جاڭ كىچين ۋاكىل: عىلىم – تەحنيكا، اۋىل شارۋاشىلىعى جاعىندا قۇدىرەتتى ەل بولۋعا ۇلەس قوسامىن
2023.03.12 15:29 كەلۋ قاينارى : حالىق تورابى
3 – ايدىڭ 5 – كۇنى، 14 – كەزەكتى مەملەكەتتىك حالىق قۇرىلتايى 1 – ءماجىلىسىنىڭ تۇڭعىش رەتكى ”ۋاكىلدەر ءدالىزى“ سۇحبات الۋ قيمىلىندا مەملەكەتتىك حالىق قۇرىلتايىنىڭ ۋاكىلى جاڭ كىچين مىنانى ءبىلدىردى: قيىنشىلىقتان قامال الىپ، باتىلدىقپەن الدا ءجۇرۋ سىندى جاڭالىق اشۋ رۋحىن ۇزدىكسىز ساۋلەلەندىرىپ، قىزمەتتى تاباندىلىقپەن قۇلشىنا ىستەپ، جاسىل دامۋدى ىلگەرىلەتۋگە، عىلىم – تەحنيكا، اۋىل شارۋاشىلىعى جاعىندا قۇدىرەتتى ەل بولۋعا ءوزىمنىڭ ءتيىستى ۇلەسىمدى قوسۋعا كۇش سالامىن، — دەدى.
جاڭ كىچين جۇڭگو عىلىم اكادەمياسىنىڭ اكادەميگى، يۇننان داشۋەسى يۇننان ورگانيزم بايلىق قاينارىن قورعاۋ جانە پايدالانۋ مەملەكەتتىك ءتۇيىندى تاجىريبەحاناسىنىڭ مەڭگەرۋشىسى. ول جانە ونىڭ زەرتتەۋ ۇجىمى يۇنناننىڭ باي، الۋان ءتۇرلى ورگانيزم بايلىعىن تولىق پايدالانىپ، قىلقۇرتتان ساقتانۋ جاعىنداعى ميكرو ورگانيزمدەر بايلىق قاينارى قامباسىن قۇرىپ، قىلقۇرتتان بيولوگيالىق جولمەن ساقتانۋ ونىمدەرىن زەرتتەپ جاسادى، بۇل ءونىمنىڭ بىرتىندەپ اسا ۋلى حيميالىق اۋىل شارۋاشىلىعى دارىلەرىنىڭ ورنىن باسۋىنان ءۇمىت زور.
”مەنىڭ ۇسىنىستارىم، باستىسى، اۋىل شارۋاشىلىعى سالاسىنداعى ’تىعىرىققا تىرەيتىن‘ تەحنيكالار جاعىندا قالاي ناتيجە جاراتۋعا بولادى، قايتكەندە ديقانداردىڭ ءونىمدى ارتتىرىپ، كىرىسىن مولايتۋىنا كومەكتەسۋگە بولادى، ت.ب. ماسەلەلەر توڭىرەگىندە شوعىرلانعان“ دەدى جاڭ كىچين. شينحۋا اگەنتتىگىنىڭ ءتىلشىسى جياڭ ۋىنياۋ فوتوسى
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
