلدەن جۇمىستاندىرۋ قىزمەتىنە ايرىقشا ءمان بەرىپ كەلەدى، دامۋدى جەبەۋ، جۇمىستانۋدى قامتاماسىز ەتۋ ەجەلدەن پارتيا مەن ۇكىمەت قىزمەتىنىڭ ءتۇيىنى بولىپ كەلدى. اسىرەسە، پارتيا 18 - قۇرىلتايىنان بەرى، پارتيا ورتالىق كوميتەتى جۇمىستاندىرۋدى الدىمەن ويلاستىرۋ ساياساتىن ۇزدىكسىز كۇشەيتىپ، سوڭعى جىلداردان بەرى، اۋەلى، جۇمىستاندىرۋدى ”التىنى ورنىقتىرۋدىڭ“، ”التىنى قامتاماسىز ەتۋدىڭ“ الدىڭعى ورنىنا قويىپ، جۇمىستاندىرۋ قىزمەتىندە تاريحي سيپاتتى جەتىستىكتەرگە قول جەتكىزۋدى ىلگەرىلەتتى.

  ”پارتيا 20 - قۇرىلتايى بايانداماسىندا، جۇمىستاندىرۋدى الدىمەن ويلاستىرۋ ستراتەگياسىن اتقارۋ العا قويىلدى، بۇل، حالىقتى وزەك ەتكەن دامۋ يدەياسىنىڭ ناقتى بەينەسى“. ۋاكىل جاۋ ۋىنچۋان بىلاي دەدى: سوڭعى 5 جىلدا قارامايلى قالاسى ”بىردە - ءبىر ادامى جۇمىستانباعان وتباسىلاردى“ يكەمدى نولگە ءتۇسىرۋدى ساقتادى، قالا - قالاشىقتاردا تەكسەرىلگەن جۇمىسسىزدىق مولشەرى باستان - اياق %5.5 ىشىندە مەڭگەرىلدى. كەلەسى قادامدا، جۇمىستاندىرۋدى الدىمەن ويلاستىرۋ ستراتەگياسىنا تاباندى بولىپ، جۇمىس ورنىن ورنىقتىرىپ، كاسىپورىندارعا كومەكتەسىپ جۇمىس ورنىن ورنىقتىرۋ ساياساتىن بار كۇشپەن اتقارىپ، جاڭا جۇمىس كۇيى ۇلگىسىمەن اينالىساتىنداردى تەحنيكالىق شەبەرلىك بويىنشا تاربيەلەۋدى قاراستىرىپ، ورىستەتىپ، يكەمدى جۇمىستاندىرۋدى جانە جاڭا كاسىپ كۇيىمەن جۇمىستاندىرۋدى زور كۇشپەن دامىتادى.

  ۋاكىلدەر بىلاي دەپ قارادى: جۇمىستاندىرۋ ەڭ ۇلكەن حالىق تۇرمىسى ينجەنەرياسى، حالىق تىلەگى ينجەنەرياسى، نەگىز ينجەنەرياسى، قوعام ورنىقتىلىعىنىڭ ماڭىزدى كەپىلى، جۇمىستاندىرۋ سىندى وسى نەگىزدى ورنىقتىرساق، تۇرعىنداردىڭ كىرىسى بولادى جانە تۇتىنادى، ەكونوميكالىق، قوعامدىق جالپى جاعداي ورنىقتى ىرگە تاسقا يە بولادى.

  ”باياندامادا ايگىلەنگەن حالىق ءۇشىن قىزمەت وتەۋ اۋەلگى ماقساتى بارلىق جۇڭگولىقتىڭ تاماشا بولاشاققا ءتىپتى ايقىن كوز جىبەرۋىنە دە مۇمكىندىك جاسادى“. ۋاكىل ۋاڭ گاڭ بىلاي دەدى: اقسۋ ايماعى جۇمىستاندىرۋدى ەڭ ۇلكەن حالىق تۇرمىسى ينجەنەرياسى، حالىق تىلەگى ينجەنەرياسى، نەگىز ينجەنەرياسى ساناپ، ەڭبەككۇش شوعىرلى كاسىپ سالالارىن زور كۇشپەن دامىتىپ، بۇقارانىڭ كىرىسىن ارتتىردى، 10 جىلدا بۇكىل ايماقتا قالا - قالاشىقتارداعى جاڭادان ارتقان جۇمىستانۋشى جيىنى 459 مىڭ 200 ادامعا جەتتى، ”جاڭا جورىققا قادام تاستاپ، جۇمىستاندىرۋدى الدىمەن ويلاستىرۋ ساياساتىن ويداعىداي اتقارىپ، اناعۇرلىم تولىق جانە اناعۇرلىم جوعارى ساپالى جۇمىستاندىرۋدى جۇزەگە اسىرۋدا ءبىزدىڭ سەنىمىمىز شەكسىز بەكەمدەلە ءتۇستى“.

