وقۋ-اعارتۋ مينيسترلىگى: مەكتەپ بىتىرگەن وقۋشىلار قىزمەت قاراستىرۋ بارىسىندا شىرعادان ساقتانۋى كەرەك
2023.04.23 15:05 كەلۋ قاينارى : حالىق تورابى
قازىر، جوعارى مەكتەپ بىتىرگەن وقۋشىلاردىڭ جۇمىس قاراستىرۋىنىڭ قاۋىرت مەزگىلىنە تۋرا كەلدى. وقۋ-اعارتۋ مينيسترلىگى 4-ايدىڭ 20-كۇنى حابار جاريالاپ، وقۋشىلارعا ۇنەمى كەزدەسەتىن كاسىپتەنۋ شىرعاسىن مۇقيات تانۋدى، سونداي-اق «بەستەن ساقتانۋ مەن ءۇش ماڭىزدى ءىستى» ويداعىداي ىستەپ، شىرعاعا تۇسۋدەن ساقتانۋدى ەسكەرتتى.
وقۋ-اعارتۋ مينيسترلىگى: جۇمىس قاراستىرۋ بارىسىندا ساقتىق تانىمىن جوعارىلاتىپ، «بەستەن ساقتانىپ»، شىرعادان ىرىقتى تۇردە اۋلاق ءجۇرۋدى اتاپ كورسەتتى.
ءبىرىنشى، قارا دەلدالداردان ساقتانۋ كەرەك. ”قارا دەلدالدار“ دەگەنىمىز زاڭسىز قۇرىلىمداردىڭ قىزمەت تانىستىرۋدى جەلەۋ ەتىپ، جۇمىس قاراستىرۋشىلاردان قىرۋار دانەكەرلىك اقى الىپ، سىنىقتان سىلتاۋ تاۋىپ، توقتامدى كەشىكتىرۋىن نەمەسە تىكەلەي اتقارماۋىن مەڭزەيدى. ءارقانداي جۇمىس قاراستىرۋ بارىسىندا وسىنداي جاعدايلارعا تاپ بولعاندا، سول جەردەگى ەڭبەك باقىلاۋ تاراۋلارىنان نەمەسە قوعام حاۋىپسىزدىگى ورگاندارىنان كومەك سۇراپ، قاتىستى قاراجاتتاردى تولەۋدەن باس تارتۋ كەرەك.
ەكىنشى، الباتى اقى الۋدان ساقتانۋ كەرەك. ”الباتى اقى الۋ“ دەگەنىمىز ادام ىستەتۋشى ورىن نەمەسە دانەكەرلىك قۇرىلىمداردىڭ جۇمىسشى ىستەتۋدى سىلتاۋ ەتىپ، تىزىمدەلۋ اقىسى، دەنساۋلىق تەكسەرۋ اقىسى، تاربيەلەۋ اقىسى، كەپىلدەمە اقشا، قىزمەت ورنىنىڭ ورنىقتىلىق قاراجاتى، ماتەريالداردى تەكسەرۋ اقىسى، كيىم-كەشەك اقىسى قاتارلى قاراجاتتاردى العان سوڭ، ءار ٴتۇرلى جال تاۋىپ، مەكتەپ بىتىرگەن وقۋشىلاردىڭ جۇمىسقا كىرۋىن تويتارۋى نەمەسە ورتا جولدا جۇمىستان شەگىندىرۋىن مەڭزەيدى. ءارقانداي جۇمىس قاراستىرۋ بارىسىندا وسىنداي جاعدايلارعا تاپ بولعاندا، بايىپتىلىقپەن توتەپ بەرىپ، جۇمىسقا كىرۋدەن بۇرىن تاپسىرۋدى تالاپ ەتكەن ءتۇرلى زاڭسىز قاراجاتتاردى تولەۋدەن باس تارتۋ كەرەك.
ءۇشىنشى، تاربيەلەۋ قارىزىنان ساقتانۋ كەرەك. ”تاربيەلەۋ قارىزى“ دەگەنىمىز كەيبىر قۇرىلىمداردىڭ جوعارى ەڭبەكاقىمەن كاسىپتەنۋگە شىرعالاپ، مەكتەپ بىتىرگەن وقۋشىلارعا تاربيەلەۋدەن كەيىن كوتەرمەگە الىپ كاسىپتەندىرۋگە ۋادە بەرۋى، ءبىراق قارىز اقشا الىپ تاربيەلەۋ اقىسىن تولەتۋى مەڭزەلەدى. ءىشىنارا سەرىكتەستىكتەردىڭ قىزمەتكەرلەرى اۋەلى قارىز اقشا جۇمساق بولشەگىن قالاي پايدالانۋدى قولما-قول ۇيرەتەدى. ءارقانداي جۇمىس قاراستىرۋ بارىسىندا وسىنداي جاعدايلارعا تاپ بولعاندا، جەڭىل-جەلپى قارىز الىپ، قاتىستى قاراجاتتاردى تولەۋدەن قاتتى ساقتانىپ، قىزمەتكەر قابىلدايتىن كاسىپورىننىڭ ساۋدا-ونەركاسىپتىك تىركەلۋى، كاسىپورىن سەنىمدىلىگى سياقتى ينفورماتسيالارىن انىقتاۋ كەرەك.
