قازىنا مينيسترلىگى: قيىنشىلىق سەبەبىنەن مەملەكەتتىك ستۋدەنتتىك نەسيەنى قايتارۋعا قاراجاتى جەتپەسە، قارىز قايتارۋعا كومەكتەسۋدى ءوتىنىش ەتۋگە بولادى
2023.04.23 15:08 كەلۋ قاينارى : حالىق تورابى
4 – ايدىڭ 21 – كۇنى، مەملەكەتتىك كەڭەستىڭ اقپارات كەڭسەسى مەملەكەتتىك كەڭەستىڭ ساياسات جونىندەگى كەزەكتى حابارلاندىرۋ ءماجىلىسىن وتكىزىپ، 2023 – جىلعى مەملەكەتتىك ستۋدەنتتىك نەسيەنىڭ ءوسىمىن كەشىرىم ەتۋ جانە نەگىزگى ءبولىمىن كەشەۋىلدەتىپ قايتارۋ جونىندەگى ساياساتقا قاتىستى جاعدايدى تانىستىردى. حابارلاندىرۋ ماجىلىسىندە قازىنا مينيسترلىگى مينيسترىنىڭ كومەكشىسى وۋ ۋىنحان مىنانى ءبىلدىردى: ناۋقاس سەبەبىنەن ەڭبەك قۋاتىنان ايرىلعان، وتباسى ءىرى جاراتىلىستىق اپاتقا ۇشىراعان، وتباسى مۇشەسى سالماقتى اۋرۋعا شالدىققان، سونداي – اق، ەكونوميكالىق كىرىسى وتە تومەن، قارىزدانىپ وقۋ تاۋىسقان ستۋدەنتتەر ەگەر قارىزدى مەرزىمىندە قايتارا الماسا، ءىس ءبىتىرۋشى قۇرىلىمدارىنان كومەكتەسۋدى ءوتىنىپ، قاتىستى جازباشا ىسپاتتاردى تاپسىرۋعا بولادى، ءىس ءبىتىرۋشى قۇرىلىمدار تەكسەرىپ تۇراقتاندىرعان سوڭ، قارىز قايتارۋعا كومەكتەسۋ مەحانيزمىن ىسكە قوسىپ، ولاردىڭ اتىنان قارىزدىڭ نەگىزگى بولىگى مەن ءوسىمىن قايتارادى.
مۇنان سىرت، مەملەكەتتىك ستۋدەنتتىك نەسيەمەن بىرگە اتقارىلاتىن قارجىلاي كومەكتەسۋ ساياساتتارى دا بار، بىرىنشىدەن، قارىز العان ستۋدەنت نەگىزگى ساتىعا بارىپ جۇمىستانعان بولسا، شارتقا ساي كەلگەن جاعدايدا، ونىڭ اتىنان قارىزدى قايتارۋعا بولادى. وسى ارقىلى وقۋ تاۋىساتىن، قارىز العان ستۋدەنتتەر ورتا، باتىس بولىكتەگى وڭىرلەر مەن جاپالى، شالعاي وڭىرلەردەگى نەگىزگى ساتىداعى ورىندارعا بارىپ جۇمىستانۋعا شابىتتاندىرىلىپ، ءوڭىردىڭ دامۋىنا دارىندىلار جاعىنان قولداۋ كورسەتىلەدى جانە اقىل – پاراسات جاعىنان تىرەك ازىرلەنەدى، قازىنا تاراۋى قاراجات بوساتىپ، جوعارىداعىداي جاعدايى بار قارىز العان ستۋدەنتتەردىڭ قارىزىن ولاردىڭ اتىنان قايتارادى. ەكىنشىدەن، قارىز العان ستۋدەنتتەر اسكەري مىندەت وتەۋگە قاتىناسسا، ولارعا اقشالاي كومەك بەرىلەدى. قارىز العان ستۋدەنتتەردىڭ مەملەكەتتىڭ ۇندەۋىنە ءۇن قوسىپ، قوسىنعا بەلسەندى قاتىناسىپ، اسكەري مىندەت وتەپ، مەملەكەت قورعانىسى قۇرىلىسىنا ات سالىسۋىنا قولداۋ كورسەتىلەدى، ورتالىق قازىنا شارتقا ساي كەلەتىن قارىز العان ستۋدەنتتەردىڭ قارىزىن ولاردىڭ اتىنان قايتارادى. (شيە لۇڭفەي فوتوسى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