  ”وسىزامانداندىرۋدىڭ ەڭ ماڭىزدى كورسەتكىشىن“ مىقتاپ يگەرەمىز

  ”وسىزامانداندىرۋدىڭ ەڭ ماڭىزدى كورسەتكىشى − حالىقتىڭ دەنساۋلىعى، بۇل، حالىقتىڭ باقىتتى تۇرمىسىنىڭ نەگىزى“. 2021 - جىلى 3 - ايدا باس شۋجي شي جينپيڭ فۋجياندى كوزدەن كەشىرگەندە وسىلاي دەپ اتاپ كورسەتتى.

  ەمدەۋ، دەنساۋلىق ساقتاۋ سالاسىنان كەلگەن ۋاكىل ءمۇياسسار نيجات بىلاي دەدى: ”پارتيا 20 - قۇرىلتايىنىڭ بايانداماسىندا دا، حالىقتىڭ سالاماتتىعىن قامتاماسىز ەتۋدى الدىمەن دامىتىلاتىن ستراتەگيالىق ورىنعا قويىپ، حالىقتىڭ سالاماتتىعىن جەبەۋ ساياساتىن كەمەلدەندىرۋ كەرەك دەپ اتاپ كورسەتىلدى. بۇل ەمدەۋ، دەنساۋلىق ساقتاۋ ىستەرىنىڭ دامۋىنا العا باسۋ بەتالىسىن ايقىنداپ، ءتۇبىرلى بويسۇنۋ ولشەمىن ازىرلەپ، سالاماتتى جۇڭگو قۇرىلىسىنا مىعىم رۋحاني قوزعاۋشى كۇش قوستى“.

  ۋاكىل ءمۇياسسار نيجات بىلاي دەدى: پارتيا 18 - قۇرىلتايىنان بەرى، پارتيا ورتالىق كوميتەتى حالىقتىڭ سالاماتتىعىن قامتاماسىز ەتۋدى الدىمەن دامىتىلاتىن ستراتەگيالىق ورىنعا قويىپ، ەمدەۋ قامسىزداندىرۋى ءتۇزىمى رەفورماسىن جاپپاي تەرەڭدەتىپ، دۇنيە جۇزىندە كولەمى ەڭ ۇلكەن ەمدەۋ، دەنساۋلىق ساقتاۋ جۇيەسىن قۇردى. شينجياڭنىڭ دەنساۋلىق ساقتاۋ، سالاماتتىق ىستەرى دە قارىشتاپ دامىپ، ەمدەۋ، دەنساۋلىق ساقتاۋ قۇرىلىمدارىنىڭ، قىزمەتكەرلەرىنىڭ كولەمى ۇزدىكسىز زورايىپ، ساپاسى ونان ارى جوعارىلادى، ەمدەۋ دارىندىلارىنىڭ ”ۇجىمداسۋ فورماسىندا“ شينجياڭعا كومەكتەسۋ قىزمەتىنىڭ ونىمدىلىگى كورنەكتىلەنىپ، حالىق بۇقاراسىنىڭ سالاماتتىق دەڭگەيى ۇزدىكسىز جوعارىلاپ، تابىس سەزىمى مەن باقىت كورسەتكىشى بارىنشا ارتتى.

  ۋاكىل ءمۇياسسار نيجات مىنالاردى ءبىلدىردى: جاڭا جورىقتا حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، قىزمەت جاۋاپكەرشىلىگىن، بورىشتى باتىلدىقپەن ارقالاپ، نازاردى اۋىرعاندا ەمدەلەتىن مۇمكىندىگى بولۋعا اناعۇرلىم شوعىرلاندىرىپ، جاڭا ىلگەرىلەۋشىلىكتەرگە ۇزدىكسىز قول جەتكىزىپ، بۇقارانىڭ سالاماتتىعىن جان - جاقتىلى، جالپى پەريودتى قورعاپ، حالىق بۇقاراسىنىڭ تاماشا تۇرمىسقا دەگەن تالپىنىسىن ۇزدىكسىز قاناعاتتاندىرۋ كەرەك.

  ۋاكىل جاۋ ۋىنچۋان بىلاي دەدى: كەلەسى قادامدا، قارامايلى قالاسى قوعامدىق قامسىزداندىرۋ دەڭگەيىن ۇزدىكسىز جوعارىلاتىپ، جالپى حالىقتى قامسىزداندىرۋعا قاتىناستىرۋ جوسپارىن ىشكەرىلەي اتقارىپ، مەملەكەتتىك 2 - توپتاعى ۇكىمەتتىك شيپاحانالاردىڭ كەشەندى رەفورماسىنان ۇلگى كورسەتۋ قالاسى ءتۇيىندى مىندەتىن جاپپاي تياناقتاندىرىپ، اۆتونوميالى رايون دارەجەلى وڭىرلىك ەمدەۋ ورتالىعى قۇرىلىسىن بار كۇشپەن ىلگەرىلەتىپ، قالا رايونى ەمدەۋ، دەنساۋلىق ساقتاۋ بايلىعىنىڭ ورنالاسۋىن ساپالىلاندىرىپ، رەتتەپ، ”ەمدەۋ، كۇتىمدەۋ، دەنساۋلىعىن قالپىنا كەلتىرۋ“ توعىسقان، جۇڭگوشا، باتىسشا ەمدەۋ ءبىر - ءبىرىن جەبەگەن ەمدەۋ جۇيەسىن قالىپتاستىرىپ، وتباسىلىق شيپاگەرمەن توقتام جاساسىپ قىزمەت وتەۋدى كۇشەيتىپ، بۇقارانىڭ باقىت سەزىمىن ارتتىرادى.