ءتورتىنشى، اقى تولەپ پراكتيكا وتكىزۋ. ”اقى تولەپ پراكتيكا وتكىزۋ“ دەگەنىمىز كەيبىر قۇرىلىمداردىڭ مەكتەپ بىتىرگەن وقۋشىلارعا جوعارى ەڭبەكاقى بەرەتىن كاسىپتىك پراكتيكا ورنىن ارىزلەۋگە ۋادە بەرۋى، ءبىراق مەكتەپ بىتىرگەن وقۋشىلاردان قاتىستى قىزمەت وتەۋ قاراجاتىن تاپسىرۋدى تالاپ ەتۋى مەڭزەلەدى. ءارقانداي جۇمىس قاراستىرۋ بارىسىندا وسىنداي جاعدايلارعا تاپ بولعاندا، ەشقانداي تالابى جوق ءارى ەڭبەكاقى مامىلەسى قالىپسىز جوعارى بولعان قىزمەتكەر قابىلداۋ ينفورماتسيالارىنا الباتى سەنە سالماۋ، قاتىستى قاراجاتتاردى تولەۋدەن باس تارتۋ كەرەك.
بەسىنشى، زاڭسىز وتكەرمەلەپ ساتۋدان ساقتانۋ كەرەك. ”زاڭسىز وتكەرمەلەپ ساتۋ“ دەگەنىمىز ۇيىمداستىرۋشىلاردىڭ قىزمەتكەر قابىلداۋ ارقىلى تاۆار ساتىپ الۋدى تالاپ ەتۋ سياقتى تاسىلدەرمەن زاڭسىز پايداعا كەنەلۋىن مەڭزەيدى؛ كەيبىر قىسقا كەسكىندىك تەكشەلەردە ايتىلمىش ”مەكتەپ اۋلاسىندا كاسىپ قۇرۋ“ كەسكىنىنىڭ ەسەپاتى ساقتالۋدا، مىنە وسىلار ستۋدەنتتەردى اقشا تولەۋ ارقىلى قاتارعا قوسىلۋعا باۋرايدى، ءىس جۇزىندە بۇلار تومەنگى شەكتە ۇزدىكسىز دامىپ، اقى الادى. ءارقانداي جۇمىس قاراستىرۋ بارىسىندا ۇيىمداستىرشىلار كىرۋ اقىسىن الىپ، قاتىناسۋشىلارعا: ”ساتىلار بويىنشا قىزمەتكەر دامىتۋ ارقىلى ەڭبەكاقىعا يە بولاسىز“ دەپ الدايتىن جاعداي كەزىكسە، دەرەۋ اۋلاق بولعان ءجون. الدا-جالدا كۇماندى جاعداي نەمەسە الدانۋشىلار بايقالسا، دەرەۋ 110 عا تەلەفون بەرىپ، ساقشىعا مالىمدەۋ كەرەك.
بۇدان سىرت، وقۋ-اعارتۋ مينيسترلىگى تاعى قىزمەت قاراستىرۋ بارىسىندا ”ءۇش ماڭىزدى ءىستى“ ەستە بەرىك ساقتاۋدى ەسكەرتتى.
ءبىرىنشى، قىزمەت قاراستىرۋداعى حاۋىپسىزدىك تانىمىن كۇشەيتۋ كەرەك. مەكتەپ ۇيىمداستىرعان كاسىپتەنۋگە جەتەكشىلىك ەتۋ جانە حاۋىپسىزدىك تاربيەسى ساباقتارىنا بەلسەنە قاتىناسىپ، كاسىپتەنۋدەگى ”شىرعانى“ پارىقتاۋ تانىمى مەن قابىلەتىن كۇشەيتىپ، ايتىلمىش ”جۇمىس قاراستىرۋداعى ۇرىمتال جولمەن“ جۇرمەۋ كەرەك.
ەكىنشى، جۇيەلى قىزمەت قاراستىرۋ ارناسىنان پايدالانۋ كەرەك. مەكتەپ بىتىرگەن وقۋشىلار مەملەكەتتىك ستۋدەنتتەردىڭ كاسىپتەنۋگە قىزمەت وتەۋ تەكشەسى، جوعارى مەكتەپتەردىڭ كاسىپتەنۋ توراپ بەكەتى، مەملەكەت قويعان تەكشە قاتارلى مەملەكەتتىڭ قاتىستى تاراۋلارى، جەرگىلىكتى ورىندار مەن جوعارى مەكتەپتەردىڭ قىزمەتكەر قابىلداۋى سياقتى جۇيەلى جولدارمەن كاسىپتەنۋ ينفورماتسياسىنا يە بولۋى كەرەك.
ءۇشىنشى، زاڭنان پايدالانىپ، كاسىپتەنۋدەگى ۇقىق-مۇددەسىن قورعاۋى كەرەك. كاسىپتەنۋگە قاتىستى زاڭدىق بىلىمدەردى يگەرىپ، ءوز ۇقىق-مۇددەسىن زاڭ ارقىلى قورعاۋدى ۇيرەنۋى كەرەك. ەگەر جۇمىس قاراستىرۋ بارىسىندا ءوزىنىڭ زاڭدى ۇقىق-مۇددەسى زياندالۋ جاعدايىنا تاپ بولسا، قاتىستى دالەل-ىسپاتتاردى بەلسەندىلىكپەن جيناپ جانە ساقتاپ، مەكتەپتەن دەر كەزىندە كومەك سۇراۋى نەمەسە قوعام حاۋىپسىزدىگى ورگاندارىنا دەلو مالىمدەۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