  دامۋ بارىسىندا حالىق تۇرمىسىن قامتاماسىز ەتەمىز جانە جاقسارتامىز

  دامۋ مەن حالىق تۇرمىسىن قامتاماسىز ەتۋ جانە جاقسارتۋ ديالەكتيكالىق بىرلىككە يە. دامۋ حالىق تۇرمىسىن قامتاماسىز ەتۋدىڭ جانە جاقسارتۋدىڭ العى شارتى، حالىق تۇرمىسىن قامتاماسىز ەتۋ جانە جاقسارتۋ دامۋدىڭ سوڭعى نىساناسى.

  ”دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولۋدا، ءسوز جوق، حالىق تۇرمىسىن قامتاماسىز ەتۋدىڭ جانە جاقسارتۋدىڭ دامۋ بەتالىسىنا تاباندى بولۋ كەرەك“. نەگىزگى ساتىدان كەلگەن ۋاكىل گۇلامبەر راۋشان بىلاي دەدى: بيىل شينجياڭداعى تۇڭعىش رەتكى بيىك ءۇستىرت اۋەجايى تاشقورعان اۋەجايىندا ۇشاق قاتىناماقشى، پانلۇڭ بايىرعى جولى دا بۇكىل ەل بويىنشا ينتەرنەتتە تانىمال تاس جولعا اينالىپ، كوپتەگەن ساياحاتشىنى باۋرادى، اۋىلداستاردىڭ بايۋ جولى بارعان سايىن كەڭەيدى، اۋىلدى ونان ارى تاماشا ەتۋ، ەگىنشى - مالشىلاردىڭ تۇرمىسىن ونان ارى بايىتۋ پارتيامىزدىڭ اۋەلگى ماقساتى بولىپ قانا قويماي، ءاربىر بۇقارانىڭ تىلەگىنە اينالدى.

  بيىل 7 - ايدا باس شۋجي شي جينپيڭ شينجياڭدى كوزدەن كەشىرگەندە: دامۋ مەن ورنىقتىلىقتىڭ، دامۋ مەن حالىق تۇرمىسىنىڭ، دامۋ مەن جۇرت تىلەگىنىڭ تەرەڭ بايلانىسىن جىعا تانىپ، دامۋ جەتىستىكتەرىمەن حالىق تۇرمىسىنا تيىمدىلىك جاساۋدى، جۇرت تىلەگىن ۇيىستىرۋدى ىلگەرىلەتۋ كەرەك، - دەپ تاعى باسا دارىپتەدى.

  پارتيا ورتالىق كوميتەتىنىڭ ىقىلاستى قامقورلىعىندا، جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ دۇرىس جەتەكشىلىگىندە، شينجياڭداعى ءار ۇلت حالقىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز ارتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ حالىقتى وزەك ەتكەن دامۋ يدەياسىنىڭ شينجياڭداعى امالياتىن تولىق ايگىلەدى.

  ۋاكىل ۋاڭ گاڭ بىلاي دەدى: پارتيامىز باستان - اياق حالىققا يگىلىك جەتكىزۋدى ەڭ ماڭىزدى ناتيجە ساناپ، بۇقاراعا قانشا يگى ءىس، ناقتى ءىس ىستەپ بەرۋدى ناتيجەنى سارالاۋدىڭ ماڭىزدى ولشەمى ەتتى. اقسۋ ايماعى ءبىر قىدىرۋ تىڭعىلىقتى، ءونىمدى ساياساتتىق شارالار قولدانىپ، حالىق بۇقاراسىنىڭ قۇت - ىرىسىن ۇزدىكسىز ارتتىردى، بۇگىنگى كۇندە مەكتەپكە دەيىنگى تاربيەدەن يگىلىكتەنۋ، وقيتىن مەكتەبى بولۋ، ەڭبەگىنىڭ جەمىسىن كورۋ، اۋىرعاندا ەمدەلەتىن مۇمكىندىگى بولۋ، تۇراقتى باسپاناسى بولۋ، كومەككە ءزارۋ جاندار كومەكتەن يگىلىكتەنە الاتىن بولۋ سىندى حالىق تۇرمىسى كارتيناسى جاپپاي ايگىلەندى.

  ۋاكىلدەر بىلاي دەپ قارادى: ناقتى دامۋ جەتىستىكتەرى حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن نىعايتتى، سونداي - اق پارتيا تىلەگىنىڭ، حالىق تىلەگىنىڭ ىقپالداستىعى مەن ۇندەستىگىن ۇزدىكسىز ارتتىردى. مىنە وسىنداي قىمباتتى ”قوس باعىتتى ات سالىسۋ“ جاپپاي سوتسياليستىك وسىزاماندانعان مەملەكەت قۇرۋدىڭ جاڭا تاراۋىن جازۋعا سارقىلماس قوزعاۋشى كۇش ازىرلەيدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار